कैंसर ज्योतिष के आईने से

kainsar jyotish ke aine se  

Ank ke aur Lekh | Sambandhit Lekh | Views : 1275 |  
hamare sharir men kai ang hain jo avyvon v nari jal se milakar bane hain. in sabke samuchit dhang se karya karte rahne se yah sharir sucharu rup se karya karta rahta hai. hamare sharir men asankhya sukshm koshikaen hain jinse ang-pratyang bane hain. ye koshikaen banti, sankhya men barhti, mitti tatha ghatti rahti hain. hamare sharir ki gatividhi in koshikaon ka nirman karne vale jinon par nirbhar karta hai. yadi in jinon men kisi bhi karan se koi asamanyata a jae to iska prabhav koshikaon ke janan, sankhya men vriddhi, vardhan aur unke prakar par parta hai. iske parinamasvarup sharir men vibhinn rogon ka janm hota hai. aisa hi ek rog hai kainsar. kainsar shabd sunte hi man men bhay ka sanchar ho jata hai. yah ek bhayankar tatha mrityukarak rog mana jata hai, parantu sab prakar ke kainsar aise nahin hote. nirantar shodh prayason ke pashchat bhi aj ke chikitsa vaigyanik iska koi uchit upchar nahin khoj pae hain. bhinna-bhinn prakar ke kainsron ke lie koi ek upchar ya upay sanbhav nahin hai. kainsar mul rup se tantu vriddhi ya koshika vriddhi ke niyaman ka rog hai. ek samanya koshika ko kainsar koshika men parivartit hone ke lie koshika ki vriddhi karne vale jin men parivartan karna hoga. kainsar ek aisa rog hai jismen sharir ki koshikaen akramak (koshikaen samanya koshikaon ki parvah kie bina barhti aur vibhajit hoti rahti hain), vinashi akramnkarak (koshikaen pas ki samanya koshikaon par adhikar kar unhen nasht kar deti hain), aur vistarak (koshikaen sharir ke anya sthanon men fail jati hain) ban jate hain. lagabhag sabhi prakar ke kainsar parivartit koshikaon ke jin padarthon men asamanyata ke karan hote hain. yah asamanyataen kainsar karak padarth jaise tanbaku ka dhuan, vikiran, rasayan padarth, pradushak athva vanshanugat adi ke karanan se ho sakti hain. jin men asamanyata utpann hone par kainsar barhane vale aenkojans kriyashil ho jate hain. koshikaen tivrata se barhne aur vibhajit hone lagti hain. in koshikaon ka nash se bachav hota hai arthat yah nasht nahin ho patin. iske viprit kainsar koshikaon men tyumar ko dabane vale jin prayah nishkriya ho jate hain jisse in koshikaon men samanya karya ka hras ho jata hai. atah asamanya kainsar koshikaon men asamanya rup se vriddhi inke yogaj jin men asamanyata ane se hoti hai. bhinna-bhinn prakar ke sab kainsron men ek samanta hai kainsar koshikaon tatha unki vanshaj koshikaon ke jin padarthon men asamanyata ka utpann hona. kainsar ke prakaron men bhinnata unmen upasthit sankhya men barhi hui vibhajit honevali koshikaon, unki banavat, koshika kendra ke akar, koshikaon ke rup aur akar men bhinnata, koshikaon ki visheshtaon ke ghatne, koshikaon ke samanya sangathan men hras adi se ki jati hai. tatparya yah ki koshikaon ke jin padarthon men asamanyata utpann hone se unki sankhya men ati vriddhi hone lagti hai aur ve pran ghatak ho jati hain. jyotish ki drishti se koshikaon aur jin ka karak surya hona chahie kyonki sab sukshm padarthon ka karak surya ko mana gaya hai. koshikaon ki vriddhi ko ekadash bhav se jorna chahie. rog ko shashth bhav se dekhte hain. yahan kuch rogiyon ki kundli prastut hai. kundli 1: jatak ki jihna men kainsar