प्रेमविवाह के ज्योतिषीय योग

premvivah ke jyotishiya yog  

Ank ke aur Lekh | Sambandhit Lekh | Views : 2034 |  
prem vivah karane vale nimnalikhit yog hote hain. jinka varnan kar raha hun. û dvadshesh tatha dvitiyesh ka apas men sthan parivartan yog. û dvitiyesh tatha dvadshesh ki pahle, dusre, panchven ya 12ven bhav men yuti. û panchmesh v saptamesh ki pahle, dusre, panchven, satven ya 12ven bhav men yuti. û panchmesh tatha saptamesh ka apas men sthan parivartan. û saptamesh v lagnesh ka yuti ya drishti sanbandh. û dvitiyesh, panchmesh, saptamesh, dvadshesh ka ek sath yuti sanbandh. û dusre, panchven, satven tatha 12ven bhav ke svamiyon ka lagnesh se yuti sanbandh. û lagnesh tatha saptamesh ka apas men sthan parivartan athva yuti, drishti sanbandh. û dvitiyesh tatha panchmesh ka apas men sthan parivartan athva yuti ya drishti sanbandh. û guru aur shukra dampatya evan pati-patni ke sukh ke karak hain. atah in donon grahon ki prem vivah ke yogon men mahatvapurn bhumika hoti hai. larkiyon ki janm patrika men guru ka tatha larke ki janm patrika men shukra ka pap prabhav men hona prem vivah ki sanbhavna ko barhata hai. û pratham bhav men rahu grah ka baithna bhi prem vivah ka karan banta hai- yadi saptam bhav ka guru se sanbandh n ho. û navam bhav men dhanu ya min rashi ho tatha satven v nauven bhavon aur guru par shani ya rahu ki drishti ho. û saptam bhav men rahu v mangal ki yuti athva mangal evan rahu ke sath saptam bhav ka svami vrish ya tula rashi men ho to prem vivah ki sanbhavna rahti hai. û chandra lagn, surya lagn evan janm lagn se dvitiya bhav evan dvitiyesh ka sanbandh mangal se ho to prem vivah ho sakta hai. û dvitiya bhav pap prabhav men ho, shukra rahu ya shani ke sath baitha ho tatha saptamesh ka sanbandh shukra, chandra evan lagn se ho to prem vivah hone ki sanbhavna rahti hai. û shukra ka chandra athva janm lagn se pancham hona ya navam men hona bhi prem vivah ka karan banta hai. û chandra ki yuti lagnesh ke sath lagn men ya saptamesh ke sath saptam men hone par prem vivah hota hai. û shukra ka guru ya budh grah ke sath kendra ya trikon men hona bhi prem vivah karata hai. û saptamesh evan labhesh men rashi parivartan ho tatha pancham men mangal ki sthit ho to prem vivah ho sakta hai. û lagnesh, panchmesh ya saptamesh papi grah athva uska ashtamesh se sanbandh hon. is prakar ukt yog jatak evan jatka ko prem vivah ki or prerit karte hain. in yogon ko banane vale grahon ki sthiti jitni prabal hogi prem vivah ki sanbhavna utni adhik prabal hogi. anyatha avaidh sanbandh banakar rah jate hain. yahan kuch udaharan prastut hain: yah janm chakra bharat ka purva pradhanmantri indira gandhi ki hai. firoj gandhi se inka prem vivah hua tha. dvitiyesh surya ki dvadshesh budh se yuti prem ke bhav pancham sthan men hai. isse yog san. 2 ki pushti hoti hai. iske alava dvitiyesh surya tatha panchmesh mangal ka apas men sthan parivartan ho raha hai. yah sthiti bhi prem vivah yog san. 9 ko darsha rahi hai. sath hi saptamesh shani tatha lagnesh chandra ka apas men sthan parivartan aur drishti sanbandh donon yog san. 8 ke anurup hanai. is prakar shrimti indira gandhi ki janmapatri men prem vivah karane vale tin yeag vidyaman hain. yah sarvavidit hai ki inke prem vivah men