अष्टम भावस्थ शनि-व्यवसाय

ashtam bhavasth shani-vyavsay  

Ank ke aur Lekh | Sambandhit Lekh | Views : 2283 |  
janm kundli ke dasham bhav ko karm bhav kaha gaya hai aur dvitiya bhav ka sanbandh ay v sanchit dhan se hona bataya gaya hai. dhan tatha karm ka mukhya karak brihaspati hai, shani bhi karm tatha naukri ka karak hai. yadi dasham v dvitiya bhav tatha unke svami aur brihaspati evan shani shubhkarak hon to shubh karm v labh ki asha rahti hai. ekadash bhav vriddhi batata hai. ashtam bhavasth shani ki dasham tatha dvitiya donon bhavon par purn drishti hoti hai, dasham bhav navam se dvitiya hai, atah pita ki sanpatti v ay ka dyotak hai. tritiya bhav se ashtam bhav hone se bhai bahnon ki sanpatti tatha ekadash bhav se dvadash hone ke karan bare bhai ke vyay tatha haniyan batata hai. dvitiya bhav dasham bhav se panchvan hone se vyavsay men nivesh v satte ke bare men batata hai aur pancham bhav se dasham hone ke karan santanon ki jivika evan vyavsay ka dyotak hai. ashtam bhav dvitiya bhav se saptam hai atah sajhedari adi ka dyotak hai. yah chaturth bhav se pancham bhav hai aur lekhan dvara bhagya batata hai, saptam bhav se dvitiya hai aur dahej v sajhedari ka gyan deta hai. dasham bhav se ashtam bhav ekadash sthan par hai jo vyavsay men upalabdhiyon ka dyotak hai. ekadash bhav ka dasham sthan hai ashtam bhav jo mitra v bare bhai ke vyavsay ke vishay men batata hanai. in sab karakatvon ko dhyan men rakhte hue ashtam bhavasth shani ke vayvsay par parne vale prabhavon ka kuch kundliyon ke madhyam se vishleshan yahan prastut hai. udahrn-1 jatak ka lagn vrish hai jis par shashth bhav se shukra ki rashi se mangal ki drishti hai jo lagn ka nakshatresh hai aur vargottam hai. yah mangal pratiyogita men shreshthata de raha hai. lagn men brihaspati sthit hai jo jyotish shastron ke anusar lakhon papon ka ant karta hai. lagnesh shukra hai jo chaturth bhav men sinh rashi men digbali hai. shukra ketu ke nakshatra men hai jo shashth bhav men lagn nakshatresh mangal ke sath sthit hai. shukra ki drishti dasham bhav par hai jis par ashtam bhav se navmesh-dashmesh shani ki tatha shashth bhav se mangal ki drishti hai. dashmesh shani ashtam bhavasth hokar dasham, dvitiya tatha pancham bhavon par drishti de raha hai. shani ka nakshatresh ketu hai jo mangal ke sath shashth bhav men hai. dvitiya bhav do shubh grahon brihaspati tatha chandra ke madhya shubhakatrtari sthiti men hai. dvitiyesh budh vakri, uchch tatha vargottam hokar pancham bhav men surya ke sath hai jo chaturthesh hai aur navansh men uchch hai tatha shani ke sath ashtam bhav men hai. budh par shani (navmesh-dashmesh) tatha brihaspati (ashtamesh-ekadshesh) ki drishtiyan hain. jatak ka janm budh ki dasha men hua aur budh ka nakshatresh mangal hai. janm kundli men paryapt bal hai aur mangal tatha budh kafi majbut hain aur lagn se brihaspati ki pancham tatha navam bhavon par drishti atm, purva punya tatha bhagya ko jor rahi hai. budh ki sthiti use madhur kanth aur shuddh uchcharan ka gun de rahi hai. dasham bhav par chaturth bhav se shukra ki drishti hai jo lagnesh tatha kala ka karak hai. ashtam bhav se shani ki tatha shashth bhav se ketu ki drishti hai. lagn, mangal, budh tatha brihaspati ka nakshatresh mangal hai. shukra tatha shani ka nakshatresh ketu hai jo mangal ke sath shashth