jyotish granthon men karmakshetra ke chayan hetu asankhya siddhant evan niyam pratipadit hain. in niyamon ko kisi jatak ki janmakundli men lagu kar uske vastavik vyavsay ka nirdharan kar pana atyant kathin evan duruh hai. sare siddhanton ko lagu kar lene ke bad bhi uske karya kshetra ke prati sandigdhata bani rahti hai. yahan kairiyar nirman ke kuch anubhut evan prayogik jyotishiya tathya pathkon ke labharth prastut hain.
- sarva pratham jatak ke balyakal se hi uski janmakundli dvara ingit vishay ki parhai kairiyar chayan men sahayak hoti hai.
- jatak ki janm kundli se tay karna chahie ki vah naukri karega ya vyavsay.
- jatak ki 20 se 40 varsh ki umra ke bich ki grah dasha ka sukshm adhyayan kar yah dekhna chahie ki dashanath kis prakar ke karya kshetra ka sanket kar raha hai.
- agami dasha ya gochar karyakshetra men tarakki ke sanket de raha hai ya nahin iska parikshan kar lena chahie. jatak ko bachapan se kis vishay ki parhai karvani chahie ise ham multah char pathyakram ke tahat le sakte hain.
ganit, jivvigyan, kala, vanijya. ganit: ganit ke karak grah budh ka sanbandh yadi jatak ke lagn, lagnesh ya lagn nakshatra se hota hai to vah ganit men safal hota hai. yadi lagn, lagnesh ya budh bali evan shubh drisht ho, to uske ganit men parangat hone ki sanbhavna barh jati hai. shani evan mangal kisi bhi prakar se sanbandh banaen to jatak mashinri karya men daksh hota hai. iske atirikt mangal aur rahu ki yuti, dashamasth budh evan surya par bali mangal ki drishti, bali shani evan rahu ka sanbandh, chandra v budh ka sanbandh, dashamasth rahu evan shashthasth yurenas adi yog takniki shiksha ke karak hote hain.
jivvigyan: surya ka jal rashisth hona, chathe evan dasham bhav/bhavesh ke bich sanbandh, surya evan mangal ka sanbandh adi chikitsa kshetra men parhai ke karak hote hanai. lagna/lagnesh v dashm/dshmesh ka sanbandh ashvini, magha ya mul nakshatra se ho to chikitsa kshetra men saflta milti hai. kala: panchm/panchmesh evan karak guru ka pirit hona kala ke kshetra men parhai ka karak hota hai.
in par shubh grahon ki drishti parhai puri karvane men saksham hoti hai. papi grahon ki drishti-yuti sanbandh kala ke kshetra men parhai men avrodh utpann karta hai. lagn v dasham ka shani v rahu se sanbandh hone par rajnitik kshetra men saflta dilvata hai. 10ven bhav ka sanbandh surya, mangal, guru ya shukra se ho to jatak jaj banta hai. vanijya: lagna/lagnesh ka sanbandh budh ke sath-sath guru se bhi ho to jatak vanijya ki parhai safltapurvak karta hai. papi grah ya trikesh grahon ki dasha-antardasha evan gochar ke shani, guru v rahu ka shubh/ashubh prabhav sanpurn adhyapan kal men parne par tadnusar shubh athva ashubh fal ki prapti hoti hai. janm kundli se yah tay karna chahie ki jatak ko naukri men saflta milegi ya vyavsay men. naukri ke yog:
- yadi shashth bhav saptam se bali ho to naukri ki sanbhavna hoti hai.
- lagn, saptam bhav, chandra lagn evan dhan ke karak guru ka shubh grah budh v shukra se sanbandh naukri ka karak hota hai.
- lagn, lagnesh, navam bhav, navmesh, dasham bhav, dashmesh, ekadash bhav ya ekadshesh kisi bhi papi grah se adhikadhik prabhavit ho to naukri ki sanbhavna.
- kendra ya trikon men koi bhi shubh grah n ho.
- yadi jatak ki 20 se 40 varsh ki ayu ke dauran nirbal yogkarak (parashriya) grah, tritiyesh, shashthesh ya ekadshesh ki dasha se prabhavit ho to naukri ki sanbhavna prabal hoti hai.
- yadi jatak ka janm suryast se madhyaratri ke bich ho tatha chandra lagn ya dasham bhav v dashmesh ka kisi parashriya ayogkari, nich, ast ya trikasth grah athva akarak shani se sanbandh ho to vah naukri karta hai.
