थैलेसीमिया: एक रक्ताल्पता रोग

thailesimiya: ek raktalpata rog  

Ank ke aur Lekh | Sambandhit Lekh | Views : 1351 |  
thailesimiya ek aisa rog hai jo virasat men bachche ko mata-pita se milta hai. ise samjhne aur iske karnon ka jyotishiya adhar janne ke lie buniyadi vishay men buniyadi gyan ka hona avashyak hai. bhinna-bhinn samuhon ki vanshanugat avyavasthaon ke karan honevale himoglobin sanshleshan men kami ko thailesimiya sindrom kahte hain. himoglobin lauh-porfadrin valy-prabandh hai jo do joron men char globin paelipeptaid shrinkhlaon se jura hai. in shrinkhlaon ka sanshleshan vibhinn jinon dvara hota hai. yadi in jinon men koi vikar ata hai to shrinkhlaon ka sanshleshan ghatne lagta hai aur parinamasvarup himoglobin kam hone lagta hai. in globin shrinkhlaon ke sanshleshan ke parimanatmak vikar ko thailesimiya raktalpata ka vikar kaha jata hai. sabse samanya thailesimiya bita-thailesimiya kahlata hai jo bita-peptaid shrinkhlaon ka sanshleshan ghatne ke karan se hota hai. is rog men lal raktakanon ka nash hota rahta hai aur inse chora gaya lauh tatva ka himoglobin sanshleshan men upyog nahin ho pata varan vah asthimajja men ekatrit hota rahta hai aur rogi men nyunadhik raktalpata ho jati hai. atah rogi ko uske jivan ke liye niyamit rup se bahar se rakt lene ki avashyakta rahti hai. is rog ki jankari jyotish ke adhar par bhi prapt ki ja sakti hai. is kram men nimnalikhit binduon par vichar avashyak hai. 1. rog tatha uski virasat jinhen pancham tatha navam bhav v unke bhaveshon ki sthiti se dekhna chahie, 2. jin, rakt, aur asthimajja ke lie inke karak surya, chandra aur mangal ki sthiti kundli men dekhni chahie, 3. lal raktakanon ke nash, lauh tattva ke prithak hone aur ayu ka kshin hona. inke lie shani ka adhyayan karna hoga. 4. rog, uski tivrata tatha ilaj ke lie shashthesh, ashtamesh tatha dvadshesh ki sthiti ka 5. niyamit rup se rakt charhane ke lie chaturth bhav ka aur 6. lagn tatha lagnesh ka adhyayan avashyak hai. in chah baton ka vichar dreshkan, navmansh v dvadshansh kundliyon men bhi karna chahie. anya karak jinka is adhyayan men upyog kiya gaya hai ve hain 22 van dreshkan, 64van navmansh, 85van dvadshansh, ketu se 22van dreshkan, lagn tatha grahon ki amritghti, vishghti aur mrityubhag men sthiti aur janm samay ki dasha. yahan udaharan ath kundliyon ka adhyayan prastut hai jismen unke jatkon ke thailesimiya se grast hone ke jyotishiya yogon ka vishleshan kiya gaya hai. kundli 1 janm divs: 9.7.2000, janm samay 12.00, dophr sthan: dilli lagn mrityubhag tatha sarp dreshkan men hai. is par mangal tatha surya ka kendriya prabhav hai. lagnesh brihaspati tritiya bhav men shani se pirit hai. pancham tatha navam par shani ki drishti hai. pancham bhav ra/ke aksh par hai, atah anuvanshik kami hai. panchmesh chandra navmesh mangal se drisht hai. surya, chandra, mangal tinon kendra men hai. surya shashthesh hai, vriddh hai tatha mrityu bhag men hai tatha chaturth bhav men rogkarak budh v mangal ke sath hai. sanbhvtah pita se anuvanshik rog prapt hua hai. chandra marak bhav men sthit hokar markesh mangal se drisht hai. mangal chaturth bhav men surya v budh ke sath hai aur mrityu bhag men hai. 22van dreshkan bhi chaturth bhav men hai, atah chaturth bhav atyadhik pirit hai aur rakt ke karak surya, aur mangal bhi yahan sthit hai. to rakt ka charhana niyamit evan avashyak hai. shani vishghti men hokar tritiya bhav men hai tatha dvadash bhav ka svami hai aur rogkarak ketu se drisht hai. shashthesh surya hai, dvadshesh shani hai, ashtamesh shukra