सर्व विशिष्ट भारतीय तीर्थ काशी

sarva vishisht bhartiya tirth kashi  

Ank ke aur Lekh | Sambandhit Lekh | Views : 2648 |  
sarva vishisht bhartiya tirth kashi bharatavarsh tirthon ka desh hai. yahan kashmir se kanyakumari tak aur saurashtra se asam tak anek tirth v paryatan sthal hain. bharat bhumi ke kuch tirth sthal apni prakritik sanpda ke karan svarg se sundar hain jahan devi devtaon ka vas hai. vahin dusri taraf yahan ki bhumi vedon ki richaon, dev mantron v shlokon ke sath-sath rishi muniyon ke jayghosh se gunjayman raha hai. aise tirthon men baba vishvanath ki nagri varanasi sarvapramukh hai. sanpurn bharatavarsh ki prachinatam evan pavitratam nagriyon men pratham kashi muktidayini evan moksh pradayini tirth hai. bhartiya dharm, sanskriti, sadhna evan sahitya ki kendra sthali ke rup men bhagvan shankar ki pyari, tinon lokon se nyari param pavni kashi nagri ka sthan murdhanya raha hai. bhartiya vad. may iski garimamay gathaon se bhara para hai. prachin bhartiya saptapuriyon men sarvadhik prasiddh aur janbudvip ke tin sthalon gaya, prayag aur kashi men kashi ke barah nam batae gae hain jinmen vartaman sanbodhan varansi ke nam se yah shahar sanpurna-vishva men bharatavarsh ki sanskritik rajdhani ke rup men jana jata hai. desh ke pramukh rel marg se sanbaddh u. pra. ke charchit relve steshan muglsray se 16 ki.mi. dur varansi ganga ke uÿari tat par uski do sahayak nadiyon varun aur asi (aksi) ke madhya sthit hai. isi karan is mahatirth ka nam varansi para jo ajakal banaras ke nam se bhi jana jata hai arthat jahan ka ras (tasir) sada bana rahe, vahi hai banaras. dvadash jyoti£nlgon aur 51 shakti pithon men ek devi-devtaon ke is shahar ka itihas bhi utna hi prachin aur samriddh hai jitne ved puran adi. ved, puran, smriti, upnishad v anyanya prachin akhyanon ke sath-sath puratatva v itihas men bhi iska nam sahaj jur jana is mahatirth ka sarvavishisht gun mana jata hai. is prachinatam nagri kashi ne bhartiya itihas men kai nae adhyay jore hain. sachmuch bhole shankar ke trishul par basa yah nagar apne an, ban aur shan ke lie jagat prasiddh hai jahan sal ke barhon mahine deshi-videshi shailaniyon ka jamavra laga rahta hai. kaha bhi gaya hai- jisne kashi ki subah nahin dekhi, kuch bhi nahin dekhi........karan kashi ki subah aur lakhnau ki sham lajvab hoti hai. isa purva chathi shatabdi ke 16 mahajnpdon men kashi ki bhi ganna hai. rajghat ke utkhanan sanket pradan karte hain ki 600 i. pu. ke pahle se hi kashi abad ho gai thi. isapurva chathi shatabdi men pure nagar ki mitti se gherabandi kie jane ke vivaran upalabdh hote hain. tathagat ke samay kashi sanskriti evan gyan ka itna mahatvapurn kendra tha ki buddh ne apna pratham updesh (dharmachakra pravartana) yahin se lagabhag 92 ki.mi. ki duri par sthit sarnath (sarangnath, prachin nam mrigdav) men kiya tha. yahan aj is sthal par bauddh mandir, dharmak stup, dharmarajika aur prachin udyan ke sath-sath puratatvik sangrahalay vidyaman hai jahan desh ka rashtriya chihn ashok chakra rakha hua hai. age ke samay men bhi kashi ka yah nagar bhartiya sabhyata sanskriti v panditya kendra bana raha. kafi samay tak kashi aur kashi naresh ki pratishtha ki gathaen sanpurn bhartiya prayadvip men suni jati thin. purakal se madhyakal tak murtishilp udyog evan vastra nirman udyog ka pramukh kanedra kashi nagar ek antarrashtriya vyaparik sthal raha jahan jal evan thal marg se dur-desh ke vyapari vyapar hetu ate rahte the. anek deshon men, khasakar dakshin purva eshiyai deshon men, bhartiya