- janm kundli men adhisankhya grah prithvi tatva v jal tatva rashiyon men hane to naukri ki sanbhavna prabal hoti hai. yadi saptam bhav shashth se bali ho to vyapar karne ki sanbhavna banti hai. vyavsay ke yog: - kundli men ek bhi rajyog ho aur jatak ki 20 se 40 varsh ki ayu ke bich us par us yog se sanbandhit kisi grah ki dasha prabhavi ho to vah uchch stariya vyapar karta hai.
- navam aur dasham tatha dvitiya aur ekadash bhavon ke bich sanbandh ho to jatak vyapar men safal hota hai.
- dvitiya, pancham, saptam, dasham ya ekadash bhav ko uska svami grah dekhe ya do kendreshon aur do trikoneshon ka sanbandh kendra ya trikon men ho athva kam se kam do ya tin grah kahin bhi uchch ya svarashi ke hon athva surya ya guru kendra ya trikon men ho to jatak vyapar men safal hota hai.
- yadi jatak ka janm din men ho tatha chandra lagn ya dasham bhav par parashriya yogkari grah ya uchchasth ya svarashisth ya mul trikonasth ya yogkari shani ki drishti ho ya usse sanbandh ho to jatak vyapari hota hai.
- janm kundli men adhisankhya grah agni tatva v vayutatva rashiyon men vidyaman hon to vyapar ki sanbhavna prabal hoti hai.
janm kundli se naukri karne ya vyapar karne ki sanbhavna ko talashne ke bad kis vastu se sanbandhit ya kis karya kshetra men naukri ya vyapar karen jisse jivan men saflta evan santushti prapt ho ise nimn jyotishiya ganna se tay karna chahie. parashriya vidhi: sarvapratham jatak ki janm kundli ke lagn evan navmansh ki satyata ki janch kar leni chahie anyatha galat lagn v navmansh se pariklit karya kshetra upyukt nahin hoga aur jatak sahi karya ki talash men jivan bhar bhatkta rahega.
lagn tay karne ke lie jatak ke anguthe ke nishan, lagnanusar jatak ki sharirki banavat, lanbai, bhai-bahnon ki sankhya, vivah tithi adi ka sahara lekar lagn v navansh ki pushti kar leni chahie. krishnamurti paddhati ke ek prasiddh niyam ka sahara avashya lena chahie jismen kaha gaya hai:
- lagn bhav ke upasvami ka janm kundli ke janm nakshatra se sanbandh ho to lagn sahi hai.
- chandra ka nakshatra svami aur upasvami donon janmang ke chandra ko dekhte hon to lagn v navansh sahi hote hanai.
lagn ke grah spasht ka sahi akalan hi navansh adi varg kundli ke nirman men sahi sabit hoga anyatha varg kundli sahi parinam dene men samarth nahin hogi. karya kshetra tay karne ke lie ajivika se sanbandhit maharshi parashar ka achuk evan anubhut ”karmajiv prakrn“ uttam parinam deta hai.
is vikhyat paddhati se karya kshetra nimnanusar tay karna chahie. sarvapratham lagn, chandra lagn evan surya lagn men se kaun bali hai yah tay karen. iske lie lagn aur chandra tatha surya jis bhav men sthit hon un bhavon ke bal ko dekhen. tinon lagn bhavon se jo bhav bali ho us lagn bhav se dasham bhav ke svami ko not karen. yah dekhen ki dasham bhav ka svami navansh kundli men kis rashi ke bhav men baitha hai.
rashi svami ko not karen. isi grah ke anusar ajivika tay hoti hai. uprokt prakriya se prapt grah ke anusar karya kshetra nimnanusar hoga.
surya: davai, kemist, paitrik vyapar, daektar, vaidya, prashasn; un, lakri, farnichar, anaj, fal, meva, nariyal adi se sanbandhit karya men vyapar ya naukri. eronatiks, baink adi se sanbandhit vyavsay. khagol vigyan se sanbandhit karya, dalali, sheyar, stak market sanbandhi karya, metalarji ka karya, dutavas ki naukri adi.
chandra: ayat-niryat, jal se utpann vastuon, dudh, dahi, ghi, pey padarthon se sanbandhit vyapar ya naukri. kapre, dhage se sanbandhit karya. pani ke jahaj sanbandhi karya. drai klining, ratn sanbandhi karya. ketring, ful, sajavat sanbandhi karya. mashrum, sugandhit jaliya padarth, namak sanbandhi karya adi.
