साईं बाबा का बचपन

sain baba ka bachpn  

Ank ke aur Lekh | Sambandhit Lekh | Views : 3632 |  
sain baba ke bare men bahut bhram faila hai. ve hindu the ya muslman? kya ve kabir, namdev, pandurang adi ke avtar the. kuch log kahte hain ki ve shiv ke ansh hain aur kuch ko unmen dattatrey ka ansh najar ata hai. anya log kahte hain ki ve akkalakot maharaj ke ansh hain. kattar dharmik yug men vyakti har sant ko dharm ke aine men dekhna chahta hai. kattarapanthi hindu bhi janna chahte hain ki ve hindu the ya muslman? yadi muslman the to fir ham unki puja kyon karen? muslman bhi janna chahte hain ki agar yadi ve hindu the to fir ham unki samadhi par jakar dua kyon karen? sain baba ke bare men adhikansh jankari shrigovindrav raghunath dabholakar dvara likhit ‘shri sain sachcharitra’ se milti hai. marathi men likhit is mul granth ka kai bhashaon men anuvad ho chuka hai. yah sain sachcharitra sain baba ke jinda rahte hi 1910 se likhna shuru kiya. 1918 ke samadhisth hone tak iska lekhan chala. lekin ab saval yah uthta hai ki kitne hain, jo ‘sabka malik ek’ ki ghoshna karte hain. sain baba ka mishan tha- logon men ekeshvarvad ke prati vishvas paida karna. logon ke dukh-dard ko dur karna sath hi samaj men bhaichara kayam karna. sain hindu the ya muslman sain apna jyadatar vakt muslim fakiron ke sang bitate the, lekin mana jata hai ki unhonne kisi ke sath koi bhi vyavhar dharm ke adhar par nahin kiya. jo log sain baba ko hindu mante hain ve unke hindu hone ka tark dete hain, jaise- hindu hone ke kuch karn: 1. baba dhuni ramate the. dhuni to sirfa shaiv aur nathpanthi sant hi jalate hain. 2. baba ke kan bindhe hue the. kan chedan sirf nathpanthiyon men hi hota hai. 3. sain baba har saptah nam kirtana ka ayojan karte the jismen vitthala (krishna) ke bhajan hote the. baba kahte the- thakurnath ki dankpuri, vitthal ki pandhri, ranchor ki dva arika yahin to hai. 4. sain baba kapal par chandn aur kumkum lagate the. 5. jahan baba pahli bar logon ko dikhe the us sthan par baba ke guru ka tap sthan tha. jab us samadhi ki khudai ki gai tab vahan char dipak jal rahe the. mhalsapti tatha shirdi ke anya bhakt is sthan ko baba ke guru ka samadhi-sthan manakar sadaiv naman kiya karte the. sain ke bare men jankar mante hain ki ve nath sanpraday ka palan karte the. hath men pani ka kamandal rakhna, dhuni ramana, hukka pina, kan bindhvana aur bhiksha par hi nirbhara rahna- ye nath sanpraday ke sadhuon ki nishani hain. nathon men dhuni jalana jaruri hota hai jabki islam men ag haram mani gai hai. sirf is ek karm se hi unka nathpanthi hona siddh hota hai. kuch log sain ko ek muslim fakir mante hain. ve kahte hain ki sain ek muslim fakir the aur muslmanon ki tarah hi unhonne apna jivn-yapan kiya. iske lie ve tark dete hain- 1. ‘sain’ shabd farsi ka hai jiska arth hota hai sant. us kal men amtaur par muslim sannyasiyon ke lie is shabd ka prayog hota tha. shirdi men sain sabse pahle jis mandir ke bahar akar ruke the uske pujari ne unhen sain kahakar hi sanbodhit kiya tha. mandir ke pujari ko ve muslim fakir hi najar ae tabhi to unhonne unhen sain kahkr pukara. 