मन का कैंसर और उपचार

man ka kainsar aur upchar  

Ank ke aur Lekh | Sambandhit Lekh | Views : 3179 |  
jab man ko kisi galat vikshiptataon (kodh, ghrina, ishrya, lalch) men adhik lanbai tak khincha jata hai to man men ahankar paida hone lagta hai. man men pahle bade ahankar ane lagte hain jo ki sthai hote hain. fir dhire-dhire sukshm ahankar ane lagte hain jo ki hamen dikhai nahin dete hain aur pata bhi nahin chalta hai. ye sukshm ahankar hamare sharir men chal rahi harmonik kriyaon par apna prabhav chodte hain aur sharir ki vyavasthaon men bikhrav paida karna shuru kar dete hain. is bikhrav ke dvara sharir ki upapchiya kriyaen gadbdane lagti hain aur dhire-dhire yah man ka sukshm kainsar sharir men prakat hone lagta hai. ab tak vaigyanikon ne char prakar ke kainsron ki khoj ki hai jo ki sharir ke bhinn angon men hote hain. kainsar vah koshika hai jo lagatar badhti rahti hai aur as-pas ki svasth koshikaon se apna poshan prapt karti rahti hai. is kainsar koshika ka sharir ke lie koi upyog nahin hai. yah kainsar koshika pure sharir par akraman kar vyakti ko maut ke munh tak le jati hai. isi prakar ka ek kainsar man men paya jata hai aur vaigyanik man bhi chuke hain ki sharir men jo kainsar hua hai uska 80 pratishat karan man se hai aur satya bhi yahi hai, kaisa bhi kainsar ho shuruat man se hi hoti hai. tan ka kainsar ham sabhi ko dikhai deta hai par man ka kainsar shayad khud ko bhi dikhai nahin deta hai. jab man ka kainsar tan ke rup men prakat hone lagta hai tab hamen kainsar dikhai deta hai. kya man itna prabhavshali hota hai ki vah sharir par prakat ho jaye- sharir par jo bhi praktta hai vah man hi hai. jaisa man hota hai vaisa hi chehra hoga, vyavhar hoga, avaj hogi, sab kuch man ka hi rup hai. man ka vyavhar hamare sharir ki sukshm se sukshm koshika par bhi apna prabhav chodta hai. man prabhavshali hi nahin shaktishali bhi hota hai joki kisi bhi sharirik bimari se ladne ki svayan kshamata paida kar sakta hai. man ki shakti itni hoti hai ki kisi bhi sharirik bimari se ladne ki svayan kshamata paida kar sakti hai. man ki shakti itni hoti hai ki vah mastishk ko agya dekar kisi bhi rog ke entijan v entibadij ke nirman ki kshamata viksit karva de. man ka sanpurn mastishk par ekadhikar hota hai. man ke vyavhar se mastishk ki sabhi kriyaen sanchalit hoti hain aur mastishk ki karya pranali sharir ke rup men prakat hoti hai. vaigyanik mante hain ki manav ke gunsutron men karib 3 arab jin ke jode hote hain jinmen se karib 1 lakh ke as-pas sakriya hokar manav ke karyon, gunon sanrchna ko niyantrit karte hain. in sabhi jinon ke pas apni suchnaen nihit hoti hain jinmen unke karya sammilit hote hain. in sabhi jinon ka nirdharan nyuraens (tantra koshikaon) ke madhyam se mastishk ke pas hota hai. mastishk yah tay karta hai ki kis jin ko kaun sa karya karna hai aur kab karna hai aur yah sab ek naisargik prakriya ke tahat chalta rahta hai. jab is naisargik prakriya ko vikshipt man ke madhyam se cheda jata hai to yah prakriya gadbdane lagti hai aur jin apna karya badalakar anya karya men lag jate hain aur sharir bimar ho jata hai. man ki vikshiptatayen kaise rog paida karti hai man ki vikshiptatayen hi rog paida karti hain. jaise samjhen, man men jab lalach ata hai ki mere