bhav men shukra ki tula rashi men hai. is sthiti ke karan jatak ka karm sangit se jura hai parantu mangal ke karan pratidvandvita, parishram, ketu, surya tatha brihaspati ke karan prasiddhi tatha shani ke karan deri se purn saflta prapt hogi. budh pancham bhav men surya ke sath hai jahan chaturthesh surya bhi hai. budh uchch, vargottam, dvitiyesh v panchmesh hai aur us par shani tatha brihaspati ki bhi drishti hai. atah pancham bhav men bahut se yog ikatthe ho gae hain jinse dvitiya, pancham, ashtam, navam, dasham tatha ekadash bhav jure hain. in bhavon ka yog dhan, madhur vani, uttaradhikar, karm tatha labh de raha hai. jatak ko pita ki matyu ke pashchat kam umra men hi parivar ko sanbhalne ke lie karm karna para. budh/shni ki dasha men pratham karya kiya. budh dvitiyesh tatha panchmesh hai aur shani navmesh tatha dashmesh hai jo vyavsay ko dhan ki ay se jorta hai. isi dasha men pita ki mrityu tatha sthan parivartan aur karya men achanak badlav aya parantu budh ki ekadash bhav par drishti hone se arthik labh bhi hua. 1947 tak sthiti samanya chalti rahi (shani ka prabhav), parantu 1948 se ketu/chandra ki dasha men filmon men gayan se prasiddhi praranbh ho gai. ketu shukra ki rashi men shashth bhav men hai aur dasham bhav par drishti dal raha hai. chandra tritiya bhav (parishram) men svagrihi hokar navam bhav (bhagya) par drishti de raha hai aur navmansh men ekadshesh hai jahan shukra baitha hai. farvri 1953 se shukra ki bis varshiya dasha aranbh hui. shukra chaturth bhav men digbali hokar dasham bhav (karya) par drishti de raha hai. is avdhi men jatak ko anek puraskar prapt hue (1958 shukra/chandra, 1962 shukra/rahu, 1965 shukra/brihaspati, 1969 shukra/budh). 1969 men unhen padmabhushan se bhushit kiya gaya. us samay gochar men shani ekadash bhav par tatha brihaspati pancham bhav par tha. 1974 men surya/rahu ki dasha men unka nam ginij buk men aya, us samay gochar men shani dvitiya bhav par tatha brihaspati dasham bhav par tha. mangal ki dasha men bhi unhen bahut puraskar mile (1989 men mangl/mangal, 1993 men mangl/budh, 1994 men mangl/shukra). iske pashchat rahu ki mahadsha men puraskaron ka milna jari raha (1996 men rahu/rahu, 1998 rahu/rahu,). 1999 men rahu/shni ki dasha men padmavibhushan se sammanit kiya gaya. us samay shani ka gochar mesh par sthit rahu par tha aur brihaspati ekadash bhav men tha. 2001 men rahu/shni ki dasha men unhen bharataratn se sammanit kiya gaya. us samay lagn par brihaspati tatha shani ka dohra gochar tha. rahu dvadash bhav men mesh rashi par hai aur nakshatresh shukra hai. dashmansh men rahu lagn men mangal ke sath tula rashi (svami shukra) men hai. mangal ki mahadsha se inke sur men ayu ka prabhav a gaya. mangal shashth bhav men rahu/ketu aksh par hai. udahrn-2 jatak ka janm kanya lagn men hua. janm mahadsha rahu ki hai. lagn nakshatresh surya hai jo pancham bhav men makar rashi men hai aur us par ashtam bhavasth nich shani ki drishti hai. lagnesh budh shashth bhav men shani ki rashi kunbh men sthit hai. yadi surya lagn aur chandra lagn dekhen to inapar bhi ashtam bhavasth shani ki drishti hai jo nich hai parantu brihaspati ke sath yuti men hai. budh ka nakshatresh mangal hai, jo dasham bhav men jal pratinidhi chandra ke sath, vakri hokar, yuti men hai. dasham bhav par shani ki drishti hai. shani