हस्ताक्षर-एक उतल दर्पण

hastakshara-ek utal darpn  

Ank ke aur Lekh | Sambandhit Lekh | Views : 4312 |  
hastakshara: ek uttal darpan rajiv agraval hastakshar, ya aksharon ki banavat vyakti ke antaratam arthat uske vyavhar, vichar aur kriya se sidha sanbandh hota hai. hastakshar ke adhyayan se vyakti apne bhavishya aur vyaktitva ke bare men jankari prapt kar sakta hai aur hastakshar men dikhai dene vali kamiyon ko dur kar ke, apne hastakshar ke sath-sath, apna bhavishya aur vyaktitva bhi badal sakta hai. jis vyakti ke hastakshar ka pahla akshar kafi bara hota hai, vah utni hi vilakshan pratibha ka dhani, samaj men kafi lokapriya aur uchch pad prapt karne vala hota hai. hastakshar men pahla shabd bara aur baki ke shabd sundar aur chote akar ke hone par vyakti, dhire-dhire uchch pad prapt karte hue, sarvochch sthan pata hai aur jivan men bahut paisa kamata hai, kai bhavnon ka malik banta hai aur samaj men kafi lokapriya hota hai, kintu kuch rangin tabiyat aur sankochi svabhav ka, tathapi uttam shreni ka vidvan bhi hota hai. vah apne kul ka nam roshan karta hai. jis vyakti ke hastakshar kafi aspasht hote hain tatha jaldi-jaldi likhe hote hain, vah vyakti jivan ko samanya rup se nahin ji pata hai. vah har samay unchai par pahunchne ki lalak lie rahta hai. is prakar ka vyakti rajnitigya, apradhi, kutnitigya, ya bara vyapari banta hai. jivan apadhapi men vyatit karne ke karan vah samaj se katne lagta hai tatha logon ki upeksha ka shikar bhi banta hai. vah vyaktigat rup se purn sanpann hota hai tatha uska vaivahik jivan kam samanya rahta hai. vah dhokha de sakta hai, parantu dhokha kha nahin sakta hai. yahi inki visheshta hai. jis vyakti ke hastakshar men akshar kafi chote aur tor-maror kar khilvar karke banaye gaye hon aur hastakshar bilkul parhne men nahin ate, vah vyakti bahut hi dhurt aur chalak hota hai. vah apne fayde ke lie kisi ka bhi nuksan karne aur nuksan pahunchane se nahin chukta tatha aisa vyakti rajniti evan apradh ke kshetra men kafi nam kamata hai. jo vyakti apne hastakshar ke niche do lakiren khinchta hai, vah bhavuk hota hai, puri shiksha prapt nahin kar pata, mansik rup se thora kamjor hota hai. uske jivan men asuraksha ki bhavna rahti hai, paisa jivan men achcha hota hai, parantu aisa vyakti kanjus svabhav ka hota hai. jo vyakti apne hastakshar ke shabdon ko kafi ghuma kar, saja kar, pradarshit kar ke likhta hai, vah kisi n kisi hunar ka malik avashya hota hai; yani kalakar, gayak, chitrakar, vyangyakar aur apradhi. aise vyaktiyon ka samay jivan ke uttarardh men achcha hota hai. jo vyakti apne hastakshar men nam ka pahla akshar sanketik rup men tatha upnam pura likhta hai aur hastakshar ke niche bindu lagata hai, vah bhagya ka dhani hota hai; mridubhashi, vyavhar kushal, samaj men purn samman prapt karta hai. ishvarvadi hone ke karan use kisi bhi prakar ki lalsa nahin satati. iske falasvarup vah jo bhi chahta hai, svatah hi prapt ho jata hai. uska vaivahik jivan sukhi aur santan se bhi sukh prapt hota hai. jo vyakti apne hastakshar ke antim shabd ke niche bindu rakhta hai, vah vilakshan pratibha ka dhani hota hai. aisa vyakti jis kshetra men jata hai, kafi prasiddhi prapt karta hai aur aise vyakti se bare-bare log sahyog lene ko utsuk rahte hain. jo apne hastakshar spasht likhte hain tatha hastakshar ke antim shabd ki lakir, ya matra ko is prakar khinch dete hain, jo upar ki taraf jati hui dikhai deti hai, aise vyakti lekhak, shikshak, vidvan tatha bahut hi tej dimag ke ya shatir apradhi hote hain. aise vyakti dil ke bahut saf hote hain aur harek ke sath sahyog karne ke lie taiyar rahte hain. ve milnsar, mridubhashi, samajsevak, paropkari hote hain. aise vyakti kabhi kisi ka bura nahin sochte. samne vala vyakti kaisa bhi kyon n ho, use ve hamesha samman dete hain. sarvagun asanpann hone ke bavjud bhi inko samaj se samman dhire-dhire hi prapt hota hai. jivan ke uttarardh men inko kafi paisa aur purn samman prapt hota hai. jivan men ichchaen simit hone ke karan inhen jo bhi dhan aur pratishtha ki prapti hoti hai, usse ye kafi santusht rahte hain.
Kya aapko lekh pasand aaya? Subscribe

Kya aapko lekh pasand aaya? Subscribe


svapn, shakun v hastakshar visheshank  June 2012

fyuchar samachar patrika ke svapn, shakun v hastakshar visheshank men hastakshar vigyan, svapn yatra ka jyotishiya drishtikon, svapn ki vaigyanik vyakhya, avdharnaen v dosh nivaran, svapn ka shubhashubh fal, jain jyotish men svapn siddhant, svapn dvara bhav jagat men pravesh, shakun shastra men pak tantra vichar. shakun evan svapn ka prabhav, shakun evan svapn shastra ki vaigyanikta, shakun shastra v tulsidas, hastakshar dvara vyaktitva ki pahchan, svapnon dvara samasya samadhan adi rochak, gyanavarddhak alekh shamil kiye gae hain. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.