यंत्र एवं जातक

yantra evan jatk  

Views : 248 | December 2004

prashna: yantra ki paribhasha kya hai? yantra ka nirman kaise hota hai?

uttara: yan $ tra = jo niyantran karta hai, use yantra kahte hain. ek rahasyamay rekha chitra ko bhi (sanskrit shabdakosh ke anusar) yantra kaha jata hai. vaidik granthon men yah bataya gaya hai ki mantra devta, athva devi ka man hai tatha yantra unka bahya svarup, arthat sharir hai.

yantra mantramyan proktan mantratma daivtaivhi. dehatmanoryatha bhedo yantra devtyostatha..

mantra devtaon ke man ka karak hai, yantra devtaon ka vigrah hai. jis prakar sharir evan atma men sanbandh hota hai, usi prakar mantra evan yantra men apsi bhed nahin hota (yantra ki puja kiye bina devta prasann bhi nahin hote) atah devta ko prasann karne ke lie uske yantra ki puja karni chahie.

prashna: yantra kitne prakar ke hote hain?

uttara: yantra, akar ke anusar, 4 prakar ke hote hain:

  1. bhuprishth yantrah yah samatal yantra hota hai.
  2. meru prishth yantrah yah parvatakar, upar ki or utha hua hota hai.
  3. kurm prishth yantrah yah kachue ki pith ke akar ka hota hai.
  4. padm prishth yantrah is prakar ke yantra par rekhaen evan trikon adi ubhre hue hote hain. yantra anya samanya akritiyon men bhi nirmit kiye jate hain, jaise svastik, pendulam, trikon akar, shankhakar, pan ke akar ka adi.

kariyar se juri kisi bhi samasya ka jyotishiya upay paen hamare kariyar eksapart jyotishi se.


prashna: yantra, athva murti puja men bhed kya hai tatha yantra kaise labh pradan karte hain?

uttara: yantron par ankit rekha, vritt tatha sankhya adi ek prakar se shuddh evan satvik paryavaran ka nirman karte hain, jiske prabhav se yantra ke irda-gird rahne vale jatkon ko yantra, apni shaktimay paryavaran paridhi ki sahayta se, nirantar labh pradan karta rahta hai. pratyek devta ka kshetra nishchit hota hai. inhin kshetron men unki shaktiyan vidyaman hoti hain; arthat yantra sanbandhi devta ki pramukh shakti us yantra men vidyaman hoti hai. yahi jatak ko labh pradan karti hai. atah yantra puja murti puja se kahin adhik labhkari mani gayi hai.

prashna: yantra kab sthapit karna chahie?

uttara: jin jatkon ko unke achche karmon ka bura fal milta ho, athva bure samay bar-bar ate hon, to unhen, murti puja ki apeksha, yantra puja, upasna, darshan adi adhik labh dete hain. kuch jatak chah kar bhi mantra jap, path, puja adi nahin kar pate hain. aise jatkon ko yantra sthapna se adhik labh mil sakta hai. kisi vishesh karya ke lie bhi yantra sthapna ki ja sakti hai, jaise rog, ya rin se mukti, shatru nash ya lakshmi prapti. jo yantra vishesh karya ke lie sthapit kie jaen, unhen, karyasiddhi ke bad, visarjit kar dena chahie. dhan, aishvarya evan shanti prapti ke lie sthapit yantro ko savarda rakha ja sakta hai.

prashna: kis jatak ko kaunsa yantra labhkari hoga, jatak iska nirnay kaise karen?