2. sain ne yah kabhi nahin kaha ki ‘sabka malik ek’. sain sachcharit ke adhyay 4, 5, 7 men is bat ka ullekh hai ki ve jivanabhar sirfa ‘allah malik hai’ yahi bolte rahe. kuch logon ne unko hindu sant banane ke lie yah jhuth pracharit kiya ki ve ‘sabka malik ek hai’ bhi bolte the. 3. koi hindu sant sir par kafan jaisa nahin bandhta, aisa sirf muslim fakir hi bandhte hain. jo pahnava sain ka tha vah ek muslim fakir ka hi ho sakta hai. 4. sain baba ne rahne ke lie masjid ka hi chayan kyon kiya? vahan aur bhi sthan the, lekin ve jindgibhar masjid men hi rahe. 5. sain sachcharit ke anusar sain baba puja-path, dhyan, pranayam aur yog ke bare men logon se kahte the ki ise karne ki koi jarurat nahin hai. unke is pravchn se pata chalta hai ki ve hindu dharma virodhi the. 6. masjid se bartan mangvakar ve maulvi se fatiha parhne ke lie kahte the. iske bad hi bhojan ki shuruat hoti thi. 7. sain ko sabhi yavan mante the. ve hindustan ke nahin, afganistan ke the isilie log unhen yavn ka muslman kahte the. unki kad-kathi aur dil-daul yavni hi tha. sain sachcharit ke anusar ek bar sain ne iska jikra bhi kiya tha. jo bhi log unse milne jate the unhen muslim fakir hi mante the, lekin unke sir par lage chandan ko dekhakar log bhramit ho jate the. 8. thand se bachne ke lie baba dhuni men ag jalate the. unke is ag jalane ko logon ne dhuni ramana mana. sain ke janm sthan pathri (patri) par ek mandir bana hai. mandir ke andar sain ki akarshak murti rakhi hui hai. yah baba ka nivas sthan hai, jahan purani vastuen jaise bartan, ghatti aur devi-devtaon ki murtiyan rakhi hui hain. mandir ke vyavasthapkon ke anusar yah sain baba ka janm sthan hai. unke anusar sain ke pita ka nam govind bhau aur mata ka nam devki amma hai. kuch log unke pita ka nam gangabhau batate hain aur mata ka nam devgiri amma. kuch hindu parivaron men janm ke samy tin nam rakhe jate the isilie bir ilake men unke mata-pita ko bhagvant rav aur anusuya amma bhi kaha jata hai. ve yajurvedi brahmana hokar kashyap gotra ke the. sain ke chale jane ke bad unke parivar ke log shayad haidrabad chale gae the aur fir unka koi ata-pata nahin chala. shashikant shantaram gadkri ki kitab ‘sadguru sain darshana’ (ek vairagi ki smaran gatha) ke anusar sain brahman parivar ke the. unka parivar vaishnav brahman yajurvedi shakha aur kaushik gotra ka tha. unke pita ka nam gangabhau aur mata ka nam devkigiri tha. devkigiri ke panch putra the. pahla putra raghupt bhusari, dusra dada bhusari, tisra haribabu bhusari, chaitha ambadas bhusari aur panchven balvant bhusari the. sain baba gangabhau aur devki ke tisre nanbar ke putra the. unka nam tha haribabu bhusari. sain baba ke is janm sthan ke pas hi bhagvan pandurang ka mandir hai. isi mandir ke bain or devi bhagvti ka mandir hai jise log saptashringidevi ka rup mante hain. isi mandir ke pas chaidhri gali men bhagvan dattatrey aur siddh svami narsinh sarasvati ka bhi mandir hai, jahan pavitra paduka ka pujan hota hai. lagabhag sabhi marathi bhashiyon men narsinh sarasvati ka nam prasiddh hai. thori hi duri par rajaon ke rajbare hain. yahan se ek kilomitar dur sain baba ka parivarik maruti mandir hai. sain baba ka parivar hanuman bhakt tha. ve unke kul devta hain. yah mandir kheton ke madhya hai, jo matra ek gol patthar se bana hai. yahin pas men ek kuan hai, jahan sain baba snan kar maruti ka pujn karte the. sain baba par hanumanji ki kripa thi. sain baba ki parhai ki shuruat ghar se hi hui. unke pita vedpathi brahman the. unke sannidhya men haribabu (sain) ne bahut teji se ved-puran parhe aur ve kam umra men hi parhne-likhne lage. 7-8 varsh ki umra men sain ko pathri ke gurukul men unke pita ne bharti kiya taki yah karmakand sikh le aur kuch gujr-basar