mangl: ai.e.es., pulis, fauj, jasusi adi se sanbandhit sahsik evan jokhim bhare karya. dhaba, hotal, restorent, fayar briged, int bhattha, bijli, ilektraenik, shastra adi se sanbandhit karya. shalya kriya sanbandhi upakaran ke karya, gairaj, motar patars ke karya, lal rang ke vastra ka vyapar, chay-kaefi se sanbandhit karya adi.
budh: lekhan, prakashan, mudran jyotish adi se sanbandhit vyapar ya naukri. adhyapak, ekauntet, baink karmi, arhtiya, sekretri, postamain, taypist, chitrakar, shilpakar, sanvaddata adi ki naukri ya jildasaji, es.ti.di., pi.si.o. adi ka vyavsay. sels taiks, inkam taiks, jivan bima, steshnri ya gift shaep sanbandhi karya. baratan, agarabatti, momabatti, sabun ya pan masala sanbandhi karya. hare rang ki vastu ka vyavsay. chapai, rangai, kashidakari adi ka karya.
guru: mandir, math, devalay ya mahal ke salahkar ya mukhiya ka karya. ved, puran, dharmagranth ya jyotish se sanbandhit vyapar ya naukri. baink, vittiya sansthan, post aefis men seving ejent ka karya. kaibinet mantri, sachiv, ai.pi.es. adhikari adi uchch stariya pad ki naukri. hai kort ya suprim kort ke vakil ya jaj ki naukri. stak, sheyar eksachenj, bhavan nirman, tent haus, traivel ejent, hol sel sanbandhi karya rashtriya ya antararashtriya star ke prakashan ka vyavsay.
shukra: shukra yadi navanshesh ho to vah dvara dhan prapti karata hai. aise jatak ko film ya telivijan abhinetri ya kisi prasiddh mahila ya mahila rajnitigya ki kripa drishti avashya prapt karni chahie. is sthiti ka shukra film, ti.vi., sangit, sugandhit vastuon, abhushnon, reshmi faishnebul vastron se sanbandhit vyavsay ya naukri karne ko prerit karta hai.
intiriyar dekoreshan, dres dijaining, byutiparlar, fainsi stors, kampyutar, trevling aijensi adi se sanbandhit karya. fotografi, vidiyo parlar, madling, mairij byuro, videshi sharab ki dukan, adhunik khilaunon adi ka vyavsay. relve, eyar lains sanbandhi vyapar ya naukri. varnish pent, abhrak, glas, khubsurat bhavan samagri adi se sanbandhit karya.
shani: loha, koyla, siment, sisa, chamra, petroliyam padarth, khanij adi se sanbandhit vyapar ya naukri. kuking gais, syahi, kale rang ki vastu, rabar ya kabar ka karya. majduri, thekedari, chaikidari, kheti adi ka karya. arkitekt, mistri, gharisaj, riksha chalak, atochalak, kuli, chaprasi, mali, hamal adi ka karya.
shani ko kaliyug men purn svamitva ka vardan milne ke karan jin jatkon ki janm kundli men shani uchch, svarashi, mul trikon adi prabal v shubh sthanon men virajman v prasann ho ve bare udyogpti, rashtradhyaksh evan uchch stariya vyakti hote hain, kintu yahi shani yadi ast, trikasth, shatru kshetri ya pap pirit v kupit ho to jatak ko nimn se nimn stariya jivn-yapan karne ko vivash kar deta hai.
bhikhariyon ko isi shreni ke antargat liya ja sakta hai. lagn kundli ke dashamasth grah ya dashmesh tatha dashmansh kundli (di-10) ke dashamasth grah ya dashmesh men se jo bhi grah bali ho uske gun dharm ke anusar karya ka chayan karen.
2. jaimini vidhi: janm kundli se sarvadhik ansh v kala ke bad dusre kram ke grah, jo amatyakarak grah kahlata hai, ko navansh kundli men dekhen ki vah kis rashi ke navansh men baitha hai. is navansh rashi ko lagn manen. is kundli men lagnesh ya dashmesh jo bhi bali ho uske anusar jatak karya karta hai. bali grah ke gun dharm sanbandhi vichar uprokt parashriya vidhi se karen.
