प्रेम व अंतर्जातीय विवाह

prem v antarjatiya vivah  

Ank ke aur Lekh | Sambandhit Lekh | Views : 5915 |  
bhartiya samaj men vivah ek sanskar ke rup men mana jata hai. jismen shamil hokar stri purush maryadapurn tarike se apni ichchaon ki purti kar vanshvriddhi ya apni santti ko janm dete hain. samanyatah vivah ka yah sanskar parivarjnon ki sahmti ya ichcha se apni jati, samaj ya samuh men hi kiya jata hai. par fir bhi hamen aise kai udaharan milte hain jahan vivah parivar ki sahmti se na hokar svayan ki ichcha se kiya jata hai. purva samay men prem sambandh ya yaun akarshan vivah sambandh ke bad hi hota tha parantu aj ke is bhagte-daudte kalyug men vivah ke purva stri purush ke bich pragadh parichay v akarshan ho jane par unmen prem sambandh ho jate hain jinke vishay men manu maharaj ki ukti bilkul satik baithti hai. ichchayanyonya sanyogah kanyashch varasya. gandharvasya tu visheyah maithunyah kamsanbhav.. arthat stri purush ragadhikya ke falasvarup svechcha se paraspar sanbhog karte hain jise (shastron men) gandharva vivah kaha jata hai. is sambandh men stri purush ke atirikt kisi ki bhi svikriti jaruri nahin samjhi jati hai. ab chunki bhartiya samaj is tarah ke jivan ko anumti nahin deta hai to aisa jivan ji rahe stri purush ko samaj ki svikaryata hetu majburi vash vaivahik sanskaron ke tahat ise apnana padta hai jise vartaman men prem vivah kaha jata hai. prem vivah ya gandharva vivah ke kai karan ho sakte hain parantu yahan keval jyotishiya drishti se yah janne ka prayas karenge ki aise kaun se grah ya bhav hote hain jo kisi ko bhi prem ya gandharva vivah karne par majbur kar dete hain. hamare is prayas men hamne 501 jatkon ki kundaliyon ka adhyayan kiya jinhonne prem vivah kiya tha. hamne yah paya ki lagabhag 85 pratishat premvivah apni jati ya samaj se bahar arthat antarjatiya hote hain. bhav- lagn, dvitiya, pancham, saptam, navam v dvadash grah- mangal, guru v shukra lagn bhav- yah bhav svayan ya nij ka pratinidhitva karta hai jo vyakti vishesh ke sharir v vyaktitva ke vishay men sampurn jankari deta hai. dvitiya bhav- yah bhav kutunb, khandan v apne parivar ke vishay men batata hai jisse ham bahri sadasya ka apne parivar se judna bhi dekhte hain. pancham bhav- yah bhav hamari buddhi, soch v pasand ko batata hai jisse ham apne lie kisi vastu ya vyakti ka chayan karte hain. saptam bhav- yah bhav hamare viprit lingi sathi ka hota hai jise bharat men ham patni bhav bhi kahte hain is bhav se stri sukh dekha jata hai. navam bhav- yah bhav paranpra v dharmikta se juda hone se dharm ke viruddh kie jane vale karya ko darshata hai. dvadash bhav- yah bhav shayan sukh ka bhav hai. grah- mangal yah grah parakram, sahas, dhairya v bal ka hota hai jiske bina prem sambandh banana ya prem vivah karna asambhav hai kyonki prem ki abhivyakti sahas, bal v dhairya se hi sambhav hai. shukra- yah grah akarshan, yaun, acharan, sundarata, prem, vasna, bhog, vilas, aishvarya ka pratik hai jiske bina sambandh ho hi nahin sakte . guru- yah grah striyon men pati karak hone ke sath sath pancham v navam bhav ka karak bhi hota hai sath hi ise dharm v paranpra ke lie bhi dekha jata hai. prem vivah ke sutra vaise to bahut se batae gae hain parantu hamne apne shodh men jo sutra upyogi paye ya prapt kie vah is prakar se hain: 1. pancham bhav/panchmesh ka mangl/shukra se sambandh. 2. pancham bhav/ panchmesh, saptam bhava/saptamesh ka lagna/lagnesh ya dvadash bhava/dvadshesh se sambandh. 