ho. yahan brahmanon ko ved- puran adi path parhaya jata tha. jab sain 7-8 varsh ke the to apne gurukul ke guru se shastrartha karte the. gurukul men sain ko vedon ki baten pasand ain, lekin ve puranon se sahamat nahin the aur ve apne guru se is bare men bahas karte the. ve puranon ki kathaon se sanbhramit the aur unke khilaf the. tarka-vitark dvara ve guru se is bare men charcha karte the. guru unke tarkon se pareshan rahte the. ve vedon ke antim aur sarvabhaumik sarvashreshth sandesh ‘ishvar nirakar hai’ is mat ko hi mante the. ant men harakar guru ne kaha- ek din tum guruon ke bhi guru banoge. sain ne vah gurukul chor diya. gurukul chorakar ve hanuman mandir men hi apna samay vyatit karne lage, jahan ve hanuman puja-archana karte aur satsangiyon ke sath rahte. unhonne 8 varsh ki umra men hi sanskrit bolna aur parhna sikh liya tha. unhonne charon ved aur 18 puranon ka adhyayan kar liya tha. sain jis ilake men rahte the vah haidrabad nijamshahi ka ek bhag tha. unki rajshahi men muslimon ka ek hathiyarband sangathan tha jise rajakar kaha jata tha. iske log hinduon ko dharmantaran ke lie majbur karte the. hinduon par kattarapanthi log tarh-tarah ke atyachar karte ya un par manmane taiks lagate the. sain ka parivar garib brahman parivar tha. unke pas kheti yogya bhumi nahin thi aur n hi koi roji-rojgar. yadi ve islam kabul kar lete to unki garibi dur ho jati aur unki haisiyat barh jati. unke mata-pita jaise-taise bhiksha mangakar, majduri karke panchon bachchon ka pet pal rahe the. kai bar aisa hota ki mata-pita ko bhukha sona parta tha lekin ve donon bachchon ka pet bharne ke lie ji-tor mehanat karte. unke ghar ke pas hi muslim parivar rahta tha. unka nam chand miyan tha aur unki patni chand bi thi. unhen koi santan nahin thi. haribabu unke hi ghar men apna jyada samy vyatit karte the. chand bi haribabu ko putravat hi manti thin. rajakaron ka julm barha to unke pita ne vah sthan chorne ka man banaya. us ganv men ve apman ka ghunt pi rahe the. ek bar gangabhau apne parivar ke sath pandhrpur gae. bhima nadi pandhrpur ke pas se bahti hai. gangabhau ka parivar nav men baithakar nadi par kar raha tha tabhi durbhagya se nav palti aur parivar dubne laga. kinare khare ek sufi fakir aur tirthayatriyon ne jaise-taise sabhi ko bachaya lekin ve gangabhau ko nahin bacha sake. jis fakir ke prayas se yah parivar bach gaya uska nam tha vali fakir. usne hi sabhi antim karya sanpann karae aur devgiri sahit panchon larkon ke bhojan adi ki vyavastha ki. muslim fakir ke sath devgiri ke rahne ke karan log unhen badnam karne lage to vali fakir devgiri ko samjha-bujhakar haribabu ko apne sath le gae. devgiri ke donon bare putra roji-roti ki talash men haidrabad chale gae aur khud devgiri apne do putron ke sath apni mata ke ganv chali gain. is tarah pita ki maut ke bad pura parivar bikhar gaya. 8 varsh ki umra men pita ki mrityu ke bad baba ko sufi vali fakir ne pala, jo unhen ek din khvaja shamshuddin gaji ki dargah par islamabad le gae. yahan ve kuch din rahe, jahan ek sufi fakir ae jinka nam tha roshnshah fakir. roshnshah fakir ajmer se ae hue the aur islam ke pracharak the. roshnshah ko sain men ruhanipn najar aya aur haribabu (sain) ko lekar ajmer a gae. is tarh sain vali fakir ke bad roshnshah ke sathi ban gae. ajmer men sain baba sufi sant roshnshah ke sath rahe. vahan unhonne islam ke alava kai deshi davaon ki jankari hasil ki. kuran ko unhonne