3. krishnamurti paddhati: krishnamurti paddhati men unhin jatkon ke karya kshetra ki satik ganna ki ja sakti hai, jinka janm samay minat v sekand tak men sahi ho aur janm samay not karne ki sahi paddhati ko apnaya gaya ho. satik janm samay ke abhav men krishnamurti prashn kundli paddhati ke adhar par kiya gaya faladesh ashcharyajanak parinam deta hai.
iske prashn katrta se 0 se 249 ke bich koi ek ank bolne ko kahen. is ank, prashn karne ke samay tatha prashn sthal ke akshansh aur deshansh ke adhar par ek prashn kundli ka nirman karen. dhyan rakhen ganna men keval ke.pi. aynansh hi prayukt ho. chitrapakshiya aynansh ka prayog galat parinam dega.
jatak apne lie prashn kare to lagn ko aur yadi pati ya patni ke lie kare to saptam bhav ko lagn mane. pratham santan ke lie pancham bhav ko, dvitiya santan ke lie saptam bhav ko aur tritiya santan ke lie navam bhav ko lagn manen. isi prakar anya sanbandhiyon ke lie lagn tay kar len. nirdharit lagn ke sapeksh dusre, chathe, dasven evan gyarhven bhavon ke sabhi karkon ko likhen.
jis grah ki avritti sarvadhik ho arthat jo grah in bhavon ke lie karkrup men sabse adhik bar upasthit ho uske anurup karya kshetra chunen aur us grah ke dasha kal ke samay karya kshetra men pravesh karen. karya kshetra janm sthan se kis disha men hoga ise tay karne ke lie nimn vidhi apnaen.
1. is vidhi ke anusar chaturth bhav ke bhav madhya ansh ko uttar disha, saptam bhav ko pashchim, dasham bhav ko dakshin evan lagn ko purva manen. a. lagn kundli men sarvadhik grah jis disha men hon us disha ko karya kshetra chunen. b. kundli ka sarvadhik prabal grah jis disha men ho us disha ka chayan karya kshetra hetu karen. yadi in donon vidhiyon men alg-alag disha ati ho to donon dishaon ke svami grahon men jo bali ho uski disha ka chayan karen.
2. is vidhi men dusre, tisre aur chaithe bhavon ko uttar disha, panchven, chathe aur satven bhavon ko pashchim, athven, nauven tatha 10ven bhavon ko dakshin disha aur 11ven, 12ven, tatha pahle bhavon ko purva disha manen aur dekhen ki shukra se saptam bhav ka svami kis bhav men sthit hai. us bhav ki disha men karya kshetra ka chayan uchit hoga.
3. ashtak varg vidhi: a. mesh, vrish aur mithun rashiyon ko purva disha, kark, sinh aur kanya ko dakshin, tula, vrishchik aur dhanu ko pashchim tatha makar, kunbh aur min ko uttar disha ke antargat rakha gaya hai. in rashiyon ke ashtak varg binduon ka yog karne ke bad jis disha men adhik bindu hon vah disha karya kshetra ke lie chunen. b. dusre, tisre tatha chaithe bhavon ko uttar disha, panchven, chathe tatha satven bhavon ko pashchim, athven, nauve aur 10ven bhavon ko dakshin aur 11ven, 12ven tatha pahle bhavon ko purva disha mana gaya hai. in bhavon ke ashtak varg binduon ka yog karne se jis disha men adhik bindu prapt hon usi disha men karya kshetra chunna chahie.
4. kundli ke dashmesh evan dashmesh jis navansh men hon uske svamiyon men jo bali ho us grah ki disha men karya kshetra ka chayan uchit hoga. uprokt char vidhiyon men yadi grah alg-alag disha nirdeshit kar rahe hon to sarvadhik bali grah ki disha ko chunen, uttam parinam prapt honge.
samanyatah bhagyesh achar rashi men ho to janm sthan par evan char rashi men ho to janm sthan se dur karya kshetra banta hai. dvisvabhav rashiyan donon sthanon ko ingit karti hain. karya kshetra evan disha ke chayan ke bad yah dekhna chahie ki vyapar ya naukri kab se praranbh hogi. is sandarbh men yahan kuch niyam prastut hain:-
1. jab gochar ka guru jatak ki janm kundli ke dasham bhav, dashmesh, saptam ya saptamesh ko utne hi ansh men gochar se dekhta hai jitne ansh men vah janm kundli men sthit hai to jatak ko karya kshetra se avashya jorta hai basharte shani evan rahu men se ek athva donon ashubh gocharasth n hon.
