prashna: aise kaun se vastudosh hain jiske karan danpatya jivan kalhpurn ho jata hai? danpatya jivan men dampatya sanbandhon men pragarhta, apsi prem tatha khushiyon ke anavarat pravah ke lie shayan kaksh sahi disha men hona param avashyak hai. nav danpatti ko uttara-pashchim ke kshetra men arthat vayavya kon ki or shayan kaksh banana chahie. nav danpatti ko dakshin-purva ki or shayan karna chahie. dakshin-purva par shukra ka adhipatya evan evan agni ka vas hota hai jisse prem sanbandhon men veg aur ushma ke lie yah kshetra upyukt hai. is disha men shayanakaksh hone par urja v sfurti ka samuchit sanchar hota hai. vansh vriddhi ki ichcha purn hoti hai. garbhavati hone ke bad danpatti ko dakshin ki taraf sulaya ja sakta hai. achche danpatya sukh ke lie pati ke bayen patni ko sona chahie. viprit disha men shayan karne se apsi prem men kami evan takrar ki sthiti ban sakti hai. shayan kaksh danpatya jivan ki ninv kaha jata hai. danpatya jivan kalhpurn hone ke adholikhit vastudosh hain: 1. makan ke vastu men brahm sthan khula n hone, unchai kam hone, bhari nirman evan asvachchata kalah v tanav ka karan banta hai. 2. nairritya kon nicha hona, kata, barha hona tatha agni tattva men vas hone se danpatya paksh men tanav rahta hai. 3. ishan kon kata, barha hone se arthik paksh se danpatya jivan men tanav barhta hai. 4. garbhavati mahila ke lie dakshin-purva ki disha achchi nahin hoti hai. yahan nind men kami ati hai tatha garbhapat ka bhay bana rahta hai jisse danpatya jivan men tanav banta hai. 5. nav vivahit danpatti ke kamre men darpan ka hona hanikarak hota hai. dresing tebal ki avashyakta ho to use uttari, purvi divar par is tarah se rakhen ki sote samay apna pratibinb ya sharir ka koi hissa dikhai n pare anyatha vah hissa pirit rahega. 6. purva disha v uttar men tanki rakhne se purva disha bhari v unchi ho jayegi jisse putra santti men kami tatha mahila men banjhapan ki shikayat tanav ka karan banegi. 7. shayan kaksh men ti. vi. nahin honi chahie isse pati patni men darar paida hoti hai. 8. dakshin-purva (agney kon) men tanki hone se agney kon bhari ho jata hai jisse grih svami rin grast, agjni ki ghatna v asamyik mrityu ki sanbhavna banti hai. 9. shayan kaksh men agar bistar dabal bed ka ho, usmen gadde alg-alag hon, pati patni alag sote hon to tanav rahega. age chalakar ve alag ho jate hanai. 10. bedrum men paudhe kadapi n rakhen. 11. manushya ka sir uttarayan aur pair dakshinayan mana gaya hai. yadi sir uttar ki or rakhenge to prithvi kshetra ka uttari dhruv manav ke uttar dhruv se ghrina kar chunbkiya prabhav ko asvikar karega jisse sharir men rakt sanchar hetu uchit aur anukul chanubkiya kshetra ka labh nahin mil sakega. mastishk men tanav v sharir men shantimay nidra ki avastha prapt nahin hogi. atah sote samay sir dakshin disha men rakhakar sona labhaprad hoga. pashchim v purva ki or sir rakhakar sone se bhagyavriddhi, mansik shanti tatha dharmik pravritti men vriddhi hogi. 12. shayan kaksh men palang ki sthiti kabhi bhi is tarah n rakhen jisse sone vale ka sir athva pair sidhe dvar ki taraf ho. aisi sthiti men sone vale ko hamesha mrityu ka bhay rahega. shayan kaksh men palang dvar ke viprit kone men rakhen. 13. yadi ishan men shauchalay ho to dampatya jivan kalhpurn hone ke sath talak ki naubat tak ati hai. yadi yah kon kata hua, uncha, rasoighar, chabutra ho to bhi danpatya jivan kharab hota hai. yadi yah sthan ganda, band evan bhari saman yukt ho to bhi uprokt pareshani dega. 14. yadi agney kon men pani ka srot ho to danpatya jivan men tanav rahta hai. 15. yadi nairritya kon ya dakshin disha men jal kund ya andaragraund jal srot ho to danpatya jivan kharab hone ke sath ghar ki striyon par bura asar parta hai. yadi yah kon kata hua, halka, gila, nila ho ya tahkhana ho