mukhagra kar liya tha. sira, sunna, hadis, fakka, shariyat tarikhan ko bhi yad kar liya. islam ki in dharmik shikshaon men ve pakke ho gae, tab unki umra thi matra 12-13 varsh. is dauran sain baba ne jahan islam aur sufivad ko karib se jana vahin unke man men pita aur guru ke dvara vedanti shiksha ki jyoti bhi jalti rahi. bhitar se ve pakke vedanti the tabhi to unko dusre muslimon ne kai bar islam kabul karne ke prastav die, lekin har bar unhonne isko drirhta se kharij kar diya. ve dharma-parivartan ke kattara virodhi the. roshnshah ek bar dharmik prachar ke lie ilahabad gae, jahan hridyaghat se unka nidhan ho gaya. roshnshah bahut hi pahunche hue fakir the aur ve manvta ke lie hi karya karte the. ve islam ke pracharak jarur the lekin unke man men kisi ko jabaran muslman banane ki bhavna nahin thi. roshnshah ke jane ke bad haribabu (sain) ek bar fir anath ho gae. roshnshah baba ki mrityu ke samy ilahabad men the haribabu (sain baba). jab ilahabad men the baba, tab santon ka sammelan chal raha tha. hinduon ka parva chal raha tha. kone-kone se desh ke sant ae hue the jismen nath sanpraday ke sant bhi the. baba ka jhukav nath sanpraday aur unke riti-rivajon ki or jyada tha. ve nath sanpraday ke pramukh se mile aur unke sath hi sant samagm aur satsang kiya. bad men ve unke sath ayodhya gae aur unhonne ram janmabhumi ke darshan kie, jahan us vakt babri dhancha khara tha. ayodhya pahunchne par nath panth ke sant ne unhen saryu men snan karaya aur unko ek chimta (sataka) bhent kiya. yah nath sanpraday ka har yogi apne pas rakhta hai. fir nath sant pramukh ne unke kapal par chandan ka tilak lagakar kaha ki ve har samay isko dharan karke rakhen. jivanaparyant baba ne tilak dharn karke rakha lekin sataka unhonne haji baba ko bhent kar diya tha. ayodhya yatra ke bad nathpanthi to apne dere chale gae lekin haribabu akele rah gae. baba ghumte-firte rajpur pahanche, vahan se chitrakut aur fir bir. bir ganv men baba ko bhiksha dene se logon ne inkar kiya, tab ek marvari premchand ne unki sahayta ki. unhonne baba ko kam par rakha. baba ne kuch din vahan sariyon par nakkashi ka kam kiya aur is kam se sariyon ki mang barh gai jisse iski kimat bhi doguni ho gai. marvari ne bhi baba ka mehntana doguna kar diya lekin baba ka vahan man nahin lag raha tha. unko apne ganv pathri ki yad a rahi thi. bir ke bad baba ne apne ganv ka rukh kiya is asha se ki vahan unki man milengi, bhai honge aur vah unka janm sthan bhi hai lekin vahan pahunchne ke bad pata chala ki vahan koi nahin hai. ant men ve paros men rahne vali chand bi se mile. chand bi ne unko sara kissa bataya. chand miyan ko mare bahut din ho gae the. haribabu ko dekhakar chand bi prasann huin. chand bi haribabu (baba) ke rahne-khane ki vyavastha ke lie unhen najdik ke ganv selu (selyu) ke vainkusha ashram men le gai. us vakt baba ki umra 15 varsh rahi hogi. vainkusha baba ek daiviya shakti sanpanna vyakti the aur ve datt sanpraday ki paranpra ka nirvah karne vale sant the. ashram ke bahar chand bi aur baba ko islie rok diya gaya, kyonki donon apne pahnave se muslim najar a rahe the. baba ne bhi fakiron jaisa bana dharan kar rakha tha. chand bi ne man hi man vainkusha baba ki prarthana ki to dhyan men baithe baba ko ekadam jagriti a gai aur ve khud hi uthakar ashram ke dvar par a gae. baba se kuch saval-javab karne ke bad vanaikusha unke uttaron se santushta ho gae aur unhonne apne ashram men