नव संवत्सर 2065 - पदाधिकारी ग्रह एवं फल

nav sanvatsar 2065 - padadhikari grah evan fal  

Ank ke aur Lekh | Sambandhit Lekh | Views : 1425 |  
sanvatsar 2065 chaitra shukla pratipda tadnusar 7 aprail 2008, somvar ko praranbh ho raha hai. plav namak yah sanvatsar adhik varsha evan rogon ka karak hai. iska svami budh hai jo chaitra mas men dhanya ke sam bhav ko darshata hai. yah sanvatsar vaishakh mas men adhik upadravon, jyeshth men anajon men mande, asharh men vayu veg aur rogon, shravan men adhik varsha, bhadrapad men barh v saste dhanya, ashvin men gehun men mahangai, kartik aur margashirsh men anajon men mande aur paush, magh tatha falgun men bhavon men giravat ka suchak hai. sanvatsar ka vistrit faladesh karne ke lie 10 akashiya padadhikariyon ke kaunsil gathan kiya jata hai. raja, mantri, sasyesh, dhanyesh, meghesh, rasesh, nirsesh, dhanesh, durgesh aur falesh das pad hain jo suryadi sat grahon koe prapt hote hain. har vikrami sanvat ka grah kaunsil dusre se bhinn hota hai jiska shubhashubh prabhav padadhikariyon ke gun dharmon ke anusar samagra rup se parta hai. padadhikariyon ke chayan ki vidhi is prakar hai. raja- vikrami sanvat ka praranbh chaitra shukla pratipda ko hota hai. jis din vikrami sanvat aranbh hota hai, us din ke svami arthat varesh ko raja chuna jata hai. mantri- surya dvadash rashiyon men bhraman karta hua jis din mesh rashi men pravesh karta hai arthat mesh sankranti jis din (var) hoti hai, us din ke svami ko sanvat ka mantri mana jata hai. (mesh sankranti madhya aprail men ati hai) meghesh- surya jis din adrra nakshatra men pravesh karta hai, us din (var) ke svami ko meghesh niyukt kiya jata hai. (surya adrra nakshatra men 22 jun ke lagabhag pravesh karta hai) sasyesh- jis din surya kark rashi men pravesh karta hai arthat jis din kark sankranti hoti hai, us din ke svami ko sasyesh niyukt kiya jata hai. (kark sankranti madhya julai men ati hai) durgesh- surya sinh rashi men jis din pravesh karta hai arthat sinh sankranti jis din hoti hai us din ke svami ko durgesh kahte hain. (sinh sankranti madhya julai men hoti hai) dhanesh- surya ke kanya rashi men pravesh ke din arthat kanya sankranti ke din ke svami ko dhanesh kahte hanai. (kanya sankranti madhya sitanbar men hoti hai) rasesh- surya jis din tula rashi men pravesh karta hai arthat tula sankranti jis din (var) hoti hai us din ke svami ko rasesh niyukt kiya jata hai. (tula sankranti madhya aktubar men hoti hai) dhanyesh- surya ke dhanu rashi men pravesh arthat dhanu sankranti ke din ke svami ko dhanyesh niyukt kiya jata hai. (dhanu sankranti madhya disanbar men ati hai) nirsesh- makar rashi mane surya ke pravesh arthat makar sankranti ke din (var) ke svami ko nirsesh niyukt kiya jata hai. (makar sankranti madhya janvri men ati hai) falesh- min rashi men surya jis din pravesh karta hai arthat min sankranti jis din (var) hoti hai us din ke svami ko falesh kahte hain. (min sankranti madhya march men ati hai) padadhikariyon ki sthiti ke adhar par desh bhar men rajnitik uthl-puthal, samajik evan bhautik pragti adi ka vichar kiya jata hai. sasyesh se chaimasi faslon ka, dhanyesh se shitkalin faslon ka, meghesh se mausam, varsha adi ka, rasesh se gur, khanr aur nirsesh se sabhi prakar ki dhatuon adi ke vyapar ka vichar kiya jata hai. isi prakar dhanesh se dhan-daulat, kosh, durgesh se desh ki suraksha, sima par tanav aur falesh se fal, ful, sabji adi ka vichar kiya jata hai. yadi padadhikariyon ki sthiti aur apsi sanbandh shubh hon, to varsh bhar shanti aur khushhali rahti hai. iske viprit unke bich ashubh sanbandh kai prakar ke vighnon, rukavton aur ashanti ke karak hote hain. vikrami sanvat 2065 ke akashiya kaunsil ke padadhikari is prakar hain- raja - chandra; mantri - surya; meghesh - shani; sasyesh - budh; durgesh - shani; dhanesh - mangal, rasesh - shukra; dhanyesh - chandra; nirsesh - budh; falesh - shani. sanvat 2065 ka raja chandra hai. faltah is varsh manglik aur shubh karya adhik honge. varsha adhik v faslen uttam hongi. janta men paraspar sadbhav bana rahega aur shasak varg ki pratishtha barhegi. surya ke mantri hoene ke karan desh men kahin bhari agnikand hone ki sanbhavna hai. gur aur rasadi padarth mahange hanege. vahin rajnitik partiyon men paraspar vaimanasya barhega. mangal ke dhanesh hone ke falasvarup mahangai barhegi aur janta ka akrosh bhi barhega. vyapar men sthirta aegi, janta prashasan se dukhi rahegi aur gehun, chana, dhanya adi ki faslen kharab hongi. shani ke durgesh hone se sima pranton men sainyabal ke prayog ki sanbhavna hai. simavarti ilakon men tanav ke badal mandraenge. dhanesh aur durgesh men paraspar shatruta hone se desh ki pahle se chali a rahi uljhnen aur barhengi jisse desh ki arthik sthiti prabhavit hogi. tiddi dal aur chuhon adi se faslon ko hani ho sakti hai. shani ke meghesh hone ke karan desh ke purvavarti aur tatavarti pranton men bhari varsha se dhan jan ki hani aur krishi ko bhari kshati hogi. vahin uÿari-dakshini pranton men kuch kshetron ke sukhagrast hone ki sanbhavna hai. 21 jun se 8 agast tak shani v mangal ki yuti ke karan kahin bhari varsha se krishi evan dhan jan ki hani ho sakti hai. budh ke sasyesh hone se varsha paryapt matra men hogi aur chaimasi faslon jaise chaval, ganna adi ki kheti labhdayi hogi. chandra ke dhanyesh hone se shit kalin faslon ki krishi labhaprad rahegi. dudh paryapt matra men hoga. kintu jansankhya men vriddhi hogi. shukra ke rasesh hone se gur, chini, dudh, ghi, paryapt matra men honge. budh ke nirsesh hone se redimed kapre, haujri ka saman, shankh, chandan, dhatuen evan ratn mahange honge. shani ke falesh hone se fal evan pushpon ki faslon ko shit men himpat se hani hone ke yog bante hain. uparyukt faladesh sanvatsar ke shubhashubh ka sanket dete hain. purn faladesh grahon ki sthiti aur gochar par nirbhar karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


shri ram visheshank  April 2008

shri ram ki janm tithi, samay evan sthan tatha astitva se sanbandhit katha evan sakshya, shri ramsetu evan shri ram ka sanbandh, shri ram dvara krit –krityon ka vivechan, shri ram ki janm patri ka unke jivan se tulnatmak vivechan, shri ram ki van yatra sthalon ka vistrit varnn

Subscribe

Apne vichar vyakt karein

blog comments powered by Disqus
.