शारदीय नवरात्र एवं पंच पर्व दीपावली के शुभ मुहूर्त

shardiya navratra evan panch parva dipavli ke shubh muhurt  

Ank ke aur Lekh | Sambandhit Lekh | Views : 462 |  
s varsh shardiya navratra ka aranbh dinank 23 sitanbar 2006, shanivar se ho raha hai. bharatavarsh men navratron ka bara mahatva hai. shakti ki upasna karne vale shakton ke lie to yah avdhi bahut mahatvapurn hoti hai. jansamanya ke lie bhi navratra men anand, utsav aur upasna ke sammilit avasar hote hain. chaitra shukla pratipda se vasanti navratra evan ashvin shukla pratipda se shardiya navratra ka praranbh hota hai. shardiya navratra bharatavarsh men adhik prachlit hain. shakti ki durga ke rup men upasna ki jati hai jo durgatinashini aur bhog evan mokshaprada hain. ashvin shukla pratipda ko kalashasthapan ke sath hi shardiya navratra ka praranbh hota hai aur nau dinon tak navdurgaon ki upasna ki jati hai. is varsh devi ka agaman ashva par ho raha hai jiska fal shasakavarg par sankt ke rup men dekha jata hai. devi ka gaman mahish par hoga jiska fal sankramak rogon ka failna hai. shardiya navratra men mahanvmi ka vrat evan pujan dinank 1 aktubar 2006 ko hai. navmi ka havan isi tithi ko karna chahie. 4 bajakar 36 mint ke bad uttarasharha nakshatra men is din sarasvati devi ke nimitt vibhinna balidan evan ayudh puja karni chahie. mahanvmi ko devi ki puja siddhidatri ke rup men ki jati hai. vijyadshmi vijyadshmi ya dashhra ka parva is varsh dinank 2 aktubar 2006 ko hai. navratra ki samapti ke bad devi ko is din aprajita ke rup men dekha jata hai. vijyadshmi ka din ek mahan parva evan utsav ke rup men manaya jata hai. yah din svayansiddh muhurta ke rup men atyadhik prachlit hai. vijyadshmi ko kisi bhi karya ke lie muhurt dekhne ki avashyakta nahin hoti hai. ashvinasya site pakshe dashamyan tarkodye, s kalo vijyo gyaeyah sarvakaryarth siddhaye.. vijyadshmi ka parva ashvin shukla dashmi ke din hota hai. dashmi tithi ke sath jis din shravan nakshatra ka sahyog ho, usi din vijyadshmi hoti hai. shravan nakshatra yukt suryody vyapini sarvashreshth hoti hai. dashmi ke din sayankal ke samay vijayaparva hota hai. yah parva dharm ki adharm par vijay ka pratik hai. is bar 13 bajakar 16 minat se 14 baje tak vijay muhurt hai. is kal men praranbh kie gae karyon men vijay aur saflta milti hai. is din astra-shastron ki puja bhi ki jati hai. shami evan aprajita ki puja tatha nilkanth darshan ka bhi vidhan hai. mahatma gandhi evan lal bahadur shastri ki jayanti bhi isi din manai jati hai. sharad purnima 6 aktubar 2006 ko ashvini purnima ya sharad purnima hai. sharad purnima ka vrat maha punyafldayi hota hai. is vrat ko karne se ayu arogya ki prapti hoti hai. arddh ratri ke samy chandrama ka pujan karke dudh men bani khir men ghrit tatha khand milakar chandrama ke prakash men rakhen fir use bhagvan ko arpit karke dusre din pratah kal khaen. isse sharirik evan mansik bal men vriddhi hoti hai. kaha jata hai ki sharad purnima ko madhya ratri men chandrama sansar ki divya aushdhiyon par amrit varsha karte hain. is din snan aur dan karne ka bhi vidhan hai. kartik snan vrat, yam niyamadi ka aranbh is din se hi ho jata hai. kartik men