2. lagn v dasham bhav se sanbandhit grah ki dasha ho aur sanbandhit grah gochar men saman anshadi se inhin bhavon ko prabhavit kar raha ho to karya kshetra men pragti hoti hai.
4. us rashi ki char dasha ho jise amatyakarak grah dekh raha ho (dhyan rahe grahon ki jaimini drishti parashriya grahon ki drishti se bhinn hai) to us rashi ki char dasha ke dauran karya kshetra men pravesh avashya hota hai.
5. lagnesh v dashmesh athva inse sanbandh rakhne vale prabal grah ki vinshottari dasha karya kshetra men pravesh men sahayak hoti hai.
6. janm kundli ke chandra lagn se gochar shani ki tritiya, shashth ya ekadash men sthiti karya kshetra men labh deti hai. is prakar pathyakram chayan se yuvavastha men dhan arjan ke kshetra tak ki sanpurn chayan prakriya ko jyotishiya aine men utara ja sakta hai aur safal kairiyar ka chayan bina tanav ke sugmtapurvak kiya ja sakta hai. uparyukt tathyon ki pushti ke lie yahan kuch janmakundliyon ka vishleshan prastut hai:
1. da. manmohan sinh (pradhan mantri bharat sarkar) adhyapn: svarashisth panchmesh shani par anek grahon ki drishtiyan vibhinn vishyon par daktaret star ki digriyan dilvane tatha uchch stariya shaikshanik gyan pradan karne men safal rahin. karya kshetra:
1. chalit kundli men lagnesh shukra ka sanbandh budh se hone par arth vyavastha ke kshetra men kushagra buddhi pradan karta hai.
2. lagn, lagnesh, dasham evan dashmesh par shani evan rahu ki drishti prabal rajnitik yog banati hai. iske atirikt nichbhang, gopkulotpann, gajkesri adi uchch stariya rajyogon ke karan unhen pradhanmantri ka pad prapt hua.
karya kshetra men pravesh: 22 mai, 2005 ko sandhya 4ah35 baje shapath grahan ke samay gochar bali guru kanya rashi men sthit hokar pichle bhav se kundli ke saptam bhav (dasham se dasham bhav) ko 150 (janm kundli men guru 17 ansh par hai) se dekh raha hai.
mahadshanath v pratyantardashanath rahu kundli ke shashth bhav se 280 par (kundli men rahu 240 par hai) gocharasth hokar shubh sanket de raha hai.
2. aishvarya ray (abhinetri): pancham bhav par shukra yukt rahu ki drishti saundarya pratiyogita men saflta evan filmi kairiyar men labh pahunchati hai. guru aur surya ka nichbhang rajyog tatha panchmesh mangal ka svarashisth hona donon vishvastariya prasiddhi dilvane men sahayak hue. karya kshetra ki disha:
1. ashtak varg ke is vishay ki kandika (3) ka prayog karne par purva disha ko 84 ank, dakshin ko 81 ank pashchim ko 88 ank evan uttar disha ko 84 ank prapt hote hanai. pashchim disha ke sarvadhik ank janm sthan se munbai ki or karya kshetra men saflta ka sanket dete hain.
shri bhandare (edishanal seshan jaj):
adhyapn: panchmesh mangal rahu se evan karak grah guru ketu se pirit hai. yah sthiti kala sankay men adhyayan ka karak hoti hai. mangal ke pancham bhav par mangal ki hi drishti ne avrodhhin shiksha pradan ki. karya kshetra: dusre bhav ka svami surya, chathe bhav ka svami guru evan 10ven bhav ka svami mangal hai. mangl-guru ek dusre se drisht hain.
guru shani ke nakshatra men hai aur shani ki drishti shukra par hai. chalit kundli men shani ki drishti surya v budh par hai. is prakar dusre, chathe aur 10ven bhav ka surya, mangal, guru ya shukra se sanbandh nyayadhish hone ka sanket deta hai.
