बाबा की अनूठी लीला

baba ki anuthi lila  

Ank ke aur Lekh | Sambandhit Lekh | Views : 1771 |  
tin dinon ki samadhi aur punah sharir men pran ki vapsi: baba ki lilaon ki charcha dur daraj tak fail gai. aise men baba ke shirdi nivas ke lagabhag tin dashk vyatit ho gae. baba sansar men vyapta dukh dard se pirit ho gae. ve logon ke dukh dard ko dur karte ja rahe the lekin sansar ke dukh ka koi ant hi nahin ho raha tha. ve logon ke karm fal ke bhog men hastakshep nahin karna chahte the kyonki isse srishti ki vyavastha asantulit ho jati. apne brahm svarup men baba sansar ki pratyek gatividhi ke niyanta the lekin unke karunamay sain avtar se sansar ki vyatha dekhi nahin ja rahi thi. logon ki vyatha ko dur karte unki kaya dama pirit ho gai. pata nahin, ismen baba ki kya lila thi? unhonne san 1886 men margashirsha purnima ki rat men apne pran ko brahmand men visarjit karne ka nirnaya liya. isse purva unhanene apne bhakta mhalsapti ko kaha- ‘‘mhalsapti, main samadhi le raha hanu. yadi main 72 ghante ke andar apne is sharir men lautakar nahin aya to is kone men meri samadhi bana dena aur us par do dhvaj fahra dena. is dauran tum mere sharir ki raksha karte rahoge. iske bad us rat das baje dva arkamai men baba ne yogmudra men sthit hokar apne pran brahmand men visarjit kar die. yah samachar shirdi aur aspas ke ilake men fail gai. bhakton ki bhir dvarkamai men jama hone lagi. chikitsa parikshan ke bad chikitsakon ne baba ke sharir ko nishpran ghoshit kar diya. ab shirdi ganv ke kuch utavle log baba ke sharir ki antyeshti karna chahte the lekin bhagat mhalsapti ne unka virodh kiya aur baba ke sharir ki raksha ki. bayja man, tatya, shama sahit baba ke anya bhakt shok ke gahan sagar men dub gae. ab tak baba shirdi ki dinacharya ban gae the. is tarah se baba ka ekaek chorakar chale jana bhakton ke lie asahya tha. ve sabhi baba ke viyog men bilkhne lage. as-pas ke bhi bhakt artanad karne lage. ve baba se laut ane ki prarthana karne lage. har kisi ko 72 ghante ki pratiksha thi. log baba ke brahm svarup se parichit the, jante the ki baba sirfa is sharir men hi nahin- ve dharti ke kan-kan men vidyaman hain. fir bhi log baba ki kaya lila ko aradhya aur pujya manne lage the aur baba bhi tadnusar logon ki manokamna ko purn karte ja rahe the. bilkhte jansmuday ke karun krandan ke age sarvagya baba ki atma ne apni kaya men lautne ka nirnaya liya. 72 ghante purn hone se pahle baba ke sharir men pran lautne ke lakshan dikhne lage. dhire-dhire unki sans chalne lagi. kuch der ke bad us kaya men chetna laut ayi aur baba uthakar baith gae. manav itihas men sanbhvtah yah pahli ghatna hai. jab koi tin din tak samadhi men rahne ke bad is kaya men laut aya ho. baba apni samadhi ke bad lautakar a jane ke pashchat 32 varshon tak apni kaya men rahe. samkalin prasiddh vyaktiyon ka baba ke sanpark men ana: is ghatna ke bad baba ki kirti aur yashgatha ka gayan gram-nagar, chahun disha men hone laga. jivan ke vibhinn kshetron men karyarat log baba ke darshan ke lie shirdi ane lage. baba sabhi ka kalyan karne lage. us samay desh par angreji raj tha. angrej sarkar ke prashasan men varishtha pad par karyarat nana saheb chandorkr baba ke sanpark men ae. banbai ke prasiddh solisitar hari krishn dikshit ko baba ka sannidhya prapt hua. ve shirdi men hi