tha. jatak ki kundli men chathe bhav men mangal tatha shani ki yuti kshin chandra se dhanu (brihaspati) men hai. lagn se dvitiya bhav sinh rashi hai jo ketu tatha surya se drisht hai. iska svami surya ashtam bhav men shani ki rashi men shani se drisht hai. chandra se dvitiya bhav shani ka hai jo papakatrtari yog men hai. shani isse dvadash men mangal tatha kshin chandra ke sath shashth bhav men hai. surya se dvitiya bhav bhagya bhav hai jo papakatrtari yog men hai. iska svami brihaspati chaturth bhav men shukra ki rashi men rahu se pirit hai. tinon lagnon se jihna ko vyakt karne vali dusri rashi v rashish pirit hai. dusri rashi vrish (ekadash bhav) ka svami shukra saptam bhav men papakatrtari yog men hai. atah jihna men rog ki pushti hoti hai. û chandra lagn se dusre bhav men budh v shukra ka yog hai. û tinon lagnon se dusra bhav (jihna ka kark) rahu, ketu athva shani ke prabhav men hai. û 22van dreshkan, tula rashi men, dasham bhav se ketu ki drishti, tula rashi ka svami shukra. û chandra se dusre bhav men shukra. kundli 2: jatka ke stan men kainsar tha. kundli ke shashth bhav men kark rashi hai jo vakshasthal ka pratinidhitva karti hai. is par tritiya bhav se svarashish mangal ki drishti hai. iska svami chandra shani ki rashi men dvadash bhav hai aur is par vakri shani ki drishti hai. shani rahu se drisht hai. yah yog vaksh rog ka suchak hai. lagn se chaturth bhav men shukra apni hi rashi men surya se grast hai. chaturth bhav tatha chaturthesh shukra par rahu v ketu ka kendriya prabhav tatha vakri shani ki drishti hai. chandra se chaturth bhav tritiya bhav hai jo chaturth bhav ka dvadash bhav hai. yah svarashish mangal se grast hai aur is par sinh rashi sthit rahu ki drishti bhi hai. surya se chaturth bhav men uski apni rashi sinh hai jahan rahu sthit hai. sinh rashi ka svami surya lagn se chaturth bhav ko pirit kar raha hai. kalpurush ki chaturth rashi kark shashth bhav men hai aur is par mangal ki drishti hai. iska svami chandra barhven bhav men hai. û lagn se chaturth bhav men shukra svarashi men hai. û kark rashi budh aur rahu ke madhya hai. û 22 van dreshkan dvadash bhav men shani ki rashi men aur iski drishti shashth bhav par hai. yah ketu v shani ke pap madhyatva men hai aur ketu se 22 van dreshkan chaturth bhav men shukra aur surya ke sath hai. kundli 3: jatak ki mrityu fefron ke kainsar se hui. uska lagn rahu v ketu ke aksh par hai. kundli ke shashth bhav men vrishchik rashi hai jo surya aur chandra lagn bhi hai. shashthesh mangal shashth bhav se dvadash (pancham bhav) men lagnesh budh tatha dvadshesh shukra ki yuti men hai. shashth bhav men kshin tatha nich chandra (dvitiyesh) tatha tritiyesh surya ki yuti hai. lagn se chaturth bhav men kanya rashi hai jis par nichabhilashi shani ki drishti hai aur rahu v ketu ka kendriya prabhav bhi hai. iska svami budh pancham bhav men panchmesh shukra ke sath tula rashi men mangal se pirit hokar markesh ke rup men sthit hai. yah yog vaksh rog ka suchak hai. chandra aur surya lagn svayan shashth bhav men hain. inse chaturth rashi kunbh hai jis par lagn se rahu ki drishti hai. iska rashish shani hai jo isse dusre bhav (dashm) men sthit hai. kark rashi dvitiya bhav men hai, iska svami chandra nich v kshin hokar surya ke sath shashth bhav men