rahu se pirit tatha shani se drisht hai. ketu se 22van derashkan tatha 85van dvadshansh shasht bhav men hain. kundli 2 janm divs: 17.4.1982, janm samy: 5.29 pratah sthan: dilli jatak ka lagn vishghti men tatha sarp dreshkan men hai. lagn men hi upketu ki sthiti hai tatha saptam bhav se vakri shani aur mangal se drisht hai. lagnesh brihaspati vakri hokar ashtam bhav men hai tatha surya aur rahu se drisht hai. pancham bhav men 85van dvadshansh sthit hai, parantu ekadash bhav se panchmesh chandra ki drishti bhi hai. navam bhav par vakri shani ki drishti hai aur navmesh mangal saptam bhav men shani ke sath budh ki rashi men sthit hai. surya marak dvatiya bhav men rogkarak budh ke sath uchch hokar sthit hai. surya shashthesh bhi hai aur shashth bhav men upagrah dhum sthit hai. chandra panchmesh hokar shashth se shashthabhav ekadash bhav men sthit hai. surya chandra ki tulna se lagta hai ki anuvanshikta pita se mili hai. mangal vakri hokar marak sthan saptam bhav men shani ke sath sthit hai aur dusre marak sthan dvitiya bhav ka bhi svami hai. shani ekadash v dvadash bhav ka svami hokar saptam bhav men mangal ke sath sthit hai. shashthesh surya marak sthan men hai, ashtamesh shukra mrityu bhag men hokar vyay bhav men sthit hai. dvadshesh shani saptam bhav men mangal ke sath sthit hai. chaturth bhav men rahu, 64van navansh tatha 22van dreshkan sthit hain atah chaturth bhav pirit hai. surya, mangal, budh, rahu, ketu ayudh dreshkan men hain jo rog ki ganbhirta ki pushti karte hain. kundli 3 janm divs: 11.1.1986 janm samy: 12.45 dophr janm sthan: ambala jatak ka lagn mesh ra/ke aksh par hai tatha mangal v rogkarak ketu se drisht hai. lagnesh mangal ashtamadhipti hai tatha marak sthan saptam bhav men ketu ke sath sthit hai. pancham bhav par rahu v shani ki drishti hai. shani mrityu bhag men tatha rahu vishghti men hai. panchmesh surya navam bhav men hai. navam bhav men panchmesh surya, dvitiyesh tatha saptamesh shukra, tritiyesh tatha shashthesh budh baithe hain. yah sab marak ya rog sthan hai. navmesh brihaspati dasham bhav men shani ki rashi men vishghti men hai. is par saptam bhav se mangal ki drishti hain. matri karak chandra sath men hai. surya navam bhav men, aur ayudh dreshkan men hai tatha rahu se drisht hai jo ki vishghti men hai. atah rog mata aur pita donon se prapt hua pratit hai. chandra dasham bhav men brihaspati ke sath hai jo vishghti men hai. chandra chaturthesh bhi hai aur ashtam bhav se shani se drisht hai. mangal marak shani saptam bhav men rog karak ketu ke sath hai aur ashtamesh bhi hai. shani mangal ki rashi men ashtam bhav men hai aur chathe bhav se chathe bhav ka svami hai. shashthesh budh navam bhav men surya ke sath baithakar rog ki anuvanshikta ki or ingit karta hai. ashtamesh mangal vishghti men hai tatha chandra, lagn aur dvitiya bhav par drishti dal raha hai. dvadshesh brihaspati bhi vishghti men hokar chandra ko dasham bhav men vishamay kar raha hai. yah shani se bhi drisht hai jo pash dreshkan men hai tatha mrityubhag men hai. chaturth bhav brihaspati tatha chandra se drisht hai jo chandra ki rashi hai aur rakt rog ka dyotak hai. 22van dreshkan dvadash bhav men, ketu se 22van dreshkan shashth bhav men, 64van navansh tritiya bhav men tatha 85van dvadshansh lagn men sthit hokar rog ki gahan sthiti ko darsha rahe hain. kundli 4 janm divs: 18.11.1997 janm samy: 10.10 sthan: dilli lagn dhanu hai jo chaturth bhav se vakri shani dvara tatha saptam marak sthan se chandra dvara drisht hai. lagn men mangal, aur shukra sthit