विवाह सुख बाधा

vivah sukh badha  

Ank ke aur Lekh | Sambandhit Lekh | Views : 1714 |  
aivahik sukh arthat pati-patni ke sukh ke jyotishiya vichar hetu prachlit parashar jyotish men samanyatya janmalagn, chandralagn ya suryalagn men se bali lagn se saptam bhav-bhavesh evan karak shukra ki sthiti ka vichar kiya jata hai. ukt ki sthiti-yuti evan balabal ke adhar par hi koi nishkarsh liya jata hai. vivah ichchuk pratyek vyakti ke liye uske sukhd vaivahik jivan ke liye achche se achche jivan sathi ke chayn ke liye prayas kiye jate hain. patni parivar ka vah sadasya hai jo mata-pita-bhai aur bahn ki tarah prakritik rup se hamse juri hui nahin hoti hai balki hamare svayan athva abhibhavkon ke dvara chuni jati hai. chayn ki prakriya jati, dharm, samajik-paramparaon, vyaktigt pasand adi anek baton par nirbhar karti hai kintu sabke mul men yah bhavna hoti hai ki donon ke bich ek aisa bhavnatmaka sanbandh rahe jo donon ke jivan ko sarthak aur sukhi banaye tatha age vansh vriddhi bhi kare. manav jati ka saubhagya hai ki anek samajik parivartanon ke bavjud aj bhi yah sanbandh, kahin kam to kahin jyada safal ho jata hai. lekin yah bhi dekhne men ata hai ki kabhi-kabhi yah sanbandh unjtpauvdpans kapebvtk ka aisa rup le leta hai ki bat mukdmebaji-kort kachhri se bhi age barhakar saudebaji, shadyantra rachna, atmahatya aur hatya tak pahunch jati hai. kaha ja sakta hai ki yah sab pati-patni ya unke parivarjnon ki vikrit soch ka parinam hota hai. lekin aj jabki patni ka chunav klasifaid vigyapn ya intaranet ke dvara hota hai tab donon pakshon ki parivarik prishthabhumi-sanskar adi ki jankari ki vishvasniyata ki koi garanti nahin rah jati hai. jyotishiyon ke pas vivah sanbandhi samasyaon ko lekar ane vale logon ki sankhya men bhari vriddhi hui hai. unke prashnon ke adh aar par yah kaha ja sakta hai ki samasyayen prayah char prakar ki hoti hain: 1. vivah vilamb se hona ya bilkul hi n hona, 2. vaivahik jivan men tanav evan grih-klesh, 3. vivah.vichched athva 4. hinsa, kisi bhi sima tak grih-klesh, sambandh vichched, hinsa adi ki ghatnayen pahle bhi hoti thin parantu unka pratishat bahut kam tha. aisi ghatnayen na hon, iske liye jyotish manishiyon ne kuch vyavasthayen bhi din. vaidik jyotish men patni ke chayan ke kuch tathya bataye gaye hain jinse achche sanbandhon ki garanti ka dava kiya jata hai. ise unhonne gun milan ka nam diya. dakshin bharat men gun milan ke 10 aur uttar bharat men 8 tathya tay kiye gaye jo vyakti ke vaivahik jivan se juri sanbhavit baton yatha achar-vichar, paraspar prem, santan, jivan ke sukh.bhog adi baton se sanbandhit hain. aisa dekhne men a raha hai ki paramparagat milan ke tay 36 ankon men se 32-34 ankon tak prapt hone par bhi vivah asafal ho rahe hain. atah kaha ja sakta hai ki vartaman men milan ka paramparagat tarika safal nahin hai. vivah ya vaivahik sukh ki drishti se rishiyon ne kuch kark ya kamjmtaupdandje paribhashit kiye hain aur unke mulyankn ke parimap bhi. ye apni shubhashubh sthiti ke anusar hi vivahsukh ya kasht ka sanket dete hain. vaivahik tanav ya vichched ke keson men do baten barabar dekhne men ati hain. pahli yah ki kisi ek ya donon ke vivah sukh ka yog hi nahin hai athva spasht hi grih-klesh ke yog hain. vivah ke pashchat pati-patni ke madhya paraspar vichar n milne, sas ka apni bahu se ya bahu ka apni sas se samanjasya n hone par kalah adi baton se arambh hone vala matbhed dhire-dhire pulis-mukdmabaji tak pahanuchne lagta hai. pati-patni men paraspar marpit, hatya ya atmahatya ya itar vaivahik sanbandh aon ya charitrahinta ke arop athva anya