hain. kal purush ka chaturth ang rahu shani, mangal adi se pirit hai - tinon lagnon ke lie tatha kark rashi ke lie. yah yog fefron ke kainsar ka suchak hai. û lagn se chaturth rashi ka svami budh chaturth se dusre (marak sthan) bhav (panchm) men shukra ki rashi men shukra se yut hokar mangal se pirit hai. û chandra v surya lagn se chaturth bhav par rahu aur shani ka prabhav hai. û tinon lagn v lagnesh pirit hain. û ketu se 22van dreshkan dusre bhav men hai jis par shukra ka svarashi se kendriya prabhav hai. kundli 4: jatak ko nichle pachan tantra men kainsar tha. uske lagn par mangal ki rashi mesh men sthit ketu ki drishti hai. lagnesh brihaspati pirit budh ki rashi kanya men sthit hai. kundli ke shashth bhav (svami shukra) par mangal ki vrishchik rashi sthit 12ven bhav se shani ki drishti hai. is bhav par rahu, surya v budh se yut tula rashi (ekadash bhav, svami shukra) se mangal ki drishti hai. mangal pancham (purvakarma) tatha dvadash (vyay) bhav ka svami hai. chandra lagn se shashth bhav kundli ka navam bhav hai jis par pancham bhav se mesh rashi sthit ketu ki tatha dvadash bhav se shani ki drishti hai. dvadash tatha pancham bhav ka svami mangal hai. navam bhav ka svami surya hai jo rahu, mangal aur budh ke sath ekadash bhav men shukra ki tula rashi men sthit hai. surya lagn se shashth bhav kundli ka chaturth bhav hai jo ketu sthit mesh rashi ka dvadash bhav hai. ismen sthit chandra ashtamesh hai. iska svami budh apne se dusre bhav (ekadsh) men surya, mangal tatha rahu se pirit hai. kal purush ki chathi rashi kanya ka svami budh hi hai. is tarah tinon lagn tatha kal purush ke chathe ang par rahu, ketu, surya, mangal aur shani ka dushprabhav hai jo nichle pachan tantra ke ghatak rog se grast hone ka sanket deta hai. û shashth tatha ekadash bhavon ka svami shukra lagn men brihaspati ki dhanu rashi men hai. û shukra par ketu ka prabhav tatha budh se uska sanbandh hai. û brihaspati, shukra tatha budh paraspar ek dusre ke prabhav men hain. û 22van dreshkan chaturth bhav men brihaspati ki min rashi men hai jo ketu sthit rashi ka 12van bhav hai aur is par shukra ka kendriya prabhav hai. kundli 5: jatak ko jigar ka kainsar tha. jatak ka lagnesh mangal dvadash bhav men rahu ke sath sthit hai. dvadshesh shukra lagn men sthit hai. shukra aur mangal men parivartan yog hai. kundli ke shashth bhav men mangal ki rashi mesh men rog karak ketu sthit hai jis par dvadash bhav se mangal tatha rahu ki drishti hai. shashthesh mangal dvadash bhav men shukra ki rashi men rahu ke sath yuti men hai. jigar kal purush ke chathe ang men ata hai. janm lagn tatha chandra lagn se shashth bhav dekh chuke hain. surya lagn se shasht bhav kundli ka ashtam bhav hai jis par dvadash bhav se mangal se yut rahu ki drishti hai, shani ka (rashish brihaspati) kendriya prabhav hai, shani rashi sthit brihaspati ki bhi drishti hai. ashtamesh budh hai jiski dusri rashi kanya ekadash bhav hai. budh pap madhyasth (surya tatha kshin chandra) hai, is par pancham bhav se shani ki purn drishti tatha shashth bhav se mesh rashi sthit ketu ki drishti hai. kal purush ki chathi rashi kanya ekadash bhav men hai jis par pancham bhav se shani tatha shashth bhav se ketu ki drishti hai. iska svami budh marak sthan dvitiya bhav men baitha hai. jigar