श्री विद्या उपासना

shri vidya upasna  

Ank ke aur Lekh | Sambandhit Lekh | Views : 10317 |  
shri vidya upasna shri yogeshvaranand sabhi shankrpithon men bhagvti tripursundri ki upasna shriyantra men ki jati hai, jise shri chakra bhi kaha jata hai. yah shriyantra athva shrichakra bhagvan shiv aur man shiva donon ka sharir hai, jismen brahmand aur pindand ki aikyata hai. shriyantra ki utpaÿia evan mahatmya shriyantra athva shrichakra svayan men anekanek rahasyon ko samete hue hai. ek bar jab bhagvan ne sabhi mantron ko daityon dvara durupyog se bachane ke lie kilit kar diya tha, tab maharshi daÿaatrey ne jyamitiya kala ke dvara vritt, trikon, chap ardhavritt, chatushkon adi ko adhar banakar bij mantron se isht shaktiyon ki puja hetu yantron ka avishkar kiya. islie maharshi daÿaatrey ko shrividya evan shriyantra ka janak kaha jata hai. yah vishva hi shri vidya ka grih hai. yahan ‘vishva’ shabd ka tatparya pindand aur brahmand donon se hai. is prakar shriyantra jaise vishvamyi hai, usi prakar shabd srishti men matrikamyi hai. tripursundri chakra brahmandakar hai. is yantra ki rachna do trikonon ki paraspar sandhi se hoti hai, jo ek dusre se mile rahte hain. isse brahmand men pind ka aur pindand men brahmand ka gyan hota hai. yah yantra shiv aur shakti ki ekatmata ko bhi pradarshit karta hai. is yantra ki gurhta par rus aur jarmani ke shodhakarta kafi samay se is par shodh kar rahe hain, parantu abhi tak ve kisi parinam par nahin pahunche hain. sahi shabdon men yantra-puja dev shakti ko abaddh karne ka sarvoÿam adhar hai, jismen shriyantra purnatah safal hai. bhagvti tripursundri ki sadhna (shriyantra sadhna) sarvochch aur sarvashreshth sadhna hai. anek sadhkon, grihasthon, sannyasiyon ne khule hriday se svikar kiya hai ki yah sadhna kaliyug men kamdhenu ke saman hai, jo sufldayi hoti hai. yah ek aisi sadhna hai, jo sadhan ko purn man-samman aur pratishtha dilati hai. ek sthan par svayan bhagvan adya shankracharya ne kaha hai ki ‘‘mere sanpurn sadhna-jivan ka saransh yah hai ki sansar ki samast sadhnaon men tripur sanudri sadhna svayan men purn hai, alaukik hai, advitiya hai aur ashcharyajanak rup se siddhi pradan karne vali hai.’’ shriyantra ki sadhna kisi bhi ayu, varg athva jati ka sadhak kar sakta hai. stri-varg ke vishay men to spasht kaha gaya hai ki- ‘‘yadi koi sadhika keval purnamasi ki ratri ko hi is sadhna ko sanpann kar le to vah vishva ki vijeta ban sakti hai.‘‘ is sadhna ko sanpann karne ke anek labh hain, jinka sankshipt vivaran is prakar hai. bhagvti tripur sanudri ke sakshat darshan. jivan ki purnata ki prapti. vivad men vijay evan shatruon ka shaman. raja athva uchchadhikari ka vashikaran. bhautik evan mansik sukhon ki prapti tatha badhaon se mukti. akhand saubhagya ki prapti. kanya ka shighra vivah evan manovanchit var ki prapti. rin se mukti evan bhumi, vahan ki prapti. aishvarya, chal-achal sanpÿia evan pashu-dhan ki prapti. kundlini jagaran dvara antrik shakti ka jagaran. sukhamay dampatya aur parivar men sauhardapurn vatavaran. shriyantra ki sadhna shriyantra ki sadhna atyant hi takniki purn aur uchch koti ki hai. kintu yah atyant gurh bhi hai. islie pratyek vyakti ke lie iski sadhna karna sanbhav nahin hai. yahan atyant hi saral vidhi prastut hai jiske madhyam se samanya sadhak bhi sadhna kar sakte hain. ismen jalpatra, lal gulab ke ful, kesar, sfatik shriyantra (pran-pratishthit) suvasit agrbÿai, shuddh ghi ka dipak, pit, vastra adi ki avashyakta hoti hai. sadhna men sfatik ki mala prayog men lani chahie. mantra: sadhna men nimnalikhit do mantron ka ullekh kiya jata hai. ‘‘shri hrin shrin kamle kamlalye prasid prasid shrin hrin shrin ¬ mahalakshamyai namah.’’ ‘‘¬ paùavti padmanetre lakshmidayini sarva karya siddhi kari kari ¬ hrin shrin padmavatyai namah.’’ sadhna-vidhi: yah sadhna shukla paksh ke kisi bhi budhvar se aranbh ki ja sakti hai. sarvapratham shuchita avastha men ratri nau baje ke bad apne samne lakri ki chaiki rakhakar us par pila vastra bicha len. uske upar gulab ki thori pankhuriyan bichakar snan karae gae shriyantra ko us par sthapit kar den tatha us par kesar se tilak karen. ghi ka dipak v agrbÿai adi jala den taki vatavaran suvasit ho jae. fir sfatik ki mala se 1000 jap pratidin karen. yah kriya ikyavan dinon tak karni hai. pahle din ke atirikt shriyantra ko is sthan se uthana nahin chahie. is prakar 51 dinon men mantra ka ikyavan hajar jap ho jaega. jap pura ho jane par 9-10 varsh ki ek kanya ko bhojan, vastra adi pradan karke use prasann karen. iske uprant us siddh shriyantra ko apne vyaprik sthal ki tijori adi men athva ghar men puja-sthal par sthapit kar den aur nitya-prati uska darshan karke dhup adi den. yah siddh shriyantra jab tak ghar athva dukan men rahega, tab tak riddhi-siddhi bani rahegi aur sadhak ki bhagyonnati men din-pratidin vriddhi hoti rahegi. devi lakshmi ki sthirta ke lie yah ek anubhut prayog hai, jiska sadaiv sakaratmak parinam prapt hua hai. shriyantra ke sanbandh men avashyak savdhaniyan- shriyantra prapt karte samay evan pujan ke sanbandh men sadhkon ko nimnalikhit kuch vishisht baton ka dhyan rakhna chahie. shriyantra purnatah shuddh evan pramanik hona chahie. yadi shriyantra kisi dhatu-patra par bana ho to vah utkirn athva dhansi hui rekhaon men nahin, balki ubhri hui rekhaon men ho. yadi vah mani, athva shila ka bana ho aur meru akar ka ho to uske kon sahi prakar se bane hon aur ve khandit athva sankhya men kam ya adhik n hon. unki sankhya 49 honi chahie. yantra kisi yogya vyakti dvara pran-pratishthit hona chahie. shriyantra ko siddh karne ke pahle yogya guru se diksha prapt kar leni chahie. yadi sadhak jap karne ki sthiti men n ho to shriyantra ke samaksh keval prarthana, arti athva stotra path karen. shriyantra sadhna ke samay bhakti bhavna, tatha shuchita aur shraddha banae rakhen. sadhna samarpit bhav se karni chahie. yantra ki sthapna ke bad pratidin uska abhishek v pujan avashyak hai. abhishek yadi n bhi kar saken to pujan avashya karen. jisne koti janmon tak tap kiya ho, vahi is vidya ki prapti kar bhog v moksh donon ki prapti karta hai. atah iske prati sashankit n hon, n uphas udaen aur n hi iski shakti ke parikshan ke uddeshya se sadhna karen. shrihin vyakti sarvatha asamarth hota hai, atah shriyukt evan samarth banne ke lie shrividya upasna avashyak hai. shriyantra vibhed: shriyantra ka vinyas bahut hi vichitra hai. iske madhya men ek bindu aur bahar ki or bhupur hote hai. bhupur ke charon or char dvar hote hain. bindu se bhupur tak das prakar ke avayav hote hain. pujan ke samay madhyasth bindu ko bhi tin bindu ke rup men mana jata hai. mul bindu ko yoni tatha shesh do binduon ko bhagvti tripur sanudri ke do kuch mana jata hai. inhin tinon binduon ke dhyan ko ‘kamkla’ kaha jata hai. shri yantra ke mukhya tin rup hote hain. bhuprishtha- jo yantra samatal hota hai, use bhuprishth kahte hain. yah svarn, rajat athva tamrapatra par banaya jata hai. ise bhojapatra par bhi banaya ja sakta hai, parantu iski nirman prakriya atyant klisht hone ke karan samanyatah ise bana-banaya hi prapt kiya jata hai. kachcha-prishtha- jo shriyantra madhya men kachue ki pith ke saman ubhra hua ho use kachchapa-prishth kaha jata hai. meru prishtha- jis shriyantra ki banavat sumeru parvat ki akriti men ho, use meru prishth kaha jata hai. sfatik mani se bane yantra adhikanshtah meru prishthakar hote hain. sfatik se bane shriyantra ki ek vishishtata hai ki jis samay sadhak adhyatmik urja se paripurn hota hai us samay uske sharir se bahar pravahit hone vali urja ko yah svayan men samahit kar leta hai. parantu iske lie yah atyant hi avashyak hai ki puja-sthal men rakha hua shriyantra purnatah pran pratishthit aur chaitanya ho. sath hi uske kon adi nirdharit sankhya men aur saman akar men hon. shriyantra vastav men shri arthat lakshmi ka nivas sthan hain. jahan shriyantra ki sthapna niyamanusar hoti hai vahan lakshmi ka vas hota hai. shrividya ki pith, mandir evan puja sthal yadyapi yah sanpurn vishva hi bhagvti tripur sanduri ka nivas hai fir bhi sthul drishti se unke kuch pramukh sthanon ka vivaran yahan prastut hai. shri vindhyavasini