वाकसंयम व्रत

vaksanyam vrat  

Ank ke aur Lekh | Sambandhit Lekh | Views : 2643 |  
vaksanyam vrat pan. brajkishor sharma brajvasi vaksanyam yani vani ka sanyam vrat bhartiya sanskriti hi kya varan sanpurn sanskritiyon ka palan karne vale pratyek manav matra ka sarvashreshth vrat hai. vani ek amogh astra hai, jiske dvara vijay shri ka varan evan hit-sadhan kiya ja sakta hai. dusri or nakaratmak rup men vani ke dvara hi shatruon ka pradurbhav hota hai tatha patan ke dvar khulte hain. vak sansar ke samast vyavharon ki niyamika shakti hai. mahabhut akash iska janak hai. isike madhyam se vak indriyadvara dhvanit shabdatarangen mastishk par apna prabhav chorti hain, jo komal aur kathor - do prakar ki hoti hain. in tarangon men antah sankalp ke sukshm tattvon ka samavesh hota hai. is karan komal shabda-tarangen jahan mastishk men ahlad bharti hain- chittaprasadan karti hain, vahin kathor shabdatarangen mastishk men udvignata bharti hain aur chitt men vishad evan katuta utpann kar uttejna lati hain. islie vaksanyamavrat ka paripalan hi shreyaskar mana gaya hai. vani ke sanyam ke adhar par bhagvan ki or satat unmukh rahne ki pravritti hi vaksanyamavrat hai. deh-indriya samuh ko vikhar kaha jata hai. vikhar men utpann hone ke karan vani ko vaikhri kaha jata hai. para, pashyanti aur madhyama- ye sabhi vani ke utkrisht rup hain. vagvyavhar men vaikhri rup hai. shastron v mahapurushon ka bhi yahi mat hai. prabhu ka satat sannidhya prapt karne ke liye manushya parvon, vraton aur utsavon ka ayojan karta hai. vratotsava- shrinkhla men vaksanyamavrat ki vishesh mahima hai. vaksanyamavrat samast siddhiyon ka data hai. apke do mithe bol kisi ke jivan men vasant ka - sa vatavaran bana den to samajh lijiye apka hriday puja ke dhupdan ki tarah sneh aur parduahkhkatrta se paripurn hokar sarvada saurabh pradan karta rahega. vaksanyam se samaj men maitribhav ka vikas hone ke sath-sath lokakalyan ki bhavna bhi nirantar bani rahti hai. parmatma ne shabd ko vidhavisheshmen dhvanit karne ki kshamata pranijagat men matra manav ko hi di hai. brahmavidya-paripurn upnishatkavya shrimadbhagavad gita men parmatma shrikrishn ne bare sarthak shabdon men man, vani aur sharirik tapka nirvachan kiya hai. unke anusar maun mansik tap hai, vad.may tap nahin, parantu maun shabd, n bolne ke arth men hi lok men prachlit hai. gita men kaha gaya hai ki jo kisi ko udveg n karnevala, priya, hitkarak evan yatharth vakya hai tatha ved-shastron ke pathan ka evan parmeshvar ke nam-jap ka abhyas hai, use vani sanbandhi tap kaha jata hai. vaksanyam vrat men satya, priya, madhur, hit, mit aur mangalyavani ka prayogabhyas aur ninda, viktha, parihas, sansarik vishayacharcha, ashlil evan anargal pralapka parityag hota hai. prachin granth mundakopnishad evan gitadi prachin granth adi vachan satya ki mahima ka udghosh karte hain. manusmriti men bhi kaha gaya hai ‘satya bole, priya bole, satya bhi apriya n bole aur priya bhi asatya n bole; yahi sanatanadharm hai.’ ‘madhur vachan bolne se sab jiv santusht hote hain, isiliye madhur vachan hi bolne chahiye, vachan men daridrata kya?’ priya vachan bolne vale dev hote hain aur krurbhashi pashu hote hain. parmatma shriram ne kaha hai- ‘devaste priyavaktarah pashvah krurvadinah (va. ra.) priyabhashi ko nardeh men hi dev kaha gaya hai- ‘ye priyani bhashayanti prayachchanti ch satkritim. shrimanto vandyachrna devaste narvigrahaah..’ madhur: madhur, peshal vachan ko sam kahte hain. pati-patni madhur vachan bolen. bhagvan shriram - ‘sarvatra madhura gira’ (va. ra.) sarvatra madhur bolen- aisa kahte hain . bhagvan shrikrishn ne gopiyon ke apne pas ate hi jo amrit-bhashan kiya, vah sabke liye adarsh hai. jab bhagvan shrikrishn ne dekha ki vraj ki anupam vibhutiyan gopiyan mere bilkul pas a gayi hain, tab unhonne apni vinodbhri vakchaturi se unhen mohit karte hue kaha- kyon n ho bhut, bhavishya aur vartamankal ke jitne vakta hain, unmen ve hi to sarvashreshth hain. bhagvan shrikrishnane kaha- mahabhagyavti gopiyon ! tumhara svagat hai. batlao, tumhen prasann karne ke liye main kaun sa kam karun? vraj men to sab kushl-mangal hai na? kaho, is samay yahan ane ki kya avashyakta par gayi? hit: vanechar yudhishthir se kahta hai- ‘hitan manohari ch durlabh vachah’ arthat hitakar tatha manko ruchikar vachan durlabh hai (bharvi). mit: sankshipt, sarbhre bol hi vagmike lakshan hain- ‘mitan ch saran ch vacho hi vagmita’ (bhavbhuti). satyavachan aur sanyat vyavhar hi manv-samaj men amrit gholte hain. ‘ativadanstitikshet’. bolen kam, sunen jyada. jyada bolna ochepan ka lakshan hai. kise gyan dena chahte hain, tumse jyada gyan logon ke pas hai. josh men to bilkul n bola jay. vani men mitavyayi banen. samaj men vani ka pradushan bhayankar hai- prakriti ne svar diya hai- shor nahin. mangalya: samved men kaha gaya hai - ‘ bhadra ut prashastayah’ sundar vani kalyankarini hoti hai. sabse manglkari vachan bolna chahiye, amanglkari nahin. madalsa apne putron ko sikh deti hai - ‘n chamangalyavag bhavet’ (mark. pu.). ukt vaktavya vidhi ke sath mahatma vidur bina puche bolne vale ko mudh, naradham kahte hain.- ‘aprishto bahubhashte mudhchitto naradhmah .’ parantu gyanarnav men kaha gaya hai ki dharm ke nash men, kriyadhvans men, susiddhantanirupan men tatha satyasvarup- prakashan men bina puche bhi bich men bolna prashast (vachogupti) hai- mahabharat men devguru brihaspati ati vyavharik nirdesh dete hain ki jo sabhi ko dekhakar pahle hi bat karta hai aur sabse muskarakar hi bolta hai, us par sab log prasann rahte hain. is prakar vaksanyamavrat ko apne jivan men utarakar param tattva ki prapti ka drirh prayatn karna chahiye. vaksanyam vrat ka palan to aj se abhi se isi kshan se praranbh karna hi manglkari hai tatha yah sadhnon ka bhi sadhan hai. sada-sarvada apke vani rupi udbodhan men to dusron ke prati yah bhav hamesha bana hi rahna chahie. jindgi ko jindgi sa uphar do, virane ko madhur-madhur bahar do. mat do kisi ko dardon bhari muskan, dena hai to har dukhi ko pyar do..
Kya aapko lekh pasand aaya? Subscribe

Kya aapko lekh pasand aaya? Subscribe


svapn, shakun v hastakshar visheshank  June 2012

fyuchar samachar patrika ke svapn, shakun v hastakshar visheshank men hastakshar vigyan, svapn yatra ka jyotishiya drishtikon, svapn ki vaigyanik vyakhya, avdharnaen v dosh nivaran, svapn ka shubhashubh fal, jain jyotish men svapn siddhant, svapn dvara bhav jagat men pravesh, shakun shastra men pak tantra vichar. shakun evan svapn ka prabhav, shakun evan svapn shastra ki vaigyanikta, shakun shastra v tulsidas, hastakshar dvara vyaktitva ki pahchan, svapnon dvara samasya samadhan adi rochak, gyanavarddhak alekh shamil kiye gae hain. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.