रोग निवारण के अनुभूत उपाय

rog nivaran ke anubhut upay  

Ank ke aur Lekh | Sambandhit Lekh | Views : 681 |  
parivar men kisi sadasya ko rog ho jata hai to grih se sukh vida ho jata hai. yadi ap jyotishi hain ya jyotish premi to yah bhali-bhanti jan len ki sandhi sadaiv piradayk hoti hai. dasha ki sandhi, bhav ki sandhi, rashi ki sandhi aur nakshatra ki sandhi ka dhyan rakhen. in sandhiyon ki sthiti men jatkon ko rog ya kasht avashya hota hai. hamare desh men surya sankranti ka vishesh mahatva hai. sankranti ki sandhi par varsha, prakritik prakop, rog adi hote hain. din v ratri ki sandhi godhulikal men puja-danadi ki parranpra hai jisse agat kasht se bacha ja sake. navjat shishu ke lie pratham tin varsh, sandhi sthal, gocharavash chandra janm nakshatra men ae to rogadi kasht hote hain. dashantardasha shashth, ashtam, dvadash, marak grahon ya kundli ke ashubh grahon se sanbandhit ho to rog hone ki sanbhavna rahti hai. jatak ko rogon ki bhavishyavani karte samay use kabhi yah kahakar hatotsahit n karen ki rog jatil v bhayankar hai. rog nivaran ke anubhut upay nimna prakar hain. û bhartiya sanskriti men ganesh ji ka vishesh mahatva hai. ganpti pratham aradhya dev aur vighnavinashak hain. rog se mukti ke lie is mantra ka jap karne ko kahen-¬ gan ganptye namah. is mantra ka tin mala jap pratidin tin saptah tak karen. mantra ka sankalp sahit jap shatru badha, rog, badha, kasht adi se mukti men ati prabhavshali hai aur inka shaman karta hai. û gay ke sharir men devta ka vas mana gaya hai. chaike ki pahli roti ya apne bhojan ka pahla gras gay ko dene ko kahen. û gayatri gat (sharir) ki raksha karti hai. rogi ko is mantra ka jap bataen-¬ bhurbhuvah svah tatsaviturvarenyan, bhargo devasya dhimhi dhiyo yo nah prachodyat. gayatri mantra ka ek mala jap chah mas tak roj karne se asadhya v jatil rog bhi dur ho jate hain. manobal va adhyatmik shakti barh jane se svasthya, sukh v samman barhta hai. û mahamrityunjay mantra ka jap karne ko kahen, yah rognash ka sarvottam upay hai. ¬ tryambakan yajamhe sugandhinpushtivardhanam urvarukmiv bandhananmrityormukshiya mamritat is vaidik mantra ka ek mala jap solah saptah tak pratidin karen. û ¬ mahabij mantra hai. kuch bij mantra is prakar hain-ain maya bij hai, jo sarasvati, vani evan buddhi ke lie hai. shrin lakshmi bij hai, jo samriddhi v sanpannata ke lie hai. klin kam bij hai jo vivah, kam sukh ya abhisht prapti ke lie hai. hrin shakti bij hai, jo svasthya, arogya labh v shatru par vijay pane ke lie hai. inka jap pranav (¬) va namah lagakar karna labhaprad hai. û panchakshari mantra ¬ namah shivay ka gyarah mala jap nitya karne se anishtakari grahon ki shanti hoti hai. yah mantra tin ya chah mas ke sankalpa se karen. sath men nange panv shiv mandir jakar shivling par 40 din tak bina naga jal charhaen. manokanksha purn hogi v sharir svasth v rogmukt hoga. û brahma muraristripurantkari, bhanuah shashi bhumisuto budhashch gurushch shukrah shanirahuketvah sarve grahaah shantikra bhavantu namak navagrah pujan mantra ka jap arisht grahon ko shant karke sukhi, samriddh evan svasth karta hai. tin saptah tak is mantra ka ek mala jap sankalpa sahit nitya karne se anishtakari grahon ki shanti hoti hai. û suryadi navagrah ke tantrik mantron ka jap karne se bhi sharir rog mukt hota hai. pratyek grah ka jap kam se kam ek sau ath evan adhikatam uski jap sankhya tulya sankalp sahit karne se labh hota hai. sarvapratham yah nishchit karen ki kin grahon ke karan rog ho raha hai. yah kundli dekhakar jan sakte hain. taduprant us grah ki ashubhta dur karne ke lie mantra jap kar sakte hain. iske karne se purva kisi yogya daivagya se salah avashya le leni chahie. navagrahon ke tantrik mantra asani se upalabdh hain. û rog ka karan ayurved men tridosh ko bataya gaya hai. tridosh par niyantran se bhi rog se mukti milti hai. tridosh par svar riti se niyantran kiya ja sakta hai. ira nari (chandra svar) arthat vam nasika ka svar pitt nashk hota hai, pingla nari (surya svar) arthat dakshin nasika ka svar kaf nashk hota hai evan sushumna nari arthat vam ya dakshin nasika ka svar parivartit karte rahne se vat dosh dur hota hai. man len ki apko dard hai evan apka vam svar chal raha hai. ap turant us svar ko badal kar dakshin svar kar den, to apko dard se tatkal raht milegi. yadi apko vat sata raha hai to ap jaldi-jaldi dayan-bayan svar badlenge to apko vatvikar se tatkal rahat milegi. isi prakar yadi apko kaf sata raha hai to apka vam svar chal raha hoga. ap turant badalakar dayan svar chala len, apko kaf vikar se rahat milegi. yadi pitt sata raha hai to bhi dayan svar chala len. kahne ka tatparya yah hai ki pira ke samay jo svar chal raha ho use tunrat badal den-aisa karne par rahat avashya milegi. û paka hua kadd,u jo pila ho chuka ho, khokhla karke tin ya chah mas men dharmasthal ke andar rakhakar aen. rog kathin ho to ise nirantar kai din tak karna chahie. û rogi ke sirhane tanbe ke do sikke rakhakar agle din pratah bhangi ko bina naga tentalis din tak dan karen. ukt do upay rogi nahin kar sake to uska koi rakt sanbandhi uske thik hone ka sankalp karke kar sakta hai. û aushdhi snan karke bhi labh utha sakte hain. aushdhi snan bhi rog se mukti dilata hai. aushdhi snan ki riti is prakar hai. mitti ki ek kori handi men sabut chaval, sarson kali, nagrmotha, haldi sabut, sukha anvla, dub, bilva patra sabhi ko 125 gram ki matra men le len. tulsi patra 27 patte, kesar 3 dhage, panchagavya, lal chandan, shami patra, guggal, thora gobar, gorochan aur 150 gram kale til lekar snan ke din ki purva ratri men jal men bhigokar rakh den. subh sabhi samagri kisi dandi se chalakr bhali-bhanti mishrit kar len. is handi men se ek katori jal lekar snan vale jal men milakar snan karen. snan karte samay navagrah ka dhyan, mantra ka jap v stotra ka path avashya karne chahie. handi men punah ek katori jal dalakar dhak den. is prakar niyamit snan karne par 21 din men snan ka fal milega aur sarvabadhaon evan rogon se mukti milegi.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe

Apne vichar vyakt karein

blog comments powered by Disqus
.