दो नावों में पैर

do navon men pair  

Ank ke aur Lekh | Sambandhit Lekh | Views : 502 |  
nikita aur vinit ka vivah barah varsh purva hua tha. vinit ek daktar tha. donon ka jivan atyant sukhi tha aur unka ek pyara sa beta bhi tha. par vivah ke lagbhg 6-7 varsh pashchat achanak nikita ko laga ki vinit ab kuch adhik hi der se ghar ane laga tha aur ghar men uski dilachaspi bhi bahut kam ho gai thi. kisi bhi bat ka javab dena vah jaruri nahin samjhta tha. dhire-dhire yah silsila rat ko bhi chalne laga aur puri-puri rat vinit ghar se bahr rahta . nikita samajh nahin pati ki vah aisa kyon kar raha hai. aur jab usne jyada javab talab kiya, to vinit ne use sharirik rup se pratarit karke apni mardangi dikhai. nikita ne jab uske doston se puchtach ki, to pata chala ki vinit ajkl drags ke chakkar men par gaya hai to mano uske pairon tale ki jamin khisk gai. usne atyant dhairya se kam lete hue vinit ko bahut samjhaya aur uska sath nibhane ki puri koshish ki par vinit apni adat nahin chor paya aur anttah n chahte hue bhi usne vinit se san 2002 men talak le liya. apne putra ko nikita ne apne sath rakha aur apni nai duniya basane ki koshish karne lagi. apni nai naukri men uski mulakat maikel se hui. maikel ne uski kafi madad ki aur dhire-dhire uska dil bhi jit liya. maikel bhi talakshuda jivn bita raha tha aur donon ko apne jivan sathi ki talash thi, islie donon ne soch samajh kar ek sath vivah sutra men bandhne ka faisla le liya. 2004 men nikita ne maikel se vivah kiya aur kanada men jakar bas gai. jahan use ek aur putra ki prapti hui. maikel ki pratham patni kanada men hi thi aur talak hone ke bavjud vah maikel ko nahin bhul pai thi aur vah lagatar usse milne ki koshish men lagi rahti. dhire-dhire maikel ka jhukav bhi uski or fir se barhne laga aur nikita ko fir se apni jindgi men khalipan ka ahsas hone laga. udhar achanak vinit, jisne nikita ke viyog men drags chor diya tha aur dusra vivah bhi kar liya tha, fir se nikita se sanpark kar raha tha aur usse vinti kar raha tha ki vah fir se uske jivan men a jae. yah kaisi vidanbna hai ki vinit nikita ka sath fir se chahta hai, nikita apne dusre pati maikel ko vaps chahti hai aur maikel apni prathm patni ke pas fir se lautna chahta hai. kahte hain sare rishte nate kachche dhagon ki tarah nahin hote, jinhen ham asani se tor saken. tinon parivaron ke log alag to ho gae par apni yadon aur sanbandhon ko nahin bhul pae aur ve rishte itne majbut the ki ve sabhi ek dusre se fir se jurna chahte hain. lekin aj jab unhonne dusra basera bana liya hai, to in rishton ko fir se kayam karna bemani hai. aie, karen akalan in kundliyon ke apsi rishton ka. nikita ki kundli men jyotish ke ve yog ghatit ho rahe hain jo jyotish granthon men purush jatak ko madhyam bana kar likhe gae hain, lekin falit karte samy ye yog donon ke lie saman rup se manya hain. nikita ki kundli men bahu vivah yog ghatit ho raha hai. sarvarth chintamni ke anusar kutunb kalatranayabhyan sametaigrrahnay kairva kalatra sankhyan pravadanti santa is shlok ke anusar hi uski kundli men kutunbesh guru ke sath do anya grah surya evan budh ki chaturth bhav men yuti hai, jiske falasvarup uske do vivah hue. saptam bhav men pap grah mangal aur chandra ki yuti bhi do vivah ka yog bana rahi hai jaisa ki stri jatak men likha gaya hai. uski kundli men saptamesh grah shukra ki mitra rashi men tatha kutunbesh guru ki kendra men sthiti aur saptam sthan men lagnesh mangal tatha bhagyesh chandrama ki yuti ke karan usne vinit ko sudharne ka har sanbhav prayatn kiya is kram men usne bahut sanyam bhi rakha aur itne sal vinit ke sath bitae par anttah koi ashavadi natija n