dipdan karne ka bhi vidhan hai. is din maharshi valmiki ki jayanti bhi manai jati hai. karva chaith 10 aktubar 2006 ko karva chaith ka vrat aur parva divas hai. yah vrat kartik krishn paksh ki chandroday vyapini chaturthi ko kiya jata hai. striyan pure din vrat rakhakar chandrama ke darshan karke aghrya dekar vrat purn karti hain. hindu dharm sanskriti men is vrat ki sarvatra manyata hai. suhagin evan pativrata striyan apne mangalya evan pati ki lanbi ayu evan samriddhi ke lie is kathin vrat ko rakhti hain. dhanters is bar 19 aktubar ko dhanatrayodshi ya dhanteras ka parva manaya jaega. kartik krishnapaksh trayodshi ko dhanvantari jayanti aur dhanatrayodshi donon hi manane ka vidhan hai. is din ghar men nai chij khasakar baratan, sona-chandi kharid kar lane ka vidhan evan paranpra hai. is din dhan ka apavyay nahin kiya jata tatha kisi ko udhar bhi nahin diya jata hai. islie kuch log khasakar vyapar men len-den karne se bhi bachte hain. aisi manyata hai ki dhanteras ke din dhan ka apavyay rokne se agle varsh dhan ka sanchy hota hai. is din pradoshkal men ghar ke bahar yam ke lie dipdan karna chahie. aisa karne se ghar ke sadasyon ko akalmrityu ka bhay nahin rahta hai. ayurved ke pravartak dhanvantari ki jayanti bhi pramukhta se manai jati hai. narak chaids 20 aktubar 2006, kartik krishnapaksha chaturdashi ko narak chaturdashi ya nark chaidas ke rup men manane ki paranpra hai. kuch jaghon par ise choti dipavli ke rup men tatha adhikansh sthanon par hanuman jayanti ke rup men manate hain. is din kuber ki bhi puja ki jati hai. is tithi ko rup chaidas ke rup men bhi manane ki paranpra hai. pratahkal suryoday se pahle uthakar tunbi (lauki) ko sir par se ghumane ke bad snan karne se rup aur saundarya bana rahta hai tatha log narkgami hone se bhi bach jate hain. yah bhi manyata hai ki bhagvan ne isi din vaman ke rup men avtar liya tha. is din dan karne se lakshmi ki kripa prapt hoti hai. is din nishamukhi vela men dipdan bhi karna chahie. dipavli is varsh dipavli 21 aktubar 2006 ko manai jaegi. hinduon ke lie is parva ka atyadhik mahatva hai. vaise pure bharat varsh men aur anya deshon men bhi jahan bhartiya mul ke log hanai, yah parva sabhi sanpradayon evan dharmon ko manne valon ke dvara harsh evan ullas ke sath manaya jata hai. is din log bari shraddha aur vishvas ke sath lakshmi evan ganesh ka pujan karte hain. dipavli ki ratri ko mahanishith kal ki sangya di gai hai. tantra ki sadhna, lakshmi puja evan kali puja ke lie is ratri se barhakar koi bhi samy nahin hota. atah sadhak evan bhakta log is ratri ki pratiksha men rahte hain evan iski puja evan upasna men pure manoyog se sammilit hote hain. is din sabhi gharon, dukanon evan vyaparik pratishthanon men mahalakshmi ka pujan avashya hota hai. vyapari log khata-bahi, tijori evan tula ki puja bhi karte hain. pratyek sthan ko dip jalakr prakashit kiya jata hai kyonki yah prakashaparva bhi hai. is din mithaiyan evan upharon ko bantne ki paranpra bhi hai. dipavli ke din lakshmi ki puja karne se unki kripa avashya prapt hoti hai. aur bhakton evan sadhkon ke dhan tatha samriddhi ki vriddhi hoti hai. lakshmi ki puja ke lie sayankal men