सम्मोहन उपचार

sammohan upchar  

Ank ke aur Lekh | Sambandhit Lekh | Views : 966 |  
is ank men svayan-sammohan ke bare men kuch prashnon ke uÿar diye gaye hain. agar ap kisi prashn par aur adhik jankari lena chahen to le sakte hain? prashna: svayan-sammohan kya hai? uÿar: jab ham ek vishram ki sthiti men hote hain to hamara man sujhavon ko adhik sarlta se svikar karta hai. vishram ki sthiti men hamare bren ki gati dhimi par jati hai aur ham sammohan ki dasha men chale jate hain. agar ham dhyan lagana aur aram karna sikh jate hain to sammohan men jana saral ho jata hai. bina kisi dusre vyakti ke sahyog se jab ham sammohan men jate hain to use svayan-sammohan kaha jata hai. ismen nipunta pane ke lie abhyas evan katibaddhata ki avashyakta hoti hai. bina kisi prayas ke bhi ham din men kai bar sammohan ki dasha men jate hain- jaise gari chalate hue, pustak parhte hue ya ti.vi. dekhte hue ityadi. is dasha ko ham svayan ek kramabaddh prakriya karke bhi prapt kar sakte hain. prashna: sammohan evan svayan-sammohan men kya antar hai? uÿar: jab kabhi sammohan ki bat hoti hai to ek am admi ek kalpana karta hai ki ek sammohak kisi yantra ya prakriya ka prayog karte hue kisi ko sammohan men le ja raha hai. is prakriya men kam se kam do vyakti shamil hote hain. ek sammohak tatha dusra jise sammohit kiya ja raha hai. sammohak disha nirdeshan karta hai tatha sammohit uska anukaran karta hai. parantu jab vyakti bina kisi dusre ke sahyog se sammohan men jata hai to vah svayan-sammohan kaha jata hai. donon sthitiyon men mansik dasha ek jaise hoti hai, antar matra prakriya ka hai. prashna: kya svayan-sammohan mediteshan jaisa hi hota hai? uÿar: han, svayan-sammohan mediteshan tulya hi hota hai. ek ekagrata ya dhyan ki dasha ko mediteshan kahte hain aur svayan-sammohan bhi ek ekagrata evan dhyan ki hi dasha hai. amtaur par mediteshan adhyatmik vikas ke lie karte hain aur svayan-sammohan vyaktigat vikas ke lie prayog kiya jata hai. dono men anekon prakar ki prakriyaon ka prayog hota hai. prashna: svayan-sammohan karte samay kin-kin savdhaniyan ya aupcha- riktaon ki avashyakta hoti hai? uÿar: bahut log yah puchte hain ki sammohan karte samay ya usse pahle kya-kya avashyak batane hain jaise khana khayen ya n khayen, khayen to kya khayen, baithakar karen ya letakar karen, kis prakar ke vastra pahnen, ekant men karen ityadi. in sab baton ko ek-ek karke lete hain. khana: jo bhi ap khate hain khayen. kisi bhi khane par koi pabandi nahin hai lekin itna khayen ki ap aram ki sthiti men rahen. ap khali pet bhi kar sakte hain aur khane ke bad bhi kar sakte hain. han, apko pyasa nahin rahna chahie. pani pi lena dhyan lagane ke lie achcha hota hai. vastra: kisi bhi rang ke koi bhi vastra pahnen jo apko aramdeh lagte hain. kisi rang ya rivaj vishesh ko mahatva dene ki avashyakta nahin hai. asn: koi bhi mudra anivarya nahin hai. ap baithakar ya letakar jaise bhi aramdayak rahe kar sakte hain. han, sone vali mudra men nind ane ki sanbhavna barh jati hai. sthan: ap apne ghar men, karyalay men, park, dharmik sthal ya koi bhi sthan chun sakte hain. amtaur par log apni suvidha ke anusar sthan ka chunav karte hain. kuch logon ki manyata hai ki dhyan to jangal jaise ekant men achcha lagta hai. main is bahas men n parte hue matra itna kahunga ki achcha draivar banne ke lie bhirbhar men gari par abhyas karna jyada behatar hota hai. khali sarak par to koi bhi gari chala lega. yahi bat dhyan ki avastha v svayan-sammohan par bhi lagu ho sakti hai. apko dil ko samjhane vale kisi yantra, tabij ya mala ki avashyakta nahin hai. bas avashyakta hai to apne par dhyan lagane vali prakriya ko karne ki. prashna: kya svayan-sammohan sammohak ke bina kiya ja sakta hai? uÿar: kyon nahin, sammohak ki madad ke bina sammohan ki dasha pana hi to svayan-sammohan hai. lekin yah prakriya sikhne ke lie apko nishchit taur par sammohak ka disha-nirdeshan chahie. ap jab tak nipunta prapt n karen, apne sammohak se sanbandh banayen rakhen aur apni sabhi akankshaon ka turant nivaran karen. prashna: kya svayan-sammohan bhi sammohan ki tarah upyogi hai? uÿar: sammohan prabhavkari hai chahe vah svayan kiya jaye ya kisi