आचार्य सूर्यदेव के परम शिष्य हनुमान

acharya suryadev ke param shishya hanuman  

Ank ke aur Lekh | Sambandhit Lekh | Views : 7159 |  
acharya suryadev ke param shishya hanuman asankhya ujjval kirnon se sushobhit prakash punj tatha urja ke bhandar surya dev hamare sanatan aur pratyaksh devta hain. markandey puran ke anusar surya brahm svarup hain. vah charachar jagat ki atma hain, andhkar aur agyan ka nash karne vale hain. savita, martand, bhaskar, dinakar, divakar v ravi unke hi nam hain. vah gyan ke sagar hain. sarvashri manu tatha yagyavalkya ji ne unse gyan prapt kiya tha. pavndev ki sahayta se devi anjna ke putra rup men avtrit ekadash rudra ke acharya bhi surya dev hi the. (bhanu so parhan hanuman gaye. hanuman bahuk,4). suryadev aur hanumanji ke madhya guru-shishya ke sanbandh ke bare men shrimad valmiki ramayan men ullekh hai ki ek bar bal hanuman ko bari bhukh lagi. us samay mata anjna ghar par nahin thin. kuch khane ki vastu n milne par unhonne udiyaman surya ko svadisht lal paka fal samjha aur uchal kar nigal liya. yah prasang shri hanuman chalisa men is prakar varnit hai - jug sahasra jojan par bhanu. lilyau tahi madhur fal janu.. (hanu. cha., 18) us din surya grahan hone vala tha. rahu hanuman ji ko surya ke samip dekhakar devraj indra se shikayat karne gaye ki uska bhakshya kisi aur ko kyon de diya. tab indra airavat par charhakar rahu ke sath ghatnasthal pahanuche. rahu ko dobara dekhakar hanuman ji use pakrne daure aur vah indra ko pukarta hua bhaga. indra age barhe to, airavat hanuman ji se dar kar bhaga. is par bachav ke lie indra ne vajra prahar kar diya jisse hanuman ji ki thori kuch terhi ho gai aur vah muchrchit ho gae. isse pavan dev ko bara dukh hua aur unhonne kruddh hokar apni gati band kar di jiske karan sab ke pran sankat men par gae. tab sab devta brahmaji ko sath lekar pavan dev ke pas gae aur unhen prasann kiya tatha hanuman ji ko ashirvad sahit apne-apne shastrastra pradan kar avadhyata ka vardan diya. suryadev ne bhi unhen apne tej ka shatansh diya aur shiksha dekar advitiya vidvan bana dene ka ashvasan diya. isse sanket milta hai ki hanuman ji suryadev ke pas gyan pane ke lie gae the. unke bhav ki shuddhata ka praman yah bhi hai ki suryadev ne unhen nirdosh samjha aur jalaya nahin. iska ullekh valmiki ramayan ke uttar kand ke is shlok men is prakar hai. shishuresh tvadoshagya iti matva divakrah karyan chasmin samayÿamityevan n dadah sah.. (va.ra.u.ka., 35,30) arthat ”yah balak dosh ko janta hi nahin hai aur bhavishya men isse bara karya hoga, yah soch kar divakar ne unhen jalaya nahin.“ sampati bhi suryadev ke samip urakar abhimanpurvak gaya tha jiska parinam pratikul hua. uske pankh jal gae the. usne svayan svikara hai - main abhimani ravi niarava.. jare pankh ati tej apara. pareun bhumi kari ghor chikara.. (ra.ch.ma.,ki.ka., 27.3-4) rahu ke lie gyanasvarup surya bhakshaniya hain kintu hanuman ji ke lie adrniya aur anukrniya hain. atah hanuman ji ne unhen suraksha ki drishti se mukh men rakh liya. age chalakar shri sita ji ko pahchan men dene ke lie bhagvan shri ram ne unhen jo mudrika di thi use bhi hanuman ji mukh men rakhakar lanka gae the. prabhu mudrika meli mukh mahin. jaldhi langhi gaye acharaj nahin.. (hanu.cha. 19) hanuman ji ki bhukh shubhechcha ka pratik hai jo gyan-arjan ki pahli sirhi hai aur jiske falasvarup unhen suryadev ki anukanpa prapt hui. gyan prapti ki sadhna karne valon ke samaksh devta bhi badhak banakar ate hain. shri ramchritmanas men iska ullekh is prakar hai- jaun tehi vighn buddhi nahin badhi. tau bahori sur karhin upadhi.. (ra.ch.ma., u.ka., 117.10) devraj indra ki bhumika aisi hi thi. parantu hanumanji ki prabal gyanechcha ki jit hui. hanuman ji ki adhyayan shaili ka varnan karte hue shri valmiki ji kahte hain- asau punavryakrnan grahishyan suryonmukhah prashtumnaah kapindrah. udyadgirerastagirin jagam granthan mahaddharayan prameyah.. (va.ra., u. ka., 36.45) arthat ‘‘kapindra hanuman vyakaran sikhne ke lie surya ke sammukh rahakar prashn karte hue, mahagranth ko yad karte hue udyachal se astachal tak chale jate the.’’ gosvami tulsidas ji ne bhi likha hai: bhanuson parhan hanuman gaye bhanu man anumani sisukeli kiyo ferfar so. pachile pagni gam gagan magn-man kramko n bhram, kapi