tantra ke lagabhag 501 granthon men tantra shastra ki kul 18 siddh vidyaon ka varnan diya gaya hai jinmen 10 mahavidyaen batai gai hain. kaun sa jatak kis mahavidya ki sadhna kare, yah prashn aksar pucha jata hai. aj ke is bhautiktavadi yug men pratyek vyakti kam se kam samay men har karya karna chahta hai chahe vah sadhan jaisa dushkar evan mahan karya hi kyo na ho. yahan yah spasht karna bhi avashyak hai ki mahavidya upasna ke anusar ap jis mahavidya ki sadhna-upasna karen, navdurga kram men usi se sanbandhit devi ki bhi ap puja upasna kar sakte hain. ismen bhram na ho, isilie yahan talika men mahavidya tatha unke sath puja ke liye navdurga ke abhisht rup donon ka vivaran hai. jahan tak vrat ka prashn hai, mesh, vrishabh, kark, kanya, kunbh v min rashivalon ko navmi ka tatha mithun, sinh, tula, vrishchik, dhanu evan makar rashi valon ko ashtami ka vrat karna chahie.
rashi mahavidya navdurga
1. mesh tara shailputri
2. vrishabh tripur sundri brahmacharini
3. mithun bhuvneshvari chandraghanta
4. kark kamla siddhidatri
5. sinh baglamukhi kalratri
6. kanya bhuvneshvari chandraghanta
7. tula tripur sundri brahmacharini
8. vrishchik tara shailputri
9. dhanu kamla siddhidatri
10. makar kali siddhidatri
11. kunbh kali siddhidatri
12. min kamla siddhidatri