हस्त नक्षत्र और योग दर्शन

hast nakshatra aur yog darshn  

Ank ke aur Lekh | Sambandhit Lekh | Views : 501 |  
hast rekha vigyan ek adbhut vigyan hai. hath ke madhya men sabhi tirth, sagar grah, tithiyan, dishaen, nakshatra, yog adi ke darshan kie jate hain. isi hath men sabhi devtaon ka vas mana gaya hai. isi karan se pratidin pratah kal hast darshan ki bat kahi gai hai. yahan hathon men yog v nakshatron ke sthanon ki vyakhya prastut hai. hatheli ke madhya men praranbh men ashvini nakshatra ko sthapit karte hain. ungliyon ke mul men bharni, krittika v rohini, anguthe ke niche mrigshira, adrra v punarvasu, manibandh ki or pushya, ashlesha va magha aur karabh men purva fa., uttara fav hast nakshatra ko sthapit karte hain. is prakar sattais nakshatron men se terh nakshatra hatheli men sthapit rahte hain. shesh nakshatron ka sthan kanishtha se praranbh mana jata hai. kanishtha men mul se chitra, svati v vishakha, anamika men anuradha, jyeshtha v mul madhyama men, purvasharh, uttarasharh v abhijit tarjani men shravan, dhanishtha v shatbhisha aur anguthe men purvabhadrapad, uttarabhadrapad v revti nakshatra sthapit rahte hain. hatheli men ungliyon ki or purva disha, anguthe ki or dakshin, manibandh ki or pashchim, kakarabh ki or uttar disha sthapit mani jati hai. nakshatra dvara fal dekhne ki vidhi: ap jis jatak ka hath jis nakshatra men dekh rahe hon, us nakshatra ko hatheli ke madhya men sthapit karke shesh nakshatron ko isi chrakra vidhi se sthapit kar len. is prakar uparyukt vidhi ke anusar us din ke nakshatra se age ke terh nakshatra hatheli men sthapit ho jaenge. isi tarah shesh pandrah nakshatra bhi ungliyon men sthapit karke nakshatra chakra bana len. ab jatak ka nakshatra jis sthan par ae, us parvat ya rekha ke anusar fal kahne ka niyam hai. sattais nakshatron ki bhanti sattais yogon ki bhi sthapna hatheli men karke shubhashubh vichar karen. hatheli ke madhya men vishkunbh, purva disha men priti, ayushman, saubhagya, dakshin men shobhan, atigand, sulbha, pashchim men dhriti, shul, gand uttar men vriddhi dhruv, vyaghat is prakar hatheli men terh yogon ki ganna ho jati hai. shesh chaidah nakshatron ko ungliyon men sthan diya jata hai. kanishtha ke pahle parva men harshan, dvitiya men vajra, tritiya men siddhi, anamika men kramshah vyatipat, variyan, parigh, madhyama men shiv, siddhi, sadhya, tarjani men shubh, shukla, brahm, anguthe men aindra aur vaidhriti yog ke darshan kie jate hain. yogon ko dekhne ki vidhi: prashnakarta ka jis yog men janm ho us yog ko hath men magha men sthapit karke shesh nakshatron men thik usi kram men sthapit karke fal kahna chahie. yadi kisi jatak ko yog spasht na ho, to jis din hath ka parikshana kiya ja raha ho us din ka yog lena chahie. jo yog ashubh sthan (ungliyon ka agra bhag, hatheli men dakshin disha ke yog, pashchim disha ke yog tatha madhya ka yog) men pare vah samay shubh karya hetu varjit mana gaya hai. anya sthanon men pare yog shubh mane gae hain. ye yog ‘‘yatha nam tatha gun’’ ke anusar bhi fal dete hain. jaise vishkunbh-jahar ka ghara, priti-prem ayushman - lanbi ayu, saubhagya achcha bhagya, harshana- prasannata dene vala, vajra- bijli siddhi safal hona, vyatipat- utpann gira hua. isi prakar anya yogon ka fal dekhna chahie. is prakar jinka ashy shubh ho aur shubh sthan men ho, to fal shubh kahna chahie. jaise purva disha men ayushman yog ati shubh hai. purva disha shubh hai aur yog bhi shubh hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  October 2006

plenchit se karen atmaon se bat fluto ab keval laghu grahon ki shreni men navratra men kyon kiya jata hai kumari pujan shardiya navratra evan panch parva dipavli ke shubh muhurt

Subscribe

Apne vichar vyakt karein

blog comments powered by Disqus
.