uttara: vaise to sabhi yantra sabhi jatak upyog kar sakte hain, parantu yantra ko apni anukulta ke lie upyog karne se purva in baton ka dhyan rakhenah kamjor grahon ke yantra unke prabhav ko barhava dete hain; nich, chandal, ashubh, shatru kshetriya grahon ke dushprabhav ko rokte hain. dharm, adhyatm men saflta ke lie gita, gayatri, ram raksha, matsya, vishnu yantra labhkari hain. chinta, pira, bhay adi ke lie hanuman, bhairav, ganesh, durga adi yantra shubh hain. lanbi bimari, khatra, shatruta se raksha ke lie bisa, baglamukhi, mahamrityunjay, mahakali adi yantron ka upyog karna chahie. vaivahik sukh, shanti, santan prapti ke lie krishn, bal krishn, santan gopal, kanak dhara, shri yantra adi ka upyog karna chahie. vidya, gyan, shiksha, samman ke lie guru yantra, surya yantra, ganpti yantra, sarasvati yantra adi ka upyog karna chahie.

prashna: kya yantra sarvottam jyotishiya upay hai?

uttara: pratyek jatak ke janm sanbandhi nakshatra, rashi, yog, karan adi se jure hue anek dosh paye jate hain. kuch jatkon ko dosh ke bare men pata bhi nahin hota hai. aisi sthiti men sarvottam upay yantron dvara kiya ja sakta hai. kisi bhi sandigdh prabhav ko uttam evan labhkari banane ke lie yantron ka upyog karna adhik uchit hai.


apni kundli men sabhi dosh ki jankari paen kampalit dosh riport men


prashna: yantra sanbandhi vaigyanik paksh kya hai?

uttara: yadi sharirik star par dekha jae, to pratyek jatak gurutvakarshan ke prabhav men hota hai. isi prakar yantron men bhi gurutvakarshan evan akashiya urja paye jate hain. is akashiya urja ke dvara jatak ke aspas ke vatavaran men utpann hone vale khatrnak vishanuon se yah raksha karta hai tatha yantra ki dishaon evan vidishaon men sthapit anek daiviya shaktiyan jatak ko samriddh evan shaktishali banati hain.

prashna: yantra sthapit karne ki samanya vidhi kya hai?

uttara: kisi bhi som, budh, shukra, guru adi varon men, din ke madhya bhag, athva suryoday ke samay, purva mukh baith kar, shuddhata evan vishvaspurvak, panchamrit se yantra ko dho kar, haldi, chandan, akshat pushp adi se pujan kar ke, athva karmakandi ki sahayta se pujan evan pran pratishtha kar ke, iski sthapna karni chahie. dashhra nav ratri, shiv ratri adi pramukh parvon men iski vishesh puja karni chahie.

prashna: yantra ko sthapit karne ke pashchat kya karna chahie?

uttara: yantra ka asar darshan matra se prapt hota hai. atah yantra ko aise sthan par rakhna chahie, jahan uske nitya darshan ho sakane evan vah shuddh bhi rahe. ho sake to pratidin yantra ke devta ka 108 ki sankhya men jap bhi karna chahie. jap karne se yantra ke fal men kai guna vriddhi hoti hai.

yantra-and-jataka

prashna: yantra tut jae, kho jae, chori ho jae, ashuddh ho jae, to kya karna chahie?

uttara: yadi koi yantra tutta hai, athva uski chori adi hoti hai, to vah ek prakar ka shakun hai, arthat usse sanbandhit vipatti talne ka sanket hai; yadyapi, tutne evan chori hone ki sthiti men naya yantra prapt kar ke, punah sthapit karna chahie. ashuddh hone par punah shuddhikaran, puja evan pratishtha karen. tatpashchat, prayashchittasvarup, gayatri mantra ka 108 sankhya men jap karna chahie. is prakar shakun ko dhyan men rakh kar, yantra punah sthapit karna chahie.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

September 2020 Special  सितम्बर 2020

फ्यूचर समाचार के इस विशेषांक में - श्राद्ध, गोल्ड में उतार-चढ़ाव, बहु विवाह के ज्योतिषीय योग, रुद्राक्ष भगवान शिव का आशीर्वाद आदि सम्मिलित हैं ।

Subscribe


.