mansik pareshaniyon ke karan bhi vaivahik jivan narak saman ho jata hai. kuch kes aise bhi hain jinmen vivah ke agle din hi vichched ka vatavaran arambh ho gaya. aise kesej men vivah karne se pahle achchi tarah soch-vichar kar lena chahiye-behatar hai ki vivah hi n kiya jay. dusri yah ki pati ya patni donon men se kisi ek athva donon ki hi janmapatrika men mansik tanav, kuntha ya manorog ke yog upasthit hain. in yogon ki pahchan karne men jyotish ki bari bhari bhumika payi gayi hai. yadi janmapatrika men ukta yog paye jate hain to samay rahte unki chikitsa yani ki manochikitsak se chikitsa karva lena chahiye. jyotishi ke pas log sanbandhon men katuta a jane ke uprant is asha se ate hain ki koi tone-totke, jhar-funk adi karvane se samasya ka samadhan ho jayega. yah samjhna chahiye ki jyotish ek kapanhdvejapab kapebapachasapadam hai jimtanchmnjpb nahin. bachapan se hi inki pahchan karke chikitsakiya aur jyotishiya upcharadi kiye ja sakte hain. parashar muni ne bhi kaha hai ki janmakundli aur anuvanshiki se utpann doshon ka nivaran uchit parivesh, jismen upyukta chikitsa bhi sammilit hai, se ho sakta hai. achchi shiksha, kanusling evan mantra-mani-aushdhi ismen sahayak ho sakte hain. vivah evan vaivahik jivan ke sukh avrodh vali anek kundliyon ke adhyayan ke pashchat is bat ka nishkarsh dekhne men aya hai ki in kundliyon men bhav-bhavesh evan karak to nirbal, pap prabhav men evan malin hanai hi parantu kuch vishesh grahyog bhi in kundliyon men upasthit hain, jo vaivahik jivn ke sukhon ka nash kar rahe hain. vaise bhi aisa dekhne men barabr a raha hai ki janmapatrika men upasthit yog vishesh apna fal avashya pradan karte hain. kuch yog men se ekadhik yog bhi yadi janmapatrika men milte hain to aise jatkon ko apne vaivahik jivan aur vaivahik sukhon ke prati savdhan ho jana chahiye. in jatkon ko apsi samanjasya, ek-dusre ki choti-moti kamjoriyon ko andekha karna ya unke samadhan ka prayas karna hi uchit ho sakta hai. iske sath hi vaivahik jivn ke sukhon ko nasht karne vali kuch udaharan kundliyon men bhi in yogon ko janchne ka prayas kiya hai. vaivahik sukh hanta yogah 1. saptamesh ka trik bhav men ya trikeshon se sanbandh hona visheshakar dvadash bhav men hona 2. saptamesh pancham men ho athva panchmesh saptam men ho ya donon ka paraspar sthan parivartan hona 3. dvitiya ya saptam bhav men vakri grahon ka hona athva in bhaveshon ka svayan vakri hona 4. shani-mangal ka paraspar samasaptam ya yuti sanbandh hona athva dvidrvadash hona 5. shani ka surya athva chandrama athva shukra se kisi bhi prakar drishti-yuti sanbandh hona 6. shukra athva saptamesh se ketu ka sanbandh hona ya inse trikon men ketu ka hona avloknarth kuch udaharan kunrliyan is prakar hain... ex. 1 ru dhanu lagn men janmi jatika ki patrika men ukt yogon men se nimn yog upasthit hain: yog nan. 1. saptamesh budh trik bhav men dvadash men sthit hai. yog nan. 2. saptamesh vakri hai. yog nan 3. shani-mangal dvidvardash hain. yog nan. 5. shani ka shukra se drishti sanbandh hain. nishkarsha:- jatika ka vivah 02-11-2006 ko hua. vivah ke pahle din se hi jatika ka samanjasya apne pati evan sasural valon se nahin hua. chunki jatika atyant sanpanna evan rajnitik pahenuch vale parivar se thi atah donon pakshon ki apsi rajamandi se 17-12-2006 ko talak ho gaya. ex. 2 ru min lagn men janme jatak ukt jatika udahrn nan. 1 ke purva pati hain. inki patrika men ukt yogon men se nimna yog upasthit hain: yog nan. 1-saptamesh budh trik bhav men dvadash men sthit hai. yog nan. 2.