ka nakshatresh shukra hai jiska nakshatresh chandra hai jo dasham bhav men mangal ke sath sthit hai. dashmesh budh hai jo lagnesh bhi hai. dasham bhav par mangal tatha chandra ke prabhav ne inhen nausainik ka pad diya jo 1912-1920 tak raha. us samay dasha kal shani/shukra, surya, chandra, mangal raha. shashthesh shani, mangal, dashamasth chandra, dashmesh tatha lagnesh budh tatha mangal ke prabhav ne unhen yah karya diya. dvitiya bhav par shani tatha brihaspati ki drishti hai aur dvitiyesh shukra surya ke sath pancham bhav men sthit hai. shukra tatha surya chandra ke nakshatra men hain jo dasham bhav men tritiyesh v ashtamesh mangal ke sath sthit hai. panchmesh shani brihaspati ke sath ashtam bhav men hokar dasham, dvitiya tatha pancham bhav ko dekh raha hai. atah unhonne rajniti, itihas tatha kanun ki shiksha li aur shiksha tatha janm dashmesh rahu ka sanbandh karm bhav se jura. rahu tritiya bhav men hai, vargottam hai, uska rashish mangal dasham bhav men sthit hai aur uska nakshatresh shani hai jo rahasya tatha achanak parivartan vale ashtam bhav men sthit hai. shani ke bad budh ki mahadsha ai jo lagnesh tatha dashmesh hai. brihaspati ki dvitiya bhav par drishti ke karan unke rajnitik vyakhyanon ne janta ko bahut prabhavit kiya. unhonne 1932 men budh/chandra ki dasha men pahli bar rashtrapti pad ka chunav jita. budh dashmesh tatha lagnesh hai aur chandra ekadshesh hokar dasham bhav men sthit hai. navansh men budh bhagyesh hokar ekadash bhav men tatha chandra saptamesh hokar dvitiya bhav men hai. 1936 men budh/rahu ki dasha men dusri bar desh ke rashtrapti chune gae. rahu purusharth bhav men vargottam hai aur budh se dasham bhav men sthit hai. rahu ka rashish mangal dasham bhav men lagnesh budh ki rashi men ekadshesh chandra se yuti men hai. navansh men rahu ekadash bhav men ekadshesh mangal, bhagyesh budh aur parakramesh brihaspati ke sath yuti men hai aur pancham bhav se svarashish shukra se drisht hai. 1940 men budh/shni/chandra ki dasha men tisri bar desh ke rashtrapti ka chunav jite. shani panchmesh tatha shashthesh hekar ashtam bhav men nich hai tatha dasham aur pancham bhavon par drishti dal raha hai. chandra dasham bhav men mangal ke sath yuti men hai aur mangal budh ka nakshatresh hai. navansh men shani ashtam bhavasth hokar dasham bhav par drishti de raha hai. dashmesh shukra svarashi men pancham bhav men sthit hai aur ekadash bhav se mangal, budh, brihaspati tatha rahu se drisht hai. 1944 men ketu/chandra ki dasha men chaithi bar desh ke rashtrapti chune gae. ketu navam bhav men sthit hai aur shukra ke nakshatra men hai. navansh men ketu shukra ke sath, shukra ki rashi men purva punya bhav men sthit hokar mangal, budh, brihaspati tatha shani se drisht hai. jatak ko uchit samay par dashmesh ki dasha prapt hui atah saflta milti gai. udahrn-3 jatak ka janm kunbh lagn ka hai jo rahu/ketu ke aksh par hai. janm nakshatresh mangal hai aur janm dashanath bhi mangal hi hai jo bhagya bhav men vakri hai. mangal tritiyesh v dashmesh hai, atah parishram se bhagya banega. lagnesh shani vakri hokar ashtam bhav men shashthesh chandra ke sath hai jin par ashtamesh nich budh ki dvitiya bhav se drishti hai. shani ka nakshatresh chandra hai. ashtam bhav men vakri shani ki chandra se yuti, budh ki rashi men nich budh se drisht