ka karak brihaspati dvitiya aur pancham bhav ka svami hai aur chaturth bhav men (pancham se dvadsh) shani ki rashi kunbh men sthit hai. brihaspati par dvadash bhav (dvadshesh shukra) se mangal se yut rahu ki drishti hai. brihaspati ki donon rashiyan shani se prabhavit hain. brihaspati aur shani parivartan yog men hain. yah yog jigar ke rog ka suchak hai. û rog karak ketu ka prabhav brihaspati aur shukra rashiyon par hai. û brihaspati v uski rashiyan shani ke prabhav men hain. û shukra v uski rashiyan mangal, rahu aur shani ke prabhav men hain. û 22 van dreshkan ashtam bhav men hai jis par shani ka kendriya prabhav, mangal se yut rahu ki drishti aur ashubh budh ki drishti hai. ashtamesh budh papi hai, ketu se 22van dreshkan navam bhav men hai jis par ketu ka kendriya prabhav tatha mangal aur rahu ka dvadash bhav se kendriya prabhav hai. navmesh chandra mangal ki rashi men shukra se yut hokar pap madhyasth hai. ketu se 22ven dreshkan ka rashish shukra ke sath lagn men hai. kundli 6: jatka ke guptang men kainsar tha. inka lagnesh shukra shashth bhav ka svami hokar saptam bhav men aur saptamesh mangal ashtam bhav men rahu se yut hai. is yog ne jatka ko purushapriya banaya aur sath hi guptang men rog ka karan bana. panchmesh budh, surya adhishthit rashi ka svami, shashth bhav men rog ka karak bana. kundli ke shashth bhav men shukra ki tula rashi hai jo shani aur budh se pirit hai aur is par ketu ki bhi drishti hai. shashthesh shukra saptam bhav men pap madhyasth hai. saptam bhav kal purush ke guptang ko vyakt karta hai. janm lagn se saptam bhav pap madhyasth hai. is par tritiya bhav se uchch brihaspati ki drishti hai, parantu brihaspati shashth bhav men sthit uchch shani se drisht hai. saptamesh mangal rahu se yut hokar ashtam bhav men brihaspati ki rashi dhanu men baitha hai aur is par shashth bhav se shani ki drishti hai. chandra lagn se saptam bhav kundli ka chaturth bhav hai. is par mangal se yut rahu ki ashtam bhav se drishti hai. saptamesh surya chandra lagn se ashtam bhav men sthit hai. surya lagn se saptam bhav par ashtam bhavasth rahu se yut mangal ki drishti hai. iske saptamesh brihaspati par bhi rahu se yut mangal ki drishti hai. chandra lagnesh shani hai aur surya lagnesh budh hai, shani aur budh donon shashth bhav men shukra ki rashi tula men sthit hain. satvin rashi tula shashth bhav men hai. û saptamesh mangal ashtam bhav men rahu se yut hai. û lagnesh tatha shashthesh shukra pap madhyasth hai aur saptam bhav men hai. û ketu se 22van dreshkan lagn men hai jiska svami shukra hai. û shukra guptang ka karak hai. kundli 7: jatak ke mastishk men kainsar tha. kundli ka shashth bhav pap drishti madhyasth hai. panchven bhav par mangal v shani ki aur saptam bhav par nich surya ki drishti hai. shashth bhav par mangal se drisht, mangal rashi men sthit rahu ki drishti hai. shashthesh brihaspati dasham bhav men uchch hokar sthit hai, parantu yah bhi rahu se drisht hai, atah rog ki vriddhi kar raha hai. lagn ya pratham bhav kal purush ke mastishk ka karak hai. jatak ka janm lagn tatha surya lagn ek hi hai. is lagn men nich ka surya sthit hai. yah pap madhyasth hai. ek or rahu tatha dusri or nich shukra sthit hai. is lagn par surya rashi sthit aur mangal se yut shani ki drishti hai. uchch