- saptamesh vakri hai tatha saptam men vakri shani sthit hain. dvitiyesh mangal svayan bhi vakri hain. yog nan 3-shani-mangal dvidvardash hain. yog nan. 5-shani ka chandrama se drishti sanbandh hai. yog nan. 6- saptamesh budh se ketu ka yut isanbandh hai. nishkarsha:- jatak ki kundli men ukt samast yog upasthit hokar uske vaivahik jivan ke sukhon ke nash ki or sanket kar rahe hain. jatak ka vivah 02-11-2006 ko hua aur 17-12-2006 ko talak ho gaya. ex. 3 ru vrishchik lagn men janmi jatika ki patrika men ukta yogon men se nimn yog upasthit hain: yog nan. 2.- dvitiyesh brihaspati vakri hai. dvitiya men naisargik vakri ketu sthit hai. yog nan 3-shani-mangal samasaptak hain. yog nan. 5- shani ka surya se drishti sanbandh hai. nishkarsha:- jatika ki kundli men ukt yog upasthit hokr uske vaivahik jivan ke sukhon ke nash ki or sanket kar rahe hain. jatik ka vivah 23-05-2005 ko hua aur vivah ke kuch din bad se hi sas aur pati se matbhed arambh ho gaye. pati sharab pikar marpit karta tha aur pati tatha sasural vale charitrahinta ka arop lagate the. jatika talak le chuki hai. ex. 4 ru sinh lagn men janmi is jatika ki kundli men vaivahik sukhavrodh ke upasthit yog is prakar hain.. yog nan.1. saptamesh shani trik bhav dvadash men sthit hai. yog nan.3. dvitiya bhav men naisargik vakri rahu sthit hai. yog nan. 5. shani ka surya se yuti evan chandrama se drishti sanbandh tatha paraspar rashi parivartan ho raha hai. yog nan. 6. ketu ka drishti sanbandh saptamesh shani se ban raha hai. nishkarshah- jatika ka vivah 19-02-1999 ko hua parantu janmapatrika men upasthit vaivahik sukhavrodh ke yogon ke karan jatika ka vaivahik jivan kalh-katutapurn hai. jatika ka talak to nahin hua hai parantu vah apne pati se alag rahti hai. ex. 5 ru dhanu lagn men janmi is jatika ki kunrli men vaivahik jivan ke sukhavrodh ke yog is prakar hain: yog nan. 3. aur 6. saptam bhav men naisargik vakri grah ketu sthit hain. yog nan. 5. shani ka drishti sanbandh chandrama evan surya donon se ban raha hai. nishkarshah- jatika lekcharar hai aur vivah ke turant bad se hi pati dvara shak karne ko lekar vaivahik katuta arambh ho gayi. shak-kalah ki antim parinti talak ke rup men huyi. ex. 6 ru min lagn men janmi jatika ki janmapatrika men nimn yog upasthit hain.. yog nan. 1. saptamesh budh trik bhav dvadash men sthit hai, yog nan. 4. shani ka vakri avastha men chandrama evan surya se sanbandh hai. sath hi vakri hone se shani-mangal ka paraspar sanbandh bhi ban raha hai. yog nan. 6. saptamesh budh se ketu ka yuti sanbandh hai. nishkarshah- jatika ka bahut prayas ke uprant bhi vivah nahin hua aur vartaman men jatika avivahit hai. exa.7 ru dhanu lagn men janme jatak ki janmapatrika men vaivahik katuta yogon men se nimn yog upasthit hain.. yog nan. 2. saptamesh budh pancham bhav men sthit hai. yog nan. 3. saptamesh budh vakri hai, dvitiyesh shani vakri hai. yog nan. 5. shani ka drishti sanbandh surya se hai. shani vakri avastha men hai atah pichli rashi se sanbandh manne par shani ka sanbandh chandrama evan shukra se bhi ban raha hai. yog nan. 6. shukra evan saptam tatha saptamesh budh se ketu ka sanbandh ban raha hai. nishkarsha: jatak ki janm patrika men vaivahik jivan ke sukhon ko badhit karne vale darshaye gaye yogon men se 5 yog upasthit hain jo vivah sukh badha ka spasht sanket hain. 25-04-2007 ko jatak ne prem vivah kiya. iske bad jatak ki patni ne apne parijnon ke kahne par bahla fuslakar vivah karne ka arop lagaya. jatak jel men band raha aur disambar 2009 men talak hua.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2016

Apne vichar vyakt karein

blog comments powered by Disqus
.