क्या शनि पर सूक्ष्म जीव हैं?

kya shani par sukshm jiv hain?  

Ank ke aur Lekh | Sambandhit Lekh | Views : 385 |  
saur mandal men guru ke bad shani grah sthit hai jo bhumi se ek tare ke saman dikhai deta hai, parantu uska rang kala sa hai. iske purva-pashchim vyas ki apeksha dakshinoÿar vyas lagabhag 7.5 hajar mil kam hai. atah yah purnatah gol n hokr chapta hai. iske saman chapta anya koi grah nahin hai. iske pind ka vyas 75 hajar mil se bhi jyada hai jo prithvi ke vyas se 9 guna adhik hai. iska prishth bhag prithvi ki apeksha 81 guna aur akar 700 guna adh iak hai, parantu iske akar ke hisab se vahan dravya nahin hai. shani ka prakritik vatavrn: shani ka ghanatva anya sabhi grahon se kam hai, vah prithvi ke ghanatva ka satvan hissa hai. shani par dravya padarth prithvi ke pani se bhi patla hai. vahan ushnata adhik hai is karan vahan bhap uthti hai. uska vatavaran vayu rup avastha men hone ke karan pravahi hai. shani ka vatavrn praniyon ke anukul nahin hai, islie vahan jivan nahin hai. shani ke prishthabhag par nana prakar ke rang chamkte hain, dhruv ki or nila, anya bhag mane pila aur madhya bhag men safed ret ka patta tatha bich-bich men bindu dikhai dete hain. shani grah prithvi se bilkul bhinn hai. dhul ke kanon aur gais se bane abhra iske vatavaran men vyapt hai. is aparadarshi abhra ke karan hi uska apna thora sa prakash hai, vah bahar nahin a pata hai, islie vah nistej dikhai deta hai. surya putra shani: shani apne pita surya se 88 karor mil ki duri par sthit hai. is atyadhik duri ke karn hi surya ka bahut kam prakash shani tak pahanuch pata hai. islie vahan andhera rahta hai. prithvi ke chandra ko jitna surya ka prakash milta hai, shani ko uska 90 van hissa hi mil pata hai. shani ke 7 chandra prakashvan hone ke bavjud prithvi ke chandrama se jo prakash hamen milta hai, uski tulna men 16 van bhag hi shani ko uske chandron se mil pata hai. in karnon se vahan jyadatar andhera hi chaya rahta hai. shani ki ushnata uske ghatak dravyon ko urja dene ke lie kafi hai, aisi sthiti men vah nistej hokar bhi tejasvi hai. shani kailendr: prithvi ke ek saur mas ke barabar shani ka 1 din hota hai, prithvi ke dhai (2.6) varsh ke barabr shani ka 1 saur mas hota hai, itne samay tak shani ek rashi men bhramn karta hai. is dauran vah kai bar vakri aur margi ho jata hai, is karan uska prabhav pichli aur agli rashiyon men bhi barabar bana rahta hai. prithvi ke sadhe 29 varshon ke barabr shani ka 1 saur varsh hota hai. itn varshon men shani surya ki sirf ek parikrama puri kar pata hai. iski mand gati ke karan hi shastron men ise ‘mandsauri’ kaha gaya hai. aur shayad isi karn ise shanaishcharah bhi kahte hain. shani ke valy: shani ke prishthabhag ke charon or 16000 ki.mi. ka sthan khali hai. shani ke bhavya pind ke charon or kuch challe hain, jinhen valay kaha jata hai. inhane shani ka raksha kavch kahen to koi atishyokti nahin hogi. in valyon ke karan hi shani ki akriti shivling ki bhanti dikhai deti hai. ye valay shani ke vishuvvriÿa ke charon or faile hue hain. shani ki kaksha apne vishuvvriÿa se 27 ansh ka kon banati hai. shani ke vishuvvriÿa par surya sarhe 29 varsh men do bar ata hai. jab shani uÿari golarddh men hota hai tab valay ka dakshini bhag aur jab dakshini golarddh men hota hai to tab valay ka uÿari prishth bhag dikhai deta hai. krishn paksh ki andheri rat men hi ise dekh pana sanbhav hai. antrik valay ka vyas 2,33,000 ki.mi. tatha bahri ka 2,81,000 ki.mi. hai, iske bahar ki kala ke madhya bindu se 133000 ki.mi. duri par hai. kaisini dvara bheji gai tasviron ka adhyayan karke jet propalshan laib ke pramukh donald shemanaski ne kaha hai ki shani ke valyon ka ksharan ho raha hai aur agle 10 arab varshon men valyon ka astitva samapt ho sakta hai. grahon ki jyotishiya ganna ke adhar par ham kah sakte hain ki do arb chaintis karor varsh bad shani ke valyon ke sath-sath shani aur sanpurn brahmand ka astitva hi khatm ho jaega arthat sanpurn brahmand shunya men vilin ho jaega. dharmashastron men ise jagat ka parmatma men lay (srishti vinash) kaha gaya hai. prachin bhartiya khagolvidon ke anusar shani ka valay chakra barhte-barhte shani ke prishthabhag ke charon or failta ja raha hai arthat shani ke pind aur antrik valay ke bich 16000 ki.mi. ki duri ka jo khali sthan hai, us shunya ki or ye valy barh rahe hain. saptachandra, shani ki chamkti ankhenah shani ke 8 upagrah arthat chandra hain, jo uske charon or ghumte hain. inmen se 7 chandron ki kaksha valyantargat hi hai. in 7 prakashvan chandron ke karan hi shani ko sapt netron vala kaha gaya hai. shani ke andar ka chandra shani se matra 1,92,000 ki.mi. ki duri par hai jabki prithvi ka chandra prithvi se iski apeksha doguni duri par sthit hai. valay par sthit 7 chandron men se ek budh se bhi bara hai, ho sakta hai ki vah mangl ke barabar ho. vaigyanikon ne iska nam ‘taitn’ rakha hai. ye chandra paraspara nikat hone se alg-alag drishyaman nahin hote. vaise pratyek chandra svatantra rup se shani ke charon or ghumta hai. shani ke charon or valyon men chamkte hue chandra aise lagte hain, mano shani ne chamkte hue safed motiyon ka har pahan liya ho. yah chandrahar hi use sabhi grahon men anutha banata hai. shani ke chandra prithvi se adhik duri par hone ke karan barik tare ke saman najar ate hain. in chandron ki kaksha ke madhya 28 ansh ka kon hai, is karn grahan adi kadachit hi hote hain. shani grah ka vatavaran praniyon ke rahne yogya nahin hai kintu anuman hai ki shani ke chandron par kinhin sukshma jivon ka vas hai aur shani unka poshan karne men samarth hai. shani ke chandron ka prakritik vatavaran sukha v thanda hai. antriksh vaigyanikon ki pahle manyata thi ki shani ke 42 chandra hai kintu abhi tak keval 31 chandron ki hi khoj ho pai hai. shani ke chandron aur valyon ki sankhya ko lekar vivad ho sakta hai. kintu yah to tay hai ki shani ek rahasyamy grah hai ek ansuljhi paheli ki tarh jiski gutthi suljhane men vaigyanik din rat lage hue hain. ve ismen kahan tak safal honge, yah to samay hi bataega.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  November 2006

adhyatm prerak shani punsavan vrat pavitra parva : kartik purnima vivah vilamb ka mahatvapurn karak shani

Subscribe

Apne vichar vyakt karein

blog comments powered by Disqus
.