vrishabh evan nishith kal men sinh lagna adhik prashast mana gaya hai kyonki shastrakaron ke anusar lakshmi ki puja ke lie sthir lagn hi faldayi mana gaya hai. govardhan puja 22 aktubar 2006, kartik shuklapaksha pratipda govardhan puja tatha annakut ka parva manaya jaega. is din vraj men govardhan puja evan parikrama ka vidhan hai. log apne godhan ki puja karte hain evan govansh ke sanvardhan ka pran lete hain. yah din vishvakarma jayanti ke rup men bhi manaya jata hai. chitragupt ji ki puja bhi isi din ki jati hai. bhaiduj dinank 24 aktubar 2006 kartik shukla paksh dvitiya ko bhratridvitiya ya yamadvitiya ke rup men manane ka rivaj hai. ise bhai duj bhi kaha jata hai. is din yamuna men snan, dipdan adi ka mahatva hai. is din bahnen, bhaiyon ke dirghajivan ke lie yam ki puja karti hain aur vrat rakhti hain. jo bhai is din apni bahan se sneh aur prasannata se milta hai, uske ghar bhojan karta hai, use yam ke bhay se mukti milti hai. bhaiyon ka bahn ke ghar bhojan karne ka bahut mahatmya hai. chath dinank 28 aktubar 2006, kartik shuklapaksh shashthi ko suryashashthi vrat ya chath parva manaya jaega. surya, jo sakshat narayan svarup hain, ki puja aur aradhna ka bhartiya samaj men bahut mahatva hai. surya ki aradhna se svasthya, samriddhi evan putralabh hota hai. suryashashthi vrat ya chath vrat ka anushthan bihar evan uttarapradesh men atyadhik shraddha aur bhakti ke sath kiya jata hai. shashthi ke sayankal evan saptami ke pratahkal men surya bhagvan ko aghrya diya jata hai. ashvin shuklapaksh evan kartik mas vrat parvon adi ki drishti se atyadhik mahatvapurn hain. kartik mas men pratah gangasnan, gangattvas evan dipdan ka bahut bara mahatmya hai. vibhinn shahron men dipavli pujan ke shubh muhurt 21.10.2006 dipavli ki sandhyakalin evan ratrikalin sthir lagnon ka vivrn vrish lagn sinh lagna shahar praranbh samapti praranbh samapti dilli 19ah05 21ah00 25ah39 27ah56 chennai 19ah17 21ah19 25ah40 27ah43 kolkata 18ah31 20ah29 24ah58 27ah10 munbai 19ah39 21ah38 26ah04 28ah12 patna 18ah39 20ah36 25ah07 27ah22 lakhnau 18ah54 20ah50 25ah23 27ah38 bhopal 19ah13 21ah11 25ah41 27ah53 dehradun 18ah59 20ah53 25ah30 27ah49 chandigarh 19ah03 20ah57 25ah34 27ah54 ahmdabad 19ah33 21ah31 26ah00 28ah12 haidrabad 19ah19 21ah19 25ah44 27ah50 benglur 19ah28 21ah30 25ah51 27ah54 ranchi 18ah42 20ah40 25ah09 27ah22 guvahati 18ah12 20ah08 24ah41 26ah56 raypur 19ah00 20ah59 25ah26 27ah36 jaypur 19ah14 21ah10 25ah43 27ah59 jammu 19ah07 21ah00 25ah40 28ah01 shimla 19ah01 20ah55 25ah33 27ah52 shrinagar 19ah04 20ah57 25ah38 28ah01 tiruanantpuram 19ah37 21ah41 25ah58 27ah58 gova (panji) 19ah39 21ah40 26ah04 28ah09 itanagar 18ah03 19ah59 24ah32 26ah48 imfal 18ah05 20ah03 24ah34 26ah47 shilang 18ah12 20ah09 24ah41 26ah55 kathmandu 18ah51 20ah48 25ah21 27ah37 port bleyar 18ah30 20ah33 24ah52 26ah54
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  October 2006

plenchit se karen atmaon se bat fluto ab keval laghu grahon ki shreni men navratra men kyon kiya jata hai kumari pujan shardiya navratra evan panch parva dipavli ke shubh muhurt

Subscribe

Apne vichar vyakt karein

blog comments powered by Disqus
.