aur chandra ka nakshatra men hona yah sara yog mastishk ki asthirta ka dyotak hai, parantu budh vargottam hai. budh 2/8 aksh par hai, atah vani, dhan tatha vyapar-udyam men chotapan rahna chahie. dashmesh mangal navam bhav men hai tatha navmesh shukra tritiya bhav men uchch surya aur brihaspati ke sath yuti men hai. mangl-shukra men rashi parivartan tatha samasaptak bhav drishti hai atah parishram karne par bhagya sath dega hai. shashthesh chandra aur dvadshesh shani ashtam bhav men sthit hokar viprit rajyog bana rahe hain. mangal, budh aur shani ke prabhav ne jatak ko arkitekt banaya aur shani/shni/shni ki dasha men arkitekt ke rup men 1990 men naukri aranbh ki. shani ki drishti ashtam bhav se dasham tatha dvitiya bhav par hai aur dashmesh v dvitiyesh kramshah mangal tatha brihaspati hain. bhagyesh shukra, jo mangal ka rashish hai, yogkarak hai. navansh men bhi shani ashtam bhav men shukra ki rashi men hai aur iski drishti pancham bhav par shani ki rashi men sthit mangal par hai. navansh men shani yogkarak hai. yah sari grah sthiti naukri men labh darsha rahi hai. 1991 men shani/shni/budh ki dasha men jatak ne anya karya, sheyar tatha jamin-jaydad ka karobar, aranbh kiya. budh panchmesh tatha ashtamesh hai aur dhan bhav men brihaspati ki rashi men sthit hokar shani tatha chandra se ashtam bhav se drisht hai atah jhukav spekuletiv karyon ki or hua. mastishk shani/shni/mangal ki dasha men 1992 men paripakva hua. mangal tritiyesh aur dashmesh hokar navam bhav men hai atah koi bara parivartan hone ki sanbhavna thi. yadi dasham bhav se shashth, asht aur dvadash bhavon ko dekhen to inke svamiyon mangal aur budh men paraspar sanbandh hai. atah parivartan ingit hota hai. 1993 men shani/shni/brihaspati ki dasha men naukri chor di. shani ki drishti dvitiya bhav men budh par hai aur dvitiyesh brihaspati (dhankark) tritiya bhav men uchch surya ke sath yuti men hai. surya aur shani ka dhan karak brihaspati par algavvadi prabhav hone ke karan naukri chori aur sheyron ke dalal ke rup men karya kiya. 1996 men shani/ketu ki dasha men hani aranbh hui aur shani/shukra ki dasha men jatak ne apna sab kuch ganva diya. ketu svayan apne nakshatra men hokar saptam bhav men hai jo mahadshanath shani se dvadash (vyay) bhav men sthit hokar lagn ko dekh raha hai. navansh men ketu shani ke sath ashtam bhav men shukra ki rashi men hai aur dvitiya bhav par drishti dal raha hai. shukra ketu ke nakshatra men hai. shani aur shukra ek se prabhav men hain. shani lagnesh hai to shukra navmesh hai. shani par budh aur chandra ka prabhav hai to shukra par surya, brihaspati tatha mangal ka. navansh men shukra lagnesh hai to shani panchmesh hai. shani par mangal, surya, rahu aur ketu ka prabhav hai to shukra par ketu yukt shani ka prabhav hai. shukra janm kundli men yogkarak hai to shani navansh kundli men yogkarak hai. atah uttar kalamrit ke anusar shani/shukra ki dasha men bhikshuk ho jana chahie. shani/chandra ki dasha men jatak ki sthiti men sudhar aya aur shani/mangal ki dasha men punah unnati honi aranbh ho gai. chandra shashthesh hokar ashtam bhav men shani ke sath hai, viprit rajyog prabhav de raha hai. mangal tritiyesh tatha dashmesh hokar bhagya bhav men hai aur surya, brihaspati tatha shukra se samasaptak hai. brihaspati dhanesh tatha dhan karak hai