niklne par hi usse alag hone ka faisla kiya. dusri or uski kundli men saptama sthan men sthit mangal prabal mangli yog bana raha hai. chandrama ki yuti vaivahik jivan men asthirta ka sanket de rahi hai. jis samay nikita vinit se alag hui, us samay rahu men chandrama ki hi antardasha chal rahi thi aur jab dusra vivah hua, us samay rahu men mangal ki antardasha chal rahi thi. arthat uske vaivahik jivan men mangal aur chandra ki bhumika aham rahi. guru ki mahadsha aranbh hone par nikita ka vivah maikel se hua aur putra ratn ki prapti bhi hui. par vartaman samay men guru ki mahadsha men shani ki antardasha jab se aranbh hui hai, unke vaivahik jivan men kuch ashanti ai hai aur use yah mahsus ho raha hai ki maikel ab usmen utni ruchi nahin le raha aur pratham patni ki or adhik akarshit hai. iska mukhya karan shani ki antardasha hai aur shani lagn se ashtam bhav men sthit hai. parantu aktubr 2006 men, jab guru lagn men bhraman karega aur lagn se dasham bhav men shani sthit hoga, tab maikel ke sath sanbandh sudhrenge lekin maikel ki janm rashi par guru ka chalan aur chandrama ki mahadsha saptamesh surya uchch rashi men sthit hokr nikita se labh ka sanket de raha hai. saptam bhav se saptam bhav men guru lagna men do pap grahon ke madhya papakartari yog se pirit hai. shashthesh chandrama surya ke sath ast hua hai aur shashth bhav men rahu par shani ki drishti hai. rahu ki mahadsha men man karak grah chandrama ka prabhav hone se vah drags se chakkar men para aur mansik rup se pirit raha aur rahu ki mahadsha men shani ki antardasha men patni se talak hua. us samay rahu uski janm rashi mesh par gochar men bhraman kar raha tha. lagn men guru saptam bhav ko dekh raha hai aur rahu ki mahadsha men budh ki antardasha men vinit ka dusra vivah hua kyonki 2006 men gochar men guru chandra lagn se saptam bhav men bhraman kar raha hai. chandra lagn se saptam bhav ka svami shukra budh ke sath sukh bhav men sthit hai. vinit ke saptam ke svami surya ka uchch rashi men hone ke karan use patni se arthik sukh prapt hua, lekin dusri patni se is sukh ke abhav ke karan vah fir se uski or akarshit ho raha hai. maikel ki kark lagn ki kundli hai aur prayah kark lagn valon ko dampatya sukh ki aksar kami rahti hai. uski kundli men kalatra karak shukra saptama bhav men ast hai aur saptam bhav men surya shani ki drishti men hai surya ki mahadsha men uska pahli patni se talak hua parantu saptamesh shani par guru ki drishti ke karan surya ki mahadsha men shukra ki antardasha men fir se uska apni pahli patni ki taraf jhukav ho raha hai. lagnesh chandra, jo man ka karak hai, do shubh grahon guru aur budh ke madhya shubhakartari yog men shubh fal dene men saksham hai. islie chandrama ki mahadsha men bhi uska man pahli patni ki or jana svabhavik hai. anttah yahi kahna chahungi ki purush athva stri bhavaveg men akar chahe ek vivah karen ya adhik, dampatya sukh ka bhog nishchit rup se grahon ki sthiti par hi nirbhar karta hai. apratyaksha rup se ham sab grahon ke dhagon se bandhe kathputli ki tarah karya karte hain parantu hamen apni buddhi vivek ka sath evan sanyam kabhi nahin chorna chahie. sadbuddhi, satkarm evan sanmarg par chal kar hi puja path, ratn evan mantra dvara ham apne grahon ko anukul bana sakte hain. ta not: yah katha satya hai lekin patron ke nam kalpanik hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  October 2006

plenchit se karen atmaon se bat fluto ab keval laghu grahon ki shreni men navratra men kyon kiya jata hai kumari pujan shardiya navratra evan panch parva dipavli ke shubh muhurt

Subscribe

Apne vichar vyakt karein

blog comments powered by Disqus
.