दिशा ज्ञान

disha gyan  

Views : 785 | December 2004

vastu men disha gyan atyant mahatvapurn hai. dishasuchak yantra se disha gyan milta hai. lekin kya iske dvara dikhayi gayi disha sahi hoti hai? yadi dishasuchak yantra nahin hai, to kya kisi anya madhyam dvara disha gyan prapt kar sakte hain?

aie janen

prithvi ek bahut bare chunbak ki bhanti karya karti hai. is chunbak ka dakshin dhruv prithvi ke uttar dhruv ki or rahta hai. lekin chunbkiya dhruv aur prithvi ke bhaugolik dhruv men antar rahta hai. prithvi ka bhaugolik dhruv hamesha sthir rahta hai, jabki chunbkiya dhurav lagabhag 40 kimi. prati kimi ki gati se vayavya kon ki or, gatishil hai. chanubkiya uttari dhuvra kanada ke pas lagabhag 960 pashchim tatha 70.50 uttar par parta hai. chunbkiya bhumadhya rekha bharat men madhyapradesh ke pas se gujrti hai. chunbkiya uttar men evan bhaugolik uttar men ek kon rahta hai, jise ‘maignetik diklaneshn’ kahte hain. kyonki bharat ke upar se chunbkiya bhumadhya rekha gujrti hai, islie:‘maignetik diklaneshn’ bharat men kafi kam hai.

yah ek ansh se bhi kam hai. islie dishasuchak yantra dvara darshayi gayi disha lagabhag satik hoti hai. aisa anya deshon men nahin hai. amerika men yah ‘maignetik diklaneshn’ 100, kanada men 140, dakshin afrika men 230, chin men 60, japan men 70 ityadi hanai. atah sahi disha janne ke lie is ‘diklaneshn’ ka gyan hona ati avashyak hai.

lekin yah ‘diklaneshn’ bhi samyanusar badlta rahta hai. atah dishasuchak yantra dvara bilkul sahi disha gyan karne ke lie sukshm gannaon ki jarurat parti hai. dishasuchak yantra se disha ka gyan karne ke lie aur bhi kuch savdhaniyan bartni avashyak hai, jaise dishasuchak ke aspas chunbkiya padarth, ya chunbak nahin hona chahie. unke bich kam se kam ek fut ki duri avashya honi chahie. bina disha suchak yantra ke bhi kai prakar se disha ka gyan kar sakte hain:

  • ek chari lane. use sidha jamin men gar den. jahan uski chaya ki nonk pare, vahan par nishan laga den. 15 minat bad chaya ki nonk par dobara nishan laga len. donon nishanon ke bich men rekha khinch kar unhen jor de. yah rekha purva se pashchim ki or disha gyan karati hai aur pahla nishan pashchim ki or aur dusra nishan purva ki or hoga.
  • yadi bilkul sahi disha gyan karna chahte hain, to subah uparyukt vidhi dvara nishan lagaen aur, chari ko kendrabindu mante hue, nishan ke barabar trijya lete hue, ek vritt bana den. sham ko jabbhi chari ki chaya is vritt ko jahan bhi chue, vahan par bhi nishan laga den aur donon binduon ko jor den. yah rekha pashchim se purva ki or bilkul sahi disha darshati hai.

apni kundli men rajyogon ki jankari paen brihat kundli riport men


ghari se disha gyan

yadi koi uttari aksh men hai, to apni ghari ke ghante ki suin ko surya ki or ghuma kar khare jo jaen. ghante aur 12 baje ke bich ke kon ko ardh vibhakt kar jo rekha aegi, vah thik dakshin ki or ishara karegi. yadi koi dakshin aksh men hai, to ghari ke 12 ko surya ki or ghuma len evan ghante ki suin aur 12 ke bich ke kon ko vibhajit karen, to yah rekha uttar ki disha bataegi.

suin dvara disha gyan

ek suin len. isko kisi dhage se latka den aur ek chunbak, ya resham ke kapre ke upar iski nok ko ek disha men ghisen. isse yah ek chunbak ki bhanti ho jaegi aur dishasuchak yantra ki tarah disha ka gyan karaegi.

chandrama dvara disha gyan

yadi chandrama suryast se pahle uday ho chuka hai, to chandrama ka prakashyukt bhag pashchim ki or hota hai aur yadi arddh ratri ke bad chandrama uday hua hai, to purva ki or hota hai. is prakar se ratri men bhi purva aur pashchim disha ka akalan kiya ja sakta hai.

taron dvara disha gyan

saptarshi mandal dvara dhruv tare ko pahchan sakte hain. yah hamesha uttari dhruv men dikhai deta hai aur hamesha uttar ki or ka disha gyan karata hai. dakshini dhruv men dakshini kraes ko pahchanen. us kraes se lagabhag sarhe char guna lanbi ek kalpana rekha bana len. vahi dakshin disha hai.

oriyan tara dvara disha gyan

oriyan tara ki pahchan ke lie akash men tin chamkte hue taron se damru bana hua dekhen. yah uttari aur dakshini dhruv donon se dekha ja sakta hai. kyonki yah sarvada bhumadhya rekha ke upar rahta hai, islie yah sarvada purva se uday hota hai aur pashchim men chupta hai. vyakti chahe prithvi par kahin par bhi ho, iske uday hone se purva disha ka gyan ho jata hai.

peron dvara disha gyan

peron ko dhyan se dekhne par pata chalega ki unki uttari disha dakshini disha se jyada gili hoti hai aur vahan par jyada kai bhi payi jati hai. dakshin ki or unki adhik shakhaen hoti hain. yah islie, kyonki uttari aksh men surya dakshin disha men rahta hai. yadi dhyan se dekhen, to paenge ki chitiyan bhi apne bil dakshin disha ki or banati hain. yadi koi pahari ilake men ho, to vah paega ki dakshin disha men adhik hariyali aur ghani ghas hoti hai. fal bhi dakshin disha men jaldi pakte hain. uparyukt vidhi dvara disha ka keval anuman laga sakte hain, lekin purn gyan nahin milta, kyonki kabhi-kabhi, vayu ke karan, uparyukt tathyon men antar a jata hai.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

  अकतूबर 2020

फ्यूचर समाचार के इस अंक में अधिक मास- आश्विन, भाव चलित पार्ट और उसका अध्ययन, लग्न चार्ट द्वारा भूत, भविष्य, वर्तमान ज्ञात करना, आजीविका में उतार-चढ़ाव आदि लेख सम्मिलित हैं।

Subscribe


.