क्या है श्री यंत्र

kya hai shri yantra  

Ank ke aur Lekh | Sambandhit Lekh | Views : 5886 |  
kya hai shri yantra? dae. sanjay bu(iraja shriyantra ka ullekh tantraraj, lalita sahasranam, k a m k l a iv l a s , tripuropnishad adi vibhinn prachin bhartiya granthon men milta hai. mahapuranon men shri yantra ko devi mahalakshmi ka pratik kaha gaya hai. inhin puranon men varnit mahalakshmi svayan kahti hain- ‘shri yantra mera pran, meri shakti, meri atma tatha mera svarup hai. shri yantra ke prabhav se hi main prithvi lok par vas karti hun.’’ shri yantra men 2816 devi devtaon ki samuhik adrishya shakti vidyaman rahti hai. isilie ise yantraraj, yantra shiromni, shodshi yantra v devadvar bhi kaha gaya hai. rishi dattatrey v durvasa ne shriyantra ko mokshadata mana hai. jain shastron ne bhi is yantra ki prashansa ki hai. jis tarah sharir v atma ek dusre ke purak hain usi tarah devta v unke yantra bhi ek dusre ke purak hain. yantra ko devta ka sharir aur mantra ko atma kahte hain. yantra aur mantra donon ki sadhna upasna milakar shighra faldeti hai. jis tarah mantra ki shakti uske shabdon men nihit hoti hai usi tarah yantra ki shakti uski rekhaon v binduon men hoti hai. makan, dukan adi ka nirman karte samay yadi unki ninv men pran pratishthat shri yantra ko sthapit karen to vahan ke nivasiyon ko shri yantra ki adbhut v chamatkari shaktiyon ki anubhuti svatah hone lagti hai. shri yantra ki puja se labh: shastron men kaha gaya hai ki shriyantra ki adbhut shakti ke karan iske darshan matra se hi labh milna shuru ho jata hai. is yantra ko mandir ya tijori men rakhakar pratidin puja karne v pratidin kamalagatte ki mala par shri sukt ke 12 path shri lakshmi mantra ke jap ke sath karne se lakshmi prasann rahti hai aur dhansankat dur hota hai. janmakundli men maujud jaise ki kemadrum, daridra, shakat, rin, nirbhagya, kak adi vibhinan kuyogon ko dur karne men shri yantra atyant labhkari hai. yah yantra manushya ko dharm, arth, kam v moksh dene vala hai. iski kripa se manushya ko ashtasiddhi v nau nidhiyon ki prapti ho sakti hai. shri yantra ke pujan se sabhi rogon ka shaman hota hai aur sharir ki kanti nirmal hoti hai. iski puja se virya stanbhan hota hai v panchatatvon par vijay prapt hoti hai. is yantra ki kripa se manushya ko dhan, samriddhi, yash, kirti, aishvarya adi ki prapti hota hai. shri yantra ke pujan se ruke hue karya bante hain. shri yantra ki shraddhapurvak niyamit rup se puja karne se dukh daridrya ka nash hota hai. shri yantra ki sadhna upasna se sadhak ki sharirik aur mansik shakti pusht hoti hai. is yantra ki puja se das mahavidyaon kie kripa bhi prapt ho sakti hai. shri yantra ki sadhna se arthik unnati hoti hai aur vyapar men saflta milti hai. shri yantra ka nirman: shri yantra ka nirman svarn, rajat ya, tamra patra athva sfatik ya mani par kiya jata hai. tridhatu arthat sona, chandi v tamra ko mila kar bhi shri yantra ka nirman kiya ja sakta hai. parad shri yantra ko sarvashreshth mana gaya hai. bhojapatra par bana shri yantra sadharan faldayi, tamrapatra par shreshth, rajat par shreshthatar v svarn patra par bana shreshthatam faldayi hota hai. sfatik v mani par nirmit shri yantra bhi divali par atyant shubh faldayi hote hanai. shatrushaman ke lie sone ka aur kalyan v lakshmi prapti ke lie chandi ka shriyantra upyogi hai. vyavsay sthal men ashtadhatu ka shriyantra sthapit karna chahie. shri yantra ka nirman gurupushya yog, ravipushya yog, navratri divali ya shivratri ke avasar par kiya jata hai. shuddh sfatik se bana shri yantra anantkal tak, svarn ka 100 varsh, rajat ka 25 varsh, tamra ka 12 varsh tatha bhojapatra ka shriyantra 6 varsh tak shubhfldayi rahta hai. shri yantra ki sanrchna: shri yantra ka rup jyamitiya hota hai. iski sanrchna men bindu, trikon ya tribhuj, vritt, ashtakamal ka prayog hota hai. tantra ke anusar shri yantra ka nirman do prakar se kiya jata hai- ek andar ke bindu se shuru kar bahar ki or jo ‘srishti-kriya nirman’ kahlata hai aur dusra bahar ke vritt se shuru kar andar ki or jo ‘sanhar-kriya nirman’ kahlata hai. shri yantra men 9 trikon ya tribhuj hote hain jo nirakar shiv ki 9 mul prakritiyon ke dyotak hain. mukhyatah do prakar ke shriyantra