ram nam ki satyata ke praman pan. manohar sharma ‘pulastya’, pithapur hamare pauranik dharmagranthon men ram nam ki satyata ke asankhya praman bhare pare hain. madhyayugin bhakti kalin sabhyata se adhunik kal tak asankhya praman dekhne v sunne men ae hanai. prachin praman- satyug ke praranbh kal se hi len to maharshi valmiki ka udaharan samne ata hai, ve to unke ulte shabd ‘mara’ ko hi japte-japte brahmamay ho gae. 15vin- 16vin sadi men tulsidas ne ‘ramchrit mans’ likha. uska har shabd mantra hai. yadi un mantron ko hridyangam kar liya jae, jap-tap-sadhna ke madhyam se siddh kar liya jae to kya yah praman nahin hain? isi ramchrit manas ke bal par to abhi bhi lakhon log dharm, arth, kam aur moksh ki prapti hetu prayasarat hain. prachin kal ke aur bhi bahut se praman hain jinmen ganik, giddh, ajamil aur shabri jaise mahan bhakt hue hain jinhonne ram nam ki danka bajaya tha. sadan kasai, kevat, sharbhang, angad, jamvant, vibhishan, hanuman, bharadvaj, vashishth, vishvamitra adi rishi maharshi bhi hue jinhonne ram nam ko mahima mandit kiya. madhyakalin praman- ram nam ke sar v satyata ke asankhya praman madhyakal men bahut milte hain jise ajakal ke vaigyanik bhi nahin nakar sakte. kyonki surdas, tulsidas, kabirdas, mirabai, bhakt raidas, narsi mehta, sant tukaram, dadu, bindu, guru nanak adi mahamanvon ne tatkalin samay men bhaktimay kavya mahakavyon men ram nam ki sarita baha kar vishva ko alokit kiya tha. unke kavya mahakavyon ke shabd, svar sanpurn rasamay amrit ke saman hain jinhen parhakar, sunakar hriday romanchit ho uthta hai. tulsidas ke jivan kal ki ek ghatna hai. jab tulsidas ram ke darshan ke lie vyakul hue to unki manahsthiti pagal sadrish ho gai thi. vah jise dekhte use hi puchte ‘‘kya ap hi ram hain?’‘ tabhi to ve apne ramchritmanas men likhte hain- ‘‘siyaram may sab jag jani. karuhun pranam jori jug pani..’’ ram ko prapt karne ke lie bhakt ko pagal jaisi manahsthiti paida karni parti hai, use sadharan bhakti se prapt nahin kiya ja sakta. iske lie to parabhakti ki avashyakta hoti hai. is prakar kabiradas ji ke jivan ki bhi ek ghatna hai. kabir julahe the. sut katakar kapra banana aur grahkon ko prasann rakhna unka kam tha. ve jis bhi grahak ko kapre yah kahakar dete ki, ‘‘ram yah kapra apke hi lie hai, yah kapra ram mainne ap hi ke lie banaya hai.’’ ab grahak chahe unke dam deta ya n deta, vah to unko ramamay samajhakar de hi dete. isi prakar ki manahsthiti bhakt raidas ki bhi thi. bhakt raidas jute banate aur grahkon ko yah kahakar de dete ki, ‘‘ram ! ye jute mainne ap hi ke lie banae hanai, ye jute apke hi hain.’’ ab grahak un juton ke dam raidas ko dete chahe n dete, ve to unhen jute de dete the. bhakt shiromni mira ki ‘‘payo ji mainne ram ratan dhan payo’’ kitna bara marmik chitran hai unki ram nam ki madhur svar sarita men. ‘‘vastu amolak di mere satguru’’ arthat ’’mere sadguru ne ram nam rupi aisi bahumulya vastu di hai jiska koi mol hi nahin hai’’ ‘‘harsh-harash ras gayo’’ arthat ‘‘khushi-khushi ram nam rupi ras ko mainne piya, krishn ras rupi ras ka mainne pan kiya; ram nam rupi, krishn ras rupi amrit ka pan kar main dhanya hui, amar hui’’. is prakar bhaktikal ke aise asankhya praman hain, jinhen ajakal ke atibuddhivadi logon ki nasmjhi buddhi kya samjhegi? adhunik praman- vartaman samay men bhi bahut praman hain. ek taraf mahatma gandhi, sant vinoba bhave, sant gyaneshvar, eknath, ramkrishn parmhans, vivekanand, osho adi to dusri taraf aj bhi hamare samaksh aise anek siddh purush hain, jinhonne ram nam ki divya alaukik mahima ko alokit kiya hai. ve abhi vartaman samay men ram nam ke amrit rupi ras ka svayan kar hi rahe hain. sarvasadharan ko bhi pan karva rahe hain. kuch nam aise hain jo apne nam ke karan prasiddh hain. jaise purane baba ramdev jinhonne maharaj chatrapti shivaji samanya manvon ke hriday ko bhi andolit alekit kiya tha. ram se bara ram ka nam hai. pratyek 100 varshon men pratyek kul men, vansh men, sanpraday men, ek mahan purush avashya hi hota hai, jo apne kul ka, apne vansh ka, apne dharm ka devta hota hai. vah ram nam ke hi saman hai. baba hardaul, baba ju shaktimata, brahm baba, dulha dev, bajrang bali, rupi siya ramamay vyaktitva pratyek 100 varshon ke antral men avashya hi avtar lete hain aur apna dharmamay karya kar is nashvar sansar se vida le lete hain. udaharan hamare mahan darshanik sukrat bhakt shiromni mira, adi jagadguru shankracharya, maharshi dayanand sarasvati adi hain. tulsidas ke jivan kal ki ek ghatna hai. jab tulsidas ram ke darshan ke lie vyakul hue to unki manahsthiti pagal sadrish ho gai thi. vah jise dekhte use hi puchte ‘‘kya ap hi ram hain?’‘ tabhi to ve apne ramchritmanas men likhte hain- ‘‘siyaram may sab jag jani. karuhun pranam jori jug pani..’’ ram ko prapt karne ke lie bhakt ko pagal jaisi manahsthiti paida karni parti hai, use sadharan bhakti se prapt nahin kiya ja sakta. iske lie to parabhakti ki avashyakta hoti hai.
Kya aapko lekh pasand aaya?
Subscribe