kshetra men ashtabhuja ke mandir ke pas bhairav kund namak sthan hai. yahan ek khandahar men vishdakar shriyantra rakha hua hai. ek anya shriyantra farrukhabad janapad ke tirva namak sthan par hai. vahan ek vishal mandir hai, jise mata annapurna ka mandir kaha jata hai. lekin vastav men vah tripura ka mandir hai. yahan ek unche se chabutre par sangamaramar patthar par bahut bara shriyantra bana hua hai aur uske kendra bindu par pashakanush evan dhanurban se yukt bhagvti ki bahut hi sundar chaturbhuji pratima hai. is mandir ka nirman raja tirva ne lagabhag sava sau varsh purva kisi tantrik mahatma ke nirdeshanusar karaya tha. yah sthan 51 shaktipithon men se ek hai. isi prakar maharashtra men mokhi nagar men bhagvti ka vishal mandir hai, jahan bahut hi sanudar shriyantra bana hua hai. is mandir ko kameshvarashram ke nam se jana jata hai. isi prakar jablpur ke pas parmpujya gurudev jagad guru shankracharya svami svarupanand ji sarasvati ne bhi suramya vanachchadit pradesh men parmhansi ganga ashram ki sthapna ki thi jahan mandir ki unchai lagabhag 218 fut unchi hai aur uske garbh grih men bhagvti rajrajeshvari tripursundri ki panch fut unchi divya evan manohar pratima hai. yah mandir dakshin bhartiya vastukla ki anupam kriti hai, jo madhyapradesh ke narsinhpur jile ke jhoteshvar namak sthan par hai. inke atirikt kuch anya suramya sthalon par bhi bhagvti tripursundri ke pith sthapit hain, jinmen varansi men kedarghat par shrividya math, pashchim bangal ke hugli jile men konnagar sthan par rajrajeshvari seva math, madhya pradesh ke panna jile men mohanagarh men rajrajeshvari mandir, kolkata ke shrirampur men shrimata kamkameshvari mandir aur janapad merath ke samrat pailes sthan par bhagvti rajrajeshvari mandir pramukh hain. shriyantra vidya ki patrata- shriyantra yantron men sarvashreshth hai. parantu ajakal prayah ‘shrichakra’ hi dekhne men ate hain, jo bij, shakti, mantra adi se rahit hote hain. bijakshar shakti, mantra aur yantra ki atma tatha pran hote hain. shrichakra itna prabhavshali hota hai ki uske pratidin shraddhapurvak darshanamatra se hi kuch samay ke uprant manokamna purn hone lagti hai. is mahayantra ko dhup, gandh adi dekar pavitra bhavna se nityaprati shodshopchar pujan kar sakte hain. is yantraraj ki svamini bhagvti tripursundri hain, jo dash mahavidyaon men tritiya mahavidya hain aur shodshi svarupa hain. tantra athva mantra ki siddhi ke lie guru se diksha prapt karna avashyak hai. fir shrividya to ek guhya vidya hai, jise guru se diksha lekar abhyas dvara hi prapt kiya ja sakta hai. ek bare kavi ne yah bhi kaha hai ki shraddha se bhi sab kuch sanbhav hai. unke shabdon men - ‘‘shraddha manushya jivan ka merudand hai. jis prakar merudand’’ ke bina manushya ashakt hota hai, usi prakar shraddha rahit manushya ka jivan bhi shakti aur tej se hin rahta hai.’’ shriyantra ki svamini bhagvti lalita ki upasna ke lie diksha ek anivarya shart hai, parantu yadi koi yogya guru n milen to shriyantra ki puja shraddha aur vishvaspurvak jan samanya bhi kar sakte hain. isse sukh-samriddhi ke sath-sath moksh ki prapti ka marg bhi svatah hi khulne lagta hai. bhagvti lalitanba shakti sanpann vaishnavi shakti hain, ve hi vishva ki karan bhuta paramaya hain, bhog aur moksh ki data hain aur sanpurn jagat ko mohit kie hue hain. sabhi vidyaen unke hi svarup hain, unhonne hi is vishva ko vyapt kar rakha hai. isilie unke vishay men kaha gaya hai- giramahurdevin druhin grihini magmvido hareah patnin paùan harshchrimadritnyam. turiya kapi tvan durdhigmniah simmhima mahamaya vishvan bhramysi parabrahmamahishi.. ..shrin..
Kya aapko lekh pasand aaya? Subscribe

Kya aapko lekh pasand aaya? Subscribe


shri vidya visheshank  May 2008

shri yantra ki utpati evan mahatmya, shri yantra ke labh, shri yantra ko siddh karne ki vidhi, shri yantra ki upasna tatha ismen li jane vali savdhaniyan, padarthon evan svarup ke adhar par vibhinn prakar ke shri yantra evan unka upyog par yah visheshank adharit hai.

Subscribe

Apne vichar vyakt karein

blog comments powered by Disqus
.