hain. mangal dvadshesh hai tatha shukra shashth se shashthesh hai. pancham men chaya grah vyatipat hai tatha panchmesh mangal dvadshesh bhi hai aur lagn men sthit hai. navam ra/ke aksh par hai. rahu amrit dhati men hai aur rogaharan hai, parantu navmesh surya dvadash bhav men vrishchik rashi men budh ke sath sthit hai. dvadash bhav men 22van dreshkan hai tatha surya sarp dreshkan men hai. navam bhav men sinh rashi tatha navmesh surya donon pita ke dyotak hain jahan rogaharan rahu amrit ghati men hai. atah rog sanbhvtah mata se prapt hua hai. chandra marak bhav men budh ki rashi men hai. chandra par mangal tatha vakri shani ki drishti hai tatha yah svayan ashtamesh hai. 64van navansh chandra ke sath hai aur chandra ayudh dreshkan men hai. mangal panchmesh v dvadshesh hokar lagn ko pirit kar raha hai. yah saptam bhav se chandra se drisht hai aur 22ven dreshkan ka svami hai. iski drishti chaturth tatha ashtam bhav par bhi hai. shani chaturth bhav men sthit hokar vakri hai tatha sarp dreshkan men hai; chaya grah dhum bhi shani ke sath hai. shani par lagn se mangal ki drishti hai tatha shani ki drishti lagn aur shashth bhav par hai. shashthesh shukra hai jo shashth se shashthesh bhi hai aur lagn men sthit hokar mangal se pirit hai. shukra rog karak ketu ka 22van dreshkan bhi hai. ashtamesh chandra hai aur dvadshesh mangal hai. chaturth bhav shani se yut hai aur is par lagn se mangal ki drishti hai tatha upagrah dhum bhi yahin par hai. chaturthesh brihaspati marak sthan men hai, atah mata sthan chaturth bhav se ingit hota hai ki rog mata se prapt hua. 85van dvadshansh bhi dusre bhav men brihaspati ke sath hai. 22van dreshkan dvadash bhav men tatha ketu se 22van dreshkan shashth bhav men sthit hokar rog ki tivrata tatha uske ilaj ke dyotak hain. kundli 5 janm divs: 27.10.2001 janm samy: 2.30 ratri janam sthan: dilli jatak ka lagn sinh hai jis par shashth bhav se mangal ki drishti hai tatha shani ka kendriya prabhav hai. lagn par vishghti men sthit rog karak ketu ki bhi drishti hai. lagnesh surya vishghti men hai aur nich ka hokar ashtam se ashtam bhav men sit hai. pancham bhav men rogkarak ketu sthit hai; panchmesh brihaspati shashth se shashth bhav men rahu ke sath hai. yah ashtamesh bhi hai. navam bhav nich ke surya se drisht hai jo yah darshata hai ki pita se rog prapt hua hai. navmesh mangal, jo chaturthesh bhi hai, shashth bhav men shani ki rashi men hai surya nich ka hokar ashtam se ashtam bhav men hai jo mrityu ka karak hai. chandra marak sthan saptam bhav men shani ki rashi men sthat hai tatha shani se drisht hai. chandra dvadshesh bhi hai. mangal shashth bhav men shani ki rashi men hai aur navmesh tatha chaturthesh hai. mangal par surya ka kendriya prabhav hai. shani dasham bhav men shukra ki rashi men hai jo nich hokar marak than men budh ke sath hai ,parantu shukra amrit ghati men hai. shani ki drishti chaturth, saptam tatha dvadash bhavon par hai. shani ka kendriya prabhav lagn par hai. shashth bhav shani ki rashi hai jahan mangal baitha hai. ashtam bhav men min rashi hai aur isapar rogkarak budh tatha nich ke shukra ki drishti hai. ashtamesh brihaspati shashth se shashth bhav men rahu ke sath budh ki rashi men hai. 64van navansh bhi ashtam bhav men hai. dvadash bhav men kark rashi hai jiska svami chandra saptam bhav men pirit hai. dvadash bhav par mangal aur shani ki drishti hai tatha 22van dreshkan aur ketu se 22van dreshkan bhi dvadash bhav men sthit hain. ye rog ki ganbhirta aur ilaj ki anupyuktata ke suchak hain. chaturth bhav men mangal