योजनापूर्वक इच्छित संतान कैसे प्राप्त करें ?

yojnapurvak ichchit santan kaise prapt karen ?  

Ank ke aur Lekh | Sambandhit Lekh | Views : 1506 |  
pratyek navvivahit jore ko vivah ke pashchat ek svasth, dirghayu, balshali, vidyavan, uchch shikshit, balshali, ojasvi, yashasvi v vansh vriddhi karne vali santan ki ichcha sadaiv rahti hai. pratyek vyakti ke man men ek ichcha rahti hai. is sansar se jane ke bad bhi uska nam lene vala koi jarur ho tatha uska vansh chalta rahe. kalyug men vyakti ke pas sabhi sukh-suvidhayen prapt karne ki kshamata barhti ja rahi hai. manushya chand par pahunch gaya hai. hajaron kilomitar ki yatra ghanton men puri ho jati hai. ek batan dabane se kanpyutar dvara intrnet ke madhyam se puri duniyan ki jankari prapt ki ja sakti hai. mobail se hajaron mil dur baithe mitron/sanbandhiyon se n keval batchit ki ja sakti hai balki vidiyo kal ke dvara amne samne batchit kar sakte hain. itni sab suvidhaon ko prapt karne ke pashchat bhi insan apni ichchanusar santan prapt nahin kar pata hai, kyonki santan utpati ek prakritik kriya hai jismen 36 se 40 saptah ka samay lagta hai. islie santan ka hona bhagvan ki ichcha par nirdharit mana jata hai. pratyek navvivahit jore ko vivah ke pashchat ek svasth, dirghayu, balshali, vidyavan, uchch shikshit, balshali, ojasvi, yashasvi v vansh vriddhi karne vali santan ki ichcha sadaiv rahti hai. pratyek vyakti ke man men ek ichcha rahti hai. is sansar se jane ke bad bhi uska nam lene vala koi jarur ho tatha uska vansh chalta rahe. santan hone ke bad yadi santan ki ayu kam ho, purn shiksha ka yog n ho, vaivahik jivan achcha n ho, santan sukh ya dhan sukh n ho tatha bhagya kamjor ho to aisi santan ko pakar bhi mata-pita khush nahin hote hain. atah vyakti chahta hai ki uski santan sarvagun sanpann ho tatha use apni ichchanusar santan prapt ho. 21vin sadi ke kanpyutar yug men yah sanbhav hai. jab koi bachcha janm leta hai to brahmand men bhraman karte navagrahon ke adhar par kundli ban jati hai, jisse bachche ki ayu, shiksha, vivah, santan, karm, vyavsay tatha bhagya ityadi ka pata chal jata hai, islie kisi vidvan jyotish se salah lekar santan prapti ka shubh samay gyat kiya ja sakta hai. grahon ke gochar v shubh rashiyon men sthit grahon ke adhar par pratyek din ki 12 vibhinn lagnon ki kundliyan banakar, bachche ka janm nirdharit kiya ja sakta hai. jis samay navagrahon men se kuch grah uchch, mul trikon, svarashi v mitra rashiyon men sthit ho us mahine, din v ghanton ke adhar par kundli banakar shubh lagn men santan prapt ki ja sakti hai. jo vyakti kisi lakhya ko pane ka sankalp utha leta hai aur nishtha se karya karta hai, uski saflta nishchit hai kyonki jaisa tumhara lakshya hoga, vaisa hi tumhara jivan hoga. pratyek vyakti ke jivan men ek aisa avasar avashya ata hai jab bhagya use kuch karne ya kuch pane ka mauka deta hai aur vahi mauka uske jivan men bhavishya ka nirnay kar deta hai. hath men ae avasar ko kabhi khona nahin chahie. mainne pichle 5-7 salon men anek danptiyon ko shubh samay ki kundliyan banakar santan prapti ka samay nikal kar diya hai, jismen se lagabhag 70 pratishat bachchon ka janm sahi samay par hua hai lekin lagabhag 30 pratishat santan mere bataye samay se pahle ho gai ya daektar ne kisi karanavash vishesh samay men bachche ki dilivri men asamarthata jahir ki hai, jise main bhagvan ki ichcha mana hun, kyonki mata-pita ke purva janmon ke karmon ke adhar par tatha bachche ke sanchti karmon ke falasvarup hi vishesh din tatha vishesh samay men bachche ka janm hota hai. mera yah manna hai ki jyotish kabhi bhagvan nahin ban sakta hai. jyotish keval uchit salah dekar marg darshan hi de sakta hai. hajaron sal pahle bhi ichchit santan prapti ke lie mantra jap, puja, yagya v tapasya ki jati thi. pandvon ki mata kunti ne devtaon ke mantra jap se ichchit santan prapt ki thi. raja dasharath ne tapasya tatha yagya dvara char santan prapt ki thi. ichchit santan prapti ke lie sabse pahle pratyek din ki 12 vibhinn lagnon ki kundli banakar mangli yog, gandmul nakshatra v kalasarp yog dekhne chahie. fir kundli men banne vale rajyog, gajkesri yog, dhan yog, sunfa yog, anfa yog, veshi yog, vashi yog, mahayog, mahabhagya yog, chandradhiyog, lagnadhi yog, amlkirti yog, vina yog ityadi dekhne chahie. kendra men shubh grah ho, trishday bhavon men ashubh grah ho. shashtam, ashtam v dvadash bhavon men grah n ho. labh bhav par adhik grahon ka prabhav ho. bachche ko janam samay v pahle 25 varshon men shubh dashayen prapt ho. kyonki bachche ki shiksha v bhavishya ka nirman pahle 25 varshon men hi hota hai. bachche ke janm samay ka shubh lagn nirdharit karne ke pashchat lagn ke pratyek minat ki kundliyan bana kar navansh dekhen. kyonki bachche ko shubh lagn kundli, shubh dashayen aur shubh navansh hi sukhad bhavishya de sakte hain. yadi shubh lagn kundli ,shubh dashayen v shubh navansh kundli ban jaye to ap jan sakte hain ki bachche ka bhavishya bahut ujjval hai tatha bachcha svasth, dirghayu, shikshit, balshali, ojasvi, dhanvan v vansh vriddhi layak hoga. ek navvivahit jore ko vivah ke 3-4 sal bad garbh dharan hua tha tatha daektar ne bachche ke janm ka samay lagabhag 2 farvri 2011 bataya tha. us mahila ko vibhinn dinon ki barh-barah lagnon ki kundliyan banakar karib ek saptah pahle 24 janvri 2011 ko min lagn men bachche ke janam ka sujhav diya. fir min lagn ki lagabhag 120 kundliyan pratyek minat ki banayi thi aur shubh navansh v shubh dashaon ki ganna karke mahila ko 24.1.2011 ko subah 9.20 baje se 9.29 ka shubh samay bataya tha taki kundli men adhik yog ban sake. navansh bhi shubh ho tatha jivan men dashaen bhi achchi prapt ho.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2012

Apne vichar vyakt karein

blog comments powered by Disqus
.