गर्मी का वरदान: मड बाथ

garmi ka vardan: mad bath  

Ank ke aur Lekh | Sambandhit Lekh | Views : 1591 |  
sharir panch tatvon se milakar bana hai jismen mitti tatva sharir ko shitlta v shanti pradan karta hai. mitti jivan ka astitva hai, iska sidha sampark sharir v angon ko navjivan deta hai. garmi ke dinon men vatavaran ka tapman barh jane ki vajah se sharir ko atyadhik garmi ka ahsas hone lagta hai aur sharir men mitti tatva ki kami hone par ghamoriyan, tvacha ka jalna, kalapan, muhanse adi taklifen barh jati hain. uske lie mitti-snan liya jata hai. mitti ki apni upyogita hai jo iske gun dharm aur mahima ko barha deti hai. gun dharmah mitti men ektinomaisites namak jivanu paya jata hai. in jivanuon ka vyavhar v acharan mausam ke anurup hota hai aur ye jivanu pani ke sampark men ane par tej gati se vriddhi karne lagte hain. mitti men jo saundhi-saundhi khushbu ati hai, vah inhin jivanuon ke karan ati hai. ektinomaisites jivanu labhaprad jivanuon ki shreni men ate hain. mad-bath: garmiyon ke dinon men sampurn sharir ka mad-bath sharir men mitti tatva ki kami ko pura karta hai. sampurn sharir ka mad-bath asthi-majja ko prabhavit kar lal rakt kanikaon ki sankhya men vriddhi karta hai. mad-snan se tvacha ki rog pratirodhak kshamata barhti hai. jab sharir ki tvacha par lagbhgan 1/2 inch ke aspas mitti ki parat charhai jati hai to tvacha dvara aeksijan dharan karne ki kshamata barh jati hai, falasvarup sharir ka pratyek rom fefron tak aksijan pahunchakar rakt ki shuddhata ko barhata hai. ebhv ke sarvekshanon dvara sabit ho chuka hai ki shuddh v taja mitti kainsar, skin-soraysis, ekjima, kshaya-rog adi men tej gati se labh pahunchati hai, iske sath-sath anidra v diperashan ki sthiti men mitti serotonin ka strav barhakar gahri nind deti hai. mad paik: kisi ang vishesh ko mitti dena hi mitti patti ya mad paik kahlata hai, jaise pet ki mitti patti, sir ki mitti patti adi. mad paik us ang ko vahi labh pahunchata hai jo mitti ka gunadharm hai. kisi ang ka nishkriya ya kamjor ho jane ki sthiti men us ang par mad paik us ang ko navjivan pradan karta hai. mitti ki apni upyogita hai aur mahanta bhi. isilie kaha gaya hai ki mitti ke anusar hi vir aur saput paida hote hain. mitti ka upyog sharir ko javan v sundar banata hai. iska prabhav purushon ki tulna men striyon par adhik parta hai, karan hai stri men projestran harmon ka stravan jo ki mitti se adhik prabhavit hota hai. mitti ka upyog bhinna-bhinn tarikon dvara karke mahilayen apne ko svasth, sundar v javan rakh sakti hain- 1. halki gili mitti men nange pair chalakar yani tahlna. (pairon dvara mitti ka miln) 2. bartanon ko mitti se manjakar. (ismen ek panth do kaj vali kahavat charitarth hai) 3. hathon ko mitti se dhokar. (mitti sabse bara aintiseptik hai) 4. chehre par mitti ka lep lagakar. (adhik chiknai ko sokhakar kil-munhase adi se nijat v rang saf hota hai.) 5. subah khuli hava men ghumakar. (adhik aksijan ke alava shuddh hava v mitti ka shvans se milan.)
Kya aapko lekh pasand aaya? Subscribe
Kya aapko lekh pasand aaya? Subscribe


grah shanti evan upay visheshank  September 2010

jyotish men vibhinn upayon ka fal, lal kitab ke upay, vyavharik upay, upayon ka uddeshya, aushdhi snan v ratnon ka prayog ityadi sabhi vishyon ki sangopang jankari dene vala yah visheshank pratyek ghar ki avashyakta hai. upayon men mantra v upasna ke mahatva ke atirikt yantra dharn/pujan dvara grah dosh nivaran ki vidhi bhi spasht ki gai hai.jyotish dvara bhavishyakathan men sahayta milti hai parantu iska mul uddeshya samasyaon ke satik samadhan jutana hai. is uddeshya ki pratipurti karne ke uddeshya ko pura karne ke lie yah ank vishesh upyogi hai.

Subscribe

Apne vichar vyakt karein

blog comments powered by Disqus
.