dusre ke sahyog se. prabhav to man ki badli hui dasha ka hai n ki prakriya ka. prakriya matra dasha prapt karne ke lie ki jati hai tatha prabhav ke lie upchar ki prakriya alag see ki jati hai. atah sammohan upchar men do prakriyaen huin. pahli prakriya to sammohan ki dasha prapt karne ke lie ki jati hai aur dusri prakriya sammohan ki dasha prapt karne ke bad upchar ke lie ki jati hai. jis prakar sammohan ki dasha prapt karne ke lie ek prakriya ki jati hai isi prakar upchar ke bad sammohan ki dasha se bahar ane ke lie bhi ek prakriya ki jati hai. svayan-sammohan ki upyogita sammohan se simit hoti hai kyaneki svayan-sammohan men adhik prakriyaen karne se sammohn-bhang hone ki ashanka rahti hai. atah svayan-sammohan upchar men matra ek hi sujhav diya jata hai. jabki sammohan men aisi koi sima nahin hai. amtaur par sammohan upchar ke lie prayog kiya jata hai jabki svayan-sammohan vyaktigat vikas hetu prayog kiya jata hai. svayan-sammohan ki upyogita abhyas ke sath adhik barhti hai. prashna: svayan-sammohan kab karna chahie? uÿar: jab kabhi hamen subah jaldi uthna hota hai to ham sabhi man men sochakar sote hain ki subah kitne baje uthna hai. ap ne anubhav kiya hoga ki ap sahi utne hi baje jag jate hain yah ek anuthi seva hai jo ham jane-anjane men apne avchetan man se lete hain aur har bar hamen yah seva milti hai. shayad ham yah samajh gaye hain ki avchetan man is prakar ke chote-mote kam kar deta hai. avchetan man ke lie to koi bhi karya bara ya chota nahin hai bas ek karya hai. jaise chote-chote kam ap apne avchetan man ko de rahe hain to bare kam bhi dekar dekhiye yah jarur pure karega. dharmik pravriÿia ke log kahte hain ki sham ko sote vakt aur subah uthne ke turant bad bhagvan ka nam lena chahie. isi prakar kuch adhyatmik guru kahte hain ki sone se pahle aur uthne ke bad unhen yad karne see ve kripa karte hain. in sabke piche vaigyanik adhar hai. sone se pahle ka samay aur uthne ke bad ka samay donon hi svayan-sammohan ke lie bahut anukul hote hain. atah ap prathmikta ke adhar par sham ko sone se pahle ka samay pratham manen aur subah ka samay uske bad manen. prashna: svayan ko sujhav kis prakar den? uÿar: svayan ke sashaktikaran ke lie ham kalpanaon aur bhavnaon ka prayog karte hain sujhav banate vakt hamen savdhani bartna chahie anyatha uska parinam upyogi ho, yah avashyak nahin. atah dhyan den ki sujhav sakaratmak rup se bana ho to nakaratmak prayog kabhi n karen. apna jhukav parinam ki or rakhen, karan par nahin. agar ham karan par dhyan dete hain to usko ham sakriya bana rahe hain jabki hamari mansha parinam ko sakriya banane ki hai. hamesha vartaman kal ka prayog karen. avchetan man keval vartaman ko samjhta hai. agar ap bhavishya ki bat karte hain to vah us rup men svikar nahin karta hai tatha parinam ko age tal deta hai. sujhav aisa ho jis par ap yakin kar saken tatha nishchit hona chahie. agar ap kahen, ki mera sundar ghar hai ya kahen char kamre ka ghar hai. in donon baton men bahut antar hai. kya achcha ghar banane ke lie apne iske ayam bhi batane hain. arthat man ko batana hai ki achcha kise kahte hain. apne sujhav ko bhavukta se mahsus karen. baranbarta se prabhav barhta hai. prashna: kya svayan-sammohan sikhna kathin hai? uÿar: har sadharan vyakti sammohan v svayan-sammohan sikh sakta hai. adhik jankari ke lie ap sanpark kar sakte hain. svayan-sammohan ki prakriya aur isse juri hui anya baten agle ank men shamil ki jayengi.
Kya aapko lekh pasand aaya? Subscribe
Kya aapko lekh pasand aaya? Subscribe


svapn, shakun v hastakshar visheshank  June 2012

fyuchar samachar patrika ke svapn, shakun v hastakshar visheshank men hastakshar vigyan, svapn yatra ka jyotishiya drishtikon, svapn ki vaigyanik vyakhya, avdharnaen v dosh nivaran, svapn ka shubhashubh fal, jain jyotish men svapn siddhant, svapn dvara bhav jagat men pravesh, shakun shastra men pak tantra vichar. shakun evan svapn ka prabhav, shakun evan svapn shastra ki vaigyanikta, shakun shastra v tulsidas, hastakshar dvara vyaktitva ki pahchan, svapnon dvara samasya samadhan adi rochak, gyanavarddhak alekh shamil kiye gae hain. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.