गत्यात्मक दशा पद्धति: एक परिचय

gatyatmak dasha paddhati: ek parichy  

Ank ke aur Lekh | Sambandhit Lekh | Views : 1470 |  
ismen pratyek grah ke prabhav ko alg-alag 12 varshaen ke lie nirdharit kiya gaya hai. sath hi grahon ki shakti nirdharan ke lie sthan bal, dik bal, kal bal, naisargik bal, drik bal, ashtak varg bal se bhinn grahon ki gatij aur sthaitij urja ko sthan diya gaya hain. bhachakra ke 30 pratishat tak ke vibhajan ko yathesht samjha gaya hai tatha usse adhik vibhajan ki avashyakta nahin samjhi gayi hai. lagn ko sabse mahatvapurn rashi samjhte hue ise sabhi prakar ki bhavishyavaniyon ka adhar mana gaya hai. chandrama man ka pratik grah hai. janm se 12 varsh ki umra tak balak apne man ke anusar hi karya karna pasand karte hain. islie is avdhi ko chandrama ka dasha kal mana gaya hai, chahe unka janm kisi bhi nakshatra men kyon n hua ho. chandrama ki gatyatmak shakti ke nirdharan ke lie iski surya se konik duri par dhyan dena avashyak hoga. yadi chandrama ki sthiti surya se 00 ki duri par ho, to chandrama ki gatyatmak shakti 0 pratishat, yadi 900, ya 2700 duri par ho, to chandrama ki gatyatmak shakti 50 pratishat aur yadi 1800 ki duri par ho, to chandrama ki gatyatmak shakti 100 pratishat hoti hai. chandrama ki gatyatmak shakti ke anusar hi jatak apni paristhitiyan prapt karte hain. yadi chandrama ki gatyatmak shakti 0 pratishat ho, to un bhavon ki kamjoriyon, jinka chandrama svami hai tatha jahan uski sthiti hai, ke karan jatak ke bal man ke manovaigyanik vikas men badhaen upasthit hoti hanai. yadi chandrama ki gatyatmak shakti 50 pratishat ho, to un bhavon ki atyadhik stariya evan majbut sthiti, jinka chandrama svami hai tatha jahan uski sthiti hai, ke karan bachapan men jatak ka manovaigyanik vikas santulit dhang se hota hai. yadi chandrama ki gatyatmak shakti 100 pratishat ho, to un bhavon ki ati sahaj, sukhad evan aramdayak sthiti, jinka chandrama svami hai tatha jahan uski sthiti hai, ke karan bachapan men jatak ka manovaigyanik vikas kafi achcha hota hai. 5ven-6the varsh men chandrama ka prabhav sarvadhik dikhayi parta hai. budh vidya, buddhi aur gyan ka pratik grah hai. 12 varsh se 24 varsh ki umra vidyadhyayan ki hoti hai, chahe vah kisi bhi prakar ki ho. islie is avdhi ko budh ka dasha kal mana gaya hai. budh ki gatyatmak shakti ke nirdharan ke lie iski surya se konik duri ke sath iski gati par bhi dhyan dena avashyak hota hai. yadi budh surya se 00 ki duri par sthit ho aur iski gati vakra ho, to iski gatyatmak shakti 0 pratishat hoti hai. yadi budh surya se 260-270 ke aspas sthit ho tatha budh ki gati 10 pratidin ki ho, to iski gatyatmak shakti 50 pratishat hoti hai. yadi budh surya se 00 ki duri par sthit ho aur budh ki gati 20 pratidin ke aspas ho, to iski gatyatmak shakti 100 pratishat hoti hai. budh ki gatyatmak shakti ke anusar hi jatak vidyarthi jivan men apni paristhitiyan prapt karte hain. yadi budh ki shakti 0 pratishat ho, to un sandarbhone ki kamjoriyon, jinka budh svami hai tatha jismen uski sthiti hai, ke karan jatak ke mansik vikas men badhaen ati hain. yadi budh ki shakti 50 pratishat ke aspas ho, to un bhavon ki stariya evan majbut sthiti, jinka budh svami hai tatha jismen uski sthiti hai, ke karan jatak ka mansik vikas uchch koti ka hota hai. yadi budh ki shakti 100 pratishat ke aspas ho, to un bhavon ki aramdayak sthiti, jinka budh svami hai tatha jismen uski sthiti hai, ke karan jatak ka mansik vikas sahaj dhang se hota hai. 17ven-18ven varsh men yah prabhav sarvadhik dikhayi parta hai. mangal shakti evan sahas ka pratik grah hai. yuvavastha, yani 24 varsh se 36 varsh ki umra tak jatak apni shakti ka sarvadhik upyog karte hain. is drishti se is avdhi ko mangal ka dasha kal mana gaya hai. mangal ki gatyatmak shakti ka akalan bhi surya se iski konik duri ke adhar