त्रिशांश कुंडली एवं अरिष्ट काल

trishansh kundli evan arisht kal  

Ank ke aur Lekh | Sambandhit Lekh | Views : 8472 |  
parashar muni ne jivan ke vibhinn pahluon par shubhashubh vichar karne hetu varg kundliyon ki upyogita batai hai. janmapatrika se kisi ghatna ka sanket milta hai to uski pushti sanbandhit varg kundli se hoti hai. aisi varg kundli hai trishansh arthat kdh30. jatak ke jivan men rog, durghatana evan ghor sankat ki pushti trishansh kundli dvara achche dhang se ho sakti hai. aie janen kaise karen trishansh ganna evan trishansh kundli ke adhar par fal kathan ... bhachakra se ane vale shubhashubh urja ka prabhav samast charachar jiv jagat par parta hai. isse hamara sharir bhi achuta nahin hai. shubh prabhav hone par ham prasannata evan svasth anubhav karte hain aur nakaratmak prabhav se aprasann evan asvasth anubhav karte hain aur nakaratmak prabhav se aprasann evan asvasth anubhav karte hain. jyotish men lagn ko deh evan chandra ko man mana hai. atah janm lagn evan chandra ki sthiti arthat in par parne vale shubhashubh prabhav se is bat ka anuman lagaya jata hai ki vyakti svasth, prasannachitt rahega athva rogi, klant evan chintit rahega. yadi janm lagn par shubh prabhav hai aur chandra par ashubh prabhav hai to vyakti ka sharir bahar se to svasth dikhai de sakta hai parantu mansik rup se kamjori, pira, bechaini evan mansik rog ho sakte hain. isi prakar chandra par shubh prabhav ho evan janm lagn par ashubh prabhav ho to vyakti men utsah, achchi mansik kshamataen evan urvar mastishk ho sakta hai lekin sharir sath n den. atah vyakti ka janm lagna-lagnesh evan chandrama shubh evan bali hona avashyak hai. inmen se ek bhi kamjor evan pirit hua to janmapatrika kamjor ki shreni men a jati hai aur kundli men upasthit rajyog bhi apna purnafal dene men asamarth hote hain. samanyatya ham lagn kundli se koi kisi ghatna ke shubhashubh ko dekhte hain aur uski pushti navansh kundli dvara karte hen. navansh se stri vichar evan grah ki kshamata janchi ja sakti hai. prayah aisa dekhne men a raha hai ki samast ghatnaon ki pushti karne men navansh sadaiv sahayak nahin hota hai. parashar muni ne jivan ke vibhinn pahluon par shubhashubh vichar karne hetu varg kundliyon ki upyogita batai hai. janmapatrika se kisi ghatna ka sanket milta hai to uski pushti sanbdhit varg kundli se hoti hai. aisi hi ek varg kundli hai trishansh arthat di-30. jiska upyog jatak ke jivan men hone vale arisht ki jankari hetu kiya jata hai. trishansh kundli prayah trishansh kundli ka upyog stri ka charitra, svabhav gyat karne men kiya jata hai parantu parashar muni ke anusar arisht arthat rog, durghatana evan ghor sankat ki pushti trishansh kundli dvara achche dhang se ho sakti hai. trishansh ki ganna panch-panch anshon ka ek trishansh mana gaya hai aur sabhi visham rashiyon men kramshah 5, 5, 8, 7 anshon men kramshah mesh, kunbh, dhanu, mithun evan tula ka trishansh tatha sabhi sam rashiyon men kramshah 5, 7, 8, 5, 5 anshon men vrish, kanya, min, makar evan vrishchik ka trishansh hota hai. trishansh evan arishtakal jyotish ke anusar kisi bhi janmapatrika men arisht, rog evan rog pirit ang ka anuman nimn binduon ke adhar par lagaya jata hai ki 1. janm lagn par pap prabhav ho, 2. lagnesh balon men kamjor, pirit, nich, ast, pap madhya, 6,8,12ven bhav men ho, 3. bhav evan bhavesh tatha kalpurush ki sanbandhit rashi evan uska svami tatha karak ek sath pirit hone par us rashi evan bhav ko vyakt karne vale ang men rog pira hone ka anuman lagaya jata hai. 4. yah rog 6,8,12ven evan marak bhav tatha inse sanbandh rakhne vale grahon ki dashantardasha men sanbhav hota hai aur iski pushti trishansh men karni chahie. prayah aisa mana jata hai ki trishansh lagnesh ke shubhyukt, shubhdrisht hone evan shubh bhavon men hone se vyakti ka jivan durghatana evan anisht rahit hota hai. anek kundliyon men trishansh par adhyayan karne ke uprant ashcharyajanak parinam prapt hue hain jinse nimn dharna pusht hoti hai ki janmakalin koi grah yadi trishansh kundli men 1. apni