kahin apke ghar ki sirhiyan to apki pareshaniyon ka karan nahin?  

vastu tips for stairs: vastu hamare ghar ke chote se chote hisse ko bhi prabhavit karta hai.  islie yah avashyak hai ki ghar ke pratyek kone ko vastu mandandon ke anusar banaya jaye. aisa karne se ghar men sukh v samriddhi ka vas hota hai. apke ghar ki sirhiyan kaisi hai? kya ve vastu mandandon par khari utrti hain? ghar ki sirhiyan apke jivan ki samriddhi ko atyant prabhavit karti hain. is lekh ke madhyam se ham apke ghar ki sirhiyon se judi pratyek jankari apko vistar men dengen taki apke ghar men lakshmi v arogyata ka vas ho.

akhir sidhi vastu hai kya?

vastu siddhant ke anusar sidhiyan banvane ke lie kai niyam hain. sirhiyon ko vastu ke anusar banane se samanya avajahi men asani ke sath sath pure ghar men sakaratmakata ka pravah hota hai. yah har choti-bari durghatana ki sanbhavna ko kam kar ghar men samriddhi lata hai.

yah bhi padhen- kyon jaruri hai grihapravesh se pahle vastu shanti karvana

sidhiyon men vastu dosh ka prabhav

ghar men sidhiyan banvate vakt vastu ke siddhanton ko har hal men apnaen. ghar ke is hisse ko adhikatar nazrandaz kar diya jata hai jabki pure ghar ki samriddhi men yah mahatvapurn bhag nibhati hai. ghar ke bhitar rahne vale logon ka svasthya, kariyar aur dainik karyon men saflta ghar men bani sirhiyon par bahut adhik nirbhar karta hai. aisa kaha jata hai ki sidhi agar sahi disha men na banai jae, to jatak ke ghar men vastu dosh ban jata hai aur jatak ko kafi pareshaniyan jhelni parti hai. parivar men koi na koi bimari aur arthik tangi bani rahti hai. 

vastu ke anusar sidhiyan ki sankhya kitni honi chahie?

ghar men sidhiyan hamesha aud nanbar men honi chahie.  sirhiyon ke visham (15, 17, 19 ya 21) sankhya men hone se vastu dosh nasht hota hai.  sirhiyon ke sankhya kabhi bhi 0 par samapt nahin honi chahie jaise 10, 20 adi. sirhiyon ke visham sankhya men hone ke piche ek karan hai.  ek samanya vyakti sidhiyan chadhte hue apna dahina pair pahle rakhta hai aur yadi sirhiyan visham sankhya men hongin to vo sidhiyan khatm hone par bhi apna apna dayan pair niche rakhega.  yah karya ki purnata ko darshata hai. 

yah bhi padhen- darpan bhi dur karta hai vastu dosh 

vastu ke anusar sidhi ki sarvottam disha ?

vastu siddhant ke anusar, sidhi ke lie dakshin-pashchim disha sarvottam hai. sidhi uttar disha se shuru honi chahie aur dakshin ki or jani chahie. ya fir yah purva disha se shuru hokar pashchim disha ki or ja sakti hai. kabhi bhi antrik sidhi ko ghar ke kendra men nahin banana chahie. 

bahri sidhiyon ki disha

• sauth-ist, jo purva ki or jati ho. 

• sauth-vest, jo pashchim ki or jati ho. 

• sauth vest, jo dakshin ki or jati ho. 

• north vest, jo uttar ki or jati ho.  

sidhiyon ko kabhi bhi north ist men nahin banvana chahie chahe ve ghar ke andar bani ho ya bahar. iske alava mukhya entrens se pahle bhi sidhiyan nahin banana chahie.  

sirhiyon ko prabhavit karne vale anya kark

sidhi banate samay nimn vastu niyamon ka dhyan rakhen -

• sidhi banane ki jagh- jo makan malik svayan pahle tal par rahte hain aur upri hissa kiraye par diya hua hai, unhen mukhya dvar par sidhiyan banane se bachna chahie. is tarah ki sirhiyan vittiya pareshaniyan deti hain.  

• sidhi ka prarambh - ghar ke andar banayin gayi sirhiyon ko rasoi, stor, ya puja ghar se ya uske akhiri bindu se nahin shuru hona chahie. makan ke upar ke flor par jane vali sirhiyan aur besment men jane vali sirhiyan apas men juri nahin honi chahie.  

• vastu ke anusar andar bani sirhiyan apke ghar milne ane vale logon ki nazron se dur honi chahie. sidhi ke prarambh v ant men darvaza hona bhi thik nahin hai.  

ghar ki sidhiyon ki chal 

ghar ki sidhiyon par chale jane vale kadam apke sharirik svasthya par sthayi prabhav dalte hain.  isi karan se sidhiyon ke orienteshan ke lie nimn vastu tips ko dhyan men rakhna chahie -

• sidhiyon ko hamesha ghadi ki disha men hi ghumna chahie. vastu eksaparts ke anusar ghadi ki viprit disha men hone se sirhiyan vyapar v kariyar men rukavat v avrodh utpann karti hai. 

• vastu ke anusar, sirhiyon ko rait engal par jhukte hue skveyar aur raiktaingular akar men hona chahie.  jo sidhiyan jyada unchi-unchi hoti hain, usse charhne utrne vala bahut thaka thaka mahsus karta hai.  yahi karan hai ki vastu visheshagya khari sidhiyan banvane ko mana karte hain.   

kaise karen sidhiyon ke niche ke hisse ka sahi istemal?

sidhiyon ke niche aksar rasoi, bathrum ya puja ghar bana diya jata hai jo bilkul bhi nahin kiya jana chahie. vastu visheshagyaon ke anusar sidhiyon ke niche ke hisse ka upyog ghar ki chijon ko rakhne ke lie hi kiya jana chahie. bahumulya chijon jaise kaish ya jevar ko sirhiyon ke niche nahin rakhna chahie. juton ki raik aur bekar padi chijon ko rakhne ke lie is jagah ka upyog nahin kiya jana chahie.

kis rang ki honi chahie sidhiyan?

ghar ki sirhiyan banvate samay rang ka dhyan rakhna bahut hi zyada jaruri hota hai. vastu shastra men rangon ka upyog bahut aham hota hai aur kabhi bhi sidhiyon ke lie gahre rangon ka chunav nahin kiya jana chahie. apko ghar men sidhiyan banvane ke lie halke rangon ka chayan karna bahut hi avashyak hai. ghar ki sirhiyon men lal aur kale rangon ka upyog nahin kiya jana chahie.

in vishesh baton ka rakhen dhyan –

ghar men sidhiyan banvate samay in baton ka vishesh dhyan rakhna chahie. 

• sidhi ki unchai 4 inch se 7.75 inch ke bich hi honi chahie. aur thred ki lambai 10 se 11.25 mitar ke madhya honi chahie.
• ghar ke andar bani sirhiyan bina reling ke bhi ban sakti hain. bahar ki sirhiyan yadi panch se jyada hain to railing lagana jaruri hai.

apne ghar men ap har kone ko suvyavasthit tarike se sajate hain par yadi apke ghar ki sirhiyan vastu anurup nahin to ap kahi n kahin pareshan rahengen.  aj hi vastu visheshagya se salah lekar apne ghar ki sirhiyon ko apne jivan men saflta ki sirhi banaen.

adhik jankari ke lie ap future point ke anubhvi jyotishiyon se bat karen.