unko pravesh diya. ve baba ke uttaron se itne prasann hue ki unhonne haribabu ko gale lagakar apna shishya banaya. vainkusha ke dusre shishya sain baba se vair rakhte the, lekin vainkusha ke man men baba ke prati prem barhta gaya aur ek din unhonne apni mrityu ke purva baba ko apni sari shaktiyan de din aur ve baba ko ek jangal men le gae, jahan unhonne panchagni tapasya ki. vahan se lautte vakt kuch muslim kattarapanthi log haribabu (sain baba) par int-patthara fenkne lage. baba ko bachane ke lie vainkusha samne a gae to unke sir par ek int lagi. vainkusha ke sir se khun niklne laga. baba ne turant hi kapre se us khun ko saf kiya. vainkusha ne vahi kapra baba ke sir par tin lapete lekar bandh diya aur kaha ki ye tin lapete sansar se mukta hone aur gyan v suraksha ke hain. jis int se chot lagi thi baba ne use uthakar apni jholi men rakh liya. iske bad baba ne jivanabhar is int ko hi apna sirhana banae rakha. ashram pahunchne ke bad donon ne snan kiya aur fir vainkusha ne bataya ki 80 varsh purva ve svami samarth ramdas ki charan paduka ke darshan karne ke lie sajjanagarh gae the, vapsi men ve shirdi men ruke the. unhonne vahan ek masjid ke pas nim ke per ke niche dhyan kiya aur usi vakt guru ramdas ke darshan hue aur unhonne kaha ki tumhare shishyon men se hi koi ek yahan rahega aur uske karn yah sthan tirth kshetra banega. vainkusha ne age kaha ki vahin mainne ramdas ki smriti men ek dipak jalaya hai, jo nim ke per ke pas niche ek shila ki ar men rakha hai. is vartalap ke bad vainkusha ne baba ko tin bar siddh kiya hua dudh pilaya. is dudh ko pine ke bad baba ko chamatkarik rup se ashtasiddhi shakti prapt hui aur ve ek divya purush ban gae. unhen parmhans hone ki anubhuti hui. iske bad vainkusha ne deh chor di. vainkusha ke jane ke bad sain baba ka ashram men rukne ka koi mahatva nahin raha. is ashram men baba karib 8 varsh rahe yani us vakt unki umra 22-23 varsh rahi hogi. vainkusha ki agya se sain baba ghumte-firte shirdi pahunche. tab shirdi ganv men kul 450 parivaron ke ghar honge. shirdi ke aspas ghane jangl the. vahan baba ne sabse pahle khandoba mandir ke darshan kie fir ve vainkusha ke batae us nim ke per ke pas pahunch gae. nim ke per ke niche uske aspas ek chabutra bana tha, jahan baithakar baba ne kuch der dhyan kiya aur fir ve ganv men bhiksha mangne ke lie nikal pare. graminon ne unhen bhiksha men kafi anna diya. use grahan kar ve baki bacha bhojan piche- piche chal rahe shvan ko khilate gae aur punah nim ke jhar ke pas a baithe. unka pratidin ka yah niyam ban gaya tha. nim ke jhar ke niche hi sona-uthna, baithna-dhyan karna aur fir ganv men bhiksha mangne ke lie nikal parna. kuch logon ne utsuktavash pucha ki ap yahan nim ke vriksh ke niche hi kyon rahte hain? is par baba ne kaha ki yahan mere guru ne dhyan kiya tha islie main yahin vishram karta hun. kuch logon ne unki is bat ka uphas uraya, tab baba ne kaha ki yadi unhen shak hai to ve is sthan par khudai karen. graminon ne us sthan par khudai ki, jahan unhen ek shila najar ai. shila ko hatate hi ek dvar dikha, jahan char dip jal rahe the. un darvajon ka marg ek gufa men jata tha, jahan gaumukhi akar ki imarat, lakri ke takhte, malaen adi dikhai pare. is ghatna ke bad logon men baba ke prati shraddha jagrit ho gai. baba ne unke jhole se vahi int nikali aur us dipak ke pas rakh di aur graminon se kaha ki ise punah band kar den. mhalsapti, shyama tatha shirdi