उच्चाटनकर्म- आचार्य रावण का मत

uchchatanakarma- acharya ravan ka mat  

Ank ke aur Lekh | Sambandhit Lekh | Views : 2784 |  
tantracharya shriravan ke anusar- uchchatnan svadeshadebhrranshnan parikirtitam jis kritya se kisi bhi prani ko svasthan se hata diya jay, vahi uchchatan karm kahlata hai. durgaji uchchatan karm ki adhishthit devta hain. nirdharit disha uttara-pashchim hai. suryoday se ratri tak 6 rituon ka varnan ravnji ne ravnsanhita men kiya hai. unke mat se pratyek char ghante ek ritu hoti hai. tadnusar suryoday se 4 ghante tak vasant, 4 se 16 ghante tak sharad, 16 se 20 ghante tak hemant tatha 20 se 24 ghante tak shishir ritu ka vidhan hai. lankeshvar ravan ke mat se uchchatanakarm varsha ritu arthat suryoday pashchat 8 se 12 ghante ke kal men karna chahie. fir jab shashthi, chaturthi, ashtami vishesh rup se pradosh ko yadi shanivar pare to uchchatan karm karna nesht hai. jab pratikul grah hane tab uchchatan adi ashubh karm karna nesht kaha gaya hai. chaturthi, navmi, chaturdashi tithiyan uchchatan hetu nesht kahi gai hai. ashvini, bharni, adrra, dhanishtha, shravan, magha, vishakha, kritika, purvafalguni v revti nakshatron men uchchatan karmon men saflta milti hai. iske atirikt din ke madhya bhag men uchchatan karm karna nesht hai. kark ya tula lagn udit hone par uchchatan karna nesht hai. jab vayu tatva udit ho tab uchchatan karm karna chahie. uchchatan karm karne hetu dhumravarni devi ka dhyan karna chahie. shankar ke mat se uchchatan karm kal men suptavastha ke rup men dhyan kiya jana chahie. uchchatan hetu arddh kukkutasnavastha honi chahie. ravan ke mat se uchchatan hetu unt ke charm ka ya lal kanbal ka asan hi nesht hai. uchchatan men vajra mudra dharan karne se shidhra siddhi hoti hai. uchchatan hetu vayavya kon men trikoniya kund banana chahie. ghore ke danton ko manke ke rup men manushya ke keshon men pirokar jap karne se uchchatan hota hai. adhunik kal men rudrakshon ya kamalagatton ka prayog kiya jana chahie. agni kon ki or mukh karke vayavya kon men sthit kund men uchchatnarth hom kiya jata hai. uchchatan karm men manushya ke balon se ya kapas v nim ke bij, jau ki matthe men mishrit ho, aise dravya se athva kutshalmali, til v jau se havan karna chahie. hom samagri ke abhav men ghi se hom karna chahie. ravan ne likha hai- dravyashaktau ghritan home tvashaktau sarvato japet yadi ghi bhi n ho to matra mantra jap kar lena chahie. fir shivji ka diya gaya nirdesh avashya yad rakhna chahie. unhonne ravan se kaha tha- n devaah pratigrihnti mudrahinan yatha''tim mudrayaiveti hotavyan mudrahinan n bhokshyati arthat smaran rahe ki bina mudra banae hom men jo ahuti di jati hai, use devagan bhi svikar nahin karte. atah sadaiv mudra banani chahie. jo murkh mudra rahit hokar hom karte hain vah svayan pap ke bhagi hokar yajman ko bhi dosh lagva dete hain. ravan sanhita men varnit uchchatan karma un namo bhagvte rudray danshtrakralay amukan svaputrabandhvai sah han han dah dah pach pach shighramuchchatay uchchatay hun fat svaha thah thah. pahle ukt mantra ko 108 jap karke siddh karen. fir jiska uchchatan karna ho uska nam lekar mantrochcharan karte hue kaue v ullu ke pankhon se 108 bar hom karen. ek chota sa shivling banakar us par brahmadandi v chitta bhasm ka lepan karen. fir shanivar ko sayankal safed sarson v is shivling ko abhimantrit kar jis bhi ghar men dal deve, us ghar ke svami ka uchchatan ho jaega. is prayog men guru param avashyak hai kyonki ravnsanhita men likha hai- pustake likhita vidya naiv siddhiprada nrinam. gurun vinapi shastre'sminnadhikarah kathanchan.. bina guru ke tantranushthan karna purnataya nishiddh v varjit kaha gaya hai.
Kya aapko lekh pasand aaya? Subscribe
Kya aapko lekh pasand aaya? Subscribe


vashikaran v sammohn  August 2010

sammohan parichay, sammohan v vashikaran labh kaise len ? jari buti ke sammohan karak prayog, shatakarm sadhan, dattatrey tantra men vashikaran, tantrik abhikarm se pratirakshan adi vishyon ki jankari ke lie aj hi parhen vashikaran v sammohan visheshank.falit vichar kolam men parhen acharya kishor dvara likhit rajbhang yog namak gyanavardhak lekh. is visheshank ki satyaktha vishesh rochak hai.

Subscribe

Apne vichar vyakt karein

blog comments powered by Disqus
.