साईं बाबा का दिव्य स्वरूप

sain baba ka divya svarup  

Ank ke aur Lekh | Sambandhit Lekh | Views : 1465 |  
sain baba ka svarup kya hai? shirdi ke sain baba ke nikttm bhakton ke sansmaranon ke adhar par likhi gai vibhinn pramanik jivniyon ko parhne, shirdi tirtha par jakar apne kashton se raht pane vale artajanon se sainbaba ki kripa ke prasang sunne aur sain baba ke samkalin ya bad ke sant mahatmaon, siddh purushon se sain baba ki mahanta ki pushti ka manan karne aur un par bane lokapriya ti. visiriyalon ko dekhne ke bad bhi yah kah pana kathin hai ki shirdi ke sain baba ka svarup kya hai? kya vah guru gorkhnath ki paranpra ke nath panth ke siddh yogi the? kya ve kriya yog ke mahan sadhak lahiri mahashay se dikshit kriya yogi the, kyonki unka nam lahiri mahashy ki hastalikhit dayriyon men do bar ullikhit hai? kya ve koi sufi fakir the kyonki unka pahnava kuch vaisa hi tha aur ve allah aur ram donon ka nam ek sath lete the? ve nirgun sadhak the ya sagun? bat yahin tak puri nahin hoti. sain baba apne hath se dhuni ki vibhuti ya per paudhon ki patti adi ashirvad rup men dete the usse unki sharan men ae artajanon ke rog, naukri, karj, bhayankar kasht sahaj hi dur ho jate the par iska shrey ve svayan n lekr ishvar ko dete the to kya ve koi siddh purush the jinhonne panchatatvon - prithvi, jal, vayu, agni aur akash par vijay pa li thi? bhakti, gyan, karm, raj yog sabhi ke siddh sadhk unke charitramrit ke parhne se yah bhi bat samne ati hai ki ve gita men krishn dvara atm sakshatkar ke liye batae gae charon pramukh margon- bhakti yog, gyan yog, karm yog aur dhyan (raj) yog ki parmochch avastha men pahunch chuke the. yahan yah ullekhniya hai ki kisi bhi sadhak ko kevl ek hi marg se svarup anusandhan karne men arthat mera svarup kya hai? main kaun hun? main vahi hun jo tu hai- iska bhav bodh hone men ek nahin kai janm lag jate hain par sain baba ke punya sansmaranon ke anushilan se yah spasht hai ki unhonne in charon hi margon ko ek sath siddh karke ek alag hi misal bhakton, darshanikon, shastra gyataon ke samaksh rakhi. jab ve bhajan ke sath pair men ghunghru bandhakar prem vibhor hokar nritya karte the to vah chaitanya mahaprabhu aur mira bai ki madhuraya premabhakti ki sarvochch bhav avastha men hote the. isi ke samanantar ve samaj seva, nirman karya, bagvani, bhakton ko bhojan banakar khilane men bhi puri ruchi lete the tatha grihasthon ko apne kartavya nirvah ka updesh bhi dete the, ve lokseva tatasth ya sakshi bhav se karte the svayan shrey nahin lete the. ve mallayuddh pratiyogitaen karakar inam bhi dete the. is drishti se ve purn karmayogi bhi the. ishavasya upnishad men kaha gaya hai ki sansar ka upyog tyag ki bhavna se karen. unke pas to tyagne ko hi kuch nahin tha jo tha vah nyuntm se bhi nyunatam tha, ek jori juta, tambaku ki chilmen, ata pisne ki chakki aur safed fate purane do ek jori vastra itni hi grihasthi thi unki. bhikshapatra bhi tin ka tha jismen se ve bhakton ke alava pakshi, kutte, billi adi jivon ko bhi annadan karte the. sain baba parmyogi bhi the par unhonne kabhi yog ke chamatkar nahin kie. keval do bar tin-tin din ke liye apni deh se pran khinch kar anant yatra par jakr pahle se batae din par punah sharir men chaitanya hue. pahli bar 1876 men jab unhen dama ho gaya tha tab bhakta mhalsapti ke samne tin din ki samadhi li aur dusri bar bhagvan dattatrey jayanti 1886 margashirsha purnima ko bhi tin din ki