सूर्य की कक्षा का दूसरा ग्रह शुक्र

surya ki kaksha ka dusra grah shukra  

Ank ke aur Lekh | Sambandhit Lekh | Views : 5961 |  
surya ki kaksha ka dusra grah shukra acharya avinash sinh shukra, jise bhor ya sham ka tara bhi kahte hain, ka sthan budh ke bad dusra hai. surya ki parikrama karne vale grahon ki kakshaon men shukra ki kaksha dusri hai. iski kaksha krantivriÿa ke donon or adhikatam 3°24sh ka kon banate hue jhuki hai. surya se iski ausatan duri lagabhag 672 lakh aur vyas lagabhag 7500 mil hai. shukra ki nakshatra parikrama avdhi 224.7 tatha sanyuti kal 584 din hai. budh aur shukra antrik ya antah grah hain jo hamesha surya ke as-pas hi pashchim ya purva ki disha men dikhai parte hain. shukra ko kabhi suryoday suryast ke bad dekha ja sakta hai. yah anya grahon aur taron se adhik prakash man dikhai parta hai. shukra par ghana vatavaran aur megh hai. atah vahan jivdhari ke hone ki kalpana ki ja sakti hai. surya aur prithvi ke bich shukra ke a jane par kabhi chota sa grahan bhi lagta hai jise shukra ka atikraman bhi kahte hain. is sthiti men surya par ek chota sa kala dhabba chalta dikhai deta hai. aisa islie hota hai kyonki shukra ki kaksha surya aur prithvi ke bich hai. shukra guru se chota hai fir bhi usse adhik tejasvi dikhai deta hai. iska karan yah hai ki vah guru ki apeksha surya aur prithvi ke adhik nikat hai. shukra surya se 470 se adhik duri par kabhi nahin jata, arthat shukra aur surya ki bhachakra men apsi duri adhikatam 47 ansh hi ho sakti hai. isi karan shukra suryoday se purva aur suryast ke bad purva ya pashchim men hi dikhai deta hai. din ke samay yah dikhai nahin deta yah margi aur vakri donon sthitiyon men bhraman karta hai. margi shukra surya se 100 ke antar par ast aur 100 ke antar par hi udit hota hai. vakri gati men shukra surya se 80 ke antar par ast hota hai. margi gati men jab ast hota hai to lagabhag do mah ke lie ast ho jata hai jabki vakri gati men ast hone par yah kam se kam 5 aur adhik se adhik 15 dinon ke lie ast hota hai. shukra ki kalaen bhi barhti-ghatti rahti hain. iski kalaon ko dekha bhi ja sakta hai. pauranik drishtikon: shukra rakshason ke guru mane jate hain. inka varn shvet hai, sir par sundar mukut tatha gale men mala hai. shvet kamal inka asan hai. unke char hathon men kramshah dand, rudraksh mala, patra tatha varad mudraen sushobhit hain. matsyapuran ke anusar shukracharya ne asuron ke kalyan ke lie kathor vrat ka anushthan kiya. is vrat se unhonne bhagvan shiv ko prasann kar unse yuddh men devtaon ko parajit karne ka vardan prapt kiya. shiv ne yah vardan bhi diya ki unhen koi nahin mar sakega sath hi bhagvan unhen dhan ka bhi adhyaksh bana diya. is tarah shukracharya is lok aur parlok ki sari sanpÿiayon ke svami ban gae. mahabharat ke anusar sanpÿia hi nahin shukracharya aushdhiyon, mantron tatha rason ke bhi svami hain. unki samathrya adbhut hai. kintu unhonne apni samast sanpÿia apne shishya asuron ko de di aur svayan hi bane rahe. shukracharya yog ke acharya bhi hain. apne shishya asuron par unki kripa sada barsti rahti hai. unhonne bhagvan shiv ki tapasya se mrit sanjivni vidya bhi prapt ki jiske bal par vah yuddh men mare hue asuron ko jivit kar dete the. brahma ki prerna se shukracharya grah banakar tinon lokon ko prabhavit karne lage. kabhi vrishti to kabhi anavrishti, kabhi bhay, kabhi abhay utpann kar vah praniyon ko prabhavit karte hain. vah grah ke rup men brahma ki sabha men bhi upasthit hote