सपनों की मृगमरीचिका

sapnon ki mrigmrichika  

Views : 1814 | June 2006

mira se mera parichay uske bachapan se hi tha. chunki uska ghar hamare paros men hi tha, islie usse bachapan se hi kafi sneh tha. svabhav se vah bebak aur bindas thi. hamaumra larkon ke sath khelna, unhin ki tarah kapre pahnna use bahut pasand tha. apni choti umra hone ke bavjud vah bari-bari baten karti. bachchi ban kar usse chuhlbaji karne men mujhe bahut anand milta tha. samay ke sath jivan men parivartan ate rahte hain.

aise birle hi hote hain jinhen apni tamannaon ke anurup sabhi sukh mil jaen. kahte bhi hain ki mukammal jahan kisi ko nahin milta. yadi aisa hi hone vala hota to sabhi log jaisa chahte vaisa hi dhan, sukh evan aishvarya prapt kar lete. lekin is sachchai ke bavjud har vyakti sapnon ke piche bhagta rahta hai. mira bhi age barhne ke bare-bare sapne dekha karti thi. uske pita sarkari naukri men the. madhya vargiya parivar tha aur aise parivaron men beti ke shighra vivah par adhik bal diya jata hai.

kanya ki barhti umra mata-pita ke din ka chain aur raton ki nind haram kar deti hai. mata-pita jaldi se larki ke hath pile kar apni jimmedari se mukt ho jana chahte hain. kanya ka vivah unke lie koti tirth se bhi barh kar hota hai. lekin aj ki pirhi mata-pita ki is mansikta ka adar kare yah jaruri nahin. mira ke sapne kuch aur hi the.


consult our astrologers for more details on compatibility marriage astrology


vah uchchatar shiksha prapt kar achchi naukri karna chahti thi aur apne parivar ki marji n hote hue bhi usne ek sammanniya vishvavidyalay se bi. bi. e. aur em. bi. e. uttirn ki aur aj ek achchi kanpni men karya bhi kar rahi hai. asantusht rahna adhunik pirhi ka svabhav hai. yahi karan hai ki usmen age barhne ki jitni lalak hai chijon ko jaldi prapt n kar pane ki nirasha bhi usse kam nahin hai.

mira bhi iska apvad nahin hai. vah apne kam se prasann nahin hai. uske anusar uska kam uski ichcha evan shiksha ke anurup nahin hai. usne videsh jane ke bhi anek prayatn kie, par safal nahin ho pai aur isi tanav evan asantosh ne uski vani ko karkash bana diya aur parivar ke sath n chahte hue bhi uske sanbandh tanavpurn chal rahe hain.

jahan ek or mata-pita vivah kar apne karj se mukt hona chahte hain vahin mira apne jivan men apni mahatvakankshaon ki purti ko adhik mahatva deti hai. apne parivar ki marji ke khilaf mira ne shiksha li, uska to svagat kiya jana chahie lekin parivar valon ke chahne ke bad bhi vah vivah bandhan men nahin bandhna chahti. mira ke lie jivan men sukh ke paryay kya hain? uski mahatvakankshaen use kis rah par le ja rahi hain?


apni kundli men rajyogon ki jankari paen brihat kundli riport men


in sab baton ko janne ke lie aie uski janmakundli ka avlokan karen. mira ki kundli men anshik kal sarp yog vidyaman hai jisse uske jivan men santosh ka abhav hai. saptam sthan papi grahon ki drishti se pirit hai. mangal ki chaithi drishti evan shani ki tritiya purn drishti saptam sthan par hai aur saptamesh mangal vakri hokar chaturth bhav men baitha hai. chaturth bhav men guru chandal yog evan rahu mangal ki yuti hai jisse vivah men vilanb ho raha hai aur vah apne nirnay ke prati ashvast nahin ho pa rahi hai. shukra aur ketu ki dasham bhav men sthiti ke karan vah mansik duvidha se grast hai.

chaturthesh surya bhagya sthan men budh ke sath vidyaman hai jisse use man ka sahyog hamesha milta raha. parakramesh chandra labh sthan par sthit hokar use mehnti aur sahsi bana raha hai aur jivan men kuch prapt karne ki mahatvakanksha ko purn karne men bhi sahayak siddh hoga. is samay shukra ki mahadsha men guru ki antardasha chal rahi hai aur gochar men guru rashi se ashtam aur lagn se chathe bhav men chal raha hai.

agast ke bad guru ka gochar men vrishchik rashi men pravesh hoga arthat lagn se saptam bhav men evan rashi se bhagya sthan men guru ki sthiti vivah ki purn sanbhavna dikha rahi hai. varsh 2008 ke bad shukra men shani ki antardasha men unnati avashya hogi. shani trikonesh evan kendresh hokar pancham sthan men sthit hai jisse is avdhi men man-samman men vriddhi hogi evan naukri men padonnati ke suavasar bhi prapt honge.


jivan ki sabhi samasyaon se mukti prapt karne ke lie yahan klik karen !


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe


.