nivas karne lage. nagpur ke shrimant gopalrav buti baba ki seva men a gae. ahmdngr ke dhanadhya seth damu anna kasar baba ke bhakt bane. shri govindarav raghunath dhabolakar upnam hemadpant ko baba ka anupam sannidhya mila. dasgnu maharaj baba ke param bhakt bane aur apne kirtan ke madhyam se unhonne baba ke sandesh ko dur-dur tak failaya. hari vinayk sathe jaise log baba ke sanpark men ae. tarkhad aur khaparde parivar ke logon ko baba ki kripa prapta hui. yahan tak ki lokmanya tilk bhi baba ke darshan ke lie shirdi ae. maharashtra ke gharon men baba ke chitra ki aradhna shuru ho gai thi. dur-dur se log apni vyatha lekr baba ke pas ate aur baba sabhi ke dukh dard ko sunte tatha unka nivaran karte the sabko karuna dete the. log baba ke pas akar sahj mahsus karte the. baba kisi ke kan men guru mantra nahin dete the. lekin sabhi unhen apna sachchidanand sadguru manne lage. nanavli aur abdul baba jaise bhakt baba ki seva men din rat lage rahte the. shirdi ganv ke mhalsapti, shama ji, bayjabai, tatya patil, lakshmibai shinde, bayyaji appa kote patil jaise bhakton par baba ki vishesh kripa thi. shirdi ke panch vyakti to bahut hi bhagyashali the jinke ghar baba niyamit rup se bhikshatan ke lie jaya karte the. ve bhagyashali the - sakharam patil shailke, vamnrav gondakar, bayaji appa kote patil, bayja man aur nandram marvari. iske atirikt anek sadhu-sant baba se milne shirdi aya karte the. baba sabka svagat karte the. ve kabhi bhi apne purushoÿam avtari svarup ko prakat nahin karna chahte the lekin mani ko kitna bhi chipana chahane, vah chip nahin sakta. uska prakash fail hi jata hai. baba agantukon ke lie svayan bhojan taiyar karte the. ek hi patra men ve sabkuch dal dete the. kitne bhi log bhojn karne vale hon, sabko usi ek patra se bhojan mil jata tha. baba ka banaya hua bhojan bahut hi svadishta hota tha. jis patra ko baba sparsha karte the, vah akshay patra ban jata tha, baba ke hath men aisi annapurna siddhi thi. saikron log ek chote se patra men nirmit bhojan se tript hote the. shirdi men saikron ashay logon ko bhojan milta tha. is prakar unnisvin sadi ke purvarddh ka ek chota sa-ganv shirdi unnisvin sadi ke uÿararddh tak ek tirth sthal ke rup men sthapit ho gaya. gauli buva namak ek sant pratyek varsh pandhrpur jate aur lautte samay baba ke darshan kiya karte the. ve baba ki or ekatak niharte rahte the. baba se ve agadh prem karte the. ve kaha karte the - ‘‘ye to shri pandhrinath, shri vitthal ke avtar hain jo anathon ke nath aur dindyalu hain.’’ dakshin bharat aur vishesh rup se marathi bhashi kshetra men vitthal nam bhagvan krishna ka hai. amruddin ke sapne men sainbaba aur abdul ka shirdi agmn: abdul baba nander ke sultan namak vyakti ke putra the. ve fakir amruddin ki seva men the. ek din fakir so rahe the. unhonne sapne men dekha ki sain baba unke sapne men ae hain aur unhen do fal dete hue kaha - ‘‘abdul ko mere pas bhej do.’’ amruddin ki jab nind khuli to dekha ki uske bistara par am ke do fal hain. unhonne abdul ko shirdi ke sainbaba ke pas bhej diya. abdul ki umra us samay lagabhag bis varsh ki thi. yah ghatna san 1889 ki hai. unke shirdi pahunchne se purva baba dvarkamai men logon ko bata rahe the - ‘‘aj mera kaga a rah hai.’’ shirdi pahunchne ke bad ve baba ki seva men din-rat ekakar jut