अलग-अलग देशों में नववर्षोत्सव

alg-alag deshon men navavarshotsv  

Ank ke aur Lekh | Sambandhit Lekh | Views : 2462 |  
alg-alag deshon men navavarshotsav dae. hanuman prasad uÿam pratyek desh men utsav apne-apne taur-tarikon se manaya jata hai. in utsavon men hi nav sandesh dene vala tyauhar ata hai ‘navavarshotsava’. kis desh men kis tarah se navavarsh manaya jata hai parhie is lekh men. chin: chin desh men navavarsh vilakshan paripatiyon ke sath manaya jata hai. is din rasoi devta ki upasna ki jati hai tatha chaval se khas mithai taiyar ki jati hai. is mithai ke kisi ek tukre men ek sikka chipakar rakh diya jata hai. navavarsh ke purva bhoj par jab parivar ke sadasya bhojan ke lie ekatra hokar baithte hain, to vah mithai vitrit ki jati hai. 13 din purva se hi vyakti navavarsh ke parva ki taiyariyon men lag jate hain. jab nutan varsh ata hai, to vyakti sabhi ke sammukh bhagvan ki murtiyon ko sugandhit jal se snan karake is sugandhit jal ko pichkariyon men bharakar ek dusre par bauchar karke bina rang ki holi khelte hain. chin men mithai bantne ke bad sabhi vyakti mithai khate hain. yadi kisi sadasya ki mithai men vah sikka niklta hai, to uske lie navavarsh vishesh shubh aur saubhagya ka parichayak samjha jata hai. myanmar (barma): yahan navavarsh bare harshollas aur umang ke sath manaya jata hai. navavarsh ke is parva ko yahan ‘tijan’ nam se jana jata hai. prasannata ke is avasar par vyakti ek-dusre ko badhai dete hain tatha mithaiyan bantte hain. japan: japan men navavarsh ka tyauhar atyant rochak hota hai. is vakt vahan ghar ke bahri darvajon ko gahre hare annanas aur pankhon se dhake halke hare bans ki chariyon se sajate hain. khushi, umang aur dirgh jivan ke parichayak ke rup men vyakti darvajon par chamkile lal matsya, kekre, sinduri lal kapre aur santre-sev sarikhe fal latkate hain. yahan pratyek vyakti is mauke par apne lie naye vastra ki vyavastha karta hai chahe vah kitna hi garib kyon n ho. apne karya vyavsay se vah apne ko tin din alag rakhta hai. in dinon ye log prarthana karte hain, apne sanbandhi sathiyon se milne jate hain tatha unhen khilate-pilate hain. is parva par prachlit rivaj ka ek akarshak bhag yah hai ki ayojan ke pahle din bilkul sabere hi log kisi kuan-talab ya nadi se taja jal late hain, jise ‘navjat jal’ kahte hain. aj ke din japani vyakti apna samast pichla bakaya hisab chukta kar khushi ka ehsas karte hain. astreliya: yahan navavarsh par sarvadhik utsah, khushi tatha shorgul ka vatavaran rahta hai. is avasar par vahan ke nagrik shubh chijon ko ek-dusre ko dete hain. masalan chimni, brash, svarn mudra adi. inglainda: inglaind men purane varsh ka antim din aur nae sal ka pratham din hansi-khushi manane aur davten urane men bit jata hai. pratyek parivar ka mukhiya pahli janvri ko samast sadasyon ke samet ek mej ke charon taraf kursiyan lagakar baith jate hain. tab ek bare katore men ek garm pey liya jata hai. yah pey saunth, adarak tatha anya isi prakar ke sehtmand chijon ka ark hota hai. samast parijan bari-bari se us katore men se ek-ek ghanut pite jate hain. skaetlainda: skaetlaind men navavarsh aj bhi bare akarshak dhang se tatha harshollas ke sath manaya jata hai. purane varsh ki antim rat men 12 baje se navyuvak ghar se niklte hain tatha apne sath kek, makkhan adi lekar apne mitron ke ghar jate hain. adhi rat bitne ke bad jo vyakti pahle ghar men ata hai, uska svagat bari prasannata ke sath kiya jata hai. 31 disanbar ki sham ko yahan ke log apne ghar-angan men kisi ek paudhe ko resham ke lal vastra se dhakakar navavarsh ki dulhan banate hain. tatpashchat pahli janvri ke bhor men paudhe se ghunghat uthakar navavarsh ka svagat kiya jata hai taki prakriti khub fule-fale tatha navavarsh hansi-umang se bite. misra: vahan aj bhi puratan rivaj ke adhar par navavarsh ka abhinandan chaval aur sindur se kiya jata hai taki prakriti ki umra aur jyada ho aur navavarsh men janhit ki ummidon men vastavikta ka rang bhar sake. dakshin afrika: dakshin afrika men navavarsh rashtriya tyauhar ki bhanti manaya jata hai, jise ‘kyukvechvana’ kaha jata hai. ‘kyukvechvana’ se ashay hai jvar ki fal taiyar hone ke avasar par bhagvan ko dhanyavad dene ka parva. isi din yahan ka raja apni senaon ka nirikshan bhi karta hai aur sainikon ko vivah karne ki anumti bhi pradan ki jati hai. is din samuhik rup men vivah ka bhi ayojan hota hai. rus: rus men navavarsh do bar manane ka rivaj hai. pahli bar to ek janvri ko jab samast sansar men manaya jata hai, dusri bar 13 janvri ko navavarsh manaya jata hai. 13 janvri ko navavarsh manane ka karan yah hai ki purane samay men rus ke vyakti paranpragat varsh ko bhi manate the. unka puratan kailendar aj ke anusar 13 janvri se praranbh hota tha. rusi apne purane paranpragat sal ka svagat parva ke rup men manate hain. yahi paranpra aj bhi prachlit hai. islie vahan varsh men do bar navavarsh manaya jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.