sabhyata sanskriti ke prachar-prasar men kashi vasiyon ka yogdan aj bhi yad kiya jata hai. kashi ka malamal utkrisht paridhan sadiyon se vikhyat hain. prachinatam hindu vidya kendra ke rup men kashi ka apna alag mahatva raha hai. sanprati kashi hindu vishvavidyalay yahan usi paranpra ka nirvahan kar raha hai jo ki pan. madan mohan malviya ki prerna v desh seva ka pratifal hai. charon dishaon men panch-panch kos tak faile kashi tirth ke prati manyata hai ki jivatma ko mrityu kal men agar kashi kshetra prapt ho jae to vah nishchiya hi mokshadhikari hoga, karan kashi men shivshankar bhole bhandari nitya virajte hain aur anya bhartiya tirthon ki bhanti yahan ke lekhpal shri chitragupt n hokar svayan sadashiv rupi kal bhairav nath ji hain jinhen kashi ka kotval aur kashi tirth ka kshetrapal adi namon se vibhushit kiya gaya hai. prachin nagri hone ke karan kashi men pag-pag par purane kalatmak bhavan, math, mandir, dharmashalaen v kai anya dharmon ke pujan sthal dekhe ja sakte hain. kashi ka sabse bada akarshan hai yahan ki ganga jiske ghaton ki shobha advitiya aur avarnaniya hai. ganga ji ke shatadhik ghat batae jate hain jinmen adhe se adhik kal ke gal men samahit ho chuke hain. jo shesh bache hain unmen dashashvamedh’, ‘manikarnika’, panchakarnika’, ‘ahilyabai adi ka apna aitihasik mahatva hai. kashi mandiron ka shahar hai, devtaon ki nagri hai. yahi karan hai ki yahan koti-koti devvrinnd aur unke pujan, darshan ke sthan v pith sthit hain. yahan ke dev sthalon men shri kashi vishvanath sarvapramukh hain jo dvadash jyoti²lgon men saptam kram par virajman hain. ek nav nirmit kashi vishvanath mandir, vishvavidyalay parisar men bhi hai. iske atirikt vishal shri mandir, annapuna mandir, kal bhairav mandir, tulsi manas mandir, durga mandir, sankat mochan, bharat mata mandir adi yahan ke dharmik kshitij ko apratim banae hue hain. yahan nagar men kundon v talabon ki bharmar hai. vahin kashi ke akhare ka bhi sudirgh itihas raha hai. kashi apni rahn-sahan, veshbhusha v shan-shaukat ke lie bhi desh videsh men prasiddh hai. yahan ke mishthan, pan aur bhang (thandai) dur-dur tak prakhyat rahe hain. banaras ki sari ke bina to dulhan ka shringar pura hi nahin ho pata. pura kal se hi varansi paryatkon ke akarshan ka pramukh kanedra raha hai. vaise videshi jo bharat v bhartiyata ko najdik se dekhna chahte hain, sair ke lie sabse pahle varansi hi ate hanai. tabhi to fransisi yatri barniyar ne kashi ko ‘bharat ka ethens’ kaha hai. samay ke saj par kashi ek aisa bhartiya nagar hai jiske gaurav ki pataka sadaiv lahrati rahi hai. prachinta, utni navinta aur vividhta se bhari yah pyari nagri. kashi panditon aur jyotishiyon ka shri pith mani jati hai. kashi ke pandon, panditon ki bhi apni sabhyata sanskriti rahi hai jo apne ajb-gajab karnamon ke lie vikhyat rahen hain. tatparya yah hai ki kashi ek uttamottam bhartiya tirth hai. kisi ne thik hi kaha hai ki yahan manikya se din aur moti si raten hua karti hain. sachmuch kashi, kashi hai jiske ek bar darshan se uski chavi ajivan smriti falak par ankit rahti hai.
Kya aapko lekh pasand aaya? Subscribe

Kya aapko lekh pasand aaya? Subscribe


shri vidya visheshank  May 2008

shri yantra ki utpati evan mahatmya, shri yantra ke labh, shri yantra ko siddh karne ki vidhi, shri yantra ki upasna tatha ismen li jane vali savdhaniyan, padarthon evan svarup ke adhar par vibhinn prakar ke shri yantra evan unka upyog par yah visheshank adharit hai.

Subscribe

Apne vichar vyakt karein

blog comments powered by Disqus
.