ke anya bhakt is sthan ko baba ke guru ka samadhi-sthan manakar sadaiv naman kiya karte the. pramukh graminon men mhalsapti aur shyama baba ke anuyayi ban gae. bayja mai namak ek mahila thi, jo baba ko pratidin bhiksha deti thi. yadi baba kisi karanavash bhiksha lene nahin ate to ve khud nim ke vriksh ke niche unko bhiksha dene pahunch jati thi. ganv ke hindu aur muslmanon ke bich isko lekar charcha hoti rahti thi ki baba hindu hain ya muslman? tin mahine bad baba kisi ko bhi batae bagair shirdi chorakar chale gae. logon ne unhen bahut dhunrha lekin ve nahin mile. tin mah bad achanak hi sain kahin chale gae aur tin sal bad chand pasha patil (dhupkhera ke ek muslim jagirdar) ke sath unki sali ke nikah ke lie bailgari men baithakar barati banakar ae. is bar tarun fakir ke vesh men baba mhalsapti ke yahan gae to unhonne unka ‘ya sain’ ‘ao sain’ kahakar svagat kiya, tab se unka nam ‘sain baba’ par gaya. mhalsapti vishvakarma samuday ke the aur sunari ka kam karte the. aj log iska arth yun nikalte hain- sain ka arth hari aur baba ka arth bhau. mhalsapti ko sain baba bhagt ke nam se pukarte the. mhalsapti aur shyama ka sain baba men atut vishvas tha. ve unke chamatkar aur santatva ko jante the. mana jata hai ki yah bat 1854 ki hai jabki baba ka dusri bar shirdi men agmn hua lekin shirdi ke logon ka kahna hai ki 1856-58 men sain baba nim ke niche pahli bar najar ae. baba shirdi se panchvti godavri ke tat par pahunch gae the, jahan unhonne dhyan-tap kiya. yahan baba ki mulakat brahmanand sarasvati se hui. baba ne unhen ashirvad diya. panchvti ke bad baba sheganv ja pahunche, jahan ve gajanan maharaj se mile. vahan kuch din rukne ke bad baba devgiri ke janardan svami ki kutiya par pahunche. vahan se ve bidar (bir) pahunche. vahan se fir ve hasnabad gae jise pahle manikyapur kaha jata tha. manik prabhu is kshetra ke mahan sant the. manik prabhu ke pas baba pahunche to manik prabhu ne unhen gaur se dekha aur fir khare hokar gale laga liya. manik prabhu ke pas ek chamatkarik mag tha jise aj tak koi kisi bhi vastu se bhar nahin saka tha. kitne hi sikke dalo, mag khali ka khali rahta tha. baba ne kuch khajur aur ful usmen dale aur mag bhar gaya. fir baba vahan se bijapur hote hue narsoba ki vadi pahunch gae. yahan datt avtar nrisinh sarasvati ke charn paduka ke darshan kie. yahin krishna nadi ke kinare ek yuva ko tapasya karte dekha to use ashirvad diya aur kaha ki tum bare sant banoge. yahi yuvak age chalakar vasudevanand sarasvati ke nam se prasiddh hua. unhonne hi marathi men guru charitra likha tha. iske pashchat baba sajjanagarh pahunch gae, jahan samarth ramdas ki charn paduka ke darshan kie. iske bad baba sufi fakiron ki dargah, hindu santon ki samadhi par jate hajiri lagate rahe. bad men baba ahmdabad pahunch gae, jahan suhagshah baba ki dargah par kuch din rahe. muslmanon ne unhen ek kapra diya jisse ki ve namaj ada karte vakt sir par bandh saken. baba ahmdabad se bhagvan krishna ki nagri dvarika ja pahunche. yahin unhonne tay kiya ki shirdi men ve apne nivas ka nam ‘dvarikamai’ rakhenge. dvarika se baba prabhash kshe‍tra gae, jahan bhagvan krishn ne apni deh chor di thi. punah shirdi ane se pahle chand pasha patil ke pas baba.. aurangabad ke karib 10 kilomitr do ganv hain- sindhu aur bindu. bindu gram ke 2 kilomitar pahle 2 choti-bari amne-samne tekriyan hain. usmen se ek tekri par sthit ek am ke jhar ke niche lanbe pravas ke