aur labhesh hai. navansh men mangal dvitiyesh v saptamesh hai aur pancham bhav men shani ki rashi men sthit hokar ashtam bhavasth shani se tatha bhagya bhav se brihaspati se drisht hai. udahrn-4 jatak ka janm mesh lagn men shukra ke nakshatra men hua. lagn par bhagyesh brihaspati ki drishti hai. lagnesh mangal ashtamesh hokar ashtam bhav men surya v shani ke sath sthit hai aur brihaspati ke nakshatra men hai. chandra lagnesh budh bhagya bhav men brihaspati ki rashi aur shukra ke nakshatra men hai. surya lagnesh mangal hai. atah tinon lagn brihaspati evan shukra donon guruon ke prabhav men hanai, atah jatak buddhi v sadvritti se yukt hai. dasham bhav par ashtam bhav se shani ki drishti hai jo svayan dashmesh v ekadshesh hai aur navmesh budh ke nakshatra men hai. dashmesh shani ki ashtam bhav men lagnesh v ashtamesh mangal tatha panchmesh surya se yuti hai. dashmesh ka budh ke nakshatra men hone tatha pancham, navam, dasham v ekadash bhav ka sanbandh hone se vyapar ki sanbhavna ban rahi hai. lagn nakshatresh tatha dashmesh nakshatresh shukra hai jo dasham bhav men sthit hai atah kapre ka vyapar kiya. 1978 men em.essi. ki shiksha chor mangl/surya ki dasha men kapre ke vyavsay men lag gae. mangal lagnesh hai, surya shukra ke nakshatra men tatha panchmesh hai aur donon ashtam bhav men sthit hanai. ashtam bhav virasat dene vala hai. 1982 men rahu/brihaspati ki dasha men kapre par chapai ka karkhana shuru kiya. rahu tatha brihaspati donon saptam bhav men shukra ki rashi men hanai aur shukra dasham bhav men shani ki rashi men hai. brihaspati mangal ke nakshatra men hai. mangal, brihaspati aur shani ke sanyukt prabhav ne karkhane ka shubharanbh karaya. shani dashmesh tatha ekadshesh hai aur mangal lagnesh hai. is karya men jatak ne bahut labh kamaya. 1991-1992 men rahu/shukra ki dasha men sile kapron ka niryat bhi shuru kar diya. rahu brihaspati ke sath saptam bhav men shukra ki rashi men hai aur brihaspati dvadshesh hai. shukra dasham bhav men shani ki rashi men hai jo labhesh bhi hai. shukra ka nakshatresh chandra hai jiski dvadash bhav par drishti hai, atah videsh se jura vyavsay kiya. navansh men shukra lagnesh hokar saptam bhav men hai; rahu shani ke sath pancham bhav men yuti men hai aur shani ka nakshatresh budh dvadash bhav men svarashisth hai. 1994 men rahu/surya/shni dasha men bantvara hua aur dhar se alag ho gae. rahu, surya aur shani tinon algavvadi grah hain. rahu saptam (vyapar) bhav men aur surya tatha shani ashtam bhav men mangal ke sath hain. chaturthesh chandra rahu se dvadash bhav men hai. 2000 men brihaspati/shni/shukra ki dasha men videsh se ayat ki gai mashinon se les v karhai ki faiktari aranbh ki. brihaspati saptam bhav men shukra ki rashi men hai aur dvadshesh hai. shani dashmesh v ekadshesh hai. shukra dvitiyesh v saptamesh hokar dasham bhav men shani ki rashi men hai. navansh men shukra lagnesh hai jahan brihaspati sthit hai. brihaspati ka nakshatresh mangal aur shukra ka nakshatresh chandra hai, ye videshi mashinon ka upyog darsha rahe hain. 2002 -2003 men labh aur hani donon hue. brihaspati/budh/chandra dasha men hani hui. chandra shashth bhav men hai, videsh se kuch mashinon ke milne men deri ke karan karya kam ho paya. brihaspati/budh/rahu ki dasha men arthik sthiti thori kharab rahi. rahu saptam bhav