शीघ्र ब्रह्मज्ञान की प्राप्ति

shighra brahmagyan ki prapti  

Ank ke aur Lekh | Sambandhit Lekh | Views : 1191 |  
ek bar ek dhani vyakti tha jo apne jivan men sab prakar se sanpanna tha. uske pas atul sanpatti, ghore, bhumi aur anek das dasiyan thi. jab sain baba ki kirti uske kanon tak pahunchi to usne apne ek mitra se kaha ki ‘‘mere lie ab kisi vastu ki abhilasha shesh nahin rah gai hai, islie ab shirdi jakar baba se brahmagyan prapt karna chahie aur yadi kisi prakar uski prapti ho gai to fir mujhse adhik sukhi aur kaun ho sakta hai?’’ unke mitra ne unhen samjhaya ki ‘‘brahmagyan ki prapti sahaj nahin hai, visheshakar tum jaise mohagrast ko, jo sadaiv stri, santan aur dravyoparjana men hi fansa rahta hai. tumhane brahmagyan kaun pradan karega, jo bhulakar bhi kabhi ek futi kauri ka dan nahin deta?’’ apne mitra ke paramarsh ki upeksha kar ve ane-jane ke liye ek tanga lekar shirdi ke lie nikal pare aur sidhe baba ke pas pahunch gae. sainbaba ke darshan kar unke charnon par gir pare aur prarthana ki ki ‘‘ap yahan ane vale samast logon ko alp samay men hi brahmadarshan kara dete hain, keval yahi sunakar main bahut dur se aya hun. manai is yatra se atyadhik thak gaya hun. yadi mujhe brahm gyan ki prapti ho jae to mera yah kasht uthana safal ho jae.’’ baba bole, ‘‘mere priya mitra ! itne adhir n hoo. main tumhe shighra hi brahmadarshan kara dunga. mere sab vyavhar to nagad hi hain aur main udhar kabhi nahin karta. isi karan anek log dhan, svasthya, shakti, man, pad, arogya tatha anya padarthon ki ichchapurti hetu mere samip ate hain. aisa to koi virla hi ata hai, jo brahmagyan ka pipasu ho. bhautik padarthon ki abhilasha se yahan ane valon ka koi abhav nahin, parantu adhyatmik jigyasuon ka agmn bahut hi durlabh hai. mai sochta hun ki yah kshan mere lie bahut hi dhanya tatha shubh hai, jab ap sarikhe mahanubhav yahan padharakar mujhe brahmagyan dene ke lie jor de rahe hain. main saharsh apko brahmadarshan kara dunga. yah kahakar baba ne unhen brahma-darshana karane hetu apne pas bitha liya aur idhr-udhar ki charchaon men la diya, jisse kuch samay ke lie ve apna prashn bhul gae. baba ne ek balak ko bulaya aur nandu marvari ke yahan se panch rupae udhar lane ko bheja. larke ne vapas akar batlaya ki nandu ke ghar par to tala para hai. fir baba ne use dusre vyapari ke yahan bheja. is bar bhi larka rupye lane men asafal hi raha. is prayog ko do-tin bar duhrane par bhi uska parinam purvavat hi nikla. sab ko gyat hai ki baba svayan sagun brahm ke avtar the. yahan prashn yah hai ki is panch rupae sarikhi tuchcha rashi ki yatharth men unhen avashyakta hi kya thi? aur us rin ko prapt karne ke lie itna kathin parishram kyon kiya gaya? unhen to iski bilkul avashyakta hi na thi. ve to purn riti se jante honge ki nanduji ghar par nahin hain. yah natak to unhonne keval anveshak ke pariksharth hi racha tha. brahmajigyasu mahashay ji ke pas noton ki anek gaddiyan thin aur yadi ve sachmuch hi brahmagyan ke akankshi hote to itne samay tak shant n baithte. jab baba vyagrata purvak panch rupae udhar lane ke lie balak ko yahan vahan daura rahe the to ve