uchch rashi men ho, ya 2. apni nich rashi men ho, ya 3. vargottam ho ya svarashi ya apni dusri rashi men ho 4. trishansh kundli men 6,8,12ven bhav-bhavesh se sanbandh ho to jatak ko arisht ke prati savdhan ho jana chahie. aisa grah apni dashantardasha men rog evan mrityu tulya kasht ya mrityu bhi de sakta hai chahe vah us janmapatrika ka lagnesh ya rajyogkarak hi kyon n ho. ise ek prakar se anisht ghatit hone ka sanbhavit kal mana ja sakta hai. iski pushti hetu kuch udaharan is prakar hain min lagn men janmen is balak lagnesh brihaspati lagn men sthit hai. janm se hi balak bimar rahne laga. janch karane par rakt men sankraman paya gaya. kuch din aspatal men rahne ke bad balak ghar a gaya. punah pareshani hone par balak ko aspatal men ai.si.yu. men rakha gaya aur 9 julai 2010 ko balak ki mrityu ho gai. mrityu ke samay balak surya mahadsha men mangal antardasha evan shani pratyantar chal raha tha. lagnesh ke lagn men hone ke karan adhikansh jyotishiyon ne uske svasth hone ki sanbhavna batai gai. jaimini jyotish ke anusar balak ke 1. lagnesh, ashtamesh ke dvisvabhav evan sthir men hone se dirghayu 2. shani-chandra ke dvisvabhav char men hone se alpayu tatha 3. lagn hora lagn ke dvisvabhav char men hone se alpayu ati hai. do tarah se alpayu hone se balak alpayu hota hai. trishansh men dekhen to mahadshapti surya mithun men vargottam, antardashapti mangal trik men, shani kanya men vargottam hai jo anisht ki or sanket karte hain tatha is alpayu ke ghatnakal ko trishansh ne spasht kar diya. is jatak ka lagnesh dvadash men nich rashi men hai aur lagn men gulikesh surya apni nich rashi men uchch ke shani ke sath sthit hai. trishansh ka lagnesh mangal trishansh men chathe bhav men bhav svami budh ke sath vargottam hai. jatak ko mangal mahadsha men mangal antar evan budh pratyantar men navanbar 1996 se ghutnon men ganbhir pira hui. jatak svayan asthi rog ka sarjan chikitsak hai. tin bar apreshan karane ke bad bhi labh nahin hua aur sankraman ho jane par anttah jatak ka ek ghutna nikalna para. tab se vartaman men jatak vhil cheyar evan baisakhi par ashrit hai. trishansh men vargotam mangal chathe bhav men pratyantrnath uchch ke budh ke sath sthit hokar ghatnakal ki or sanket kar rahe hain. 26 farvri 2009 ko janmi is balika ka lagnesh brihaspati apni nich rashi men gulik ke sath hai. janmakal se hi balika ko brihaspati ki mahadsha prapt hui jo ki lagnesh hone ke sath rajyog karak bhi hai. balika ke ganbhir rog ki pushti janm ke turant bad hi ho gai jab use dudh pilaya gaya aur vah munh se niche nahin utra. janch karne par pata laga ki balika ke aharnal hi nahin bani. balika ke pet men chedakar nali se dudh diya jane laga. kuch mah bad apreshan kar aharnal pratyaropan ki. uske agle din 22 disanbar 2009 ko pratah 00ah30 baje brihaspati mahadsha, budh antardasha evan shukra pratntrdsha men balika ki mrityu ho gai. brihaspati trishansh men svarashi men, budh nichrashi men evan pratyantrnath shukra uchch rashi men hokar ghatna kal ki or sanket kar rahe hain. iske sath hi janmang men pirit lagnesh brihaspati evan chandra ke karan ban rahe balarisht yog ki pushti evan parinti trishansh ne kar di. jatika ke janm lagn men lagnesh budh sthit hai jo ki gulikesh bhi hai. trishanshpti shukra hai jo trishansh kundli men dvadash bhav men nich rashi men chale gae. chandra mahadsha men shukra antardasha men jatika ke sir men bhari dard rahne laga. samanya rup se dava se labh n hone par janch karvane par tyumar nikla evan uska apreshan karvaya. agast 2009 men rog barha evan punah apreshan karvaya. 22 sitanbar 2009 ko chandra mahadsha, shukra antrdsha evan mangal pratyantar men jatika ka dehant ho gaya. mahadshapti chandrama janm lagn evan trishansh men min rashi men vargottam hai tatha antardashapti shukra janm lagn men svarashi evan trishansh men nich rashi tatha mangal vargottam hokar ganbhir arisht ki or sanket kar rahe hain.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2011

Apne vichar vyakt karein

blog comments powered by Disqus
.