samadhi bayja bai, tatya, mhalsapti ko batakar li. ve ek sath ek hi samay men kai sthanon par bhi bhakton ko dikhai die par aisa karne ke piche unka uddeshya bhakton men ishvar bhakti ko majbut karna matra tha. is lihaj se sain baba gita men batae gae dhyan ya raj yog ki siddhavastha men avasthit the tatha ve jab bhi ekant hota sadaiv ankh band kar dhyanarat rahte hue vishvatma se apne sharir men sthit atma ko jore rahte the. iske alava ve dvarkamai masjid ke nikat sthit laindi bag men bhi niyamit sadhna hetu jate the jahan bhakton ka bhi jana mana tha. sain baba ke gyan updesh atyant saral sidhi bhasha men hain tatha shabdadambara shastra uddharan khandn-mandan se rahit sidhe hriday ko apil karte hain. gyan yogi ka lakshan hai ki sabhi praniyon men ek hi vishvatma parmatma ko dekhna aur sab praniyon se saman evan prempurn vyavhar karna. gita men isilie gyan yog ko bhagvan krishna ka priya bataya gaya hai. gyanyog ka matalab shastron ki barikiyon ka arth lachchedar bhasha men varnan karna katai nahin hai. jise is tatva ka bodh ho gaya ki sabhi jar chetn men manushya, pashu-pakshi, kit patang adi men ek hi chaitanya shakti ka sfuran ho raha hai vah fir sabse prem bhav rakhta hai, dusron ka dukh use apna dukh lagta hai. yah advait ki charam avastha hoti hai aur yahi advait vedant ka vah vyavharik rup hai jis par svami vivekanand ne ‘vyavharik jivan men vedant’ varta men sabse jyada jor diya hai. sain baba ke tin ke bhikshapatra men bhakton ke alava pashu-pakshi bhi shamil rahte the. vyavharik jivan men vedant ko apnakar dikhaya sain ne jise ham advait vedant darshan kahte hain vah ved ke akhiri bhag arthat upnishdon ka darshan hai jiske anusar ishvar ya sarvavyapi satta hi is sansar ka nimitt karan, upadan karan adi sabhi kuch hai arthat mitti se ghara banane v banne vala bhi vahi hai. yah am admi ki soch se pare ka darshan hai kyonki am admi to dvait men jita hai. dvait arthat do dhup-chanv, sukh-dukh, main-tum, jar-chetan, man-sharir inhen alag samjhta hai uski samajh men ye ek ho pana kathin hai. par advait ya vedant darshan hamen yahi sikhata hai. svami vivekanand ne ‘vyavharik jivan men vedant’ men kaha hai ki adhyatmik aur vyavharik jivn ke bich jo ek kalpanik bhed hai use bhi mit jana chahie kyonki vedant kahta hai ek hi pran sarvatra virajman hai. vedant darshan jangl men rahakar nahin bana hai balki raj rajarshi iske praneta hain jo rajkaj jaise bare uttaradayitva sanbhalte the. jab vyakti sabhi men ek hi pran shakti ka bodh kar leta hai tab vah premamay svatah ho jata hai vah pratyek prani se tadakar ho jata hai. sain baba ke jivan men vedant darshan ka vyavharik rup dikhai deta hai jo ramkrishn parmhans ke bad inmen hi dekha jata hai. sain baba ke jivn ki ek ghatna se yah bat thik se samjhai ja sakti hai. ek bar jab baba dvarkamai masjid men baithe the tatha khandoba mandir ke pujari mhalsapti unki seva men the to muslmanon ne mhalsapti ko mara, is par ve baba ko pukarne lage. jab baba bahar ae to muslmanon ko yah dekhakar hairani hui ki baba ke sharir par choton ke nishan the. baba ne kaha tum logon ne mujhe mara, muslmanon ne kaha hamne to apko nahin mara ap to andar the tab baba ne samjhaya ki jab mhalsapti baba kah raha tha to main hi to usmen maujud tha. yahan par duahkh, katrta itni unchi bhav avastha men tabhi pahunch sakti hai jab siddh sadhak advait ki avastha men nirantar avasthit rahta ho, jahan jar aur