gae. ajivan baba ki seva karte rahe. baba ki mahasmadhi ke bad bhi ve apni mrityu paryant baba ke samadhi mandir ki seva men sanlagn rahe. nana saheb chandorakar ko baba ke darshana: abdul baba ke shirdi pahunchne tak nana saheb chandorakar kisi sarkari karya se koprganv men thahre hue the . nana saheb munbai se darshanashastra men bi.e. uÿairn the. unhonne gita aur brahm sutra ka vishesh adhyayan kiya tha. us samay ve ahamadanagar ke kalektar ke pi. e. the aur bad men dipti kalektar ke pad tak pahunche. chandorakar ek sanatni brahman the. jab sainbaba ne unhen shirdi ke kulakarni ke madhyam se milne ke lie sandesh bheja to unhonne kaha ki vah kisi sainbaba ko nahin jante hain. unhonne socha ki ek fakir se unka kya prayojan. lekin jab baba ne dubara sandesh bheja to unki ichcha hui ki mil liya jae. jab nana saheb dvarkamai ae us samay baba ne bina kisi aupcharik parichay ke unse kaha- ‘‘sansar men itne log hain lekin main har kisi ko apne pas bulane ke lie admi kyon nahin bhejta hun? tumhen hi kyon bula raha hun? tum nahin jante ho lekin main janta hun, tumhare sath mera char janmon ka sanbandh hai.’’ us samay nana saheb ko baba ki baton par vishvas nahin hua lekin kalantar men unhen abhas ho gaya ki baba sakshat vitthal arthat shrikrishn hain. nana saheb ko baba ke anek anubhav aur sakshatkar hue. nana saheb chandorakar aur unke parivar men baba ki kripa: unki jyeshth santan maina didi ke vivah men baba ka upasthit hona ek anupam ghatna hai. nana saheb ne baba ko vivah ke avasar par padh aarne ka nimantran diya tha. baba ne ane ka ashvasan bhi diya tha. jab vivah karya sanpann ho gaya, tab bad men maina didi baba se ashirvad lene ke lie ai to vah bhakti ke svar men baba ko ulahna dena chahti thi lekin unse pahle hi baba ne kaha- ‘‘maina bitiya, tumhari shadi men bahut hi svadisht pakvan bane the. mainne bahut hi ruchi se bhojn kiya.’’ sabhi ko ashcharya hua ki baba ko ye sabhi baten kaise malum? baba ne unhen bataya ki vivah sthala par fakir aya tha jinhen log bhaga rahe the lekin mainne bitiya use khana khilaya tha. vah fakir koi aur nahin balki svayan baba hi the. ek bar nana saheb ek sunsan sthal par pyas se vyakul the. lag raha tha ki pyas se vyathit hokar unki mrityu ho jaegi. idhr dvarkamai men baba logon se kah rahe the ki are, mere nana ko koi pani pila. logon ko ashcharya ho raha tha ki dvarkamai men to nana saheb kahin hain hi nahin. us sunsan sthala par ek vyakti ne unhen pani pilaya aur pani pilane ke bad vah vyakti gayab ho gaya. jab nana saheb baba ke darshan ke lie dvarkamai ae to baba ne unse pucha ‘‘nana tumhari pyas bujhi athva nahin.’’ nana saheb ko abhas ho gaya ki sunsan sthal par unhen pani pilane vala anya koi nahin svayan sadguru sainnath hi the. ek bar nana saheb grahan snan kar rahe the. snan ke bad unke samne ek bhikhari hath failakr unse do paise mang raha tha. nana saheb ko baba ki bat yad a gai ki apne dvar se ho sake to kisi ko vapas nahin lautana chahie aur yadi kisi ko kuch nahin de sako to uska apman bhi n karo. nana saheb ne us bhikshuk ko do paise de die. bad men jab nana saheb shirdi ke dvarkamai pahunche to baba ne unhen ve do paise lauta die. baba ki sarvavyapkta ka unhen ek bar punah abhas hua. is prakar maina didi ko jab santan hone vali thi us samay unhen asahya pira