to bhi yah dikkat rahti hai. yadi makan ka mukhyadvar bhi nairritya men ho to uprokt pareshani rahti hai yadi nairritya par marg prahar ho. 16. yadi agney kon kata ho ya vayavya se nicha ho. 17. bahar se ane vale kisi bhi vyakti ki sidhi drishti palang par nahin parni chahie. shayan kaksh men ek hi darvaja rakhna thik rahta hai. yadi taeylet shayanakaksh men hi ho to darvaja band rakhen anyatha uski nakaratmak urja nuksan karegi. utare (gande) kapre bhi taeylet men hi rakhen. yadi aisa n ho to danpatya jivan men kalah hota hai. 18. palang ke niche kabar saman adi ho to apsi kalah hota hai. 19. shayan kaksh men aina danpatya sukh men kami lata hai. iske alava dresing-tebal, vidyut upakaran, bhautik sukh-suvidha ki vastuen bhi danpatya jivan men kalah paida karti hain. 20. tijori, kaish, dhan adi shayan kaksh men ho. 21. shayan kaksh men puja grih ho. 22. shayan kaksh men nakaratmak urja dene vale foto, dubte jahaj, mahabharat yuddh, hinsak pashu-pakshi adi hon. 23. kamre men kaiktas, katili jhariyon vale paudhe ya kanton vale paudhe hon. 24. shayan kaksh men vaesh-besin hone se. 25. shayan kaksh aytakar ya vargakar n ho to kalah hota hai. 26. yadi kaksh ki divar par gahra lal rang ho to bhi kalah hota hai. 27. pashchim disha aur vayavya disha ke madhya ka kshetra yani pashchim-uttara-pashchim tak ka kshetra bhi danpatya jivan ke lie anukul nahin hota, rajaon ke samay is kshetra men kop bhavan banaya jata tha. yah kshetra mansik tanav ka kshetra hai. yahan bhi shayan hone se danpatya jivan men kalah hona lajmi hai. 28. purva disha men stor rum ka nirman bhi danpatya jivan men tanav paida karta hai. 29. uttara-uttara-pashchim men yadi pati ya patni ki akele ki foto lagi ho to jiski foto hai uske pathabhrasht hone ki sanbhavna banegi. jisse dampatya men kalah barhegi 30. agnikon men rasoi ghar men galinuma stor ho to us ghar ke purush ke ghar se bahar najayaj sanbandh ho sakte hain jis karan danpatya jivan men kalah sanbhav hai. 31. uttara-purva men navvivahit dampatti ka shayan kaksh bhi dampatya men kalah ka karan banta hai. vajah hai jal ke kshetra men agni athva prithvi tatva ki kriya shubh fal nahin degi. agni arthat kam krira-prithvi arthat rishton men sthirta. so yahan shayan kaksh banane se bachen. chini jyotish ke anusar is srishti ki rachna panch tatva dhatu, jal kashth, agni, prithvi se hui hai jise panch mahabhut ki sangya di gai hai. pratyek manushya ke janm ke sath ek tatva ka nirdharan hota hai. nirdharak tatva ke anurup upay se jivan men khushhali ka rang bhar sakta hai. apne tatvon ke anurup fengshui upay se jivan ki samasya ka samadhan kar sakte hanai. vastu dosh men fengshui ke sadhn/ upay - parivar ke sadasyon men bar-bar nirasha ka samna karna parta ho to nau chari vali pavan ghanti lagayen. - chini devtaon luk, fuk sau ki murti vansh vriddhi ke lie ghar men kisi bhi disha men snanaghar v shauchalay ko chorakar lagayen. - dampatya jivan men algav v nirasha ho to shayanakaksh men dakshin-pashchim bhag men kristal (sfatik) bael latkayen jisse parivar ke sadasyon men prem bhav apas men jagrit hoga. - ghanti yukt bhagyashali sikka arthik sthiti ki sudrirhta hetu darvaje ke andar haindil men latkayen. - prem prasang ki saflta hetu lav bard tatha menderin dak rakhen. - danpatya men madhurta ke lie kabutar ka jora dakshin pashchim kon men rakhen. murti ki upalabdhata n ho to chitra lagayen. - shayan kaksh men apne pati/patni ka foto lagayen. - kunvari kanya ka bedrum uttara-pashchim men hone se vivah sahi samay men hota hai. - ekveriyam men sunhri machli palna saubhagya ka suchak hai. ekveriyam men ath machli jismen sat sunhri tatha ek machli kale rang ki honi chahie. ekveriyam mukhya dvar ke samip nahin rakhen.
Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.