brihaspati ka kendriya prabhav hai. is lagn ka lagnesh shukra barhven bhav men nich hokar sthit hai jis par ashtam bhav se ketu (rogkark) ki drishti hai. chandra lagn surya lagn se samasaptak hai aur is par nich surya ki drishti hai aur uchch brihaspati ka kendriya prabhav hai. chandra man aur vichar ka karak hone se mastishk se jura hai. iske donon or brihaspati aur shukra ki shatru rashiyan hanai. surya ki rashi sinh mangal aur shani se pirit hai aur chandra ki rashi mangal ki rashi men sthit rahu se drisht hai. chandra kendradhipti dosh se bhi grast hai jiske karan uska shubhatva kshin hai. û surya nich hokar shukra ki rashi men hai aur shukra nich hokar apni rashi se dvadash rashi kanya men hai. û surya, chandra donon pap grast hain, û buddhi tatha rog dene vala budh marak sthan (dvitiya bhav) men vrishchik rashi men hai aur rahu se yut hai, û ketu se 22van dreshkan bhi marak sthan (dvitiya bhav) men budh aur rahu se yut hai. iska svami mangal ekadash bhav men sinh rashi men shani se yut hai. is par shukra ki rashi se ketu ki drishti hai. û ketu shukra ki rashi vrishabh men hai. kundli 8: jatak ko rakt kainsar tha. uski kundli men shashth bhav pap drishti madhyasth hai. ek or surya aur rahu hain to dusri or shani, mangal aur ketu se drisht saptam bhav hai. saptamesh budh shashth bhav men shashthesh tatha ekadshesh shukra ke sath sthit hai. lagn men pap grah shani sthit hai aur lagnesh brihaspati shashth bhav men shukra tatha budh ke sath yuti men hai. rakt ka karak grah chandra hai. lagn se chandra ekadash bhav men ketu se pirit hokar shukra ki tula rashi men sthit hai. is par surya se yut rahu ki tatha mangal ki drishti hai. chandra rashish shukra shashth bhav men hai. surya lagn se chandra saptam bhav men hai, surya rahu se pirit hai. surya ki rashi sinh par bhi rahu ki drishti hai. chandra lagn men chandra to pap grast hai hi chandra lagnesh shukra ki sthiti bhi ashubh hai. chandra ki rashi kark ashtam bhav men hai aur is par surya, rahu, chandra tatha ketu ka kendriya prabhav hai. û chandra ekadash bhav men shukra ki rashi men rahu, ketu aur uchch surya se pirit hai. û chandra ki rashi kark surya, rahu aur ketu ke kendriya prabhav men hai. û shashth bhav ki rashi shukra aur shukra vahan sthit bhi hai. û ketu se 22van dreshkan ekadash bhav men, shukra ki rashi men hai. in kundliyon ke adhyayan se jo kuch bhi tathya samne ae hain unka adhar puratan jyotirvidon dvara pratipadit manyataen hain. inke anusar kundli ka shashth bhav rog ka karak sthan hai. pratyek ang ke rog ki jankari ek bhav vishesh evan rashi vishesh ke adhyayan se mil sakti hai. atah is shodh men pratyek kundli ka shashth bhav, kal purush ke us rogi ang vali rashi tatha janm, chandra aur surya tinon lagnon se rog karak bhav tatha bhavesh ka jyotishiya adhyayan kiya gaya. is adhyayan men kuch avlokan kie gae hain jo puratan manyataon ka pratipadan karne ke atirikt aur bhi kuch kahte hain. ye avlokan hain: pratyek kundli men prayah û shashth bhav v shashthesh pirit hai, shashth bhav ka sanbandh shukra se hai. û janm lagn, chandra lagn tatha surya lagn se aur kainsar se prabhavit ang ko vyakt karne vala bhav aur rashi dushit hai. mukhya pradushak mangal, rahu, shani, surya tatha ketu hain. û tisre, chathe tatha vishesh