hain. lokon ke lie vah anukul grah hain. unke adhidevta indrani tatha pratyadhi devta indra hain. matsya puran ke anusar shukracharya ka varn shvet hai. unka vahan rath hai jismen agni ke saman ath ghore jute hote hain. rath par dhvajaen fahrati rahti hain. unka ayudh dand hai. jyotishiya drishtikon- jyotishiya drishti se shukra ek grah hai jiska prabhav jan-jivan par parta hai. shukra grah se prabhavit jatak sundar, tikshn nain-naksh, vishal sharir, ghunghrale bal, shvet varn aur akarshak vyaktitva vala hota hai. aise jatak vigyan, lalit kala, sangit, nritya, bhavan nirman kala, abhinay, dres dijaining, intiriyar, dijaining adi men ruchi rakhte hain. shukra vigyan aur kala ka mishran hai. adhunik yug men shukra ka prabhav vishesh rup se dekhne ko milta hai chand par utrne ke bad aj ka manav anya grahon nakshatron ko bhi chune ki koshish men hai. takniki aur kala ke kshetron men vah bahut age pahunch gaya hai. dur sanchar ke upakaran takniki ki den hanai. vahin in upkrnon ke madhyam se hone vali sukh suvidha v kala ke kshetra shukra ka hi mishrit rup hain. shukra kalpanaon ko sakar karne men sahayak hai. ilektraenik midiya, kanpyutar adi shukra ke prabhav hain jinka upyog aj manav kar raha hai aur jiske falasvarup duriyan khatm ho gai hain. aj ham ghar baithe har chij ki jankari hasil kar sakte hain. yah sab shukra ke prabhav ka hi natija hai. adhunik takniki aur kala se sanbandhit vyavsay - injiniyaring, bhavan nirman, dijaining, penting, vigyapan, kanpyutar nirman v shiksha, lekhan, film, sangit, nritya, adi - shukra se hi prabhavit hote hain. medikal kshetra men shalya chikitsa aur aushdhi vigyaan par bhi shukra ka prabhav hota hai. shukra viprit ling ko bhi akarshit karta hai. dampatya, prem sanbandh, sharirik anand, parivarik anand aur jivan shakti sabko shukra prabhavit karta hai. shukra hi shukranuon ka karak hai jo utpaÿia ke karak hain. kundli men shukra ki sthiti shubh hone par jatak ko nana prakar ke sukh prapt hote hain kintu ashubh ya kamjor hone par sukhon men kami ati hai. shukra saptam bhav ka karak grah hai. saptam bhav men shukra ki sthiti stri sukh ko barhati hai. shubh shukra jis bhav men baithta hai us bhav se sanbandhit sukhon ko barhata hai. shukra vrish aur tula rashiyon ka svami hai. min rashi men yah uchch ka aur kanya men nich ka mana jata hai. bharni, purva falguni aur purva asharh nakshatron ka bhi yah svami hai. yah purva dakshin disha ka svami hai. iska varn brahman hai. shukra jannangon, shukranu, maspeshiyon, mutrashay, janghaon, kesh adi sharir ke vibhinn angon ka pratik hai. yaun rog, kamashakti men kami, gathiya, netra rog, sunghne ki shakti ki kshinta, shvet pradar adi vibhinn rog shukra ke ashubh prabhav ke karan hote hain. shukra grah ki ashubhta ke shaman ke lie go-puja karni chahie tatha hira dharan karna chahie. chandi, sona, chaval, ghi, safed vastra, safed chandan, hira, dahi, chini, adi ka brahmanon ko dan dena chahie. sath hi shukra ke bij mantra ¬ dran drin draun sah shukray namah ka jap karna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


shri vidya visheshank  May 2008

shri yantra ki utpati evan mahatmya, shri yantra ke labh, shri yantra ko siddh karne ki vidhi, shri yantra ki upasna tatha ismen li jane vali savdhaniyan, padarthon evan svarup ke adhar par vibhinn prakar ke shri yantra evan unka upyog par yah visheshank adharit hai.

Subscribe

Apne vichar vyakt karein

blog comments powered by Disqus
.