श्री साईं बाबा का समाधि वाला दिन

shri sain baba ka samadhi vala din  

Ank ke aur Lekh | Sambandhit Lekh | Views : 889 |  
sain baba apne antim dinon men apne bhakton se dharmik pustaken parhvate the aur unhen us pustak ka antrik gyan samjhate the. 8 aktubar 1918 vale din baba bahut kamjor ho gaye the. arti aur puja roj ki tarah hoti thi. sain baba ke pas bhakton ko jane nahin diya ja raha tha baba bimar jo ho gaye the. kuch log ek chite ke sath ganv men kuch tamasha dikha kar paisa kamane aye. chita bhi bimari ki vajah se kamjor ho gaya tha. jab chita baba ke samne aya tab sain baba ne us bimar chite ki ankhon men dekha. chite ne bhi baba ko is tarah dekha ki vo kah raha ho ki he sain baba mujhe ab mukti dila do is duniya se. chite ki ankhon men ansu the. baba ne us chite ki madad uski mukti ke sath ki. baba sain apne antim dinon men dinon din kamjor hote ja rahe the. par unhonne apni is bimari men bhi apne bhakton se milna, unhen udi dena, unhen gyan dena nahin chora. ve to apna sabkuch pahle se hi apne bhakton ke nam kar chuke the. sabhi bhakt baba ki bimari se bahut dukhi the aur prarthana kar rahe the ki sain baba jaldi thik ho jaen. antim din manglvar 15 aktubar 1918 vijyadshmi ka din tha. sain baba bahut kamjor ho gaye the. roj ki tarah bhakt unke darshan ke lie a rahe the. sain baba unhen prasad aur udi de rahe the. bhakt baba se gyan bhi prapta kar rahe the par kisi bhakt ne nahin socha ki aj baba ke sharir ka antim din hai . subah ke 11 baj gaye the . dopahar ki arti ka samay ho gaya tha aur uski taiyariyan chal rahi thi. koi daivik prakash baba ke sharir men sama gaya. arti shuru ho gayi aur baba sain ka chehra har bar badlta hua pratit hua. baba ne pal-pal men sabhi devi devtaon ke rup ke darshan apne bhakton ko karaye. ve ram, shiv, krishn, vitthal, maruti, makka-madina, jisas kraist ke rup men dikhe. arti purn hui. baba sain ne apne bhaktane ko kaha ki ab ap mujhe akela chor den . sabhi vahan se chale gaye. sain baba ke tab ek janleva khansi aur khun ki ulti hui. baba ka ek bhakta tatya jo maran ke karib tha vo ab thik ho gaya. use pata bhi n chala ki vo kis chamatkar se thik hua hai. vah baba ko dhanyavad dene baba ke nivas ane laga par baba deh tyag chuke the . sain baba ne kaha tha ki marne ke bad unke sharir ko butti vada men rakh diya jae, vo apne bhakton ki hamesha sahayta karte rahanege.
Kya aapko lekh pasand aaya? Subscribe
Kya aapko lekh pasand aaya? Subscribe


sain visheshank  May 2015

fyuchar samachar ka sani baba visheshank vieshva prasiddh adhyatmik guru shri shirdi sani baba se sambandhit sarb prakar ki jankari deta hai. is visheshank men apko sani baba ke udbhav, bachapan, adhyatmik shaktiyan, mahatvapurn tathya, sabka malik ek v shraddha aur saburi jaisi lokapriya shikshaon ki vyakhya, sani baba ke chamatkar, vishva prasiddh sandesh, sani baba ki samadhi ka din tatha shighra brahm prapti adi anek vishyon ke bare men mahatvapurn jankari prapt hogi. iske atirikt mahatvapurn v gyanavardhak lekh vivah sanskar, vastu paramarsh, falit vichar, hailth kaipsul tatha panchapakshi adi ko bhi shamil kiya gaya hai. satyaktha, vichar goshthi aur jyotish v mahilaen is visheshank ke mukhya akarshan hain.

Subscribe

Apne vichar vyakt karein

blog comments powered by Disqus
.