rup se ekadash upachay bhavon men brihaspati ya shukra ki rashi hai. û kainsar prabhavit bhav, bhavesh aur shashth bhav ka sanbandh shukra aur ketu se hai. û mangal rahu ki ya to yuti hai, ya drishti hai ya ve tritiya aur ekadash bhav men hain. û surya nich hai ya shani se prabhavit hai. chandra aur budh bhi pap prabhav men hain. û shani mukhyatah brihaspati ki rashi men athva shukra ya surya ki rashi men hai. û jihna ke kainsar ke udahrnon men chandra lagn se dusre sthan par budh, shukra v shani ka prabhav hai. û stan kainsar ke udaharan men chandra lagn se dusri rashi vrish (svami shukra) hai jo surya ya mangal se pirit hai. û fefron ke kainsar ke udaharan men chaturth bhav par shani ka prabhav hai tatha chandra dushit hai. û jigar ke kainsar ke udaharan men brihaspati papi grahon se pirit hai. û guptang men kainsar ke udaharan men saptam bhav men shukra ya shukra ki rashi hai. brihaspati aur shukra men sanbandh hai aur brihaspati tritiya, shashth ya ekadash bhav men hai. û mastishk ke kainsar men surya nich ya pap madhyasth hai. shukra nich hokar dvitiya ya dvadash bhav men hai. û rakt kainsar ke udaharan men chandra mangal se pirit hai. û 22ven dreshkan aur ketu se 22ven dreshkan ka sanbandh brihaspati aur shukra se hai. in avloknon ko jyotish ke puratan siddhanton dvara samjhaya ja sakta hai. jaise surya ka tivra evan papi prabhav tatha chandra ka pap prabhav, rakt, mastishk, vaksh tatha rog ka sare sharir par prabhav darshata hai. mangal ka dushprabhav asthi majja par hai jo rogon ko janm dene aur barhane men sahayak hota hai. budh ko bhi rog ka karak kaha gaya hai. brihaspati par pap prabhav tatha tritiya, shashth aur ekadash bhav ka prabhav kainsar men vriddhi darshata hai. shani tatha rahu ka dushprabhav lanbe evan kashtadayak rogon ka karak hai. dakshin bharat ke daivagyaon ke matanusar ketu rog ka karak hai - vishesh rup se lanbe, dukhdayi aur arbud jaise rogon ka. ketu se 22van dreshkan ketu se ashtam bhav se jura hai. isi tarah se lagn se 22van dreshkan bhi lagn se ashtam bhav se jura hai aur ashtam bhav dirghakalik, dukhdayi rogon ka suchak hai. ab prashn uthta hai shukra ko kainsar se kis prakar jora jae? kainsar koshikaon tatha unki vanshaj koshikaon ke jin padarthon men asamanyata ka utpann hone arthat koshikaon ka nirman karne vale jin men asamanyata utpann hone se kainsar koshikaen banti aur barhti hain. ab jin ka karak kaun sa grah hai? ye jin kahan se ate hain ? pratyek prani ka janm pita ke virya tatha mata ki raj ke sanyog se hota hai. mata ke raj aur pita ke virya men upasthit jin hi santan men ati hai jiske falasvarup santan men vanshanugat gun ate hain. yadi santan men ye jin doshyukt ho jaen to kainsar hone ki sanbhavna rahti hai. raj aur virya ka karak shukra hai. mata-pita ke shukra tatha brihaspati ke sanyog se santan men jin ata hai. yadi santan ka shukra pap prabhav men hai to uske koshon ke jin men asamanyata a sakti hai aur kainsar ka khatra ho sakta hai. yadi mata aer pita dvara pradatt jin men hi asamanyata hai to putra jatak ko vanshanugat kainsar janmajat hoga. vishay bahut gahan hai, shodh ki avashyakta hai. anya karak bhi khoje ja sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2008

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.