ki vrishchik rashi hai jisapar shani ki drishti hai aur chaturthesh mangal shashth bhav men shani ki makar rashi men hai. 85van dvadshansh marak sthan dvitiya bhav men sthit hai. kundli 6 janm divs: 8.4.1986 janm samy: 10.10 pratah janm sthan: dilli lagn mithun hai jis par marak saptam bhav se mangal ki drishti hai tatha surya ka kendriya prabhav hai. lagn ka nakshatresh mangal hai tatha lagn par ketu ki bhi drishti hai. lagnesh budh navam bhav men shani ki rashi men brihaspati se yut hai jo mrityu bhag men hai. pancham bhav rahu ketu aksh par hai, rogkarak ketu ismen baitha hai. panchmesh shukra shashth se shashth bhav men rahu se yut hai. navam bhav par rogkarak ketu ki drishti hai. ismen mrityu bhag men sthit brihaspati tatha rogkarak budh ki sthiti hai. ketu se 22van dreshkan tatha 85van dvadshansh bhi navam men sthit hai. shani navmesh hai jo vakri hai tatha iski drishtiyan ashtam, dvadash, aur tritiya bhav par hain. svayan shani bhi shashth bhav men pash dreshkan men hain surya aur chandra dasham bhav men brihaspati ki rashi men hai parantu brihaspati mrityu bhag men hai. in par saptam sthan se mangal ki drishti hai. surya vish ghati men hai jo yah ishara karta hai ki rog pita se prapt hua hai. surya tritiyesh hai, chandra dvitiyesh hai aur donon marak sthanadhipti hai. mangal shashthesh tatha shashth se shashthesh hai. yah saptam bhav men brihaspati ki dhanu rashi men hai aur brihaspati mrityu bhag men hai. shani ashtamesh tatha navmesh hokar shashth bhav men sthit hai, shashthesh mangal hai jo marak sthan men baitha hai ashtam bhav makar rashi hai, ismen 22van dreshkan aur 64van navansh sthit hai. ashtamesh shani pash dreshkan men hai tatha shashth bhav men sthit hai. dvadash bhav par shani ki drishti hai. dvadshesh shukra panchmesh bhi hai aur donon ra/ke aksh par sthit hain. chaturth bhav par surya aur chandra ki drishti hai jo rakt ki avashyakta batati hai; surya vishghti men hai. chaturthesh rog karak budh hai jo navam bhav men (mrityubhag men) brihaspati ke sath sthit hai. kundli 7 janm divs: 29.10.1969 janm samy: 7.10 pratah janm sthan: dilli lagn tula hai jis par shani marakasth ki drishti hai aur mangal ka kendriya prabhav hai. ismen budh ast hokar mrityu bhag men hai. lagn surya se bhi pirit hai. lagnesh shukra, jo chandra lagnesh bhi hai, dvadash bhav aur amrit ghati men hai. shukra shatru brihaspati ke sath hai aur brihaspati vishghti men hai. pancham bhav ra/ke aksh par hai. panchmesh shani hai jo marak bhav saptam men sthit hai aur vishghti men hai. navam bhav men mithun rashi hai jiska svami budh lagn men mrityu bhag men hai. navam bhav par shani ki drishti hai. surya lagn men shatru rashi men hai aur budh ke sath hai jo mrityu bhag men hai. surya par shani ki drishti hai. surya ekadash bhav ka svami hai jahan rog karak ketu ki sthiti hai. atah pratit hota hai ki rog pita se prapt hua hai. chandra ashtam bhav men hai, parantu uchch ka hai. mangal chaturth bhav ko pirit kar raha hai. mangal aur shani ki ek dusre par drishti hai. mangal dvitiya tatha saptam donon marak sthanon ka adhipti hai shani saptam bhav men hai tatha surya aur shani paraspar samasaptak hainaiai aur donon prithakkari hai shani vishghti men hai. shashth bhav par dvadash bhav se brihaspati v shukra ki drishti hai. shashthesh brihaspati vishghti men hokar dvadash bhav men amrit ghati men sthit shukra ke sath hai. atah rog bahut bhayankar nahin hona chahie. ashtam bhav men uchch ka chandra hai parantu ashtamesh shukra dvadash bhav men hai. dvadash bhav