pas adhik hona chahie chahe vah rupya ho, makan ho ya koi vastu, jab lalach ata hai to uske sath-sath krodh, ghrina v ishrya bhi a jati hai. karan saf hai lalach tabhi to paida hoga jab hamare pas kam hone ki ishrya hogi. jab ishrya hogi to ghrina bhi hone lagegi. is ghrina ko bharne ke lie man adhik ki chah karne lagta hai aur chahie- aur chahie kitna bhi mil jayega bas chahiye hi chahie. yahi svarup kainsar ka hai. yadi ganth ko puri tarah kat diya to thik nahin to uski ek koshika fir ganth ban jati hai. yahi lalach ka svarup hai. lalach ko jad mul se nasht kar diya to thik nahin to thoda sa bacha rah gaya to fir vah dhire-dhire vahi rup le leta hai. lalach badhte-badhte hua asakti v ahankar men parivartit hota hai joki man men kainsar ka vikral rup hai. yadi yah badhta rahe to sharir men apna bahya prakshepan deta hai. kya ahankar ka granthiyon dvara sravit harmonon par prabhav padta hai han bilkul prabhav padta hai. karan saf hai, sahaj sthiti men granthi v anya kriyayen achchi tarah karya karti hain. jab in granthiyon par kisi bhi tarah ka dabav ya tanav padta hai to yah apne svabhavik rup men karya nahin kar pati hai aur apne dvara sravit harmonon ke prabhav ko bigad deti hai falasvarup sravit hone vale harmon asantulit ho sharir ko rugn v bimar kar deti hai. man ka sidha sanbandh mastishk se hota hai aur sravi granthiyon ka bhi sidha sanbandh mastishk se hota hai. jab man men koi bhi aisa vichar ata hai jahan tanav, krodh, lobh, ishrya, ghrina adi panpte hain to mashtishk ke kendriya tantrika tantra ki koshikayen sikud jati hain. falasvarup unko aksijan ki saplai men badha pahunchna shuru ho jata hai. aksijan ki kami antahsravi granthiyon dvara sravit harmonon ke srav men teji se badlav kar sharir v mastishk ki karya pranali men vyavdhan paida karti hai jo ki jin parivartan ke lie jimmedar hai. jin parivartan ki vajah se hi sharir ka kainsar banta hai. akhir yah man ka ahankar kya hai- man ka ahankar ek prakar se man ka vah nakaratmak vichar hai jo man ki nakaratmak soch ko apne anurup is prakar dhal leta hai ki vah use achcha manta hai aur man ke anurup karya karvata rahta hai. jab man men ahankar ane lagta hai to ahankar ke piche se kai aise vichar svayan hi a jate hain jo hamen shuruat men to pata nahin lag pate hain par bhayankar hi khatrnak hote hain. ahankar vikshipt man ka bij hai jiske fal atyant dukhdayi v khatrnak hain. akhir ahankar ata kahan se hai- ahankar ek man ka vikar hai jo manushya ke man men hi svayan upjta hai. jab ahankar ata hai to vyakti ko svayan pata lag jata hai ki mujhmen ahankar jag raha hai. yadi us samay sachet rahen to ahankar dhire-dhire vida hone lagta hai. yadi is samay gubar men bhare rahe to yah apni simayen langhakar anya mansik vikaron ko janm deta hai. apni bat par ade rahna, apne ko sahi siddh karna, galti karne par svikar nahin karna, galat ke lie dusron ko jimmedar thahrana, main sahi hun yah bhram paida ho jana, mera kaise labh ho mujhe kaise fayda pahunche. yah shuruati ahankar hai jo badhta hua aur sukshm ahankaron ko janm deta hai. kya is rog ka upchar hai jab rog hai to iska upchar bhi hai. bas samajh a jaye ki kahin kainsar ki shuruat man se to nahin hui. yadi nahin bhi samajh men aye to upchar to man se hi