bad baba vishram ke lie ruke. ye donon hi ganv dhupkhera ke rajasva adhikari chand pasha patil ke rajasva ugahi ke adhikar men ate the. unka ek ghora charne ke lie gaya tha, jo pichle 8 dinon se nahin mil raha tha. dhupkhera vahan se 15 kilomitar dur tha. chand pasha apna ghora khojte hue sindhu gram ke sarak marg se us tekri par pahunche. sain baba ne unhen dekhte hi pucha- kya tum apna ghora khoj rahe ho? vahan samne ki tekri ke piche vah ghas char raha hai. chand pasha patil ne dekha ki yahan se samne jo tekri hai uske piche ka to kuch dikhai nahin de raha fir ye kaise kah sakte hain ki vahan niche ek ghora ghas char raha hai? unhonne vahan jakar dekha to vastava men vahan ghora ghas char raha tha. chand pasha ne usi vakt baba ke vahan kai chamatkar dekhe. bindu hote hue baba sindhu gram pahunche. chand pasha bhi unke piche ghora lekar chalne laga. sindhu gram ki tekri par baba ne kanifnath ke majar ke darshan kie, vahin baba ne chand pasha se pucha- pyas lagi hai? to pasha ne kaha- han. baba ne jamin khodakar pani ka jharna nikal diya. chand pasha ko ashcharya hua aur unhonne baba ko sufi fakir samajhakar ghar chalne ka nimantran diya. pasha ke nimantran par baba dhupkhera ganv pahunch gae. dhupkhera men chand pasha ka bhavya bangla tha, jahan bhara-pura parivar aur rishtedar maujud the. chand pasha ki sali ki shadi ki taiyariyan chal rahi thin. unke makan ke pas hi ek nim ka jhar tha, jahan ek shila rakhi thi. baba vahin jakar baithak gae. baba chand pasha ke yahan karib ek mah ruke. masjid bani ‘dvarikamai’ ek hindu ne apne muslman bhaiyon ke lie masjid banvai thi lekin muslmanon ke jane ke bad vah masjid khandahar ho chuki thi tatha vahan namaj nahin parhi jati thi. baba ko jab aur koi thikana n mila to unhonne masjid ki saf-safai karvakar use apne rahne ka sthan banaya aur us sthan ka nam rakha- ‘dvarkamai’. ganv ke muslman use ‘hindu masjid’ kahte the. vahan par rahakar baba ganv men bhiksha mangne jate aur us bhiksha ke sahare hi gujr-basar karte the. log unhen ‘sain’ ke nam se pukara karte the. unki di gai jari-butiyon v bhabhuti se log bhale-change hote the jiske badle men ve kisi se kuch nahin lete the. dhire-dhire unke chamatkar ke chalte logon ne unke yahan ann adi sukh-suvidhaon ki purti kar di. ab baba yahan logon ko khud apne hath se bhojan karane lage the. ve khud chakki chalakr ata nikalte the aur karav men dal-bhat banate the. dhire-dhire unke santatva ki charcha dur-dur tak hone lagi aur unse milne dur-dur se log ane lage.
Kya aapko lekh pasand aaya? Subscribe
Kya aapko lekh pasand aaya? Subscribe


sain visheshank  May 2015

fyuchar samachar ka sani baba visheshank vieshva prasiddh adhyatmik guru shri shirdi sani baba se sambandhit sarb prakar ki jankari deta hai. is visheshank men apko sani baba ke udbhav, bachapan, adhyatmik shaktiyan, mahatvapurn tathya, sabka malik ek v shraddha aur saburi jaisi lokapriya shikshaon ki vyakhya, sani baba ke chamatkar, vishva prasiddh sandesh, sani baba ki samadhi ka din tatha shighra brahm prapti adi anek vishyon ke bare men mahatvapurn jankari prapt hogi. iske atirikt mahatvapurn v gyanavardhak lekh vivah sanskar, vastu paramarsh, falit vichar, hailth kaipsul tatha panchapakshi adi ko bhi shamil kiya gaya hai. satyaktha, vichar goshthi aur jyotish v mahilaen is visheshank ke mukhya akarshan hain.

Subscribe

Apne vichar vyakt karein

blog comments powered by Disqus
.