par kiya jata hai. yadi mangal surya se 1800 ki duri par sthit ho, to mangal ki gatyatmak shakti 0 pratishat, yadi 900 ki duri par sthit ho, to mangal ki gatyatmak shakti 50 pratishat, yadi 00 ki duri par sthit ho, to mangal ki gatyatmak shakti 100 pratishat hogi. mangal ki gatyatmak shakti ke anusar hi jatak apni yuvavastha men apni paristhitiyan prapt karte hain. yadi mangal ki shakti 0 pratishat ke aspas ho, to un bhavon ki kamjoriyon, jinka mangal svami hai aur jismen uski sthiti hai, ke karan jatak ke utsah men kami ati hai. yadi mangal ki shakti 50 pratishat ke aspas ho, to un bhavon ki atyadhik stariya evan majbut sthiti, jinka mangal svami hai tatha jismen uski sthiti hai, ke karan unka utsah uchch koti ka hota hai. yadi mangal ki shakti 100 pratishat ke aspas ho, to un bhavon ki sukhad evan aramdayak sthiti, jinka mangal svami hai aur jismen uski sthiti hai, ke karan jatak ki paristhitiyan sahaj hoti hain. 29ven-30ven varsh men yah prabhav sarvadhik dikhayi parta hai. shukra chaturai ka pratik grah hai. 36 varsh se 48 varsh ki umra ke praurh apne karyakramon ko yuktipurn dhang se anjam dete hain. islie is avdhi ko shukra ka dasha kal mana gaya hai. shukra ki gatyatmak shakti ke akalan ke lie, surya se iski konik duri ke sath-sath, iski gati par bhi dhyan dena avashyak hota hai. yadi shukra surya se 00 ki duri par ho aur iski gati vakra ho, to shukra ki gatyatmak shakti 0 pratishat hoti hai. yadi shukra surya se 450 ki duri ke aspas sthit ho aur iski gati pratidin 10 ki ho, to shukra ki gatyatmak shakti 50 pratishat hoti hai. yadi shukra ki surya se duri 00 ho aur iski gati pratidin 10 se adhik ho, to shukra ki gatyatmak shakti 100 pratishat hoti hai. shukra ki gatyatmak shakti ke anusar hi jatak apni praurhavastha purva ka samay vyatit karte hain. yadi shukra ki shakti 00 ho, to un sandarbhon ki kamjoriyon, jinka shukra svami hai tatha jismen uski sthiti hai, ke karan jatak apni jimmedariyon ka palan karne men kathinai prapt karte hain. yadi shukra ki shakti 50 pratishat ke aspas ho, to un sandarbhoen ki majbut evan stariya sthiti, jinka shukra svami hai tatha jismen uski sthiti hai, ke karan jatak apni jimmedariyon ka palan kafi sahaj dhang se kar pate hain. 41ven-42ven varsh men yah prabhav sarvadhik dikhayi parta hai. jyotish ki prachin pustakon men mangal ko rajkumar tatha surya ko raja mana gaya hai. mangal ke dasha kal 24 se 36 varsh men pita banne ki umra 24 varsh ko jor diya jae, to yah 48 varsh se 60 varsh ho jata hai. islie is avdhi ko surya ka dasha kal mana gaya hai. ek raja ki tarah hi jansamanya ko surya ke is dasha kal men adhikadhik karya sanpann karne hote hain. sabhi grahon ko urja pradan karne vale adhikatam urja ke srot surya ko hamesha hi 50 pratishat gatyatmak shakti prapt hoti hai. islie is samay un bhavon ki stariya evan majbut sthiti, jinka surya svami hai tatha jismen usi sthiti hai, ke karan unki bachi jimmedariyoen ka palan uchch koti ka hota hai. brihaspati dharm ka pratik grah hai. 60 varsh se 72 varsh ki umra ke vriddh, har prakar ki jimmedariyon nirvah kar, dharmik jivan jina pasand karte hain. islie is avdhi ko brihaspati ka dasha kal mana gaya hai. brihaspati ki gatyatmak shakti ka akalan bhi surya se iski konik duri ke adhar par kiya jata hai. yadi brihaspati surya se 1800 ki duri par sthit ho, to brihaspati ki gatyatmak shakti 0 pratishat, 900 ki duri par sthit ho, to brihaspati ki gatyatmak shakti 50 pratishat tatha yadi 00 ki duri par sthit ho, to brihaspati ki gatyatmak shakti 100 pratishat hogi. brihaspati ki gatyatmak shakti ke anusar hi jatak apne vriddh jivan men apni paristhitiyan prapt karte hain. yadi brihaspati ki shakti 0 pratishat ke aspas ho, to un bhavon ki kamjoriyon, jinka brihaspati svami hai tatha jismen uski sthiti hai, ke karan unka