सम्मोहन उपचार

sammohan upchar  

Ank ke aur Lekh | Sambandhit Lekh | Views : 2166 |  
sammohan ke bare men adhikansh logon ko anek bhrantiyan hain jinka jikra purva ankon men bhi kiya gaya hai. sammohan dvara kiye jane vale upcharon ke bare men prakash dalne se purva is ank men sammohan ke bare men vyapt bhrantiyon ko. prashna-uttar paddhati se dur karne ka prayas kiya jaega. prashna: sammohan ki dasha men vyakti kaisa anubhav karta hai? uttara: adhikatar log amtaur par mansik v sharirik vishram jaisa anubhav karte hain jaisa ki nind ane se purva ka abhas hota hai. kuch log apne sharir men halkapan mahsus karte hain jaise ki sharir niche dhansa ja raha hai. kisi ko khushi jaisi anubhuti hoti hai jabki kisi ko nashe jaisa lagta hai. yah ek shanti ka abhas hai jisse sharir men kai bhautik parivartan dekhe ja sakte hain. is dasha men vyakti agar viprit sujhav n diya gaya ho to. purn rup se sunta, dekhta v anubhav karta hai. prashna: kya sammohan ek samarpan ki dasha hai? uttara: yah purnataya bhram hai ki sammohan ki dasha men vyakti ka svayam par kabu nahin rahta aur vah sammohan men atm samarpan kar deta hai. lekin vastav men vyakti ke pas purn sanvedna aur nirnay lene ki shakti rahti hai. vah koi bhi aisa karya nahin karega jo vah anyatha karna uchit nahin manta. vyakti kabhi bhi apne mulyon ke viprit koi bhi sujhav svikar nahin karta. sammohan to matra ek nirdeshak ki tarah karya karta hai. prashna: kya sammohan ka upyog manoranjan ke atirikt bhi hota hai? uttara: sammohan ek sanvednshil atyant mahatvapurn vigyan hai. manoranjan to matra iska ek avyay hai. manoranjan athva stej sammohan ke karan hi sammohan adhik logon tak pahuncha hai aur iske bare men logon ki anek dharnayen bhi bani hanai. sammohan ka ek pramukh upyog upchar karna bhi hai jaise vibhinn prakar ki adton men sudhar lana tatha bimariyon ko thik karne men sahayta dena. sammohan ka prayog vyapak hai jiski vyakhya ane vale ankon men ki jaegi. prashna: kya sammohan ke prayog se dushprabhav bhi hote hain? uttara: sammohan vyakti par kisi bhi prakar ka paroksh ya aproksh dushprabhav nahin dalta. anya paddhatiyon ki bhanti sammohan se bhi kuch vyaktiyon ko ati apekshayen ho sakti hain jo jankari ke abhav ya galat avdharnaon ke karan ho sakti hain. aisi paristhitiyon men yah svabhavik hai ki manovanchit labh dharna ke anurup, ho sakta hai, na mile. is paddhati ka koi dushprabhav abhi tak samne nahin aya hai. sammohan ek surakshit v prabhavkari manovaigyanik paddhati hai. kabhi bhi sammohan se upchar karvane ke liye hamesha yah jan len ki sammohak bhalibhanti prashikshit hai. prashna: kya majbut ichcha shakti vale vyakti ko sammohit kiya ja sakta hai? uttara: koi bhi vyakti jiski samanya buddhi aur vivek hai aur jo sadharan sujhavon ko samajh kar man sakta hai vah sammohan ki dasha ka anubhav kar sakta hai. yah matra bhram hai ki majbut ya kamjor ichcha shakti sammohan par prabhav dalti hai balki sammohit hone ki ichcha hona hi mahatvapurn hai. kuch mansik bimariyon vale ya atyant mand buddhi vale vyakti sammohan ke liye upyukt nahin hote. prashna: kya sammohan ki baten yad rahti hain? uttara: han, sammohan ki baten yad rahti hain agar anyatha sujhav nahin diya gaya ho to. adhikansh logon ko adhikatar baten yad rahti hai. kuch baten vistrit ho sakti hain. bhulna ek svabhavik prakriya hai jo ki samanya dasha men bhi hoti hai. kabhi-kabhi sammohanakarta kuch vishesh paristhitiyon men kuch anavashyak baten bhulne ke liye kah sakta hai jaise stej sho karte vakt kaha jata hai. prashna: kya sammohan se har bimari ka upchar ho sakta hai? uttara: yah mana gaya hai ki hamara man hamare jivan ke har pahlu par kafi adhik prabhav dalta hai. yah bimariyon ko apnane ya adton ko apnane men bhi kafi prabhavkari hai. agar yah bimari paida kar sakta hai to hata bhi sakta hai. yah nishchit hai ki sammohan har bimari men labhkari hai lekin har bimari ke ilaj ki apeksha rakhna thora jyadti hogi. iski bhi apni simayen hain. sammohan ke prayog se dusri paddhatiyon ka prabhav bhi barh jata hai. prashna: kya koi vyakti sammohan men fans sakta hai? uttara: iska sidha sadha jabab hai nahin. ham har roj sote hain aur jamane se ya lanbe arse se so rahe hain. kya kabhi koi vyakti kabhi nid men fansa hai bilkul nahin, kyonki nind ek prakritik prakriya hai. isi prakar sammohan bhi ek prakritik prakriya hai jo sabhi svayam bhi prapt karte rahte hain. hamare mastishk ko sammohan ki adat thik usi prakar hai jis prakar nind ki. ham har roj nind ko sammohan ke raste se hi prapt karte hain. agar kisi vyakti ko sammohan men chor diya jaye to vah ya to nind ko prapt hoga ya jaldi hi samanya ho jayega. prashna: kya sammohan sikhna kathin hai? uttara: sammohan ek vaigyanik vishay hai jise koi bhi samanya vyakti sarlta se sikh sakta hai. har vidya ki tarah sammohan ki kriya bhi abhyas ke sath behatar hoti jati hai. not: ap apne prashn nimn pate par bhej sakte hain. chune hue prashnon ka jabab agle ankon men diya jayega.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh visheshank  April 2012

fyuchar samachar patrika ke rudraksh visheshank men rudraksh dharan vidhi, rudraksha: sakaratmak urja srot, vibhinn prakar ke rudraksh, rudraksh kyon hai khas, rudraksh ka aushdhiya mahatva, pahchan evan upyog, bhagvan shiv ka ashirvad hai rudraksh, kahan se aur kaise prapt hota hai, rudraksh aur shabar mantra, kis vyapar men kaun sa rudraksh pahnen, vividh rog bhanjak rudraksh, rashi ke anusar rudraksh, rudraksh kaise faldayi siddh ho, adi rochak, gyanavarddhak v vistrit jankari se yukt alekhon ke atirikt anya anekanek gyanavarddhak alekh shamil kiye gae hain jaise bhavishyakathan ki paddhatiyan, falit vichar, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.