कैसे करें वर-कन्या का हस्तमिलान

kaise karen var-kanya ka hastamilan  

Ank ke aur Lekh | Sambandhit Lekh | Views : 494 |  
vivah ki saflta asflta var-kanya donon ke svabhav aur apsi vicharon par atyadhik nirbhara karti hai jiske nirnay men hath ke anya chihnon evan rekhaon ke atirikta ‘anguthe’ ki mukhya tatha nirnayak bhumika hai. kiro ke shabdon men kahen to ‘‘anguthe se vyakti ka pura charitra jana ja sakta hai.’’ vastav men ‘angutha’ hath ka pran tatva hai iska thora bhi gyan hone par nirnay sahi utrta hai. mainne apne jivan kal men anguthe ke adhar par kiye hue milan asafal nahin pae. manushya ke hath men char ungliyan aur ek angutha panch avayav hain. ungliyan apna mahatva rakhti hanai, magar anguthe ke bina bekar hanai. anguthe ki sahayta ke bina mutthi bhi nahin bandh sakti kuch pakrne ke lie bhi angutha jaruri hai. vyakti krodh men ya kisi se larta hua jab vivek kho deta hai to angutha mutthi ke andar ho jata hai. iske alava koi nirnay lena ho, andr manthan chal raha ho aur angutha andr chala jae to nirnay nakaratmak hoga aur yadi bahar rahe to sakaratmaka hoga. arthat ungliyon ke upar ho to sthiti niyantran men rahti hai aur ungliyon ke niche ho to sthiti aniyantrit ho jati hai. nyutan kahta tha ki ishvar ke sakshat praman ke lie kisi prakar ke anya sabut ki jarurat hi nahin hai. kiro ke anusar ‘‘angutha ishvar ka pratinidhi hai.’’ anguthe ki jar men brahmatirth, pahli ungli aur anguthe ke bich men pitritirtha ungliyon ke upri bhag men devtirtha tatha kanishtha ke niche kaytirth sthapit hai. pitron ke tarpan karya men angutha hi kam ata hai. pitar sthan dakshin men manya hai aur dayen hath men angutha dakshin men hi sthit hai. anguthe ki pahli por ichcha shakti ki suchak hai, dusri por tark shakti ki aur tisri, jo shukra parvat ki parisima ai, prem ki suchak hai. grihasth jivn ka darshan hai. hath men anguthe ki apni anuthi visheshta hai. sudrirh angutha jivan ko santulit banata hai. jiska angutha sidha, lanba, sudaul donon poron se saman rup se yukt hota hai vah apni bat ka dhani tatha samay ka sadupyog karne vala hota hai. samaj kya kah raha hai, in baton ka us par kam asar hota hai. vah sahi galat ka nirnay apne man v buddhi ke samanjasya se lene ki kshamata rakhta hai. aisa vyakti apne karya ke prati purn samarpit tatha satarka hota hai. vah apna bhed kisi ko nahin deta. ishvar pradatt sanudar bhavishya hone ke bavjud aisa vyakti apne bhagya ka nirman svayan karne par vishvas rakhta hai. svayan kushal hone ke sath-sath dusron ko bhi sudharne ki kshamata rakhta hai. kul milakr sudrirh anguthe vala vyakti ghar v samaj men pratishthit, kartavyanishth, vyavharkushal, mahatvakankshi tatha sundar vyaktitva ka malik hota hai. anguthe men thori lachak bhi jaruri hai. jiske anguthe men lachilapan hota hai vah vakt ke anusar apne ko mor leta hai. choti-choti bat par arta nahin. mridubhashi hone ke sath-sath buddhiman hota hai. yadi dusri por lanbi ho to kya kahne. vah tarka-vitark sundar karta hai, kutarka nahin karta mahilaon men is prakar ke anguthe unki grihasthi ko sukh shanti purvak jimmedari se nibhane vale hote hain. iske atirikt chota angutha kam vikriti tatha jiddi svabhav darshata hai. pahli por bahut moti aur choti mudgar jaisi akrit ho to aisa angutha ‘‘klabd taip thamba’ kahlata hai. (sath-sath mangal kshetra bhi doshi ho) aise anguthe vale log choti-choti baton par gussa karne vale v bina soche samjhe kuch bhi bol dene vale hote hain. donon hathon ke anguthe yadi isi prakar ke hon to mujrim pravritti pradarshit hoti hai. ek hath men aise lakshan hon to vyakti thora buddhi se kam lega, lekin uska vyaktitva andar bahar alg hoga. chaikor angutha samanya buddhi aur vivek ka dyotak hai. nukila angutha samanya buddhi aur vivek ka parichayak hai. vyakti shighra kam karne vala hota hai. chapta angutha komal hota hai. chaira angutha svayan ke vicharon par va badhaon par vijay prapti ka drirh nishchay darshata hai. yadi angutha bich men se patla arthat patli kamar ke saman ho to vyakti bahut chatur, chalak tatha apna kam nikalne vala hota hai. mahilaon ka angutha bara hona unmen vyapar, kam kaj adi ko sangthit kar age barhne v apna prabhutva jamane ka gun pradarshit karta hai. lo set aur hai set anguthe ka jikra bhi jaruri hai. yadi angutha guru parvat se dur ho to use lo set aur yadi najdik ho to use hai set angutha kahte hain. angutha jitna uncha aur guru parvat ke jitna najdik hoga, vyakti utna hi dimagi taur par kam samriddh hoga. alp gyani, buddhu isi shreni men ate hain. iske viprit lo set angutha guru parvat se saman duri banae hue hath men khubsurti se sthapit ho to vyakti milnsar, viveki, shikshit vigyan aur sahitya ke gyata, vakta, dayalu, vidroh ke khilaf avaj uthane vale, desh premi v mahan purush hota hai. uparyukt sabhi vicharon ke bad vishesh bat dekhni yah chahie ki var-kanya donon ke anguthe sidhe n hane, anyatha donon ka ahan takraega tatha vichar nahin milenge. donon ke anguthe adhik lachile bhi n hon anyatha donon men se koi bhi thos nirnay nahin le paega jisse vicharean men bhinnata aegi. atah donon (larka-larki) men se ek ka angutha sidha aur ek ka lachila hona avashyak hai. tatparya yah ki vivah ho ya vyaparik sajhedari, donon ke anguthe saman nahin hone chahie.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  August 2006

bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

Subscribe

Apne vichar vyakt karein

blog comments powered by Disqus
.