hone lagi. baba ne is samy ke lie unhen apni udi arthat bhasm prasad die the, kintu unke paros men vyakti ki jan khatre men thi tab unhonne bhasm ki pudiya unhen de di thi. ab unke pas bhasm nahin tha. ve log sankat ke kshan men baba ko pukarne lage. us samay nana saheb khan desh ke jamner men the. maina didi apne pita nana saheb ke pas hi thi. baba ne ramgir bua ko bhasm aur arti lakar jamner jane ke lie kaha. ramgir bua ne kaha ki unke pas keval puntambe tak jane ke lie paise hain. baba ne kaha ki ve chintamukt rahen, puntambe se age jane ke lie vyavastha ho jaegi. jab ramgir bua puntambe pahanuche tab unhen ek tanga vala mila jinhonne unse kaha ki vah nana saheb chandorakar ke yahan se unhen jamner le jane ke lie ae hain. ramgir bua tange par baith gae. unhen lag raha tha ki kabhi unki is tange vale se bhent ho chuki hai. jab chandorakar ji ke yahan ve pahunche to unhonne bhasm aur arti diya. lakshman gosain ne kaha - ‘‘achcha kiya ki apne mere lie tanga bhej diya. islie main yahan samay par pahunch saka. apke tange vale ne mujhe kushltapurvak yahan pahuncha diya.’’ nana saheb ne kaha ki unhonne kisi tange vale ko puntambe nahin bheja tha. bahar nikalakar jab ve log tange vale ko dekhne gae, us samay vahan par koi nahin tha. nana saheb sahit sabhi logon ko baba ki lila ka abhas ho gaya. maina didi ne sakushal apni santan ko janm diya. baba ki vidhivat puja praranbh (san 1904): shirdi ke bhaktagan baba ko bhagvan ke rup men hi pujte the. ve baba ki vidhivat puja karke unhen chandn lagana chahte the to baba krodhit ho jate the. lekin san 1904 m nana saheb chandorakar ke putra bapu ne anjane men baba ke mathe par chandn laga diya. tab se baba ki vidhivt puja praranbh ho gai. us samay bapu ki umra keval char varsh ki thi. logon ne ek abodh balak ke hath se sanpann divya karya ko daivi vidhan ka ang man liya. varshon se jo bhakton ki ichcha thi vah purn hui. kote patil ko sadgati: baba ne shirdi nivasiyon ki pratyek dukhah dard men sahayta ki. bayja man ke pati kote patil ko baba ne ek bar mrityu ke mukh se bachaya. ve nishpran ho gae the lekin achank baba ke agaman se jivit ho gae the. ek bar anya avasar par bhi unke pran nikal gae the lekin baba ne fir se hastakshep kiya. baba adhik dinon tak vidhi ke vidhan men hastakshep nahin karna chahte the. yadi kote patil ko adhik dinon tak bachate rahte to unke agle janma par asar parta. kote patil ki thore samay bad mrityu hui, unki mrityu ke samay baba vahan upasthit the. unhonne baba ko pranam karte hue apne pran tyage. tatya patil ke pranon ki raksha: shirdi ki aisi panrpra ban gai thi jo koi bhi bahar jata tha, vah baba se anumti lekar jata tha. tatya patil ko ek bar atyavashyak karya se koprganv jana tha. vah baba se anumti lene ke lie dvarkamai ae lekin baba ne unhane mana kar diya. ve baba ki agya ka ullanghan karke shirdi se nikl pare. jab ve shirdi ganv ke bahr thore hi dur gae honge tab unka tanga palat gaya. ghore ki mrityu ho gai kintu tatya bach gae. unhen apni bhul ka abhas hua. unhonne baba ko dhanyavad diya ki unhonne unhane mrityu ke mukh se bachaya. baba sadaiv unhen apne anuj ki bhanti sneh dete rahte the. unhonne gyarah varsh tak baba ke sath dvarkamai men vishram kiya. pita ke dehant hone ke bad baba unhen apne ghar men sone ke lie bhej diya