jivan nirashajanak bana rahta hai. yadi brihaspati ki shakti 50 pratishat ke aspas ho, to un bhavon ki majbut evan stariya sthiti, jinka brihaspati svami hai tatha jismen uski sthiti hai, ke karan avkash prapti ke bad ka jivan uchch koti ka hota hai. yadi brihaspati ki shakti 100 pratishat ke aspas ho, to un bhavon ki aramdayak sthiti, jinka brihaspati svami hai aur jismen iski sthiti hai, ke karan jatak ki paristhitiyan vriddhavastha men kafi sukhad hoti hain. prachin jyotish ke kathnanusar hi shani ko, ativriddh grah mante hue, jatak ke 72 varsh se 84 varsh ki umra tak ka dasha kal iske adhipatya men diya gaya hai. shani ki gatyatmak shakti ka akalan bhi surya se iski konik duri ke adhar par hi kiya jata hai. yadi shani surya se 1800 ki duri par ho, to iski gatyatmak shakti 0 pratishat hoti hai. yadi shani surya se 900 ki duri par sthit ho, to iski gatyatmak shakti 50 pratishat hoti hai. yadi shani surya se 00 ki duri par sthit ho, to iski gatyatmak shakti 100 pratishat hoti hai. shani ki shakti ke anusar hi jatak ati vriddhavastha men apni paristhitiyan prapt karte hain. yadi shani ki shakti 0 pratishat ke aspas ho, to un bhavon ki kamjoriyon, jinka shani svami hai, ya jismen uski sthiti hai, ke karan ati vriddhavastha ka unka samay kafi nirashajanak hota hai. yadi shani ki gatyatmak shakti 50 pratishat ke aspas ho, to un bhavon ki atyadhik majbut evan stariya sthiti, jinka shani svami hai, ya jismen uski sthiti hai, ke karan unka yah samay uchch koti ka hota hai. yadi shani ki shakti 100 pratishat ke aspas ho, to un bhavon ki ati sukhad evan aramdayak sthiti, jinka shani svami ho, ya jismen uski sthiti ho, ke karan, vriddhavastha ke bavjud, unka samay kafi sukhad hota hai. isi prakar jatak ka uttar vriddhavastha ka 84 varsh se 96 varsh tak ka samay yurenas, 96 se 108 varsh tak ka samay nepchyun tatha 108 se 120 varsh tak ka samay pluto ke dvara sanchalit hota hai. yurenas, nepchyun evan pluto ki gatyatmak shakti ka nirdharan bhi, mangal, brihaspati aur shani ki tarah hi, surya se iski konatmak duri ke adhar par kiya jata hai. is prakar is dasha paddhati men sabhi grahon ki ek khas avdhi men ek nishchit bhumika hoti hai. vinshottari dasha paddhati ki tarah ek matra chandrama ka nakshatra hi sabhi grahon ko sanchalit nahin karta hai. is paddhati ke janmadata shri vidya sagar mahthaji petkhar, bokaro nivasi hain, jinhonne is paddhati ki ninv julai 1975 men rakhi. grahon ki gatyatmak shakti ke rahasya ki khoj 1981 men hui. is dasha paddhati ka sanpurn gatyatmak vikas 1987 julai tak hota raha. 1987 julai ke pashchat ab tak hajaron kundliyon men is dasha paddhati ki prayogik janch hui aur sabhi jaghon par saflta hi mili. aj gatyatmak dasha paddhati kisi bhi kundli ko grahon ki shakti ke anusar lekhachitra men anayas rupantrit kar sakti hai. ‘gatyatmak dasha paddhati’ ki jankari ke pashchat kisi bhi vyakti ke jivan ki saflta-asflta, sukh-dukh, mahatvakanksha, karyakshamata evan star ko lekhachitra men isvi ke sath ankit kiya ja sakta hai. jivan men akasmat utthan evan ganbhir patan ko bhi graf se nikala ja sakta hai. sabhi grah, apni avastha vishesh men kundli men prapt bal aur sthiti ke anusar, apne karya ka sanpadan karte hain. lekin in 12 varshon men bhi samy-samay par utar-charhav ana tatha chote-chote antralon ke bare men jankari is paddhati se sanbhav nahin hai. 12 varsh ke antargat hone vale ult-fer ka nirnay ‘lagn sapeksh gatyatmak gochar pranali’ se karen, to dasha kal se sanbandhit sari kathinaiyan samapt ho jaengi. in donon siddhanton ka upyog hone se jyotish vigyan din duni rat chaiguni pragti ke path par hoga, ismen koi sandeh nahin hai.
Kya aapko lekh pasand aaya? Subscribe
Kya aapko lekh pasand aaya? Subscribe


  January 2010

Apne vichar vyakt karein

blog comments powered by Disqus
.