अध्यात्म प्रेरक शनि

adhyatm prerak shani  

Ank ke aur Lekh | Sambandhit Lekh | Views : 425 |  
jyotish shastra men brihaspati ko gyan, adhyatm aur bhakti ka mukhya karak tatha ketu ko moksh ka karak mana gaya hai. parantu ishvar ki or prerit karne men shani ki bhumika mahatvapurn hoti hai. shani grah apne bhachakra ke 30 varsh ke gochar men 22) varsh sansarik drishti se kasht, tatha bich bich men 2) varsh ke tin bhagon men (kul 7) varsha) sukh dekar sansarik sukh ki kshanabhangurta ke prati sachet karata rahta hai. surya atma ka karak hai, shani surya ka putra hai. yadyapi donon apas men vair bhav rakhte hain, ‘sarhesati’ ke ashubh gochar ke samay shani apne pita ka sahayak banakar jatak ko adhyatma (atma ki khoj) ki or prerit karta hai. prachin kal men hamare rishi muni ‘sarhesati’ ya shani ki mahadsha ka svagat karte the kyonki yah samy ishvar aradhna aur sadhna ke lie uÿam hota hai. ek kathor anushasak parantu hitaishi shikshak ki bhanti shani manushyon ko is sansar ke sahi rup ka gyan dekr adhyatm ki or prerit karne tatha manav jivan ke param lakshya ki prapti men bahut mahatvapurn bhumika nibhata hai. sabhi uchch koti ke santon ki kundaliyon men chandra (manah kark), brihaspati (gyan kark) aur ketu (mokshakark) ka lagna (vyaktitva), pancham (sanchit punya tatha mantrasiddhi), navam (dharm, guru v ishvar kripa), dasham (karma) tatha dvadash bhav (moksha) par prabhav ke sath sath balvan shani ka bhi sanbandh hota hai. iski pushti hetu yahan do kundliyon ka vishleshan prastut hai. ramkrishn parmhans ji ki kundli men brihaspati pancham bhav men hai, panchmesh aur pragyakarak budh lagn men vargoÿam hai, tatha lagnesh shani navam bhav men uchcha ka hai. lagn v lagnesh brihaspati se drisht hai. ketu bhi dasham bhav men uchcha ka hai. chandra se shani navam bhav men sthit hai. lagnesh shani, navmesh shukra, karmesh mangal tatha ketu ke uchch ke hone se jagat prasiddh hue. unhen mahakali ka pratyaksh darshan prapta hua tha. man anandmyi ki kundli men char grah uchch ke hain. uchch shukra lagn men ‘malavya mahapurush yog’ bana raha hai. lagnesh brihaspati pancham (sanchit punya) bhav men uchch hai, tatha panchmesh chandra brihaspati ki rashi men dasham bhav men hai. us par ketu aur uchch shani ki drishti hai. ketu ki dvadash (moksha) bhav par drishti hai. shani ashtam (gupt vidya) bhav men uchchasth hokar pancham bhav sthit uchch brihaspati par drishti dal raha hai. navmansh men chandra v shani ki yuti gahri sadhna, tap tatha dhyan darshati hai. pancham bhav v bhavesh uÿam sthiti men hon to, vyakti apne ishtadev ka darshana pata hai. shri shri man anandmyi ko devi mata ka sannidhya prapt tha. desh videsh men unke shishya the.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  November 2006

adhyatm prerak shani punsavan vrat pavitra parva : kartik purnima vivah vilamb ka mahatvapurn karak shani

Subscribe

Apne vichar vyakt karein

blog comments powered by Disqus
.