हस्त रेखा एवं मनोविज्ञान

hast rekha evan manovigyan  

Ank ke aur Lekh | Sambandhit Lekh | Views : 613 |  
hastarekha vigyan aur manovigyan men gahra sanbandh hai. hatheli ki rekhaen hamare dimag men banne vali vidyut tarangon ki naliyan hain. hatheli ke alag alag sthanon ke ubhar, jinhen hastarekha vigyan ki bhasha men parvat kaha jata hai, chunbkiya kendra hain. in chunbkiya kendron ka sanbandh mastishka ke un kendron se hai, jo hamari bhavnaon aur sanvednaon par niyantran rakhte hain. dusre shabdane men ham kah sakte hain ki jis prakar hriday ki kriyashilta ka graf i. si. ji. ki ril par banta hai, usi prakar hamare mastishka ki kriyashilta ka graf hamari hatheli par banta hai. is graf ka artha samjhne ki vidya ko pamistri arthat hastarekha vigyan kahte hain. hath men rekhaen mukhyatah tin hoti hain - jivan rekha, mastishk rekha aur hriday rekha. unmen jivan rekha sabhi hathon men hoti hai. hriday rekha lagbhg do pratishat hathon men aur mastishka rekha lagabhag ek pratishat hathon men nahin hoti. lekin aisa hath virle hi hota hai, jismen hriday aur mastishk, rekhaen ek sath gayab hon. madhyamik rekhaen ve hain, jo mastishka ke alg-alag kendron men taiyar hone vali vidyut tarangon ko ungliyon ke madhyam se vatavaran men bikherne ka karan banti hain. in rekhaon ki disha kalai se ungliyon ki or hoti hai. inmen sabse prasiddh rekha shani rekha hai. anya prasiddh madhyamik rekhaen hain, surya rekha aur budh rekha. madhyamik rekhaen chetan man ki kriyashilta se banti hain. hatheli par kai anya choti-choti rekhaen bhi hoti hain, jo samy-samay par prakt hoti rahti hain aur mitti rahti hain. ye rekhaen ardh chetan man ki sakriyata ko prakat karti hain. inhen prabhav rekhaen kaha jata hai. mastishk ka jo kendra vyakti ke ahan bhav ki matra barhata hai, hatheli men us bhag ka pratinidhitva vah sthan karta hai, jise guru parvat kahte hain. mastishk ka jo kendra vyakti ki saumyata tatha uske antarmukhi hone ki matra batata hai, us kendra ka sanbandh hatheli ke us bhag se hota hai, jise shani parvat kahte hain. mastishk ka jo kendra vyakti ke bahirmukhi svabhav par niyantran rakhta hai, usse sanbandhit hatheli ke bhag ko surya parvat kahte hain. isi prakar budh, shukra, chandra, mangl adi parvaton ka sanbandh mastishk ke alg-alag kendron se hai. mastishka ke un kendron ki pahchan karke mastishk sanbandhi nayi-nayi khojen ki ja sakti hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.