shuru hoga. tan ka upchar matra 20 pratishat prabhavkari hai, 80 pratishat man ka hi upchar prabhavkari hai. kainsar ki sthiti men apka manobal uncha, man saf, svachch, nirmal hai to man ki kriyaen naisargik hone lagti hain, ahar prakritik hone lagta hai vyavhar men asakti ka vyavhar kam hone lagta hai. maut ke prati jo bhay tha vah kam hone lagta hai aur sharir svatah hi dhire-dhire entibadij davalap karne ki kshamata viksit karne lagta hai jisse ap kainsar se lad saken. vaigyanikon ke pas kai praman hain ki vyakti ko kainsar hote huye bhi vah varshon tak svasth jiya. jab use maut ai tab kainsar uska karan nahin tha vah ek prakritik maut thi. fir man ko majbut kaise kiya jaye man ko asani se majbut kiya ja sakta hai. man ki sabse achchi khurak hai sahaj svabhavik sthiti men rahna v kuch niyamon ka palan karna. 1. sthiti jaisi hai use svikar karna. 2. sthiti v paristhiti ke anusar svayan ko dhalna 3. man men jo chal raha hai use svikar karna. 4. galti hui hai to use svikar kar fir n dohrana yadi niyamit rup se dhyan v tratak ka abhyas kiya jaye to man ki safai kafi had tak ki ja sakti hai. galat ichchaon ko pahchanne ki koi jarurat nahin hai. yadi ap niyamit rup se apne man ki safai karte rahenge to galat ichchaen, galat vichar apne ap hi svayan vida hote rahenge. man ki safai 1. mastishk ko aksijan ki atyant jarurat hoti hai, atah niyamit rup se nadi shodhan, pranayam, bhramri pranayam, anulom pranayam, shavasan, makrasan, anapan karen taki man chusta-durust rahe. 2. ahar men halke supachya ahar len jaise ankurit ann, mausam ke fal sabji, miks roti adi. 3. prakriti ke sannidhya men rahen. adhik koshish ho ki prakriti ke panch tatvon ka bharpur prayog karen. prakriti ke niyamon ko samjhna hi hoga. sharir pratyek rogon se ladne ki kshamata rakhta hai aur sharir ka ek niyam hai ki jab sharir rugn hota hai to vah unse ladne v rog ko thik karne ki aushdhi svayan taiyar kar leta hai. sharir rogon se ladne ki aushdhi tabhi taiyar kar pata hai jab man svachch, saf v sakaratmak ho. nakaratmak sthiti men man ki urja jyada kharch hoti hai aur us sthiti men sharir ko svasth karne ke lie urja nahin bach pati hai. saf, svachch v nirmal man ke pas urja ka athah bhandar hota hai jo ki sharir ki dekhrekh karta rahta hai.
Kya aapko lekh pasand aaya? Subscribe
Kya aapko lekh pasand aaya? Subscribe


nakshatra visheshank  February 2013

fyuchar samachar patrika ke nakshatra visheshank men nakshatra, nakshatra ka jyotishiya vivaran, nakshatra rashiyan aur grahon ka paraspar sanbandh, nakshatron ka mahatva, yogon men nakshatron ki bhumika, nakshatra ke dvara janmafal, nakshatron se ajivika chayan aur bimari ka anuman, gandmul sangyak nakshatra adi gyanavardhak alekh sammilit kie gae hain. iske atirikt hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, gun jenetik kod ki tarah hai, damini ka bharat, tarapith, mahakunbh ka mahatmya, lalkitab ke totke, laghu kathaen, jaspal bhatti ki jivnktha, bachchon ko safal banane ke sutra, ank jyotish ke rahasya, man ka kainsar aur upchar v hastarekha adi vishyon par gahan charcha ki gai hai. vichargoshthi men vastu evan jyotish namak vishay par charcha atyant rochak hai.

Subscribe

Apne vichar vyakt karein

blog comments powered by Disqus
.