क्या है शकुन पर तुलसी के विचार

kya hai shakun par tulsi ke vichar  

Ank ke aur Lekh | Sambandhit Lekh | Views : 3752 |  
kya hain shakun par tulsi ke vichar navin rahuja jyotish shastra ka ek bahut bara mahattvapurn ang hai- shakun shastra. hamare shastron men ganit jyotish ke atharah (18) aur shakun ke das (10) acharya mane gae hain. shakun shastra ka vivechan to hamare samast arya granthon men bhi hua hai. hamare shastron ke anusar, shakun shastra ke adi acharya bhagvan shankar hi mane gaye hain. shakun shastra ke gahan adhyayan se avagat hota hai ki acharyon ne praranbh men manav jati ke shubh aur ashubh vichar ke lie shakun ke dvara hi fal-vichar aranbh kiya aur isilie us vichar ko shakun vichar kaha jane laga. shakun vichar hamare desh men hi nahin, videshon men bhi bahut prachlit hain. samast eshiya aur yurop men to shakun vichar bahut prachlit aur mane jate hain. manas ke rachyita sant tulsidas ji ne to granth ke aranbh men hi likh diya hai, ‘‘nana puran nigmagam sammatan yad ramayne nigditan kvachidanyato'pi’’ men kai shastra aur puran adi a jate hain. shakun vichar men tulsidasji ne adi kavi ‘balmiki likhit ramayn’ ka pura sahara liya hai. mahakavya ‘padmavt’ ke rachyita shri malik muhammad jaysi ne bhi shakun vichar ko pratham sthan diya hai. sant kavi tulsidasji to shakun vichar se bahut hi prabhavit the aur usmen purnatah vishvas bhi karte the. sant kavi tulsidasji ke anusar shakun tin prakar ke hote hain. 1. kshaitrik shakun 2. arthik shakun 3. agantuk shakun kshaitrik shakun- vah hai, jo purva yojna ke anusar dekha jae. arthik shakun - vah hai jo yatra ke samay bayen ya dayen achanak upasthit ho jae. agantuk shakun: vah hai, jo yatra ke samay apne ap hi upasthit ho jae. kshaitrik shakun, hamesha raja-maharajaon ki yatra men purva yojna ke anusar upasthit kie jate the. sant kavi tulsidasji ne tinon prakar ke shakunon ko upasthit kiya hai. ye tinon prakar ke shakun shriram ki yatra men bhi upasthit hue the. bhagvan shriram ki barat chalne ko thi aur ye tinon prakar ke shakun apne ap upasthit hue the. sant kavi tulsidas ne tinon shakunon ko ek hi sthal par diya hai, kuch is prakar se - banai n baranat bani barata. hoi sagun sundar shubhdata.. chara chashu bam disi lei. manhu sakal mangal kahi, dei.. dahin kag sukhet suhava. nakul darsu sab kahu pava.. sanukul bah trividh bayari. saghat sabal av nar nari.. lova firi firi daras dikhava. surbhi sanmukh sisuhi piava.. mrigmala dahin disi ai. mangal gan janu dinh dikhai. chem kari kanh chem viseshi.. syama nam sutru par dekhi. sanmukh ayau dadhi aru mina.. kar pustak dui vipra pravina. mangalamay kalyan may, abhimat fal datar. janu sab sache hon hit bhaye sagun ek bar..’’ atah mahakvi tulsidasji ne ek hi bar samast prakar ke shakunon ko ek hi sthan par upasthit kar diya. is prakar mahakvi tulsidasji ke anusar yahan par tinon prakar ke shakun a jate hain.
Kya aapko lekh pasand aaya? Subscribe

Kya aapko lekh pasand aaya? Subscribe


svapn, shakun v hastakshar visheshank  June 2012

fyuchar samachar patrika ke svapn, shakun v hastakshar visheshank men hastakshar vigyan, svapn yatra ka jyotishiya drishtikon, svapn ki vaigyanik vyakhya, avdharnaen v dosh nivaran, svapn ka shubhashubh fal, jain jyotish men svapn siddhant, svapn dvara bhav jagat men pravesh, shakun shastra men pak tantra vichar. shakun evan svapn ka prabhav, shakun evan svapn shastra ki vaigyanikta, shakun shastra v tulsidas, hastakshar dvara vyaktitva ki pahchan, svapnon dvara samasya samadhan adi rochak, gyanavarddhak alekh shamil kiye gae hain. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.