men kanya rashi hai jismen vish ghati ka brihaspati tatha nich ka shukra baithe hain. dvadshesh budh ast hokar lagn men hai. mangal nigar dreshkan men tatha ketu ayudh dreshkan men hai. ketu se 22 van dreshkan tatha 64van navansh donon dvitiya marak bhav men hain. chaturth bhav vishghti ke mangal se pirit hai. yah sthiti rakt hani aur bar-bar rakt charhane ki avashyakta ka sanket deti hai. chaturthesh shani hai jo saptam bhav men vishghti men hai. kundli 8 janm divs: 08.5.1981 janm samy: 21.35 janm sthan: dilli jatak ka lagn vrishchik hai tatha is par saptam bhav se ast budh aur shukra ki drishti hai; shashth bhav se mangal ki aur ekadash bhav se shani ki drishti hai. lagnesh mangal shashth bhav men svagrihi hai parantu ast hai aur surya ke sath hai. pancham bhav par rahu tatha shani ki drishti hai aur panchmesh brihaspati shashth se shashth bhav men shani ke sath budh ki kanya rashi men hai. navam bhav ra/ke aksh par hai tatha ismen rahu ki sthiti hai. is par shashth bhav se mangal ki drishti hai. navmesh chandra ashtam bhav men rog karak budh ki mithun rashi men hai aur is par shani ki bhi drishti hai. mata se anuvanshiki men rog mila pratit hota hai. surya amrit ghati men hokar uchch hai parantu shashth bhav men mangal ke sath hai. atah pita se jivndayi jin mile hain. chandra ashtam bhav men mithun rashi men, shani se drisht hai. surya dasham bhav ka svami hai aur chandra navam bhav ka jo rahu se pirit hai. mangal lagn tatha shashth bhav ka svami hokar rog sthan shashth bhav men surya ke sath hai jo nij ko rakt sanbandhi rog darsha raha hai. mangal ki drishti navam, dvadash tatha lagn par hai. shani shashth se shashth bhav men budh ki rashi men hai. yah tritiyesh tatha chaturthesh hai aur ayudh dreshkan men hai. iski drishti lagn, pancham tatha ashtam bhav par hai. shashth bhav mangal aur surya se yut hai aur shashthesh mangal svagrihi hai. ashtam bhav budh ki rashi hai aur shani se pirit hai. ayudh dreshkan men sthit navmesh chandra ismen sthit hai. ashtamesh budh marak saptam bhav men ast hokar sthit hai. dvadash bhav par mangal v surya ki drishti hai. dvadshesh shukra marak sthan saptam bhav men rog karak budh ke sath sthit hai. chaturth bhav shani ki rashi kunbh hai aur yahan par 22 van dreshkan sthit hai. ketu se 22 van dreshkan marak sthan dvitiya bhav tatha 85van dvadshansh marak sthan saptam bhav men hai. kundliyon ke adhyayan nimn tathya samne ate hain: û rog adhyayan men jo karak nirdharit kie gae hain ve shubh faldayi nahin hain. û lagn tatha lagnesh mangal v shani se prabhavit hain. û pancham tatha navam bhav pirit hain aur panchmesh tatha navmesh saptam, ekadash bhav aur shashth, ashtam, dvadash bhav men hain. û surya aur chandra marak sthan ya rog sthan athva rog karak se jure hain. mangal ka sanbandh bhi banta hai. û mangal mukhyatya lagn athva shashth aur saptam bhavon men hai. û shani vishghti, mrityu bhag, sarp, pash ya ayudh dreshkan men hai. û shashth, ashtam v dvadash bhavon ki sthiti ashubh hai. û dreshkan, 64van navmansh aur 85van dreshkan ashubh sthiti darshate hain. û ra/ke ke aksh 5/11, 3/9 ya 4/10 bhavon par hai. û janm dashaon ke svami ya to dasham bhav se ya marak bhavon se jure hain. û anek sthanon par dasham bhav se ashubh sanbandh bante hain. aisa shayad dasham bhav ka karm bhav hone ke karan hai, kyonki rogi ki avastha punahpunah rakt ki avashyakta chahti hai, atah karm ka n hona darshati hai.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2005

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.