जन्म दशा से जुड़ा पंचम, नवम व द्वादश भावों का संबंध

janm dasha se jura pancham, navam v dvadash bhavon ka sanbandh  

Ank ke aur Lekh | Sambandhit Lekh | Views : 1538 |  
hindu jyotish karm tatha punarjanm ke siddhant par adharit hai. yah tathya prayah sabhi jyotishi tatha gyanijan achchi tarah se jante hain. manushya janm lete hi purva janm ke parinamon ko bhogne lagta hai. jaise fal ful bina kisi prerna ke apne ap barhte hain usi tarah purvajanm ke hamare karmafal hamen milte rahte hain. har manushya ka jivan purvajanm ke karmon ke bhog ki kahani hai, inse koi bhi bach nahin sakta. janm lete hi hamare karm hamen usi tarah se dhundhne lagte hain, jaise bachra jhund men apni man ko dhurh nikalta hai. pichle karm kis tarah se hamari janmakalin dashaon se jur jate hain, yah kisi bhi vyakti ki kundli men asani se dekha ja sakta hai. kundli ke pratham, pancham aur navam bhav hamare purvajanm, vartaman tatha bhavishya ke suchak hain. islie janm ke samay hamen milne vali mahadsha/ antardasha/ pratyantardasha ka sanbandh in tin bhavon men se kisi ek ya do ke sath avashya jura hota hai. yah bhavon ka sanbandh janm dasha ke kisi bhi rup se hota hai - chahe vah mahadsha ho ya antardasha ho athva pratyantardasha. dasha tatha bhavon ke sanbandh ke is rahasya ko janne ki koshish karte hain pancham bhav se. pancham bhav, purva janm ko darshata hai. yahi bhav hamare dharm, vidya, buddhi tatha brahm gyan ka bhi hai. navam bhav, pancham se pancham hai atah yah bhi purva janm ka dharm sthan aur is janm men hamara bhagya sthan hai. is tarah se pichle janm ka dharm tatha is janm ka bhagya donon gahre rup se navam bhav se jur jate hain. yahi bhav hamen atma ke vikas tatha agle janm ki taiyari ko bhi darshata hai. jis kundli men lagn, pancham tatha navam bhav achche arthat majbut hote hain vah achchi hoti hai kyonki bhagvan shri krishn ke anusar ”dharm ki sada vijay hoti hai“. dvadash bhav hamari kundli ka vyay bhav hai. atah yah lagn ka bhi vyay hai. yahi moksh sthan hai. yahi bhav pancham se ashtam hone ke karan purvajanm ka mrityu bhav bhi hai. marnoprant gati ka vichar bhi faldipika ke anusar isi bhav se kiya jata hai. dashaon ke rup men kalachakra nirbadh gati se chalta rahta hai. ”padmapuran“ ke anusar ”jo bhi karm manav ne apne pichle janmon men kie hote hain uska parinam use bhogna hi parega“. koi bhi grah kabhi kharab nahin hota, ye hamare purva janm ke bure karm hote hain jinka dand hamen us grah ki sthiti, yuti ya dasha ke anusar milta hai. islie hamare sabhi dharmon ne janm maran ke janjal se mukti ki kamna ki hai. janm ke samay pancham, navam aur dvadash bhavon ki dashaon ka milna nishchit hota hai. yah shodh karya 100 se adhik patriyon par kiya gaya hai jismen 80 pratishat patriyon ke yah pratyaksh rup se dekha gaya. 20 pratishat patriyon men yah apratyaksh rup se pancham, navam tatha dvadash bhavon ko prabhavit kar raha hai. pairamitr 1. pancham, navam, dvadash bhav 2. ukt tinon bhavon ke svami tatha unmen sthit grah 3. mahadsha/ antardasha/pratyantardasha. inmen se koi bhi ek jo in bhavon se sanbandh banae. u
Kya aapko lekh pasand aaya? Subscribe
Kya aapko lekh pasand aaya? Subscribe


  October 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.