balk-bihar so.. (hanu.ba. 4) arthat ‘‘ surya bhagvan ke pas hanuman ji parhne gae, surya dev ne bal krira samajhakar talmtol ki ki main sthir nahin rah sakta aur bina amne-samne hue parhna-parhana asanbhav hai. parantu gyan ke bhukhe hanuman ji ne kathinaiyon ki tanik bhi parvah nahin ki. unhonne suryadev ki or mukh karke pith ki or pairon se prasannaman akash men balkon ke khel sadrish gaman kiya, jisse pathyakram men kisi prakar ka bhram nahin hua.’’ hanuman ji ne suryadev se sabhi vidyaen shighra hi sikh lin. ek bhi shastra unke adhyayan se achuta nahin raha. gosvami tulsidas ji ne hanuman ji ko ‘sakal gun nidhanam’ aur ‘gyaninamagranyam’ kaha hai aur vinayapatrika men unki is prakar stuti ki hai - jayti vedantavid vividh vidya vishad, ved-vedangvid brahmavadi. gyan-vigyan-vairagya-bhajan vibho vimal gun ganti shuk nardadi.. (vi.p. 26) bhagvan shriram se hanuman ji ki jab pahle sabse batchit hui, tab bhagvan bare prabhavit hue aur unki vidvaÿaa evan vakpatuta ki prashansa karte hue lakshaman ji se kaha - nanrigvedvinitasya nayjurveddharinah. nasamvedvidushah shakyamevan vibhashitum.. nunan vyakrnan kritsnamanen bahudha shrutam. bahu vyahrtanen n kinchidapashabditam.. (va.ra., ki.ka. 3.28-29) arthat ‘‘jise rigved ki shiksha n mili ho, jisne yajurved ka abhyas nahin kiya ho tatha jo samved ka vidvan n ho, vah aisa sundar nahin bol sakta. nishchay hi inhonne sanpurn vyakaran ka anek bar adhyayan kiya hai, kyonki bahut si baten bolne par bhi inke mukh se koi ashuddhi nahin nikli.’’ shri sita ji ki khoj men lanka ki yatra karte samay sursa dvara li gai pariksha men hanuman ji ki buddhimÿaa pramanit hui, aur lanka men unhonne pag-pag par buddhimani ka aisa parichay diya ki ravan ke mantri, patni, bhrata sab unka samarthan karne lage. isse unki vidya-buddhi ki vilakshanata parilakshit hoti hai. apni shiksha purn hone ke pashchat hanuman ji ne acharya se gurudakshina lene ka agrah kiya. suryadev ne shishya ke santosharth apne ansh se utpann sugriv ki suraksha karne ko kaha. hanuman ji guru ki ichcha puri karne ka ashvasan dekar sugriv ke pas shighra pahanuche aur unke sath chaya ki bhanti rahakar suraksha aur seva men tatpar ho gae. shri hanuman ji ne sugriv ki shri ram se mitrata karvakar unka jivan sanvara aur apne acharya suryadev ki manovanchit dakshina purn ki. shri ram ke rajyabhishek ke bad jab vanar apne-apne sthan ko bheje jane lage tab hanuman ji ne sugriv se prarthanapurvak kaha ki vah shriram ji ki seva men keval das din aur rahakar punah unke pas pahunch jaenge. sugriv tab tak bhaymukt aur surakshit ho gae the. atah unhonne hanuman ji ko sada ke lie shriram ji ki seva men rah jane ka adesh diya. ant men bhagvan bhaskar se art bhav se unhonne vinamra prarthana ki - namah suryay shantay sarvarog vinashine. ayurarogyamaishvaryan dehi dev jagatpate.. ¬ suryaynmah. ¬ bhaskaray namah. ¬ adityay namah.. surya bhagvan ke pas hanuman ji parhne gae, surya dev ne bal krira samajhakar talmtol ki ki main sthir nahin rah sakta aur bina amne-samne hue parhna- parhana asanbhav hai. parantu gyan ke bhukhe hanuman ji ne kathinaiyon ki tanik bhi parvah nahin ki. unhonne suryadev ki or mukh karke pith ki or pairon se prasannaman akash men balkon ke khel sadrish gaman kiya, jisse pathyakram men kisi prakar ka bhram nahin hua.’’ shri hanuman ji ne sugriv ki shri ram se mitrata karvakar unka jivan sanvara aur apne acharya suryadev ki manovanchit dakshina purn ki. shri ram ke rajyabhishek ke bad jab vanar apne-apne sthan ko bheje jane lage tab hanuman ji ne sugriv se prarthanapurvak kaha ki vah shriram ji ki seva men keval das din aur rahakar punah unke pas pahunch jaenge. sugriv tab tak bhaymukt aur surakshit ho gae the. atah unhonne hanuman ji ko sada ke lie shriram ji ki seva men rah jane ka adesh diya.
Kya aapko lekh pasand aaya? Subscribe

Kya aapko lekh pasand aaya? Subscribe


shri ram visheshank  April 2008

shri ram ki janm tithi, samay evan sthan tatha astitva se sanbandhit katha evan sakshya, shri ramsetu evan shri ram ka sanbandh, shri ram dvara krit –krityon ka vivechan, shri ram ki janm patri ka unke jivan se tulnatmak vivechan, shri ram ki van yatra sthalon ka vistrit varnn

Subscribe

Apne vichar vyakt karein

blog comments powered by Disqus
.