स्वप्न - अवचेतन मन का एक जाग्रत स्वरूप

svapn - avchetan man ka ek jagrat svarup  

Ank ke aur Lekh | Sambandhit Lekh | Views : 3775 |  
svapn - avchetan man ka ek jagrat svarup rashmi chaidhri svapn ek choti-si, atyant gudh, rahasyamyi, romanchak aur man ko pulkit, udvelit tatha ahladit karne vali us jal-tarang ke saman hai jo chanchal, komal man rupi nadi ko anekanek sanbhavnaon aur parikalpanaon rupi jal se aur adhik paripurit aur aplavit kar deti hain svapnon ki sarthakata evan satyata par prashn chihn lagne ke sath-sath samy-samay par unki satikta ko svikar bhi kiya gaya hai aur vaigyanik sabhi is bat ko svikar karte hain ki svapnon men purvabhas ki alaukik kshamata hoti hai. sadharntah hamari dinacharya ka ek paradarshi chitra hamare achetan man par chap jata hai athva ham apne man ki gahraiyon se jo bhi vastu ya vyakti pana chahte hain aur kisi karanavash use prapt nahin kar pate to un sabhi ichchaon ki sanpurti nidravastha men svapn ke rup men ho jati hai. manav mastishk aur man ka svapnon ke sath ek atut aur agadh sanbandh hai. nidravastha men sharir to shithil ho jata hai kintu man aur mastishk sakriya hi rahte hain. aisi avastha men jagrat man ke dvara avchetan man ko unhin ghatnaon ke sanket bheje jate hain jo jagte samay dekhte, sochte ya karte hain. hamare dainik jivan ke tanav, vigat jivan ki achchi-buri ghatnaen tatha bhavishya ki yojnaen bhi kabhi-kabhi hamen svapn ke rup men dikhai parti hain. svapn sadaiv hi satya ho jaen, aisa purnataya nahin kaha ja sakta, kintu itna avashya aur svanubhut tathya hai ki svapn ek achche margadarshak evan kushal bhavishyavakta ke rup men bhi karya karte hain. bas avashyakta unke sanketon ko gurhta evan ganbhirta se pahchanne ki hai. hamare prachin puranadi granthon men bhi svapnon ki satyata se sanbandhit anekanek tathya samne ate hain. gosvami tulsidas ji krit shri ram charit mans’ men bhi svapno ko purva men ghat chuki athva bhavishya men hone vali ghatnaon ka sanketak hi mana gaya hai. ‘ayodhya kand’ ke ek prasanganusar jab bharat mata kaushalya, muni vashishth evan anekanek nagrvasiyon samet apne jyeshth bhrata shri ramchandra, lakshman ji evan sita se milne van jate hain, to sabhi log ati shithil hone ke karan ratri men parvat shiromni ‘kamdgiri’ ke samip hi nivas karte hain. pratah kal bharat age prasthan karte hain. udhar van men ratri men sitaji ne ek ashubh svapn dekha. sita ji yah svapn ramchandra ji ko sunane lagi. ‘‘mano raj samaj sahit bharat ji aye hain. prabhu ke viyog ki agni se unka sara sharir santapt hai. sabhi log man men udas, din aur dukhi hai. apni sason ko bhi maine dusre hi rup men (vidhva) dekha hai.’ sitaji ke is svapn ko sunakar ramchandra bhi bhavishya men hone vali anisht ki ashanka se grast ho gaye aur unke netron men jal bhar aya. unhonne lakshman ji se kaha- ‘‘lakhan sapan yah nik n hoi. kuch samay pashchat hi unhen vashishth ji se apne pita ki mrityu ka samachar sunne ko mila. is samachar se raghunath ji ko duahsah dukh ki prapti hui aur ve atyant vyakul ho gaye. isi prakar ‘sundar kand’ ke anya prasang men aya hai ki trijta nam ki rakshasi ne lanka ke raja ravan ke sarvanash tatha ramchandra ji ki vijay ka svapn pahle hi dekh liya tha. isi prakar ‘matsyapuran’ svapnon ko bhavishya ka dyotak manta hai. asur shilpi, may’ ne bhi bhavishya men hone vali ghatnaon ko pahle se hi svapn men janakar apni sabha men sabke samne us bhavishya ke ghatna chakra ka vistar se varnan kar diya tha.
Kya aapko lekh pasand aaya? Subscribe

Kya aapko lekh pasand aaya? Subscribe


svapn, shakun v hastakshar visheshank  June 2012

fyuchar samachar patrika ke svapn, shakun v hastakshar visheshank men hastakshar vigyan, svapn yatra ka jyotishiya drishtikon, svapn ki vaigyanik vyakhya, avdharnaen v dosh nivaran, svapn ka shubhashubh fal, jain jyotish men svapn siddhant, svapn dvara bhav jagat men pravesh, shakun shastra men pak tantra vichar. shakun evan svapn ka prabhav, shakun evan svapn shastra ki vaigyanikta, shakun shastra v tulsidas, hastakshar dvara vyaktitva ki pahchan, svapnon dvara samasya samadhan adi rochak, gyanavarddhak alekh shamil kiye gae hain. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.