सर्व कामना सिद्धि की देवी कामाख्या

sarva kamna siddhi ki devi kamakhya  

Ank ke aur Lekh | Sambandhit Lekh | Views : 762 |  
mata jagdanba ke 51 shaktipithon men sarvashreshth mana jane vala kamakhya pith asam rajya ke nilachl parvat par sthit hai. mata sati ki adamya shakti evan astha ke pratik is shaktipith ka mahatmya desh ke kone-kone tak faila hua hai. aisi manyata hai ki kamakhya ke darshan, bhajan evan pujan karne se sarvavighnon ka nash evan manokamnaon ki purti hoti hai. ashvin aur chaitra ke navratron men yahan bahut bara mela lagta hai. man sati ke shaktipithon ke nirman ki katha sabhi log jante hain. unhonne har bar janm lekar shiv shankar ko apne pati rup men prapt kiya. man shakti pakke irade vali hain. jo kam unhonne than liya use karke hi chorti hain. shiv shankar ke mana karne ke bavjud vah apne pita daksh ke yagya men bina bulae chali gain, to pati ki ninda sunakar unhen jivit rahna bhi gavara nahin laga. daksh yagya men shiv ka apman dekh jab sati ne pran tyag die to shiv sati ke shav ko lekar anavarat tandav karne lage. shiv ke vikral rup ko dekhkr sabhi devi devtaon ne vishnu ke sudarshana chakra ki madad se sati ke shav ke tukre-tukre kar die jinke falasvarup shaktipithon ka nirman hua. yahan sati ke kamakshetra girne se kamakhya shakti pith bana. paranpragt bhasha men asam ko kamrup pradesh ke rup men jana jata hai, yahan tantrik log shakti sadhna men jute rahte hain. is shakti sthal ke udbhav ke vishay men kai anya kathaen bhi prachlit hain. kalika puran ki ek katha ke anusar varah putra narak jab narayn ki kripa se kamrup rajya men rajpd ko prapt hua, tab bhagvan ne nark ko yah updesh diya ki tum kamakhya ke prati bhaktibhav banae rakhna, jab tak usne is updesh ka palan kiya tab tak vah sukhpurvak svachchand rajya karta raha. lekin banasur ke paramarsha se narak devadrohi hokar asur sangya ko prapt ho gaya. yahi karan hai ki man maryada bhul kar ek bar rakshasa narkasur devi kamakhya ke rup saundarya par mohit hokar unse prem karne laga. vah devi se vivah sutra men bandhne ke lie apni puri shakti ka prayog karne laga. man kamakhya ne is samasya ko dur karne ke lie chaturai se kam lete hue narkasur ke samne yah shart rakhi ki ‘yadi tum mere lie surya niklne se pahle ek bhavya mandir, uske ghat evan marg adi ka nirman kar sako to main tumhare sath vivah karne ko taiyar hun. narkasur ne yah shart manjur kar li. pratah hone se pahle hi mandir lagabhag pura hone ko tha ki itne men hi mata kamakhya ne ek murge ko bhej diya jisne suryoday se pahle hi bang laga di. yah dekhakar narkasur atyant krodhit ho gaya aur usne murge ko vahin par mar giraya. magar shart harne ke bad vah devi se vivah nahin kar paya. kaha jata hai ki kamakhya men vartaman samay men jo mandir hai vah narkasur dvara hi nirmit hai. ek anya katha ke anusar isa ki solhvin shatabdi ke praranbh men jab kamrup pradesh ke chote-chote rajyon ke bich ekadhipatya prapti ke lie apsi sangram chal raha tha, usmen kochraj vishvasinh vijyi hokr kamrup pradesh ke ekachatra raja bane. kaha jata hai ki yuddh ke dauran ek din vishvasinh apne sathiyon se bichur gae to apne bhai ke sath vah unhen khojne ke lie ghumte-ghumte nilachl ke shikhar par pahunch ek vat vriksh ke niche vishram karne lage. us nirjana sthal par unhen ek vriddha dikhai di jiski sahayta se unhonne apni pyas bujhai. vriddha ne unhen bataya ki koch jati ke log vatvriksh ke niche sthit mitti ke tile ki puja-archana kiya karte hain aur is sthal ke devta bare jagrat hain. vyakti jo bhi kamna lekar ata hai vah puri hoti hai. tab vishvasinh ne bhi apne sathiyon ke shighra milne ki kamna ki. kamna karte hi unke sathi vahan a pahunche. vishvasinh ashcharyamay vishvas ke vashibhut ho us shakti ke prati gadgad ho gae. unhonne yah manauti ki ki yadi mere rajya men koi upadrav nahin hoga to main yahan sthit devta ke lie sone ka mandir banaunga. shighra hi rajya men shanti sthapit ho gai. raja vishvasinh ke rajya ke panditon ne is sthal ke kamakhya pith hone ke praman raja ko die. raja vishvasinh ne vat vriksh ko kat mitti ke tile ko khudvaya to mul mandir ka nimn bhag bahar nikal aya. raja ne usi par naya mandir banvaya. sone ke mandir ke badle men int ke bhitar ek-ek ratti sona dekar mandir banvaya gaya. guvahati se do mil pashchim nilgiri parvat par sthit yah shaktipith ek andheri gufa ke bhitar avasthit hai. is sthal par keval ek kund sa hai jo fulon evan silk sari se achchadit rahta hai. pas hi ek mandir hai jismen bhagvti ki murti bhi hai. is kshetra men kamrup kamakhya ka mela bhi ayojit kiya jata hai. aspas ke darshaniya sthala shiv mandir: yah mandir brahmaputra nadi ke bichonbich sthit dvip men hai. umanand ghat se yahan motar bot aur navon dvara jaya jata hai. navagrah mandir: yah mandir purvi guvahati men unchi pahari par sthit hai. yah madhumakkhi ke chattenuma gunbad akar ma hai. yahan surya, chandra, budh, shukra, mangal, brihaspati, shani ek ghere men sthit hain. rahu aur ketu sanp ke sir aur punch ke pratik rup men chandra se jure hue hain. vashishth ashram: guvahati relve steshn se 12 kimi dur vashishth muni ka ashram sthit hai. yah bahut khubsurat jagh hai. yahan charon or hariyali hai. yahan lalita, kanta aur sandhya tin nadiyan bahti hain. iske alava yahan kai anya mandir bhi hain. bhuvneshvari mandir: kamakhya mandir ke upr ek chota sa mandir bhuvneshvari devi ka hai. yahan se sanpurn guvahati ka sundar najara dekha ja sakta hai. kaise jaen: guvahati shahar desh ke sabhi pramukh shahron se havai marg se jura hua hai. desh ke kone-kone se rel seva bhi yahan jane ke lie upalabdh hai. shilang, kajiranga, dimapur, siliguri, silchar adi se basen bhi guvahati ko nirantar jati rahti hain. kuch log guvahati se tin mil ki charhai charhakar kamakhya jana pasand karte hain lekin bas stap par hi vahan jane ke lie har 10-15 minat bad taiksi ki suvidha bhi upalabdh rahti hai. kahan thahren: kamakhya mandir ke aspas yatriyon ko thahrne ki suvidha asani se mil jati hai. yahan par har prakar ke suvidha sanpann gest haus hain. kuch log pandon ke yahan rahna pasand karte hain.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.