chetan ka apne parae ka koi bhed hi shesh nahin rah jata. tabhi to baba kit-patang, pashu-pakshi ki bhasha bhi samajh lete the. svami vivekanand ke vishva vandaniya guru ramkrishn parmhans bhi sadaiv aisi hi advait avastha men rahte the isiliye unhen parmhans kaha jata hai. ramkrishn lila prasangadi men bhi ek aisi hi ghatna ka jikra hai ki jab ek jamindar garib mallah ko kore mar raha tha to un koron ke nishan ramkrishn parmhans ki pith par ubhar ae the. isi prakar ek bar ramkrishn parmhans ko dhyan men samudra men dubne jaisi anubhuti hui tab agle din samachar patra men ek jahaj dubne ki ghatna bhi chapi thi. yah sthiti vyaktigat man ke vishvatma man se jurne par muktatma vale guru ki hi hoti hai. sain baba ke sharir par mhalsapti ko lagi choton ka ubhrna yahi siddha karta hai ki sain baba atma ke arohan ki us avastha tak pahunch gae the jahan se fir lautna ya na lautna apni hi ichcha par nirbhara hota hai aisi vibhuti ko avtar bhi kaha jata hai. sanbhvtah yahi karn hai ki sahaj yog ki pravartak mata nirmaladevi ne jin ath vibhutiyon ko avtar kaha hai unmen ek shirdi sain baba bhi hain. isi prakar ahamadanagar ke avtar meher baba ne kalchuri bhau likhit pustak men sain baba ko kutub-e-irshad, 5 kutubon men sarvochch tatha mastar aef yunivars arthat vishva niyanta kaha hai. avtar meher baba (1894-1969) ne kaha hai ki avtari purush ka karya sirf tatkalin manvta ke liye nahin hota kintu bhavi manav santan ke liye bhi hota hai, vah apne samy men jiv ke jivan ko drut gati deta hai moksh ke marg ki. uske adarsh, drishtant, ahetuk prem paropkar men lagi shakti uska vyavhar uske n rahne par manvta ka path pradarshana karte hain. sain sadguru aur avtari purush sain baba ke jivan charit ka vihangavlokan karne par yah spashta hai ki unhen kisi vishesh sampraday, upasna marg ya paddhati ya samuday ke dayre men simit karke nahin dekha ja sakta. ve in sabhi men hain aur in sabhi se pare bhi hain. is prakar ve svayan hi ek vishisht adarsh hain, unki lila evan karm svayan ek svatantra marg hai. is drishti se sain baba ka jivan darshan upnishdon arthat vedant ke us darshan ke bahut nikat dikhai deta hai jismen jar chetan sabhi men ek hi satta, parmchetan brahm, ishvar ya jo bhi nam use dena chahen ki vyapti ko pratyaksha rup se anubhut karne aur usi ke anusar pranimatra se ahetuk prem karne, paropkar karne ko vyavharik jivan men bhi utarne par jor hai. jo is avastha ko prapt ho jata hai vahi sadguru hai, avtar hai, tatha adhyatmikta ke kanedra men avasthit hai.
Kya aapko lekh pasand aaya? Subscribe
Kya aapko lekh pasand aaya? Subscribe


sain visheshank  May 2015

fyuchar samachar ka sani baba visheshank vieshva prasiddh adhyatmik guru shri shirdi sani baba se sambandhit sarb prakar ki jankari deta hai. is visheshank men apko sani baba ke udbhav, bachapan, adhyatmik shaktiyan, mahatvapurn tathya, sabka malik ek v shraddha aur saburi jaisi lokapriya shikshaon ki vyakhya, sani baba ke chamatkar, vishva prasiddh sandesh, sani baba ki samadhi ka din tatha shighra brahm prapti adi anek vishyon ke bare men mahatvapurn jankari prapt hogi. iske atirikt mahatvapurn v gyanavardhak lekh vivah sanskar, vastu paramarsh, falit vichar, hailth kaipsul tatha panchapakshi adi ko bhi shamil kiya gaya hai. satyaktha, vichar goshthi aur jyotish v mahilaen is visheshank ke mukhya akarshan hain.

Subscribe

Apne vichar vyakt karein

blog comments powered by Disqus
.