3. lagn, surya, chandra se dusre bhav ya dvitiyesh ka mangal se sambandh. 4. pancham bhav/panchmesh ka navam bhav/ navmesh se sambandh. 5. pancham bhav/panchmesh, saptam bhava/saptamesh,navam bhav/nvmesh ka sambandh. 6. ekadshesh ka/ekadash bhav men sthit grah ka pancham bhava/saptam bhav se sambandh aur shukra grah ka lagn ya ekadash bhav men hona. 7. panchm-saptam ka sambandh 8. mangl-shukra ki yuti ya drishti sambandh kisi bhi bhav men hona. 9. panchmesh-navmesh ki yuti kisi bhi bhav men hona. antarjatiya vivah men in sutron ke alava ye char sutra bhi satikta se upyukt paye gae. 1. lagn, saptam v navam bhav par shani ka prabhav. 2. vivah karak shukra v guru par shani ka prabhav. 3. lagnesha/saptamesh ka chathe bhava/shashthesh se sambandha-antarjatiya vivah se shatruta ya vivad ka hona avashyak hota hai jis karan chathe bhav ka sambandh lagnesh ya saptamesh se hona jaruri ho jata hai. 4. dvitiya bhav men pap grah. aie in sutron ko kundaliyon men dekhte hain. yahan pahle ham apni hi jati (sajatiya) prem vivah ki kundaliyan prastut kar rahe hain. 1. 15./11/1986 ko 12 baje haidrabad men janmi is makar lagn ki jatika ne apni hi jati ke ek jatak se prem vivah kiya iski patrika men sutra sankhya 1, 2, 3, 4, 5 v 7 lagte hain. yah patrika mashhur khiladi saniya mirja ki hai. jinhonne pakistani khiladi shoeb malik se prem vivah kiya hai. 2. kumbh lagn men janme is jatak (3/5/1962, 3. 00 raypur) ne apni hi jati ki stri se prem vivah kiya iski patrika men sutra sankhya 1, 3, 4, 5 lagte hain. 3. 30/08/1975, 6:30 faijabad men janme sinh lagn ke is jatak ne apni hi biradri ki stri se prem vivah kiya hai. iski patrika men sutra sankhya 1, 2, 4, 5, 6, 8 lagte hain. 4. 26/8/1978, 5:32 ko dilli men janme is sinh lagn ke jatak ne 4 / 8 / 1 9 8 3 , 13:21 ko banglaur men janmi vrishchik lagn ki is jatika se sajatiya prem vivah kiya. in donon ki patrika men sutra sankhya 1, 2, 3, 4, 8 aur 2, 4, 5 hain. 5. 6/3/1981, 10:45 ko yamunanagar men janmi is vrishabh lagn ki jatika ne apni hi jati ke 5/1/1978, 15:08 ko dilli men vrishabh lagn men hi janme is jatak se prem vivah kiya in donon ki patrika men sutra sankhya 1, 2, 4, 5, 8 v 2, 3, 7 lagte hain. 6. 5 / 6 / 1 9 7 0 11:02 ko mathura men janme sinh lagn ke is purush jatak ne sajatiya stri se prem vivah kiya iski patrika men 1, 2, 3, 4, 5, 7 v 8 sutra lagte hain. 7. 18/10/1957 ko 2:12 par ajmer men janme is sinh lagn ke jatak ne sajatiya stri se prem vivah kiya tha inki patrika men sutra sankhya 1,2,3 v 4 lagte hain. 8. 11/01/1948 ko 3:55 par vidisha men vrishchik lagn men janme is jatak ne 25/2/1949 ko 4:25 par gonda men janmi makar lagn ki is stri se prem vivah kiya. in donon ki patrika men sutra sankhya 1, 2, 4, 5 v 1, 2, 3, 8 lagte hain. 9. 8/7/1972 ko 8:26 par kalakatta men sinh lagn men janme prasiddh kriket khiladi saurav ganguli ne apni hi jati ki stri se prem vivah kiya hai. inki patrika men sutra sankhya 2, 3, 4, 7, 8 lagte hain. 10. 22/06/1966 ko 9:00 par dilli men janmi is jatika ne sajatiya prem vivah kiya hai. iski patrika men sutra sankhya 1, 2, 3, 7, 8 lagte hain. inke atirikt nimn kundaliyon men bhi sajatiya prem vivah ke yog paye gae hain. 1. 1/12/1970, 12:32 dilli kumbh lagn men janmi jatika. 2. 