karte the. bad men tatya ji ka vivah ho gaya. lekin ve apne grih karya men kabhi bhi baba ko nahin bhule the. unki dinacharya baba ke ird gird ghumti thi. san 1909 men jab baba ekantar ratri men chavri arthat ganv ke chaipal men sone lage to unhen bhaktagan rajsi samman ke sath dvarkamai se chavri tak le jate the. baba tab tak chavri nahin jate the jab tak tatya ji unhen hath pakar kar nahin le jate the. baba ki kripa se mhalsapti ke ghar santan aur unke pranon ki raksha: mhalsapti baba ke sath nitya dvarkamai men hi sote the. lekin baba ne ekbar unse kaha ki ve ab dvarkamai n soyen aur apne ghar chale jaen. mhalsapti ko laga ki sainnath unse naraj hain. lekin unki agya manne ke siva mhalsapti ke pas koi anya sahara bhi nahin tha. ve apne ghar men vishram karne lage lekin man to dvarkamai men hi rahta tha. vyakti vibhinna prakar ke sadkarm men rahte hue bhi prabhu ko nahin bhulta hai to us par prabhu ki kripa bani rahti hai. kuch mah ke bad mhalsapti ke ghar santan ka janm hua. tab jakar unhen baba ki lila ka gyan hua ki baba ne unhen kis lie dvarkamai se ghar bhej diya tha. mhalsapti ke man men santan ki prabal ichcha thi. unke ghar santan n hone se ve dukhi rahte the. baba sarvagya hain. unki kripa se mhalsapti ke ghar santan ka janm hua. punah mhalsapti niyamit rup se dvarkamai men baba ke sath vishram karne lage. mhalsapti apne kul devta khandoba ki palki lekar jejuri jate the. khandoba ko shiv ka avtar mana jata hai. jejuri jane aur vaps ane men ek mah se adhik ka samy lag jata tha. ek bar is yatra ke dauran haija ka prakop fail gaya. mhalsapti kahin bhi rahen unka dhyan baba ke shrichrnon men hi laga rahta tha. unko bhi dast shuru ho gaya. unki halat bigrne lagi. unhonne baba ko smaran kiya aur ve svastha ho gae. jejuri ke raste men hi unka lutere picha kar rahe the unke sath ganv ke anya log bhi the. un logon ne baba ko smaran kiya. avaj se laga ki jidhar se avaj a rahi hai udhar basti avashya hogi. fir ve sabhi sakushal basti tak pahunch gae. us basti ke logon ko ashcharya hua ki rat men dakuon ke prakop se ve sabhi sakushal yahan tak kaise pahunch gae. mhalsapti ne basti valon se kaha ki ek kuÿo ne un logon ki madad ki. is par basti ke logon ne kaha ki ek fakir baba subh se hi kuÿo ke sath nadi ke kinare ghum rahe the. tab un logon ko pata chala ki yah sainnath ki hi lila thi jiske sahare un logon ki raksha ho saki.
Kya aapko lekh pasand aaya? Subscribe
Kya aapko lekh pasand aaya? Subscribe


sain visheshank  May 2015

fyuchar samachar ka sani baba visheshank vieshva prasiddh adhyatmik guru shri shirdi sani baba se sambandhit sarb prakar ki jankari deta hai. is visheshank men apko sani baba ke udbhav, bachapan, adhyatmik shaktiyan, mahatvapurn tathya, sabka malik ek v shraddha aur saburi jaisi lokapriya shikshaon ki vyakhya, sani baba ke chamatkar, vishva prasiddh sandesh, sani baba ki samadhi ka din tatha shighra brahm prapti adi anek vishyon ke bare men mahatvapurn jankari prapt hogi. iske atirikt mahatvapurn v gyanavardhak lekh vivah sanskar, vastu paramarsh, falit vichar, hailth kaipsul tatha panchapakshi adi ko bhi shamil kiya gaya hai. satyaktha, vichar goshthi aur jyotish v mahilaen is visheshank ke mukhya akarshan hain.

Subscribe

Apne vichar vyakt karein

blog comments powered by Disqus
.