4. ar. es. vishvakarma (ai. e. es. adhikari): adhyapn: panchmesh shukra ki pancham bhav par drishti aur lagn men budh ka budhaditya yog donon teji evan sanpurn shiksha ki or ingit karte hain. mai, 1976 se mai, 1993 tak tula rashi ke lagnesh shani ki mahadsha dasham sthan (karya kshetra) ko prabal bana raha hai. yah dasha jatak ke svarnim ayu kal 20 se 40 varsh ke bich prapt hona ishvariya vardan hai.
karya kshetra: kendra ka surya ya guru prashasnik kshamata pradan karta hai. dashamasth tula rashi ka shani uchch stariya karya ka sanket deta hai. lagn evan surya lagn ka bhav bal kram chatha evan chandra lagn ka bhav bal kram 10van hai, atah prabal lagn v surya lagn se dashmesh shukra navansh kundli men vrishchik rashi men sthit hai.
mangal sena, fauj ya prashasnik karya ki or ingit karta hai. isi prakar amatyakarak budh navansh kundli men mithun rashi men sthit hai. mithun rashi ko karkansh kundli ka lagn manne par dasham bhav min rashi ka hota hai, jiska svami guru imandar ai.e.es. adhikari banne ka sanket deta hai. guru, shukra evan mangal jal tatva rashi men tatha surya v budh prithvi tatva rashi men sthit hain. is prakar in rashiyon men 5 grah evan agni v vayu tatva men keval 4 grah hone ke karan naukri karne ka yog banta hai.
karya kshetra ki disha: janm kundli ki dakshin purva disha ka bodh karane vale bhavon men adhisankhya grah sthit hain, atah janm sthan gadrvara (m.pra.) se dakshin purva disha raypur (ch.g.) ke irdagird ka kshetra inka karya kshetra hua. bhagyesh budh char rashi makar men sthit hai, atah sthanantaran ki sanbhavna bani rahti hai.
5. si.pi.vaidya (mahaprabandhak balko) adhyapn: panchmesh guru ki drishti pancham bhav par hai. guru yogkari mangal ke nakshatra men hai. guru par koi bhi pap prabhav nahin hai. atah inhen shiksha prapt karne men koi kathinai nahin hui. shani ki mangal ke nakshatra men sthiti ne takniki kshetra men nipunta aur bi.i. ki digri dilvai. karya kshetra: rahu ki lagnesh surya par drishti evan shashth bhav men sthiti ne anek pratiyogitaon men saflta dilai. unhonne anek sarvajnik sansthanon men prabandhak ke pad par karya kiya.
padonnati: 22 navanbar, 2004 ko kanya rashi men gochar ka guru dasham bhav ko prabhavit kar raha hai. sath hi rahu ki mahadsha men gochar ka rahu 80 par (janmang men rahu 8 ansh par hai) mesh rashi se dashmesh shukra evan lagn ko dekh raha hai. antardashanath surya chaturth bhav se 60 se gochar kar dasham bhav ko prabhavit kar raha hai. isi prakar adhisankhya grah kundli ke grah spasht ke tulya ansh se gocharasth ho rahe hain. 22 navanbar, 2004 ko chandra 150 par, mangal 130 par, budh 280 par, shukra 60 par, shani 30 par tatha rahu v ketu 80 par (janm kundli ke tulya ansh) gochar kar rahe hain. atah 22 navanbar, 2004 ko inki padonnati hui.
6. rahul bajaj (udyogpti): lagn evan surya lagn ki tulna men chandra lagn adhik bali hai. chandra lagn se dasham bhav ka svami chandra navansh kundli men mesh rashi men sthit hai. mesh rashi ka svami mangal agni pradhan vastuon ke vyavsay ka sanket deta hai. shri rahul bajaj ilektraniks evan vidyut upkrnon ke utpadan men vishvavikhyat hain.
7. lakhan lal devangan (mahapaur korba, ch.g.) lakhan lal devangan ka janm 23.01.1963 ko sandhya 18ah00 baje korba, chattisagarh men hua.
1. adhyapn: panchmesh mangal evan pancham bhav 60 ke rahu,jo is kundli ke ati papi grah shani ke nakshatra men sthit hai, se drisht hain. islie 1980 men shukra ki mahadsha evan budh ki antardasha men unhen 11vin kaksha ke bad parhai band karni pari. panchamasth shukra mangal yukt rahu se drisht hai evan kundli ka akarak grah hai. budh ast hai, shani v rahu se pirit hai tatha panchmesh mangal ko prabhavit kar raha hai.
2. karya kshetra: a. lagn v dasham bhav par rahu evan shani ka prabhav hai jiske karan unhonne rajniti ka kshetra apnaya. b. mangal ka nich bhang rajyog hai, shani svarashisth aur shashthesh guru ashtamasth hai. yah sari sthiti shubh hai.
4. karya kshetra men pravesh ka samy: kark lagn ke ati yogkari grah mangal ki mahadsha evan chandra ki antardasha ne disanbar, 2004 ko nagar nigam ka mahapaur banaya.