darshak bane hi n baithe rahte. mahanubhav jante the ki baba apne vachan purn kar rin avashya chukaenge. yadyapi baba dvara ichchit rashi bahut hi alp thi, fir bhi vah svayan sankalp karne men asamarth hi rahe aur panch rupae udhar dene tak ka sahs n kar sake. unhonne n rupae die aur n hi shant baithe balki adhir hokar baba se bole ki ‘‘are baba ! kripya mujhe shighra brahmagyan do.’’ baba ne uttar diya ki ‘‘mere pyare mitra! kya is natak se tumhari samajh men kuch nahin aya? main tumhe brahmadarshana karane ka hi to prayatn kar raha tha. sankshep men tatparya yah hai ki ‘‘brahma darshan ke lie panch vastuon ka tyag karna parta hai. 1. panch pran 2. panch indriyan 3. man 4. buddhi tatha 5. ahankar. atmanubhuti ka marg bhi usi prakar hai jis prakar talvar ki dhar par chalna.’’ jab tak tumhara lobh aur ishrya se purn chutkara nahin ho jata, tab tak tum brahm ke satyasvarup ko nahin jan sakte. tulsidas ji kahte hain- ‘‘jahan ram tahan kam nahin, jahan kam nahin ram. tulsi kabhun hot nahin, ravi rajni ik tham..’’ jahan lobh hai, vahan brahm ke chintan ya dhyan ki gunjaish hi nahin hai. fir lobhi purush ko virakti aur moksh ki prapti kaise ho sakti hai? mera khajana purn hai aur main pratyek ki ichchanusar uski purti kar sakta hun, parantu mujhe patra ki yogyata-ayogyata ka bhi dhyan rakhna parta hai. baba dvara diye gaye is gyan-bhoj ko prapt kar vah dhani mahashy santoshpurvak apne ghar ko laut gae. aise sant anek hain, jo ghar tyag kar jangal ki gufaon men ekantvas karte hue apni mukti ya moksha-prapti ka prayatn karte hain. shri sain baba is prakriti ke n the. yadyapi unka koi ghar dvar, stri aur santan, samip ya dur ke sanbandhi nahin the, fir bhi ve sansar men hi rahte the. ve kevl char-panch gharon se bhiksha lekar sada nim vriksh ke niche nivas karte tatha samast sansarik vyavhar karte rahte the. is vishva men rahakar kis prakar acharan karna chahie, iski bhi ve shiksha dete the. aise sadhu ya sant prayah virle hi hote hain, shri sani baba inmen agrani the, islie hemadpant kahte hain:- ‘‘vah desh dhanya hai, vah kutunb dhanya hai tatha ve mata-pita dhanya hain, jahan sain baba ke rup men yah asadharn param shreshth, anmol vishuddh ratna uparatn hua.
Kya aapko lekh pasand aaya? Subscribe
Kya aapko lekh pasand aaya? Subscribe


sain visheshank  May 2015

fyuchar samachar ka sani baba visheshank vieshva prasiddh adhyatmik guru shri shirdi sani baba se sambandhit sarb prakar ki jankari deta hai. is visheshank men apko sani baba ke udbhav, bachapan, adhyatmik shaktiyan, mahatvapurn tathya, sabka malik ek v shraddha aur saburi jaisi lokapriya shikshaon ki vyakhya, sani baba ke chamatkar, vishva prasiddh sandesh, sani baba ki samadhi ka din tatha shighra brahm prapti adi anek vishyon ke bare men mahatvapurn jankari prapt hogi. iske atirikt mahatvapurn v gyanavardhak lekh vivah sanskar, vastu paramarsh, falit vichar, hailth kaipsul tatha panchapakshi adi ko bhi shamil kiya gaya hai. satyaktha, vichar goshthi aur jyotish v mahilaen is visheshank ke mukhya akarshan hain.

Subscribe

Apne vichar vyakt karein

blog comments powered by Disqus
.