banaye jate hain - srishti kram aur sanhar kram. srishti kram ke anusar bane shriyantra men 5 udhrvamukhi trikon hote hain jinhen shiv trikon kahte hain. ye 5 gyanendriyon ke pratik hain. 4 adhomukhi trikon hote hain jinhen shakti trikon kaha jata hai. ye pran, majja, shukra v jivan ke dyotak hain. sanhar kram ke anusar bane shriyantra men 4 udhrvamukhi trikon shiv trikon hote hain aur 5 adhomukhi trikon shakti trikon hote hain. yah shriyantra kashmir sanpraday men kaul mat ke anuyayi upyog men late hain. shri yantra men 9 tribhujon ka nirman is prakar se kiya jata hai ki unse milakar 43 chote tribhuj ban jate hain jo 43 vibhinn devtaon ka pratinidhitva karte hain. madhya ke sabse chote tribhuj ke bich ek bindu hota hai jo samadhi ka suchak hai arthat yah shiv v shakti ka sanyukt rup hai. iske charon or jo 43 trikon bante hain ve yog marg ke anusar yam 10, niyam 10, asan 8, pratyahar 5, dharan 5, pranayam 3, dhyan 2 hote hain. in tribhujon ke bahar ki taraf 8 kamal dal ka samuh hota hai jiske charon or 16 dal vala kamal samuh hota hai. in sabke bahar bhupur hai. manushya sharir ki bhanti hi shri yantra ki sanrchna men bhi 9 chakra hote hain jinka kram andar se bahar ki or is prakar hai- kendrasth rakt bindu fir pila trikon jo sarvasiddhiprad kahlata hai. fir hare rang ke 8 trikon sarvarakshakari hain. uske bahar kale rang ke 10 trikon sarvarognashak hain. fir lal rang ke 10 trikon sarvarth siddhi ke pratik hain. uske bahar nile 14 trikon saubhagyadayak hain. fir gulabi 8 kamaladal ka samuh dukh, kshobh adi ke nivaran ka pratik hai. uske bahar pile rang ke 16 kamaladal ka samuh ichchapurti karak hai. ant men sabse bahar hare rang ka bhupur trailokya mohan ke nam se jana jata hai. in 9 chakron ki ashthiatri 9 deviyon ke nam is prakar hain. 1. tripura 2. tripureshi 3. tripursundri 4. tripurvasini, 5. tripuratri, 6. tripuramalini, 7. tripursiddha, 8. tripuranba aur 9. mahatripursundri. shri yantra ke prakar: vibhinn prakar ke shriyantron v unke falon ka varnan is prakar hai. meruprishtha-pard: riddhi siddhi v lakshmi prapti hetu meruprishtha- ashtadhatu: parivar sukh v dhanaprapti hetu meruprishtha-sfatik: shanti, vidya, samriddhi v ekagrata hetu kurmaprishtha-ashtadhatu: ayu, samriddhi, shanti aur shakti hetu mudrika-svarna: vyavsay men labh v dhan ke nirbadh agaman hetu piramid- ashtadhatu: dhan, dhyan, gyan aur svasthya hetu rajat patra: dhan, sukh v gyan hetu tamra patra: dhan v samriddhi ki prapti aur lakshmidosh nivaran hetu laeket-chandi: dhan labh v ichchapurti hetu shri yantra ki puja men prayukt hone vale mantra: vibhinn shriyantron ki puja men prayog kiye jane vale vibhinn mantra is prakar hain. shri ¬ mahalakshmyai namah ¬ shri hrin klin hrin shrin mahalakshmyai namah ¬ shrin hrin shrin kamle kamlalye prasid prasid shrin hrin shrin mahalakshmyai namah tirth sthal aur shri yantra: bharat varsh men vibhinn tirth sthalon men bhi shri yantra sthapit hain jinka sankshipt vivaran yahan prastut hai. in yantron ki mahatta ke karan hi in tirthasthalon men apar sanpatti hai. abu ke dilvara mandir men osima devi ke dvar v khanbhon par shri yantra ankit hai. maharshi raman ke ashram v jagtguru shankracharya ke mathon men shri yantra sthapit hain. dakshin bharat ke tirupti bala ji ke mandir men ninv sthapna ke samay vidhivat siddh shriyantra ninv men sthapit kie gae the. mandir mukhya vigrah ki pith par bhi shri yantra (shodshi yantra) utkirn hain. bansvara men shri tripur sundri devi ke mandir men bhi shri yantra ke darshan hote hain. jagannath ji ke mandir men bhairvi chakra v shrinath mandir men sudarshan chakra ke rup men shri yantra sthapit hai. saurashtra ke somnath mandir ke bhugarbh men svarn shilaon par shriyantra utkirn the.
Kya aapko lekh pasand aaya? Subscribe

Kya aapko lekh pasand aaya? Subscribe


shri vidya visheshank  May 2008

shri yantra ki utpati evan mahatmya, shri yantra ke labh, shri yantra ko siddh karne ki vidhi, shri yantra ki upasna tatha ismen li jane vali savdhaniyan, padarthon evan svarup ke adhar par vibhinn prakar ke shri yantra evan unka upyog par yah visheshank adharit hai.

Subscribe

Apne vichar vyakt karein

blog comments powered by Disqus
.