kuch badhaen bhi ai thin. iska karan pancham bhav, dvitiyesh evan dvadshesh par guru ka drishti thi. yah janm chakra bharat ke purva pradhanmantri rajiv gandhi ka hai. jinhonne prem vivah kiya tha. ismen lagn bhav men dvitiyesh budh, dvadshesh chandra, panchmesh guru tatha lagnesh surya ka apas men yuti sanbandh hai. prem sanbandh banane vale yogon par shani grah ki tisri purn drishti ke falasvarup antarjatiya vivah hua. punarvivah athva bahu vivah ke nimnalikhit yog hain: û saptamesh aur dvitiyesh shukra grah ke sath athva kisi papi grah ke sath chathe, athve v 12ven bhav men ho, to ek stri ki mrityu ke bad dusra vivah hota hai. û yadi saptam ya ashtam men papi grah hon aur mangal dvadash bhav men hon tatha dvadshesh adrishya chakrardh men ho, to jatak ka dvitiya vivah avashya hota hai. û lagn, saptam sthan aur chandra tinon lagn se dvisvabhav rashi men hon, to jatak ke do vivah hote hain. û lagnesh, saptamesh aur janm rashish dvisvabhav rashi men hon, to ekadhik vivah hota hai. û janm lagnesh dvadash bhav men aur dvitiyesh papi grah ke sath kahin bhi ho tatha saptam bhav men papi grah baitha ho, to jatak ki do striyan hoti hain. û dhan sthan men anek papi grah hon aur dhanesh bhi papi grahon se drisht ho, to tin vivah hote hain. û saptamesh se tisre sthan men chandra guru se drisht ho ya saptamesh se tisre ya satven bhav men chandra ho, saptamesh shani ho, saptamesh aur navmesh bali hokar panchven aur nauven bhavon men sthit hon aur dashmesh se drisht saptamesh pahle, chaithe, panchven, satven, nauven ya 10ven bhav men sthit ho, to jatak anek striyon ka bhogi hota hai. û mansagri ke anusar: shashthe v bhavne bhaumah saptame rahu sanbhvah. ashtame ch yada sauristasya bharya n jivti.. arthat janm chakra men kisi ke chathe bhav men mangal, satven men rahu evan athven men shani ho to patni ki mrityu ho jati hai. mansagri ke vivah sanbandhi is yeag ki pushti men ek udaharanasvarup ek kundli prastut hai. kundli san. 3 ek medikal vibhag ke rajapatrit padadhikari ki kundli hai. yah vrishchik lagn ki kundli hai. ismen saptam bhav par mangal ki, chathe par rahu ki aur asht bhav par ketu ki purn drishti hai. yahan ketu grah shani ka prabhav bhi rakh raha hai. is jatak ke tin vivah hue parantu vivah tinon patniyon ki mrityu saptamesh shukra, jo patni karak grah hai, papi grah surya ke sath dvitiya bhav men hai aur rahu se purn drisht hai. is kundli k vishleshan se kundli dvara yah siddh hota hai ki mangal, ketu, rahu evan shani ki chathe, satven evan sthit, drisht athva yut hone aur saptamesh evan patni karak grah shukra ke bhi papi grah se pirit hone par patni sukh nahin milta hai. ek dusra udaharan punarvivah ka ek aur udaharan prastut hai. kundli san. 4 rilayans kanpni men prabandhak ke pad par karyarat ek vyakti ki hai. is kundli men janm lagnesh budh, saptamesh guru evan janm rashish shukra ye tinon grah dvisvabhav rashi kanya men hai. inki yah sthiti punarvivah yog ke anurup hai, atah jatak ke do vivah hue. ashtam bhav men mangal grah hone ke karan pahli patni ki mrityu ke bad hi dusra vivah hua. is prakar janm kundli ke vishleshan se prem vivah evan purnavivah ke bare men jankari pahle se hi prapt ki ja sakti hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.