राहू का मकर राशि में गोचर

rahu ka makar rashi men gochr  

Ank ke aur Lekh | Sambandhit Lekh | Views : 1418 |  
rahu ka makar rashi men gochar rahu 5 mai 2008 ko sayan 8 bajakar 4 minat par kunbh rashi se makar rashi men pravesh kar jaenge. sath hi ketu, jo abhi shani ke sath sinh rashi men gochar kar rahe hain, bhi shani se prithak hokar kark rashi men pravesh kar jaenge. madhya rahu panch din purva hi 30 aprail 2008 ko pratah 11 bajakar 02 minat par rashi parivartan kar lenge. rahu 03 minat 10.8 sekend pratidin ki gati se viprit disha men bhraman karte hain aur pure 360 digri chalne men unhen lagabhag 18.6 varsh lagte hain. vah ek rashi men lagabhag derh varsh rahte hain atah 2 navanbar 2009 tak makar rashi men hi sthit rahenge. rahu aur ketu ki rashi kramshah makar v kark hone ke karan ab grahan agast ya janvri mah men hi lagenge. rahu aur ketu ka prabhav agle derh varsh tak vibhinn rashiyon par is prakar hoga. mesh:mesh rashi ke lie ketu chaithe evan rahu dasham bhav men gochar karenge. iske karan nae vyapar ke ayam khulenge. sevarat logon ke lie padonnati ka marg prashast hoga. nae vahnon ke yog banenge. vahin is avdhi men avas parivartan ka yog bhi banega. ane vale varsh vishesh bhagyavriddhi lekar aenge. vrish:vrish rashi ke logon ke lie rahu ka yah gochar bhagyonnati karaega. is dauran unki dur v samip ki yatraen hongi. anek dharmasthalon ke darshan honge. tivi, frij, rediyo adi badle jaenge. akasmat dhan labh ke yog banenge. uchch varg se sanpark hoga aur rajya paksh se labh milega. rahu ka yah gochar mansik shanti v pragti lekar aega. mithun:mithun rashi ke lie yah gochar mishrit fal lekar aega. udar sanbandhi rog ho sakte hain, atah svasthya ka vishesh dhyan rakhen aur khan pan men sanyam barten. akasmat labh aur paitrik sanpatti ki prapti ke yog banenge. kutunb janon se kuch matbhed ho sakte hain. vani par niyantran avashyak hai. jamin jaydad ki bikri se dhan ki prapti hogi. karka:vivah yogya var kanyaon ka vivah shighra hoga. yash aur khyati men vriddhi hogi. is gochar kal ke dauran is rashi ke log chahen to sajhedari ka karobar kar sakte hain kyonki iske lie yah samay anukul hai. unka pratikul samay ab samapt hoga. saptam ke rahu ke karan pati patni ke bich kuch matbhed ho sakte hain. videsh yatra ke yog banenge. kort kachhri ke mamlon men vijay prapt hogi. sinh:rahu ka yah gochar dushmanon v pratispardhiyon par vijay dilaega. kam samay ki videsh yatraen hongi. elarji ke karan koi rog ho sakta hai, atah khan pan par dhyan rakhen. matripaksh se sahayta ke yog banenge. nivesh ki kuch yojnaen aur jamin jaydad adi ke kray ke yog banenge. pichle varsh se a rahe tanavon se mukti milegi aur pragti ka marg prashast hoga. kanya:nav vivahiton ko santan labh hoga. unki yojna aur duradarshita ke karan saflta prapt hogi. khilariyon ko yah gochar vishesh saflta pradan karega. avanchit mitron se sanbandh tutega. rajya men man pratishtha barhegi aur labh prapt hoga. putra ki unnati hogi. lekin kuch tanav barh sakte hain atah shanivar ko anaj ka dan vishesh labhaprad rahega. tula:vidyarthiyon ke lie yah gochar vishesh labhaprad hoga. ve nae pathyakram men pravesh lenge, uchchatar shiksha prapt karenge aur achche ankon ke sath uttirn honge. vyaparigan apna naya karobar praranbh karenge. mata ke svasthya ka dhyan rakhna par sakta hai. nae vahan ke kray ya avas parivartan ke yog banenge. samay labhaprad hai. vrishchik:nai yojnaen aur vishesh dhan labh ke yog banenge. kuch yatraon ke yog bhi banenge. bhaiyon ka sath milega aur avashyakta parne par ve sahayta karenge. dharm karm men ruchi barhegi aur tirthasthalon ke darshan honge. kuch naye karya ya vyavsay ke yog ban sakte hain. sevarat log padonnati ki asha kar sakte hain. dhanu:ketu ke ashtam men gochar ke karan kuch samay ke lie durghatana ke yog ban sakte hain, lekin dhan ki drishti se yah gochar uttam rahega. kutunbiyon ka sath milega aur dhan labh hoga. durghatana ke yogon ko kshin karne ke lie kutte ko khana khilaen evan ann dan karen. vyavsay ki drishti se samay bahut anukul rahega. tanav kam honge. makara:yash ki prapti hogi. man maryada barhegi. dhan labh hoga. lekin dampatya jivan men kuch matbhed ho sakte hain. vyapar sajhedari men n karen anyatha sajhidar se dhokha mil sakta hai. kort kachhri ke mamlon se bachen anyatha hani ho sakti hai. sat anajon aur grahan ke pashchat pahne kapron ka dan karen. kunbh: videsh bhraman ke prabal yog banenge. yatra, chikitsa aur nivesh par kharch hoga. joron men dard ke yog ban sakte hain. matri paksh se vanchit labh ya sahyog prapt hone men vilanb ho sakta hai. patni se nonk jhonk ho sakti hai lekin vyavsay men tarakki hogi. vyavsay ke nae ayam jurenge. samay achcha hai, sadupyog karen. min:anek nae logon se sanpark banenge aur unke dvara labh men vriddhi hogi. kai karyon ko kutnitik star par pura karne men safal honge. garbhavati mahilaen svasthya ka vishesh dhyan rakhen anyatha garbh par pratikul prabhav par sakta hai. yuvaon ke lie yah samay romani siddh hoga aur viprit paksh se unke sanbandh banenge. vidyarthiyon ke lie yah gochar shubh rahega aur ve achche ankon se uttirnata prapt karenge. rahu v ketu ke karan 10 agast 2008 se 17 disanbar 2008 tak kal sarp dosh bhi vidyaman rahega. is dauran paida hue bachchon ke svasthya ka vishesh dhyan rakhna parega.
Kya aapko lekh pasand aaya? Subscribe
Kya aapko lekh pasand aaya? Subscribe


shri vidya visheshank  May 2008

shri yantra ki utpati evan mahatmya, shri yantra ke labh, shri yantra ko siddh karne ki vidhi, shri yantra ki upasna tatha ismen li jane vali savdhaniyan, padarthon evan svarup ke adhar par vibhinn prakar ke shri yantra evan unka upyog par yah visheshank adharit hai.

Subscribe

Apne vichar vyakt karein

blog comments powered by Disqus
.