men brihaspati ko pirit kar raha hai. 2004 men brihaspati/brihaspati/ketu ki dasha men ek aur karkhana shuru kiya. brihaspati saptam bhav men shukra ki rashi men hai aur navansh men vargottam hokar lagn men hai. ketu lagn men hai aur navansh men ekadash bhav men hai. ketu ka nakshatresh shukra hai. iske atirikt vartaman men shukra ki pratyantar dasha hai, 2007 tak punah kuch achche labh ke sanket hain . is kundli ke adhyayan se gyat hua ki jatak ko uchit samay par labhkari dashaen prapt hoti rahin aur vah unnati karta chala gaya yadyapi use paryapt parishram karna para. udahrn-5 jatak ka janm kark lagn men shukra/surya ki dasha men hua hai. lagn ka nakshatresh budh hai. lagn par janm dashmesh shukra ki drishti hai. shukra chandra ke nakshatra men hai jo shukra se dvadash shashth bhav men hai aur lagnesh hai. lagnesh chandra par ashtamesh shani ki ashtam bhav se drishti hai. chandra shukra ke nakshatra men hai. chandra lagnesh tatha surya lagnesh brihaspati hai jo labh bhav men shukra ki rashi men rahu ke sath hai. brihaspati mangal ke nakshatra men hai. dashmesh mangal hai jo panchmesh bhi hai tatha bhagya bhav men min rashi men surya tatha budh ke sath sthit hai. dvitiya bhav par ashtam bhavasth shani ki drishti hai aur dvitiyesh surya bhagya bhav men budh aur mangal ke sath sthit hai. mangal tatha budh donon shani ke nakshatra men hain. chandra/shni ki dasha men jatak ko apratyashit labh mila. chandra lagnesh hai aur brihaspati ki rashi men hai jo labhesh hai. brihaspati ki drishti pancham tatha saptam bhavon par hai. shani ki pratyantar dasha men jatak ne 1991 men em.bi.e. pas kar shiksha se juri naukri prapt ki. shani lagnesh chandra ki mahadsha men labh de raha hai kyonki uski drishti dhan tatha shiksha bhav par hai. mai 1992 men surya ki pratyantar dasha men uchch naukri achche pad ke sath mili. surya dvitiyesh hokar bhagya bhav men dhankarak brihaspati tatha yogkarak dashmesh mangal ke sath sthit hai. parantu is naukri ke lie jatak ko ghar se alag jana para. chaturthesh shukra shani ki rashi men hai jis par labh bhav se rahu ki drishti hai. shani, surya, rahu ke sammilit prabhav se aisa hua. 1994 men chandra/ budh/brihaspati ki dasha men naukri men samasyaen ane lagin. budh surya se ast hai aur shani ke nakshatra men hai jo ashtam bhav men ashtamesh hai. is avdhi men naukri to nahin gai parantu vetan nahin mila kyonki shani ki drishti dvitiya bhav par hai. chandra/ketu ki dasha men 1994 ke ant men anya sthan par achche vetan se naukri mili. ketu pancham bhav men shani se drisht hai atah parivartan hua. 1998 men mangl/rahu/shukra ki dasha men naukri chut gai aur kuch mas tak kuch karya nahin raha. mangal navam bhav men surya se ast hai. rahu ki drishti shukra par hai. mangl/brihaspati/shukra ki dasha men punah achcha karya mila. brihaspati bhagyesh hai aur shukra labhesh hai tatha saptam bhav men hai. brihaspati labh bhav shukra ki rashi men sthit hai. aprail 2000 men mangl/shni/chandra ki dasha men unnati hui aur dilli men tabadla ho gaya. mangal yogkarak hai, shani ki drishti dvitiya bhav par hai aur chandra shashth bhav se dvadash bhav par drishti de raha hai. atah sthiti parivartan tatha labh vali hai.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2006

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.