26/12/1981, 1:30 eta kanya lagn men janma jatak. ab kuch antarjatiya prem vivah ki kundaliyan dekhte hain. aise vivahon ka jikra ho aur bharat ke pramukh do parivaron ka jikra ismen na ho aisa ho nahin sakta hai. yah parivar hain: gandhi parivar aur bachchan parivar. in donon parivaron ke lagabhag sabhi sadasyon ne prem v antarjatiya vivah kie hain. 1. indira gandhi 19/11/1917 ko 23:11 par ilahbad men kark lagn men janmi indira gandhi ne parsi samuday ke firoj gandhi se antarjatiya prem vivah kiya tha. inki patrika men sutra 1, 2, 3, 4, 5 v antarjatiya vivah ke sutra sankhya 1, 3, 4 lagte hain. 2. rajiv gandhi 20/08/1944 ko 8:00 baje mumbai men sinh lagn men janme rajiv gandhi ne bhi antarjatiya prem vivah kiya tha. inki patrika men sutra sankhya 1, 2, 3, 4, 6, 7 v 1, 2, 3, 4 lagte hain. 3. priyanka gandhi 12/1/1972 ko dilli men mithun lagn men janmi priyanka ne apne sahpathi rabart badhera se antarjatiya prem vivah kiya hai. inki patrika men sutra 1, 2, 4, 5 v 1, 2, 4 lagte hain. 4. amitabh bachchan 11/10/1942 ko 16:00 ilahbad men kumbh lagn men janme shri bachchan ne jaya bhadudi se antrjatiya prem vivah kiya tha. inki patrika men sutra sankhya 1, 3, 4, 5, 7, 8 v 1, 2, 3, 4 lagte hain. 5. abhishek bachchan 5/2/1976 ko 12:26 par mumbai men mesh lagn men janme abhishek ne apni pansad se aishvarya ray se antarjatiya premvivah kiya hai. inki patrika men sutra sankhya 1, 2, 3, 8 v 1, 2, 4 lagte hain. 6. aishvarya ray- 1/11/1973 ko 12:10 par manglor mane dhanu lagn men janmi aishvarya ne abhishek bachchan se antarjatiya prem vivah kiya. inki patrika men sutra sankhya 1, 3, 4, 5, 6, 7 v 1, 2, 4 lagte hain. 7. 18/12/1964 ko 23:10 par durg men sinh lagn men janmi is bangali jatika ne panjabi yuvak se antarjatiya prem vivah kiya. inki patrika men sutra sankhya 1, 2, 4, 5, 7, 8 v 1, 2, 4 lagte hain. 8. 8/11/1977 ko 9:30 chennai men janmi is tamil jatika ne muslim yuvak se antarjatiya prem vivah kiya. iski patrika men sutra sankhya 1, 2, 3, 4, 5, 6, 8 v 1, 2, 3, 4 lagte hain. inke atirikt aur bhi aise kai prasiddh udaharan hain jinmen prem vivah v antarjatiya vivah ke sutra purnataya lagu ho rahe hain inmen kuch nimn hain: 1. mahendra sinh dhoni 7/7/1981 kanya lagn 2. smita patil 17/10/1955 mesh lagn 3. dinpal kapadiya 8/6/1957 kanya lagn 4. vaijyanti mala 13/8/1936 tula lagn 5. rajesh khanna 29/12/1942 mithun lagn 6. shahrukh khan 2/11/1965 sinh lagn 7. vidya balan 1/1/1978 dhanu lagn 8. akhilesh yadav 24/10/1972 tula lagn 9. chandra mohan 13/9/1965 makar lagn 10. chand fija 25/07/1971 dhanu lagn 11. amir khan 14/3/1965 mesh lagn 12. sachin tandulakar 21/4/1973 kanya lagn 13. imran khan (kriketr) 5/10/1952 vrishchik lagn 14. mohan lal sukhadiya 31/07/1916 dhanu lagn 15. 25/05/1977 mithun lagn 16. 29/03/1971 sinh lagn ki mahila jatika 17. 29/08/1959 tula lagn 18. 23/09/1984 kumbh lagn mahila jatika 19. 24/08/1965 kanya lagn 20. 05/03/1972 vrishchik lagn 21. 12/11/1980 vrishchik lagn 22. 09/03/1978 sinh lagn mahila jatika 23. 30/07/1971 vrishabh lagn 24. 30/08/1956 kark lagn 25. 07/05/1968 kanya lagn 26. 26/07/1973 vrishabh lagn 27. 13/12/1950 dhanu lagn 28. 24/06/1952 mithun lagn 29. 09/03/1978 sinh lagn mahila jatika. nishkarsha: apne shodh men hamne paya ki jab bhi patrika men uprokt sutra lagte hain vyakti vishesh prem vivah karte hain aur yadi inhin sutron ke atirikt anya char sutron men se kam se kam do sutra lagte hain to vyakti antarjatiya prem vivah karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


  July 2013

Apne vichar vyakt karein

blog comments powered by Disqus
.