कारकांश लग्न और आप

karkansh lagn aur ap  

Ank ke aur Lekh | Sambandhit Lekh | Views : 1728 |  
(1) karkansh lagn men surya v rahu ki yuti ho v shubh grah ki drishti ho to vyakti vishvaidya arthat chikitsak hota hai. (hamne ise em.si. daektaron men uchit paya hai) (2) karkansh lagn men surya v shukra donon ki drishti ho to vyakti raja athva sarkar ka vishvasniya hota hai. (3) karkansh lagn v ketu donon par shukra ki drishti ho to vyakti diksha grahan karta hai karmakandi, yagya, havan karne vala hota hai. (4) karkansh lagn men ketu ho us par budh shani ki drishti ho to jatak napunsak hota hai. yadi shukra budh ki drishti ho to jatak dasi putra (najayaj santan) hota hai. (5) karkansh lagn men ketu keval shani dvara drisht ho to vah vyakti kapti hota hai arthat jaisa vah dikhta hai vaisa nahin hota. (6) yadi karkansh lagn se chaturth bhav men chandra ho aur us par shukra, mangal, ketu (kisi bhi ek ki) drishti ho to vyakti kusht rogi hota hai. (7) karkansh lagn se chaturth men ketu ho to jatak sukshm yantron ko banane vala (ghari saj) mangal ho to hathiyar rakhne vala shani ho to nishanebaj (dharnudhari) rahu ho to lohe se saman banane vala hota hai. (8) karkansh lagn se pancham bhav men shuukra ho to vyakti kavi, vakta ya sahityakar hota hai yadi guru ho to bahut se vishyon ka jankar vidvan hota hai. yadi shukra chandra ho to lekhak, mangal ho to tarkashastri, vakil tatha surya ho to vedon ka gyata evan gayak hota hai. (9) karkansh se saptam bhav men guru aur chandra ho to jatak ki patni sundar v use chahne vali hoti hai, shani ho to umra men bari rogi athva tapasvini hoti hai. budh ho to gayan, vadan kala men nipun hoti hai. (10) karkansh se dasham bhav men budh ho ya budh ki drishti ho to jatak apne peshe men prasiddh hota hai yadi budh ho aur us par shubh grah ki drishti ho to jatak vakil, jaj hota hai arthat vivadon ko hal karne vala hota hai. (11) karkansh lagn se bahrven surya aur ketu ho to jatak shiv bhakt chandra ho to gauri bhakt, mangal ho to kartikey, budh aur shani ho to vishnu bhakt, guru ho to shiv gauri (donon) shukra ho to lakshmi bhakt ya upasak hota hai, rahu ho to tamsik bhakti ketu ho to ganesh bhakti vala hota hai. is prakar bahut se anya yog bhi diye gaye hain jinse kafi kuch jankari vyakti vishesh ke bare men jani ja sakti hai yahan yah bhi dhyan rakhen ki yah sare faladesh aj ke sandarbh men samyanusar parivartan ke sath samjhe ja sakte hain vahin drishti yahan par jaimini mani gai hai parashriya nahin. aiye ab kuch udaharan se inhen samjhne ka prayas karte hain. yahan atmakarak grah chandrama hai jo navansh men mithun rashi men hi hai atah karkansh lagn mithun hua jiske prabhav se jatak gayan ka shauk rakhta hai (vyavsayik gayan bhi kiya hai) tatha lagn par shukra chandra ke prabhav se jivika vidya dvara (shikshan vyavsay) arjit karta hai. rahu ketu ke pancham par prabhav hone se jatak ganit vishay ki achchi jankari rakhta hai. atmakarak grah chandrama hai jo navansh men vrishchik rashi men gaya hai atah karkansh lagn vrishchik hua tatha jis par mangal chandra v rahu ka prabhav hai, jatak man ke sukh se vanchit raha (vrishchik lagna) tatha agni v rasayan dhatu karya karne vala (svarnakar) mangal prabhav samast bhogon ko bhogne vala dhani (chandra prabhav) raha hai pachanm bhav par guru ka prabhav tatha karm bhav men shani ne unhen apne kshetra men bahut prasiddhi v kai vishyon ka jankar banaya hai. jatak vastu, jyotish v dharm sanbandhi jankari vidvata se rakhte hain. atmakarak shukra hai jo mesh rashi navansh men hai atah karkansh lagn mesh hua. jis par shukra chandra ka spasht prabhav hai jatak ke pas bahut chal achal sampatti hai tatha jatak vidya ke kshetra (shukra chandra prabhav) men hai dasham par surya sarkar dvara labh darshata hai. yah jatak dilli vishvavidyalay men profesar hai lagn kundli par jyadatar vyavsay ka yog dikhta hai naukri ka nahin atah karkansh lagn satik fal darsha raha hai. atmakarak shukra navansh men mithun rashi men hai atah karkansh lagn mithun hua jis par surya budh ka prabhav hai vahi dasham par bhi surya budh ka hi prabhav hai budh ka mukhya prabhav dasham v lagn par hone se jatak vakil se jaj bana, pachanm bhav men mangal, shukra v rahu ketu ke prabhav ne kanun vidya ki achchi jankari v tark gyan men dakshata tatha vakta banaya hai. atmakarak mangal hai jo sinh navansh men hai atah karkansh lagn sinh hua jis par guru mangal ka prabhav hai jisse jatak samjhdar, vyavharik v joshila hai dasham shani (kendra bhav) jatak ko prasiddh evan apne karya men daksh bana rahe hain pancham bhav par rahu, ketu v budh nich ke prabhav se jatak ne jyada shiksha nahin pai hai vahin navam bhav surya (uchcha) se sarkar se labh tatha baron ka adar samman karna sikhaya hai. yah patrika sachin tendulakar ki hai. lagn par surya shukra prabhav sarkar se jabaradast labh evan samman dilvata hai. lagn kundli men saptamesh nich rashi hokar baitha hai, vivah karak shukra surya se ashtam men pirit hai (surya karkansh lagn ya svami hai) guru saptamesh ki shani (panchmesh) par drishti bhi hai jo ayu men bari jivan sathi hona tatha prem sanbandh hona bata rahi hai.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2012

Apne vichar vyakt karein

blog comments powered by Disqus
.